...
تصبــــح علـــي خيـــري زمـــــن ....
الفرق مابيني وبينك
انك تبيني وما ابيك
وهذي كل السالفه .. دروبنا متخالفه
مثل الغدير لاضاقت انفاسه وقف .
يسقي اراضي
يا بسه بس بمكانه لاحراك
مثل الاناني مايبي غير المكان
اللي لقي يروي ضما من قد رضا
واللي بجواره قد لقا
موت العطش واللي يبيه
هو اللي يجيه ياغرورك
ياذاك الغدير ..
اما طريقي مختلف مثل النهر مايلتفت يروي هنا
ويروي هناك حتي الصخور اللي بكت قربك ولا لقيت
رضاك ..
راحت خطاوي رحلتي لديارها حتي ارتوت وعيونها صارت ضحوك
حتي بقايا دمعة منك علي خدود الصخر
جفت من وجودي اهتنت ..
وهذي كل السالفه الفرق مابيني وبينك ..
غيري من قلبي ارتوي حتي لوماجاني اجيه
وغيرك لوجاك انكوي حتي لوكله يبيك ..
مغرور مسكين ارحمك وانت في ذاك المكان
مرحوم ميت واقتلك بالحبر في كل الزمان ..
ماتقدره لوتستطيع الاوتضيع من دوني كلك لي تبيع
حبري انا فوق الربيع مثل الزهر لاهبت انفاس
الدهر تصبح سراب
وارجعك مثل الرضيع
تتعلم اشلون السهرفي حضن دفتر حضرتي ..
والمشكل انك تعترف من جوف نبعي تغترف عذب الصفاء
واحلي مساحات النقاء وترجع تقول انت الوفاء
وانا العناء
ويش لونها شمس الضحي لامالت لديار المغيب
انته كذا مريتني صرت الضحي خليتني صرت الغروب
المعذره باقي وسط جوفي حكي والساعه الحين الواحده
ودي انام وتصبح علي خيري زمن ..
كل الطيبة