مع السلامه قصة واقعيه

[حايليه كلي ذوق]

مع السلامه قصة واقعيه

مع السلامه ودير بالك على مستقبلك .. وهالله هالله بالغلا دخيلك لا يمحونه

الجــــــــزء الأول............

سعود : خالد وش رأيك اليوم نطلع؟
خالد : وين نروح؟
سعود : مدري شوف لنا أي مكان نروح له بصراحة ضايق خلقي!
خالد : يلا امش خلنا نروح نفتر بالمجمعات!! وإذا خلصنا نروح الديوانية
هناك عند الربع
في المجمع...كان في بنت تقريبا عمرها 16 كانت مع أمها وأخواتها
الصغار...
سعود : خالد شوف هالبنت
خالد: وش فيها؟
سعود : قلبي تلته!!
خالد : يرحم والديك امش مالنا خلق الشباب هناك ينطرونا ما نبي نتأخر
عليهم...
سعود: خالد أمانه بس دقايق بنوقف عندها..
خالد: يا ولد أنت صاحي البنت بين عليها صغيره ومو قد هالسوالف؟
سعود سكت ومشى مع خالد وكان كل تفكيره في هالبنت!!
ويوم وصلوا الديوانية ....
خالد وسعود: السلام عليكم
الشباب: وعليكم السلام والرحمة....
نواف: وينكم ليه تأخر توا؟؟
خالد : المجمع نتمشى شوي وردينا...
ناصر: في مزايين؟؟
سعود: لا إحنا وين وهالسوالف وين؟
خالد: إيه ادري ما كنك وقفتني هناك عشانها...
ناصر: ومنهي ذي؟....
خالد:وحده وحده!!
سعود: لا تصدقونه بس يبي يورطني
ناصر: يبي يورطك ها؟
الشباب: هههههههه هههههههه
وبصوب ثاني سعود كان سرحان ...
خالد: سعود يا خوي وين وصلت؟
سعود: ها شنو لا عندك عندك....
خالد : علينا!! صح كنت تفكر فيها؟
سعود: من؟؟
خالد: بعد من ؟ البنت اللي قبل شوي..!!
سعود: تبغي الصدق أنا أشهد إنها أخذت كل تفكيري..
وبعد ثلاث أيام....
تليفون سعود يدق......
سعود : ألوووو
خالد: مرحبا
سعود:هلا والله خالد
خالد: سعود بسرعة تعال.. أنا بالمجمع (.......)
سعود : وليه أجي
خالد: تذكر البنت اللي لقيناها بالمجمع ذيك المرة....
سعود: إيه وأنا اقدر أنساها؟
خالد: كاهي قدامي
سعود: احلف
خالد: وربي بسرعة تعال...
وبعد دقايق اختصر مسافة الطريق سعود من قوة السرعة........؟
سعود: هلا خالد أنت وينك
خالد: تعال أنا فوق
سعود بعد ما وصل...
سعود: ها خالد وينها؟
خالد: كاهي
سعود: حلو وراها
سعود وخالد كانوا يلحقون البنت ونواف وناصر راحوا بصوب ثاني
خالد: يا ولد البنت ما عطتنا وجه
سعود: وربي للحقها لين أعرفها من هي...
البنت خافت من تصرفاتهم... وقالت لأمها
البنت: يمه شوفي هالشباب صار لهم ساعة يلحقونا
أم البنت: وينهم..وينهم..
أم البنت: يا صبي تعال
خالد: أنا
أم البنت: إيه أنت تعال
خالد وبصوت خفيف : سعود تعال معي مو توهقني
أم البنت... خير وش عندكم صار لكم ساعة ورانا تبون شي
خالد: لا والله ما بغينا شي
سعود: بلا بغينا
أم البنت : وش؟؟
خالد: لا لا يمزح .؟
سعود: ها لا ولا شي خاله بس إذا انتوا تبون شي ترى أنا حاضر..
أم البنت: يا شباب روحوا والله يهديكم
خالد وسعود...: أمين يا خاله
خالد: كله منك
سعود : وشفيك وقفت امش
خالد: وين
سعود: وراها؟؟
خالد: من صجك؟
سعود: والله ما أخليها
خالد: خلاص أنا بروح لنواف وناصر وأنت روح معها!!
سعود بعصبيه : ما تشوف شر
خالد: بس دير بالك ها؟
سعود: لا توصي حريص
ولحق سعود البنت لين وصلت بيتهم وعرف عنوان البيت
ومن حظ سعود إن بيت جيران هالبنت من ربع سعود
راح سعود واتصل على رفيقه
نواف: هلا سعود خير؟
سعود :نواف روح بيتكم بسرعة
نواف: خير فيه شي
سعود: خير إنشاء الله بس تعال
وصل نواف بيتهم..
نواف: هلا سعود
سعود: نواف عرفت البنت اللي ألحقها أنا وخالد
نواف: إيه قالي خالد عنها بس ما أعرفها؟؟
سعود: هذا بيتهم .....(( سعود يأشر على بيت البنت))
نواف: وش من صدقك أنت..
سعود وأعصابه متوترة : ليه فاضي أنا أضحك مخليك تطق درب عشان أقولك نكته؟
نواف منصدم: .........
