.•´`•.•´¯`•.›فـــراق الأحبــاب‹.•´¯`•.•´`•.
 

حيل الله اقوى يالعيون الشقيه
وش في يدي غير السهر والقصايد..

اشوف حبي ميت في يدــــيه
واصوغ له بأبيات شعري قلايد..

قالوا توفت وافقتها المنــــــيه
واصحى ترى اللي مات ماهو بعايد..

الموت حق وخل نفسك قويه
ياما بهالدنيا تشوف النكـــأيــد..

قلت العنا شي مااقدر عليــه
والحزن عندي صار سلم وعوايد..

ماتت وذكراها على البال حيه
ودموع عيني لاطرتلي شدايد..

حبيتها والحب ماهو خــطيه
عشقتها عشق على العشق زايد..

وافراقها للقلب من غير نيـــه
وانا اشهد ان فراق الاحباب كايد..

عفت الهوى عفت الليالي الهنيه
عفت الغزل حتى منام الوسايد..

كل الليالي عقبها سرمديــه
والا الفرح في دنيتي شي بايد..

والقلب ميت من ممات الوفيه
مايشحنه حب البنات الجدايد..




أتمنى يعجبكم ذوقي ,,,

Cool Rose