منتديات لمني بشوق - الجرح يكبر معي ..والناس مشغوله!!

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

- - الجرح يكبر معي ..والناس مشغوله!! (https://vb.lmni-bshog.com/showthread.php?t=8450)

الجرح يكبر معي ..والناس مشغوله!!

الجرح يكبر معي ..والناس مشغوله!!
والي أبيهم..مشوااا واااحد ورا الثاني

الليله ياطولها,, والدرب ....ياطوله
واللي ورايه__ أحس أنه تعداني!!

الوقت.. لامن تغير هذي فعوله..
إما لعب لعبته,.,وإلا تحداني..

أبواب إمقفله::ودروب مجهوله
وإذا تبي كل حاجه(لازم تعاني)

كلاااام ابقوله لكن..مقدر أقوله!
أشياء في خاطري توقف على لساني

غلطه_ _ومن صاحبي وأقول مقبوله
مره علشانه.. ومره على شاني..

والمشكله,, لو تطول شوي محلوله
عشان مايشمت.. القاصي,, ولا الداني

تكفون وانتم اليا..جيتوه قولوا له؟؟
إني (أعزه كثر معزه اخواني)

،،معقوله ينساني؟؟ لااا ماهي بمعقوله
حتى الشعر وقتها ماراح ينساني,,

فله حجاج.. وقصيد وصوله..وجوله
يعني متى ماتذكر شي يلقاني::!!

ماشلت هم,, الشكوك الدايره حوله,,
والا الخوي لاتردى قلت::يفداني

مرات احس اني حاكم تنقصه دوله!!
ومرات مدري من اللي ينقص الثاني!!