سعود: نواف وش فيك سكت قول وش تعرف عنها...
نواف: مدري شنو أقول؟؟
سعود: تكفى وأنا أخوك ريحني وقلي وش اسمها وش أصلها؟؟
نواف: بنت ونعم فيها ناس أجاويد وهم بدو وهي أكبر أخواتها
والباقي صغار؟
سعود : أنزين وش اسمها؟
نواف: اسمها أفراح !!
سعود: يا ويل قلبي يا أفراح
وبعد تفكير قرر يروح لها الصبح عند بيتهم ينطرها تروح
المدرسة بيشوف أي مدرسه؟؟
والصبح
طلعت أفراح بتركب باص المدرسة... إلا وتنصدم بالجيب اللي
واقف قبال البيت ... أفراح خافت وركبت الباص...
في المدرسة
أفراح كان عندها شلة بنات يعني ما شاء الله عليها رفيقاتها واجد من أيام
المتوسط وهذي هي شلتها ما تغيرت لين جات الثانوية
((على فكره أفراح ثالثه ثانوي))
كانت أفراح قاعدة مع رفيقاتها وكذا بنت معهم .........
أفراح: عذاري تعالي شوي بغيتج بسالفة!!
عذاري: في شي أفراح؟
أفراح: لا بس بغيتج بشغله؟
عذاري ومالها خلق تقوم...........
أفراح: يالله عجزتي وأنتي صغيرة
وقامت عذاري مع أفراح بروحهم............
عذاري: خير خوفتيني؟
أفراح: عذاري في واحد أمس كان يلحقني بالمجمع واليوم شفته
قدام بيتنا واقف
عذاري: ومن هذا؟
أفراح: وأنا شدراني عنه؟؟
عذاري: أنزين كلمج قال شي
أفراح: لا بصراحة ركبت الباص بسرعة من الخوف
عذاري: يمه أكيد عرف مدرستنا
أفراح: وجع عرف بيتنا مو عجزان لا يعرف المدرسة..
عذاري:طيب أنتي عاد ديري بالج منه
أفراح: ولا يهمج صاحبتج ما هي هينة
((أفراح بنت محترمه والكل يحترمها ويحبها لقلبها الطيب وأسلوبها الحلو وشكلها أنثوي اللي يشوفها على طول تدخل قلبه بصراحة وإلا هي بدويه وحكيها البداوي...))
أفراح: يوم وصلت البيت وأنزلت من الباص كان سعود واقف قدام سيارته عند بيت أفراح.....!!
أفراح خافت وظلت تطق باب البيت بسرعة وبقوه
سعود يوم شافها خافت وشكلها مرتبكة ركب سيارته وحرك
دخلت أفراح البيت وهي خايفه وتقول في نفسها : يا ربي هذا وش يبي ..؟
وبعد ما بدلت ملابسها وتغدت اتصلت على دانه بنت خالتها وتوأم روحها
دانه : هلا والله أفراح شلونج ؟
أفراح : بخير الحمد لله أنتي شخبارج؟
دانه : أبد ماشي الحال ..... غريبة متصلة هل الحزه توقعتج نايمه ؟
أفراح : أنا وين والنوم وين؟
دانه : ليه عسى ما شر شفيج ؟
أفراح : ورطه إلا وهقه أقولج مصيبة !!
دانه :وجع تكلمي وقفتي قلبي خير ..؟
أفراح : أي خير أي خير
دانه : أفراح ماني ناقصتج بتكلمين وإلا شلون..؟
أفراح : أمس رحت السوق مع أمي وكان في واحد طول الوقت يلحقني
واليوم الصبح شفته واقف قدام بيتنا والحين وأنا راده من المدرسة لقيته
قدام البيت
دانه بخوف : يما أحلفي .....
أفراح : وربي يا دانه بس هو يوم شافني نازله من الباص مشى ...
دانه : طيب وبعدين
أفراح : ما أدري يا دانه وش الحل
دانه : أفراح هل الأشكال من الشباب ما راح يوقفون عند هل الحد وبس
أفراح : وش قصدك ؟
دانه : ما أدري بس صدقيني ما راح يسكت على إنه يلحقك وبس ؟
أفراح : إذا استمر على كذا ببلغ أمي وهي تتصرف
دانه : إيه والله بعدين يسوي مصيبة يقطها براسنا
أفراح : يالله عاد قلبؤؤؤ ألحين قلت لج السالفة عاد ظفي وجهك بنام
دانه : إيه صح يالله باي
أفراح : باي
\
\
\
سعود كان موصي نواف يجيب رقم أفراح...
ونواف قال خلاص أبشر بحاول أخذ الرقم من خواتي...
\
\
\
في بيت نواف
\
\
\
نواف: سارة ((أخت نواف)) أبي ألعب بتليفونج شوي...
سارة: اوكي
نواف على طول دخل على قائمة الأسماء وأخذ رقم أفراح....
