منتديات لمني بشوق - السمـع والطاعة ..

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

- - السمـع والطاعة .. (https://vb.lmni-bshog.com/showthread.php?t=10949)

السمـع والطاعة ..

قصيده من اختياري

ارجو ان ترضي ذائقتكم

ياجرحي استأذنك بانام لي ساعه
وارجوك وادخل على الله لاتصحّيني

لي خمسة ايام اعيش السّمع والطّاعه
ولك خمسة ايام تامرني وتنهيني

والمشكله جت عروق القلب فزّاعّه
..مايكفي انك سرقت النوم من عيني

اصبحت انا القاز وانت امسيت ولاّعه
..شبيتني يلعن اهلك وش يطفّيني

دكتور وممرضه وابره وسمّاعه
في كل ليله ولايدرون وش فيني

ياسيدي الجرح قلبي يشتكي راعه
لا الذنب ذنبي ولا الموضوع بيديني

حبيت واخلصت واثر الحب فقّاعه
روّح وباقي يموتني ويحييني

غيري هدر دم عشق وللاسف باعه
غيري قتل كل حب بحد سكيّني

وانا الي اصبحت للأخطاء شمّاعه
وادفع ثمن كل غلطه من محبيني

قبلي في العشق ناس وتشكي اوجاعه
قالوا متاهه وانا جيته برجليني

بدايته سلسله ..والنّفس طمّاعه
اغراني ادري ولا في شي يغريني

واليوم لو قلت يااهل الحب وطباعه
انتوا على دينكم وانا على ديني

اجبرني الجرح اعيش السّمع والطّاعه
حتى ولو قلت له ياجرحي اعفيني

من خمسة ايام وانا في رجا ساعه.
.وان جيت بانامها جرحي يصحّيني

رد: السمـع والطاعة ..

غيري هدر دم عشق وللاسف باعه
غيري قتل كل حب بحد سكيّني

وانا الي اصبحت للأخطاء شمّاعه
وادفع ثمن كل غلطه من محبيني

يعطيك العافيه تسلم اياديك

مافي بعد كلامك كلام

رد: السمـع والطاعة ..

اختي الفاضلـة

اشكر لك مرورك العطر

وحروفك

ولك ودي

رد: السمـع والطاعة ..

يسلموووو يالغلا عالكلام الروووعه ..

تقبل ودي و تقديري

رد: السمـع والطاعة ..

اميـر بكلمتي

اشكر لك اخي الكريـم

مرورك العـطر

ولك ودي

رد: السمـع والطاعة ..

مشكور على الموضوع الرائع

رد: السمـع والطاعة ..

اشكر الجميـع على هذا المرور العطر

ولكم اجمل تحيـة

رد: السمـع والطاعة ..

[لايمكن مشاهده الصور والروابط الا بعد التسجيل ]

يـــــســـــلـــــمـــــووووو الايـــــادي , , ,
وربـــــي يـــــعـــــطـــــيـــــك الـــــف عـــــافـــــيـــــه , , ,