منتديات لمني بشوق - اهدي هذه القصيدة الى كل انسان

السلام عليكم ورحمة الله وبركاته

اهدي هذي القصيده الى كل انسان شاف الخيانه بعينه واقول اللي راح مو احلى من الجاي والقصــيده سمعــتها وحــبيت احــطــها هنــا

لاصار خلك مستحق المسبه *** سبه ترا غيرك من العشاق يسبون
لابوه لابو الحب من قلب سبه *** لابو الغرام اللي حدك على الهون
يانعنبو قلب غشيم يحبه *** ملعون والقلب اللي يغليه ملعون
اقول من هباك ياخبل هبه *** الدون مايسلك معاهم سوى الدون
عز الجفا ولاهوان المحبه *** ماخوذ من يصبر على الذل مغبون
اضهر قوات الباس والضعف خبه *** ترا الضعيف ضعيف لاطعم لا لون
الراس محد يقطعه غير ربه *** اقول عز النفس ماقول لك هون
خله يولي لايذلك بحبه *** ابعد وتلقاهم على البعد يدنون
ولا انت لوترقد وبالعين شبه *** ابرك من اللي يجرحونك ويسرون

ياجاهل افهم واخذ من العلم لبه *** اصبر وتناسا والعذارا ينسون
الرجل عقله دايم قبل قلبه *** ماهو عما بالقلب ومفتح جفون
لاقدموا حبه تقدمت حبه *** وان وخروا وخرت والعز مضمون ترا غلا هالوقت هبه وهبه *** اغلا من هبوب الريح لاتعرب سكون لاساعدك حظك تغانم مهبه *** لاتلتهي بحبك يوم يصدون
قبل يذبك ما بالارداف ذبه *** ترا حلات الرجل طاعن ومطعون
كم عاشق خلوه من غير سبه *** يصفق كف بكف ولايدري وشلون
ماله جدى كود دمعن يكبه *** عليه سيف الهجر والصد مسنون هذا من اول يوم لدوك دربه *** ماعاش في دنيا المجانين مجنون لاكن تبع قلبه وقلبه لعبه *** واليوم يبغا عون ولاحصل العون
روض فؤادك يا ابن الاجواد ربه *** البيض مايصلح لهن كود فرعون
ولا ضعيف النفس دايم مسبه *** ودك مساكين البشر مايحبون