نواف طرش الرقم مسج ل سعود ؛؛؛ سعود استغرب من رقمه هذا ودق على نواف::
سعود : نواف من رقمه هذا اللي طرشته لي
نواف: رقم أمي
سعود : وش أبي في أمك
نواف: غبي أنت هذا رقم أفراح أخذته من تليفون أختي
سعود : يلا يلا مع السلامة
نواف : وليه
سعود: ببشر خالد
سعود دخل على خالد وناصر بالديوانية
على فكره
((خالد وسعود ونواف وناصر ربع من يوم كانوا صغار يعرفون بعض لأنهم كانوا جيران...ولمن اكبروا كل واحد فيهم تغيرت منطقته....بس
هذا ما غير على صداقتهم))
سعود: شباب عرفت اسمها ورقمها وقبيلتها كلها...
ناصر:والله انك منت هين
سعود: أفا عليكم صاحبكم ذيب
خالد: شنو أسمها؟؟
سعود: أفراح
وبدون صبر ..................
سعود دق على تليفون أفراح
أفراح استغربت منو هالرقم؟
أفراح بصوت خفيف: ألو
سعود طاح قلبه...
أفراح: ألو
سعود: ألو هلا
أفراح: هلا فيك
سعود: منو معي
أفراح: من بغيت
سعود: لا لا غلطان أسف
أفراح: حصل خير
سعود: السموحه على الإزعاج.
أفراح: لا عادي ما حصل شي
سعود: يلا مع السلامة
أفراح : مع السلامة
سعود....انجن استخف : يووووووووه يا حلو صوتها يا خالد
خالد: هذا صوتها وأنت غلطان اجل غيره وشلون...
((سعود عمره 21 سعود رجال في معنى الكلمة رجال يثبت
على الشارب على قولتهم..!!
ما عنده لعب وخرابيط يعني ما عنده أنه يكلم بنت أو أكثر إلا أفراح
لأنه حبها من كل قلبه............
كان فيه ملامح انه مزيون بس ما كان أحلى من أفراح
أفراح طولها متوسط جسمها حلو وبشرتها بيضه عيونها عسلية غامقة
...))
((أفراح أقعدت أتفكر هذا منو ومعقولة يكون غلطان
أفراح فز قلبها لهذا الاتصال...))
جى حق أفراح مسج بتليفونها كانت الساعة 10 بليل....
لا تقول لي أنت وشفيك
ولا تصد عني ولا تجفاني
جيتك اليوم لمعانق ايديك
وأصارحك بكل ما في كياني
أحبك وأعشقك وأهواك وأغليك
ولجلك مستعد أبيع كل خلاني
ومن كان قبلي يحبك ويغليك
أرجوك خلني بقلبك معاه ولا تنساني"
أفراح انصدمت وطرشت مسج..؟
منو أنتي... << تصفي النية ..
جاها مسج ثاني....
(( هلا وغلا أنا سعود يا أفراح))
أفراح طرشت مسج......
(( هـهـهـهـهـه أي سعود أكيد أنتي عذاري...))
دق سعود
أفراح ما كانت بترد بس قالت في نفسها قال أفراح هو يعرفني
أفراح: ألو
سعود: مرحبا
أفراح: هلا منو؟
سعود : معاج سعود يا أفراح
أفراح: سعود منو؟
سعود: سعود اللي بالمجمع (....) واللي واقف قدام بيتكم
أفراح من الخوف سكرت التليفون
-------------------------------------
الجــــــــزء الــــــــثاني......

وفي المدرسة
مريم: أفراح فيج شي؟
أفراح: لا
سارة: إيه أفراح أنتي متغيره حيل في شي مضايقج؟
أفراح: لا ولا شي خلوني في حالي بنات ..
عذاري : أفراح قومي معاي
أفراح : وين ؟
عذاري : برى الصف نتمشى قبل الأبله لاتجي
أفراح : أوكي يالله .............. ولمن طلعوا
عذاري : أفراح شفيج مو على بعضج اليوم كلش
أفراح : لا عادي عذوره ولاشي
عذاري : أفراح تكلمي بسرعة قبل لا تدخل الأبله
أفراح : عذاري الرجال اللي قلت لج عنه أمس طرش لي مسج وهو يعرف
أسمي....
عذاري : شنووو ؟ تتكلمين من صج أنتي ؟
أفراح وشوي وتبكي : إيه أنا خايفه عرف بيتنا وأسمي ورقمي وبعدين
وآخرتها وش يبي
عذاري : خلاص ما عليج هونيها وقولي لأمج أو أبوج ترى هالسالفه ما ينسكت عنها أبد
أفراح : ودانه بنت خالتي قلت لها وقالت لي مثلج بس أنا خايفه
عذاري : من شنووو خايفه ؟
أفراح : أخاف إنه يعرف عني أشياء وبعدين يتبلى علي بالسالفة ويقول
إني أعرفه ....
عذاري : لا أفراح حنا بنات قبايل وأهلنا واثقين فينا وفي تربيتهم لنا
صدقيني ما راح يشكون في السالفة إلا إذا سكتنا عنها
أفراح : خلاص أنا اليوم بروح لبيت دانه وأشوف الوضع معاها وأبلغ أمي
عذاري : أوكي أجل وبلغيني ويالله الحين تأخرنا عن الحصة وين كنا شنووو نقول للمدرسة ؟
أفراح : بنقول نودي الدفاتر حق أبله العربي
عذاري : إيه أبله العربي هبله يالله مشينا
وفي نفس اليوم
أفراح : يما أنا بروح لبيت خالتي عند دانه مع السايق تبين شي ؟
أم أفراح : لا يما بس إذا وصلتي اتصلي علي
أفراح : أوكي يالله باي
أم أفراح : يالله مع السلامة
وفي أثناء الطريق صار ل أفراح حادث لمن كانت
بتروح لبيت خالتها دخلت أفراح المستشفى...
