هذي بعض عبارات شبابنا اللى ما يعجبهم العجب ولا الصيام في شهر رحب
من الالف الى الياء
أ/انت يا **** ( مشفر) خخخخ ....وين شماغي.... (والمشكله الشماغ جنبه الله لا يعمينا)
ب/بروح اكشت مع ربعي.......... (روحت جدي ان شاء الله)
ت/تراني بتاخر اليوم......... (موا شي جديد متعوده الحرمه)
ث/ثواني وانا عند الباب ....اجهزي... (ولا يوصل الا بعد ساعه وهي ملطوعه عند الباب)
ج/جاي تعبان من الشعل مو فاضي لج......... (كن مايشتغل حد الا هو )
ح/حريم مايجون الا بالعين الحمراء......... (جملتهم المفضله )
خ/خذي اعيالج وفارقوا عني تراكم صدعتوني........ (كأنهم عيالها لحالها)
د/دوري احد يوديج ويجيبج......... (وانت شنو شغلتك )
ذ/ذاك الصيف سافرنا هالسنه محنا مسافرين ..... (!!!!!!!!!!!!)
ر/راتبج نزل يا بعد عمري.......... (توه يقول الكلام السنع يوم جت الدنانير)
ز/زيدي العشاء ترى الرجاجيل كثروا............ (والعشاء استوى وخلص وشلون تزيده )
س/سيارتي فاضي بنزينها وما معاي خردة.......معاج سلف..... (رددي يالليل مطولك ماهي راجعه لك)
ش/شيلي المقاضي شوفيها عند الباب ......... (ورى ما تشيلها انت يامال الحروال)
ص/صديقي بيسافر برى تراني بخاويه......... (خايف عليه يضيع ولا اشلون)
ض/ضايق صدري ....ضايق صدري....كل ما دخل البيت..... (وهو عند ربعه الضحكه شاقه الحلج )
ط/طالق.........طالق......طالق......... (هذي ان خربت الاخلاق عاد)
ظ/ظروفي ما تسمح.................. (كثير نسمع ها الجمله)
ع/عصاقيل تصافق واشهب الهب ويبي وحده حلوه.......... (أقوووووول فارق بس)
غ/غالي هذا ........دوري غيره............ (متحسف عليها الغالي يا مال الفقر)
ف/فلااااااااااااان تزوج على حرمتن ثانيه...... (يحرض الرجال يعني تزوج على زوجتك )
ق/قومي بلا دلع........ما فيج الا العافيه.............. (وهي حرارتها مرتفعة )
ك/كل كلامه هوااااااااااااش ماعنده تفاهم
ل/لا تروحون ابعيد............. (خايف يعرفونه البنات اذا طلع مع اهله)
م/معزوم على الاستراحه............ (أمحق عزومه اللى كلها لعب بلوت)
ن/ناااااااااااادر ما يشكرها على شئ سوته
ه/هيه.......أنتي............(طبعا هذا اسمها في الاماكن العامه)
و/ورى ما تسمنين .....وان سمنت قال...ورى ما تنحفين.........
(خير هي لعبه أن ضغطت زرار سمنت ولا نحفت)
ي/ياااااااااااازين ها المذيعه............ (ياخي استح على وجهك اللى جنبك قوطي ما يحس)
ملتوش لعنونكم الحلوات