ثلاث ساعات اتصل مشغول ليه ؟!!!!!!!!!

[قطر الندى]

ثلاث ساعات اتصل مشغول ليه ؟!!!!!!!!!

جت ثايره متوترة و قلت الحلـو زعـلان ليـه
الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه
قالت بكيفـي والسبـب ماهـو بـلازم تعرفـه

شي ما يخصك اتركني في حالي الحزن اشتهيـه

احد اشتكى لك؟ يووه يا بعض الخلايـق ملقفـه

قلت انت لو ما تشتكيـن الهـم قلبـي يشتكيـه
من يوم اشوف الحزن من تحت الرموش المورفه


وشلون ما تبغيني اسـأل ليـه همـك تحمليـه
وانـاا بتهاجاتـي علـى نفسيـتـك متوقـفـه

زود انفعالاتـك يـؤثـر بانفعـالاتـي واتـيـه
تأثير يتناسب تناسب طـردي ابنفـس الصفـه

لو اعـرف اللـي زعلـك والله لاخذلـك حقـك
وإلا يجي لك يعتذر غصبـاً عـن اللـي خلفـه


قالت على بالك تتريق؟؟ يا برودك يييي ييـه
احر ما عندي هو ابـرد شـي عنـدك والطفـه


قلبتها ليه فيزياء وانـا احسـب انـك سيبويـه
اقول لـك حـره وبرضـك ماتسيـب الفلسفـه

مدري انت تستغبي معي وإلا مسوي لي نبيـه؟
وإلا انت فاكرنـي لهـذا الحـد انـا متخلفـه؟


لا لا حبيبي مو بنا اللـي يخدعـه مـا تدعيـه
مبروم ما يفتـل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه
من يوم آعرفك وانت ما تتـرك معـاي اللفلفـه


قلت اذكري الرحمن واعطيني سبب واحد وجيـه
يعطيك حق انـك تدينينـي لـو انـك منصفـه

قالت لي اسأل نفسك اش سويت بالحب النزيـه
منهو الذي مشغـول جوالـه ودمـي استنزفـه؟


ثلاث ساعات اتصـل مشغـول يا(خـي) وليـه
مدري تفاوض بوش وإلا انهـا بدايـة معرفـه


طبعاً مطنشني وداخـل جـو لكـن وش عليـه
مانـي بزعلانـه علـى شانـك وإلا متحسفـه


ليه الحسايـف دام قلبـك بـاع قلبـاً مشتريـه
إلا خسـاره فيـك دمعـاً فـي غيابـك بذرفـه

قامت وراحت واتركتني قلت معـذاري اسمعيـه
زمت شفايفها ولفحـت شعرهـا فـي عجرفـه


لحقتها قلت افهمي الموضـوع قالـت مـا ابيـه
قلت انت حره واتركتنـي آآآهـياهـي مجحفـه

اسبوع يا(الظالمه) لا زادي ولا النـوم اهتنيـه
احب هالمجنونـه اللـي فـي عذابـي مسرفـه


من يوم راحت والسوالف كلهـا لهجـة سفيـه
وذكرياتـي لأجـل يسكـت كلـهـا تستحلـفـه

والوقت باسط كف قابض كف يفرك فـي يديـه
له عين يتشمت وانا اللي كنت بالضحـك اتلفـه


ان كان مر اسبوع ما جانـي اتصـالاً محتريـه
بطلبك يا(القلب) خدمـه كـان مـا فيـه اكلفـه

اطلع شهار وقول عندي شخـص ربـي مبتليـه
واحجز سريراً زين في غرفه فسيحـه مشرفـه


ومر وصلنـي عسـى الله لا يهينـك يالوجيـه

تلقاني اتحـراك لابـس ثـوب نـوم ومنشفـه

اتمنى القصيده تعجبكم

مــــنــــقـــــول

المصدر: منتديات لمني بشوق - من قسم: (✿) وَزْن وَقَافِيْه

يسلم لنا منقولك يالغلا

روائع كل ما تكتبين وما راق لكي راق لنا من بعدكـ

احتراميـ لكـ


شنب الارنب

[هدوء البـحـ صفاتي ـر...]

طرح في غاااايةالروووووعة

تسلمييين يالغلا

دمتي بوود

[فارس الغربه...]

اطلع شهار وقول عندي شخـص ربـي مبتليـه
واحجز سريراً زين في غرفه فسيحـه مشرفـه


ومر وصلنـي عسـى الله لا يهينـك يالوجيـه

تلقاني اتحـراك لابـس ثـوب نـوم ومنشفـه

روعهــ ياميرهــ

كلماات جميلهــ

لاهنتيـ

على هذا النقلــ

الراائعــ

[قطر الندى]

الشكر كل الشكر
شرف لكلماتي قراءتكم لها
عساني ما انحرم منكم

[احلاهم واتحداهم]

ابيات رائعه راقت لي كثير
تسلم اناملك على النقل
يعطيك العافيه
بنتظار جديدك
دمتِ بود

[قطر الندى]

احلاهم
يسعدني ان موضوعي اعجبك
قراءتك كلماتي شرف لها ولي
لا تحرمينا تواجدك

[دمعتي على خدي]

احد اشتكى لك؟ يووه يا بعض الخلايـق ملقفـه
روووووووووووووووووعه