أول ما درى بالخبر نواف واتصل على خالد
نواف : خالد وين سعود
سعود: عندي ليه؟
نواف: اطلع عنه أبي أكلمك...
ويقوم خالد ويطلع من المجلس اللي فيه سعود........
خالد : هلا طلعت خير نواف فيه شي ...؟؟
نواف: أفراح سوت حادث و سعود ما يدري....بغيتك تعلمه
خالد : حسب لك بشارة أنت
نواف: قوله أنت أجل وشلون تبيه يدري؟
خالد: أيه صح وشلون بيدري؟
نواف: يالله أجل بلغه وأتصل فيني
خالد: أوكي يالله مع السلامة
ودخل خالد الديوانية..................
خالد قال ل سعود... كلمت أفراح؟
سعود: لا ليه؟
وكمل كلامه سعود:أدق على جهازها من أمس ما ترد؟؟
خالد: سعود أفراح سوت حادث
سعود: وشلون وأنت وشدراك؟
خالد:اتصل علي نواف وبلغني
سعود بدون تفكير على طول اتصل على نواف
نواف: هلا سعود
سعود: وأنت وشدراك؟
نواف : اسمع خواتي يتكلمون عنها؟
سعود: وهي في أي مستشفى؟
نواف: دقايق اصبر علي بحاول اسحب خواتي بالكلام عنها..
سعود: تكفى وأنا أخوك بسرعة
\
\
\
وراح نواف لخواته
نواف مسوي فيها ما يدري: ريم إلا بسألك بيت جيرانا صاير فيهم شي؟
ريم (( أكبر من سارة وأصغر من نواف)): أيه أفراح بنتهم صار عليها حادث.........
نواف: وشلون صار حادثهم
ريم: كانت رايحه بيت خالتها مع السايق بروحها وطلعت بوجهم سيارة على سرعه.......
نواف: صار فيها شي؟
ريم: والله ما أدري لأنه حادثها ما صار له ساعة
نواف: وأي مستشفى
ريم: بالمستشفى (..........)
نواف: إلا صج وين أمي
ريم: توها راحت مع أم أفراح وداها سالم أخوي
( سالم أكبرهم )
دقايق ونواف طرش مسج ل سعود وقاله هذا المستشفى
سعود وهو يأخذ غترته وماشي اتجاه الباب : خالد أنا طالع
خالد: وين؟
سعود وهو معطي ظهره خالد: بروح لها؟
خالد:يا ولد اصبر عندها أهلها شوف الوضع بالأول؟؟
طلع سعود ما رد على كلام خالد..........................................
سعود لمن وصل هناك كان مرتبك وما يدري وش يسوي؟؟
سعود يكلم موظف الاستقبال: أخوي في حادث قبل شوي صاير
الموظف: لا حول ولا قوة إلا بالله يا كثر الحوادث..... وش الحادث اللي بغيته
سعود: حادث بنت أسمها أفراح
الموظف: أفراح فيصل؟
سعود ويرد بسرعة :أيه أيه
الموظف: هي الآن بالملاحظة
(( وملاحظة الغرف ما يدخلها إلا النساء ))
وصل سعود الملاحظة وشاف الممرضة طالعه من الغرفة
سعود: لو سمحتي
الممرضة : نعم
سعود : في مريضه باسم أفراح فيصل....؟
الممرضة: أيه نعم
سعود بخوف : وشلون حالتها طمنيني عنها
الممرضة : الـ 24 ساعة الجايه تثبت حالتها
والممرضة تركت سعود ومشت وخلته
وسعود راح بحالة تفكير عميقة وهو يطالع في غرف الملاحظة
((..... لا باس يالغاليه قلتها لك
من قلب يخلص لك يحبك ويغليك
ياليتني كنت المريض بدالك
وليت المرض يا بنت فيني ولا فيك.........))
وكسر صمته صوت تليفونه يدق.....................
سعود بضيق : هلا خالد
خالد بخوف : وينك وش صار وش سويت؟
سعود : مسافة الطريق وأجيك أنطرني؟
خالد: يالله أنطرك بسرعة.............
وطول الطريق وسعود بتفكير............... يفكر بحالة البنت اللي حبها
وما بعد درت عنه
ودخل سعود ديوانية خالد ووجه مكتئب..............وطاح سعود من حيلة
على الأرض وجلس جنب خالد.........
خالد: ها وش صار
سعود يتكلم وهو مسند رأسه على الطوفه ومغمض: الـ 24 ساعة تثبت حالتها
خالد: وكل أمرك لله والله يشافيها
سعود: يا ويل حالي كان حصل لها شي
خالد: تعوذ من الشيطان ولا تيأس من رحمة ربك
سعود: ونعم بالله

وبعد يومين راح سعود من صباح الله خير يم المستشفى وسأل عنها
قالوا له أنهم حولوها مستشفى الرازي للكسور...................
