منتديات لمني بشوق - الأسهمـ هذي مسخرتنا بقــوهـ

منتديات لمني بشوق (https://vb.lmni-bshog.com/index.php)

- (✿) الضَحَك والفرفشَة (https://vb.lmni-bshog.com/forumdisplay.php?f=12)

- - الأسهمـ هذي مسخرتنا بقــوهـ (https://vb.lmni-bshog.com/showthread.php?t=4608)

الأسهمـ هذي مسخرتنا بقــوهـ

كان فيه واحد " على نياته " ..

جرّب يستثمر أمواله !
وكان عنده ببغاء يتكلم ..

لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..

راعيه ضاق صدره .. وقرر ياخذ الببغاء لمدرب الطيور علشان يعدّله ..

: يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني ..

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..

: أنا مين ؟!

قال الببغاء : أنت صديق الغبي ! ..
وينزله المدرب في المويه الحاااره ثم يطلّعه .. ويسأله ..

: أنا مين ؟

قال : أنت صديق الغبي ..
وينزله في الموية مرة ثانية .. ثم يطلعه ..

: أنا مين ؟

.. وعلى هالحال .. حتى تربى الببغاء وتسنّع ..

أخيرا .. قال له المدرب ..

: أنا مين ؟!

قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ..

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !

قال له راعيه : .. طيّب .. وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك .. تسوي فيها اللي تبي ..

قال راعي الببغاء : طيّب .. إذا دخّلت فلوسي عند " هابتكو " ؟!

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..

قال راعي الببغاء : طيّب .. وإذا دخلت فلوسي عند " الجمعة " ؟ ..

قال الببغاء : طبيعي .. تنويع استثماري .. من أذكى واحد في العالم !
قال راعي الببغاء : طيّب .. وإذا دخلت فلوسي عند " ابن حسن " ؟..

قال الببغاء : ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !
قال راعي الببغاء : طيّب .. وإذا دخلت فلوسي عند " العيد " ؟ ..

قال الببغاء : عادي .. وزي ما يقولون " حشر مع الناس عيد " .. صحيح إنك أذكى واحد في العالم ..
قال راعي الببغاء : .. طيّب .. وإذا دخلت فلوسي في الأسهم ؟!

قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !! ..