منتديات لمني بشوق - كبرنا وصارت الدنيا تصف احزاننا بالدور....!!!

منتديات لمني بشوق (https://vb.lmni-bshog.com/index.php)

- (✿) تَرَاتِيْل الْرُّوْح (https://vb.lmni-bshog.com/forumdisplay.php?f=23)

- - كبرنا وصارت الدنيا تصف احزاننا بالدور....!!! (https://vb.lmni-bshog.com/showthread.php?t=3925)

كبرنا وصارت الدنيا تصف احزاننا بالدور....!!!

كبرنا وصارت الدنيا تصف احزاننا بالدور....!!!

--------------------------------------------------------------------------------

ياليت ان الزمان يرجع ورى والليالي تدور..
ويرجع وقتنا الاول وننعم في بساطتنا.
.
زمان أول أحس أنه زمان صدق وفيه شعور..
نحب ونخلص النية وتجمعنا محبتنا..
.
زمان ما فيه لا غيبة ولا حتى نفاق وزور..
ياليته بس لو يرجع ونسترجع طفولتنا..
.
صغار وقلوبنا بيضاء ونعيش في عالم محضور..
ولا نعرف أبد أغراب ما غير عيال حارتنا..
.
صحيح صغار بالتفكير لكن ما علينا قصور..
نخطط نكسر اللعبه وتسعدنا شقاوتنا..
.
نروح المدرسة بدري ونضحك داخل الطابور..
نحاول نزعج العالم بروحاتنا وجيتنا..
.
وعشان نأخر الحصه نخبي علبة الطبشور..
نشاغب بس بالأخر تميزنا براءتنا..
.
نحب الضحك والهيصه نحب أنط فوق السور..
نفرفش وليه ما نفرفش مادام الضحك عادتنا..
.
ولكن دارت الأيام وبان الخافي المستور..
وصار الهم متعلي على قمة سعادتنا..
.
كبرنا وصارت الدنيا تصف احزاننا بالدور..
وتهدينا الالم والهم غصب عن عين رغبتنا..
.
تعبنا من بلاوينا أحد ضايق وأحد مقهور..
وكلن غارق بهمة وفي الأخر تشتتنا..
.
وأنا ما أقول غير ألا ياليت أن الزمان يدور..
ويرجع للورى فتره نعدل وضع عيشتنا..

اعجبتني واتمني تعجبكم

تحياتي