وكان خالد مع سعود
خالد: سعود الحين حنا الصبح وأهلها عندها أنا أقول لو أنروح لها بالليل
أحسن
سعود: بس يا خوي ما فيني صبر لين بالليل
خالد يهون على رفيقه : بس مجبورين
سعود : خلاص صار خير بس خله مبكر لأنه المسافة بعيده والزيارة لا تنتهي
خالد : أبشر.....................
وفي ديوانية ناصر........ كان موجود سعود وخالد وناصر ونواف
سعود: خالد مشينا
خالد: وين؟
سعود: المستشفى
خالد: لا روح أنت أنا ماني رايح
سعود: من صجك تخون فيني
ناصر : أفهم ما يخون فيك بس أنت روح بروحك أحسن
سعود: شاف أن الفكرة من صالحه
وطلع سعود يم المستشفى..................
وصل سعود يم المستشفى وسأل الاستقبال............عن عنوان الغرفة......

سعود: لو سمحتي
الممرضة: نعم
سعود: ادخلي شوفي هالغرفه فيها احد...
الممرضة: أوكي
دقايق...................الممرضة: في واحد حرمه كبير هنيه
سعود: وفيه بنت
الممرضة: إيه في بنت!!
سعود ظل واقف ينطر المرة اللي داخل تطلع
دقايق إلا المرة طلعت وقالت للممرضات
المرة: يا سستر لو سمحتي شوفي البنت اللي هنيه أنا بروح وباكر الصبح
أجي زين ديري بالكم عليها
الممرضة: إنشاء الله حاضر...
----------------------------------------
الـــــــجـــــــزء الـــــثالـــــث:-
أول ما راحت المــرأة....
طق الباب سعود....
أفراح : منووووووو
سعود : احم احم >>>>>>>>يبين انه رجال اللي دخل.....
أفراح: لحظه شوي>>>>>>>تلبس ملفعها
أفراح: ادخل...
سعود وهو مرتبك.....: السلام عليكم
أفراح بخوف : هلا وعليكم السلام منو؟
سعود: الحمد لله على سلامتج يا قلبي...
أفراح:>>>>>>> في نفسها السالفة فيها قلبي
أفراح: الله يسلمك بس منو أنت...
سعود: احم معاج سعود...
أفراح بصوت خفيف فيه الخوف والارتباك: بس أنا ما أعرفك؟
سعود: اسمعي أفراح... أنا من يوم شفتج حبيتج ودخلتي قلبي من يوم
شفتج في مجمع (.....) وبعدها وربي أشغلت رفيقي فيج بعدين
هو شافج في مجمع (....) واتصل علي وقالي عنج.......
أفراح أنا والله لو أبي ألعب ما كان عنيت نفسي عليج مرتين ولا كان
شفتيني كل يوم قبال المدرسة والبيت ولا تلقين عرفت كل صغيره
وكبيره عنج...... أفراح أنا جيت أتطمأن عليج...... أفراح ربعي وراي يوقفوني عنج وأنا دون
شعور جيت.....
كان الهدوء والخوف مسيطر على أفراح.....
سعود: شفيج سكتي....كلامي ضايقج؟
أفراح : لا ولا شي إيه الله يسلمك وأنا بخير وأشكرك انك تطمنت علي..
((أفراح طول الوقت تكلم سعود وهي منزله راسها تحت بالأرض))
سعود: عسى بس الحادث ما أثر فيج حيل...
أفراح بارتباك: لا عادي
سعود: صار فيج شي ؟؟
أفراح: بس كسر في رجلي...!!
سعود: ياليته فيني ولا فيج.!!
أفراح منصدمه وانفعلت بالموضوع: لا اسم الله عليك...
سعود : ليه خايفه علي..
أفراح اسكتت وستحت من كلامه....
سعود: أفراح في احد من اهلج يبي يجي مبكر...
أفراح ترد بسرعة: إيه أمي
سعود: لا والله محد يبي يجيج لان توه أمج تكلم الممرضات تقول
شوفوها لي ما راح أجيها إلا الصبح....
أفراح انصدمت : وشدراك؟
سعود: أي شي عنج لا تسأليني فيه أعرف...
أفراح: وليه هامك موضوعي لهذي الدرجة؟
سعود : (( رفع راس أفراح بيده وحط عينه بعينها)) وقال::
لأنـــــــي أحـــــبج......................

.................................................. .......................
هـــــــــــدووووووووووووء ................. .................................................. .......................
.................................................. .......................

((أحبك إيه أحبك وش حصل بالكون
لا صرت أحبك وش تكون الجريمة))
.................................................. ...................
.............
.................................................. ..............................
.................................................. ..........
.................................................
أفراح نزلت راسها واستحت من سعود...
سعود: أفراح اسمحي لي إذا صدمتج فيها بس هذي الحقيقة
أفراح مرتبكة: لا عادي سعود .....
سعود حس بخوف أفراح....سعود وهو واقف عن الكرسي: أفراح أنا طالع تبين شي
أفراح وكلمه طالعه من قلب: بـــــــدري!!
