خيــــــــــــــــــــــــــــــانة......

[حموود...]

خيــــــــــــــــــــــــــــــانة......

السلام عليكم ورحمة الله وبركاته

صوتك اللي فيه نبرات الخيانة
كنت أحسبه لاقسى وقتي صفالي


كنت أجي له وأحتمي بعطفه وحنانه
وفي هجير الشمس عديّته ظلالي


كنت أذوق المر وأستحمل عشانه
كان آمالي وحلمي اللي بقالي


كنت أحسبه في الوفا عالي بنانه
وكان قدره في خفوقي حيل عالي


لين شفت الغدر في زلة لسانه
وانذبح قلبي وأنا أشوفه قبالي


جا يحسب إن الزمن باقي زمانه
ما درى إن ماعاد له بقلبي مجالي


جا يقول الأمر شوية خيانه !!!
"سامحيني وإنسي مافات وتعالي"!!!


قلت حدك لاتظن إنك ميانه
إرحل ولاتحلم بلحظة وصالي


لا تبرر موقفك كافي لعانه
طبعك اللي أرخصك في عين غالي


بنت وماأرضى في طبوعي الإستهانة
أعتزي بديني وغيره ماأبالي


لو تحب بصدق ماخنت الأمانه
ولو بصدرك قلب.. ماترضى العنا لي


قلبك اللي مات يحتاج لصيانة
ومن ظلام الوقت تحتاج انتشالي


تعلّمك الأيام من كانت فلانه
وإتعرف قدري وماتلقى بدالي


وإن قلبي مافي مثله في حنانه
وإن حبي صعب تلقى له مثالي


انتهينا...ماله بنفسي مكانه
وعن دروبه شد ياقلبي الّرحالي


ببتعد عن عالمه وأنسى كيانه
وإن لقيته شرق...أنا برحل شمالي


وإن تعبني الشوق واشتقت لزمانه
بذكر اللي صار كله في خيالي


وأذكر إني صنت له قلبي وخانه
وإني عانيت الألم طول الليالي


ربي أرجو رحمتك والإستعانة
وعن جميع الخلق تكفيني سؤالي


دفتر الذكرى...ونبرات الخيانة
هذا كل اللي بعد حبه بقالي

المصدر: منتديات لمني بشوق - من قسم: (✿) وَزْن وَقَافِيْه

[ملكة بإحساسي...]

يااااااااااربي

عذاااااااااب يا اخوي

روعه والف روعه

صراحه وايد شي

صح لسان من قال

وعلى شان من كتب

تسلم يدك

[لايمكن مشاهده الصور والروابط الا بعد التسجيل ]

[حموود...]

يعطيك آلــف عافيــة
علــى مرورك الكريــم

[حلامي...]

كلام حلوووو ....
والله يعطيك العافيه وتكتب لنا دووووووم

[مكسور الخاطر...]

انا وجدت هذه الأبيات وقلت أجيبها لكم
اهداء لبنات السعوديه
--------------------------------------------------------------------------------

إن بغيت الطيب فيهـا طيـب مـا مثلـه مثيـل
وإن بغيت الحسن ربي صاغها بـأروع جمـال

وإن بغيت الجود فيها الجود من عـرقٍ أصيـل
هذي ( بنت المملكه ) بنـتٍ تضاهـا بالرجـال

ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )

الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال

الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال

بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال

أي وربـي للسعوديـه انـا مارضـى بـديـل
يا بعدهم يالرطب ياللـي كسـر سـوق الخـلال

يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال

يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال

من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال

إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال

من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال

إنتي نهرٍ مـا يجـف مـن العطـا يالسلسبيـل
وإنتي في دنيا الهوى وطبع الوفـا أروع مثـال

إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال

لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال

إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال
تحياتيـ لكم جميعا,,,

اخوكم
مكسور الخاطر
[لايمكن مشاهده الصور والروابط الا بعد التسجيل ]
[لايمكن مشاهده الصور والروابط الا بعد التسجيل ]

[غلا السعوديه...]

أنا بعلق على القصيدتين مع بعض

بصراااااااااااااااااااااااااااحه أكثر من رووووووووووووووووووووووعه صح لسان قايلينها و تسلم يد كاتبينها

[لايمكن مشاهده الصور والروابط الا بعد التسجيل ] [لايمكن مشاهده الصور والروابط الا بعد التسجيل ] [لايمكن مشاهده الصور والروابط الا بعد التسجيل ]

[نزف الجروح...]

لين شفت الغدر في زلة لسانه
وانذبح قلبي وأنا أشوفه قبالي

جا يحسب إن الزمن باقي زمانه
ما درى إن ماعاد له بقلبي مجالي

جا يقول الأمر شوية خيانه !!!
"سامحيني وإنسي مافات وتعالي"!!!

قلت حدك لاتظن إنك ميانه
إرحل ولاتحلم بلحظة وصالي



صـح لسـانك أخـوي حمـود وصح لسان الشاعره

ليتك ذاكر أسمها تسلم أناملك لاتحرمنا جديدك



إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال

لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال



صـح لسانك أخوي مكسور الخاطر

وتسلم أناملك ولاتحرمنا من جديدك

تقبلو تحياتي ..

نزف الجروح