منتديات لمني بشوق - خالد يوصي صديقه العزيز بان يتزوج حبيبته بعد موته ..:(

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

خالد يوصي صديقه العزيز بان يتزوج حبيبته بعد موته ..:(

وصاتي لك من بعدي تموت فيها علشاني
***************** ابيها تعيش وتحيا بك واظل بالذاكرة مفقود
وصاتي لك تنسيها ملامح وجهي وتنساني
***************** وتعزفها قصيدة حب على عكس اللى عزفته بعود
وصاتي لك تبعدها عن اشعاري وقيفاني
***************** تراها مغرمه بالحيل ويشهد لي عدد الردود
وصاتي لك تسايرها ترى فيها من احزاني
***************** طلبتك لا يضيق بالك طلبتك والطلب مردود
وصاتي لك تناديها حياتي عمري ازماني
***************** انا عودتها دايم ادلعها وانا موجـــــــــود
وصاتي لك تعاملها بطيبة قلب واحساني
***************** تراها تذرف الدمعه ودمعتها بليا حــــــدود
وصاتي لك تحفظها سور وايات قرآنــــــي
***************** وتخبرها عن الميت رحل لا يمكنه بيعود
وصاتي لك ترسمها على قبري واكفاني
***************** ابيها لوحه تبقى على طوال الزمن محدود
وصاتي لك تمازحها وتشوف الضحكه باسناني
***************** سعيتك يا ضحك هالكون طلبتك لا تصير جلمود
وصاتي لك تقهويها من دلالي وفنجالي
***************** تراها تعشق السمرا ويكفيها دخون العود
وصاتي لك تركبها على خيلي وعلى حصاني
***************** وربي فارسه من قلب شهادة ما هي لشهود
وصاتي لك تسفرها بلاد الشام ولبناني
***************** ترى يحلالها تقطف وردة وردة من بلدالورود
وصاتي لك تراقصها على الحان رحباني
***************** ترى فيها عرق خالة وفيها من جنون السود
وصاتي لك تحببها فأبو نورة بعد هاني
***************** وتنسيها ندم غلطة انا فيها ترى المقصود
وصاتي لك تكرهها في تاريخي وعنواني
***************** ابيها تلعن اللحظه وتلعن كل فرح موعود
وصاتي لك تكلمها عن المجني والجاني
***************** وتخليني انا الظالم وانا من حرق الاخدود
وصاتي لك تشبهني بدم احمــــــــر قاني
***************** وانا هالقاتل السفاح مجرم من عصر نمرود
وصاتي لك تحلفها تتوب تحبني ثانــــي
***************** ترى يكفيها ما عانت ويكفي حيلها مهدود
وصاتي لك تنسيها وصيه قالها لساني
***************** انا اخبرك رجل موقف وانت قـــدها وقدود
صديقي ما لقيت غيرك يعرف وشلون تنساني
***************** امانه ضمها بقلبك ترى خالد رحل ما يعود