سعود ويرجع للكرسي مره ثانيه: تبيني أقعد عادي ما عندي مشكله...
أفراح بضحكه كلها خجل: بـــراحتــــك
سعود: والله شكلج خايفه مني صح..؟؟
أفراح: بالأول إيه...
سعود : والحين؟؟
أفراح: عادي...
سعود: شي طبعي بتخافين مني بس حبيت أقولج تطمني ترى اللي
يرضيج يرضيني....واللي ما يعجبج مستحيل أسويه...!!
أفراح:......
سعود: تبيني أقعد؟
أفراح: كيفك؟
سعود وأبتسامه أخذت عقل أفراح : يلا أنا أخليج الظاهر أزعجتج وديري بالج على نفسج....
أفراح: إنشاء الله...
سعود : يلا مع السلامة
أفراح : مع السلامة
ويوم جى بيطلع ........
أفراح: ســــــعود
سعود طاح قلبه : لـــــــــبيه
أفراح: ترى ما أزعجتني ولاشي....
سعود : هذا اللي أتمناه...
على فكره تليفونج معج ؟؟
أفراح: ايه كاهو توها اليوم جابته لي أمي...
سعود: حلو ...
أفراح: وش؟
سعود: لا ولاشي يلا مع السلامة
أفراح: مع السلامة
سعود طلع الارض ما هي شايلته الكون كله ما هو بقده من الفرح
وكان ناسي تليفونه بالسيارة وأخيراً قدرت أكلمها وأجلس معها بعد....!!
قال الحين أطرش لها مسج.؟.؟
ويوم شاف تليفونه..14 مكالمة لم يرد عليها!!
سعود: اووووووووه 14 من منو هذا؟؟
6 مكالمات من خالد و 5 من نواف و3 من ناصر
سعود: يوووووووه نسيتهم..
راح سعود حق ربعه

أفراح ما كانت تدري وش هي فيه علم حلم حتى إنها ما تدري إذا
مرتاحة باللي قاعد يصير أو لا..... تقول في نفسها
يــــــــا ربـــــــي وش هالـــــــشعور اللي قــــــــــاعدة أحــــــــس
فيــــــه.....!!
دقايق وإلا يكسر صمتها صوت مسج..!!
لمن بطلت المسج......
"" مرحبا أفراح أنا سعود وهذا رقمي أي شي تبينه بس دقي علي
وأنا تحت أمرج .......
أفراح ارتبكت أكثر بس من الخوف أمسحت الرسالة واحفظت بس
الرقم من دون أسم ......
سعود: السلام عليكم
خالد ونواف وناصر: وعليكم السلام
خالد: يا خوي وينك.؟
نواف: والله أحاتيك حتى التليفون ما ترد عليه
ناصر: يا ولد تكلم وش صار شفتها؟
سعود يطالعهم ويبتسم: توقعوا وش حصل معي
ناصر: مادام هالضحكه شاقه الحلق شي يسرك إنشاء الله
نواف: تكلم ترى اللي يسرك يسرنا معك..
(( رفيقي ذاك إن ضقت ضاق معي
وان فرحت شاركني فرحتي ولا خلاني))
سعود بصوت عالي: شباب قعدت معها وسولفت وياها
خالد: من قدك
نواف: العشا الليلة علي
ناصر : أنا بذبح حاشي الليلة
كان السكوت والهدوء مسيطر على سعود
سعود وش فيك؟
سعود: ولاشي عادي
خالد: وش عادي وأنت قالب شكلك
ناصر: الظاهر البنت ما عجبته
سعود: شباب توقعون إنها يوم رضت تقعد معي إنها كانت من قبل
تكلم شباب..!!
ناصر: وضح أكثر
سعود: هي صدق إنها كانت مستحيه مني وخايفه ومرتبكة بس
أخاف إن البنت متعودة تكلم شباب من قبل..!!
نواف: لاااااااااااااااااا لا يروح بالك كذا
خالد: نصيحتي لا يصير تفكيرك اتجاها سلبي
ناصر: أنا أقول تو الوقت بعدين الأيام تثبت لك....
وقعدوا يسولفون لين كل واحد راح لبيته.......!!
\
\
\
واليوم الثاني في بيت سعود كان سعود قاعد بالصالة بروحه ويفكر انه
يروح لها...... وبعد التفكير وقرر أنه يشتري لها باقة ورد مكتوب عليها
(( أجر وعافيه وما تشوفين شر يا قلبي من ....... قلب يغليك))
وصل سعود المستشفى وبعد ما تأكد أنه ما عندها أحد من أهلها......
طق الباب:
أفراح: منووو
سعود: أدخل ...........
أفراح: أيه تفضل
سعود: مرحبا
أفراح: مرحبتين هلا
سعود: حط الورد على الطاولة
أفراح: تسلم على الورد بس ليه كلفت نفسك
سعود: أذا ما كلفت نفسي عليج أكلفه على منو؟
أفراح استحت ونزلت رأسها: مشكور
سعود: العفو...... وتأمريني بشي قبل لا أطلع
أفراح: سلامتك
سعود: الله يسلمج واسمحي لي على أزعاجج
أفراح: ما من إزعاج ...... ودير بالك على نفسك
سعود: ما تشوفين شر
وطلع............
