منتديات لمني بشوق - عجبتنــــــــــــــــــــــــي حيــــــــــــــل

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

عجبتنــــــــــــــــــــــــي حيــــــــــــــل

الله يجازي من يسوي سواتك
وبذنوب من سوى سواتك يجازيك

مشيت درب الثقل وتحب ذاتك
ماتدري انه للمهالك يوديك

غرك جمالك ياخساره حلاتك
ماتدري ان ماغير طبعك يحليك

بتقول زينك يشفع لسيائتك
الحسن ماهو عن وفاء الحب يعفيك

لو التواضع والوفاء من سماتك
بعت الحبايب كلهم دين واشريك

لاكن عجزت اغيرك ياجراتك
على الغياب اللي بلا عذر ينجيك

خطاي في توضيح وشي غلاتك
وخطاك في توضيح وشو تغليك

وشلون توصيني وتنسا وصاتك
وتصد عن صوتن تقطع يناديك

مافاتك التجريح والعذر فاتك
وتبغى الراي! الحين ماعاد يمديك

صحيح احبك بس هاذي جزاتك
بعلمك درس يفيدك ويحييك

تدري وش ابيض من خفوقك؟ عباتك!
وتدري وش اللي غرني نظرتي فيك

ادري بتستغرب تصبر وجاتك!
قصيدة من واحد كان يبغيك

وتبغى تناظر وانت عايش مماتك
شف وحدتك والناس تجلس حواليك

وتبغى تشوف اشجع رجل في حياتك؟!
شفني وانا مقفي على كثر ماغليك