[*_* كل الطـيـــبــة *_*...]

حبيبي ماأقول الا .. حرام انك عرفتيني

انا ماكنت ابي عطرك ولاني للخطا عشقان
انا ماكنت ابي الا احس انك تحبيني
وهبتك اجمل احساسي وجيت من الوله عطشان
لقيتك يابعد عمري حسافه ماتحسيني
كتبتك اعذب حروفي .. ( قصيده) وزنها ديوان
قريتيها رميتيها.. ابد ماكنها سنيني
تجين من الفجر كذبه وعينك تخفي العنوان
واشوفك في سواد الليل على الكذبه تمسيني
انا جابتني الصدفه وهذي منة الرحمن
اشوفك تاصفي لغيري صفات الي وصفتيني
حبيبي يكفي اسلوبك انا يكفيني البرهان
انا مااصدق ليش ولكن شافتك عيني
سكت وداخلي صرخه تردد صمتها الجدران
حسافه طاوعك قلبك بلا ذنبٍ تبيعيني
الومك .. ماالومك .. لاالومه وقتي الخوان
عطيتك الف معنى حب وهذا الي تجازيني
انا ماأملك الا قلب .. لكن للاسف تعبان
كفاني منبع الاحزان تفجر به شراييني
احبك؟.. ليه احبك ليه واتوه بعالمي حيران
واشوف الناس من حولك تشوفيهم وتنسيني
احاول اكرهك لكن فؤادي ماكره انسان
غريبه كيف هذا القلب يحب الي جرح فيني
حبيبي داخلي كلمه عساها تشفي الوجدان
حبيبي ماأقول الا .. حرام انك عرفتيني


مع خالص تحياتي

المصدر: منتديات لمني بشوق - من قسم: (✿) تَرَاتِيْل الْرُّوْح