ويوم طلع ويتصادف مع بنت توها قبال الممر بتدخل الغرفة
وكانت تطالع هل الرجال منووو........
وبنفس الوقت...........
أفراح تقرا البطاقة مالت باقة الورد وعلى طول خذتها وخشتها
دخلت عذاري وكان أخوها ينطرها بره
وبعد السلام.............
عذاري: أفراح منو الرجال اللي طلع من الغرفة قبل شوي
أفراح : شفتيه
عذاري: أيه بس منو؟
أفراح وعينها على الدريشه: هذا سعود يا عذراي
عذاري: أحلفي بس يعني عرفته قولي خلصيني منو
أفراح: تذكرين سالفة الرجال اللي يلحقني بكل مكان
عذاري وطلعت عيونها قدام من الصدمة : لا تقولين هو
أفراح وابتسامة استهزاء: إيه هو وهذا الورد منه
وكملت كلامها أفراح: عذاري أذا أحد من أهلي سألني عن الورد بقول انه
منج
عذاري: إيه صار ولا يهمج ......... بس عاد ما علمتي أمج عنه ؟
أفراح : لا ربي ما كتب يوم جيت بعلمها صار حادث وما شفت وقت مناسب أعلمها فيه؟
عذاري : أفراح الرجال كل ماله ويتمادى معاج وقفيه عند حده وهل السالفة
ما فيها تأجيل
أفراح : يصير خير إنشاء الله بس أنا ما راح أعلم أهلي إلا إذا دانه معي
عذاري : وليه ؟
أفراح : دانه تساعدني بالكلام شوي وأنا ما أسوي أي شي إلا بوجودها
تعرفين دانه ملقوفة وجريئة وتساعدني شوي أكيد بكون مرتبكة أنا
عذاري : إيه والله صح يا حليلها دانه شكثر طيبه وحبوبه
وفي هل الوقت .........
دخلت أم أفراح: السلام عليكم
عذاري وأفراح: وعليكم السلام
عذاري وتقوم تسلم على أم أفراح: حمد لله على سلامة أفراح خاله
أم أفراح : الله يسلمج
عذاري: يالله اجل أنا أترخص عن أذنكم
أم أفراح: وين تو الناس
عذاري: من عمرج خاله بس مستعجلة أخوي ينطرني
أم أفراح: يالله أجل سلمي على أمج
عذاري: الله يسلمج
وبعد ما طلعت عذاري
أم أفراح: هذا الورد من عذاري
أفراح بارتباك : أيه يما منها
أم أفراح : يا حليلها ما تقصر والله
أفراح بقلبها يووووه يا يما لو تعرفين من منو ....؟
وبعد كم يوم طلعت أفراح من المستشفى بس ما كانت تمشي عدل لأن
رجلها فيها جبس ...........
وفي نفس اليوم اللي كانت طالعه فيه أفراح من المستشفى كانوا الشباب
مجتمعين في ديوانية نواف
ويوم وصلت أفراح لبيتهم كان في استقبالها خالاتها وبنت خالتها دانه
وكان سعود وخالد واقفين برى وتفاجئوا في أفراح نازله من السيارة
ومعها عصايتها اللي تمشي فيها
\
\
قال خالد : هذي مو أفراح
سعود : بلا هي تصدق الظاهر إنها طلعت من المستشفى
\
\
أم أفراح تتصل على اللي في البيت : يالله افتحوا الباب حنا برى
خالة أفراح عمرها 25 أصغر خالاتها وعندها بس بنت اسمها أمل:
يالله يا دانه أفراح برى افتحي الباب
دانه تركض برى تفتح لهم الباب وشافت دانه نازله من السيارة
وتركض دانه وتضمها وهم في الشارع : الحمد لله على السلامة اشتقت لج
أفراح وهي ضامتها الله يسلمج وأنا أكثر يا قلبي
وطاح ملفع أفراح منها وطاح شعر أفراح الناعم الأسود على وجها
\
\
في هل اللحظة كانت في عيون تراقبهم
سعود : يا ويل قلبي يا حلوها يا فديتها
خالد : أشك إنك منت صاحي
سعود : يا حظ هل البنت يا ليتني بدالها
خالد : ههههههههههه حمد لله والشكر الله لا يبلانا
\
\
و أدخلت أفراح على أهلها وسلام ومرحبا ................
والحريم سوالف مع بعض والكل مستأنس برجوع دلوعتهم فروحه
وأفراح قاعدة وتلعب مع أمل بنت خالتها الصغيرة
دانه : أمول قلبؤؤؤ روحي العبي هناك بقعد أنا في مكانج
أمل : مابي أنا أبي أفراح
أفراح وهي تضم أمل : يا قلبي أموله
دانه بلقافة شالت أمل وقطتها على أمها : منيرة امسكي بنتج
وطبعا السن متقارب بين أفراح ودانه لخالتهم منيرة ما يقولون لها خاله
منيرة : دانه ووجع شوي شوي على بنتي
وتروح دانه وتقعد مع أفراح
دانه : ما شفتي أحد برى .......؟
أفراح : منووو لا ما شفت .؟
دانه : سعود ؟
أفراح : لا يكون لا حقني بعد
دانه : لا أنا وياج مرجوجات وأنا من زود فرحتي فيج طلعت بدون ملفع
أفراح : وأنا طاح ملفعي يوم أسلم عليج لكن شكو هالسالفة
دانه : بيت جيرانكم أم سالم كان واقف قدام بيتهم سعود ومعاه واحد
أفراح : تتوقعين يعرف سالم أو نواف ؟
دانه : و ليش مو نواف أو سالم هو اللي مضبطة لج؟
أفراح : لا لا مستحيل
دانه : أقول قلبي هذا صاحبهم يرخصونج عشانه
---------------------------------------
الجـــــــــــزء الـرابـــــــــع
بعد كم يوم دق سعود على أفراح وما كانت ترد عليه
سعود: يا ويلي أخاف فيها شي....
ناصر: إنشاء الله كل خير تلقى أهلها عندها!!
سعود: ما صارت أهلها
ناصر: والله اللي ما صارت أنت اللي كل شوي متصل عليها
سعود قرر يدز لها مسج::
" إن شفتني مغليك حذرك والصد
ترى التغلي درب تفريق الأحباب
ولا يغرك من يقول أثقل وشد
ترى أغلب الفرقا من شور الأصحاب"
أفراح لمن قرت المسج تحسفت ليه ما ردت عليه بعدين قالت في
نفسها لا لا مستحيل أكيد هو بس يبي يتسلى فيني....
دقايق وإلا مسج ثاني....
" لا تلعب بأعصابي يا حبيبي كفاية
زود على بعدك صاير تصدد عني"
أفراح قالت أبدز مسج أبي أعلمه أني مو من هالسوالف ولا أبي أكون
معه علاقة .....
فأرسلت:
" لا تحسب انك في أشعارك بتاخذ قلبي
لا والله ترى قلبي بمحله ما يهزه وجودك"
على صوت المسج طار سعود من الفرح.......ولمن قرى البيت كله
سعود: لااااااااااااااااااا شنو هذا؟ ((منصدم))
ناصر: وش فيك يا سعود؟
سعود: مو للدرجة هذي...
ناصر: تكلم تراك فضخت قلبي.
سعود: هاك اقرأ !!
ناصر: هههههههههههههههههه
سعود: يوووووووووه ........................ طلع سعود وخلا ناصر
ولمن وصل البيت.......
أم مبارك (( أم سعود)): أنت وينك
سعود: عند ربعي يمه
أم سعود: ما صارت كل يوم تتأخر وتقول عند ربعي...
سعود: اليوم كل شي فيه ما صارت....
أم سعود : وين رايح بعد اللحين
سعود: بروح أنام
أم سعود: الأسبوع الجاي بنروح المزرعة
سعود وصل حده بس لا زم يحترم اللي قدامه أمه: أي مزرعة؟
أم سعود: مزرعة جدك
سعود: وليه؟
أم سعود: بنروح هناك عمانك وخوالك
سعود: ما ني رايح
أم سعود : إلا بتروح عشان خاطري
سعود: حاضر
سعود دخل غرفته وهو متضايق من أفراح....
وعلى طول قط راسه على المخدة وهو يفكر فيها ليه تسوي كذا والله
إني أحبها بس هي مو حاسه فيني أبد
بعد أسبوع
اليوم يبون يروحون لمزرعة جدهم
عبد الرحمن (( اخو سعود أكبر منه بسنه )) سعود قوم ود اهلك للمزرعة
سعود: مالي خلق خلني نايم
عبد الرحمن يشيل البطانية عن سعود: قوم يا رجال
سعود: ليه وهم أهلك بعد....
عبد الرحمن: أولا عندي أشغال بالديره لا زم أخلصهم
وثانيا أمي ملزمه عليك من غلاتك عندها ههههههههههههههه
سعود وهو بفراشه ويستهزأ في عبد الرحمن: صج والله من غلاتها ها
أقول اطلع بس اطلع
أم مبارك: سعود يلا مشينا قوم ودنا
سعود بس سمع صوت أمه فز من محلة؟؟
ورجع عبد الرحمن ونام في مكان سعود..............^_^

وفي المزرعة.......
سعود كل تفكيره في أفراح بس جسمه مع الأهل
كانت الساعة تقريباً 11 بالليل كان سعود جالس قدام النار هو وعيال عمه
وسوالف وضحك
"أفكر فيك وخيالك ما يوم يفارقني
أجلس معهم بس والله أنا كلي عندك"
في اللحظة
دق رقم غريب على سعود وسعود كل ما دق تليفونه فز له وشلون إذا
رقم غريب أكيد أفراح....
سعود : ألو
.......: مرحبا
سعود: مرحبتين
......: شلونك
سعود: بخير منو؟
.....: بعدين أقولك
سعود: طيب جايه من طرف من أنتي؟
.....: مو من طرف أحد
سعود: أكيد متأكدة أنتي؟
....: ايه ليه تنطر أحد أنت
سعود: لا لا بس امري بغيتي شي
.....: أنا أحبك
سعود: تعرفيني أنتي؟
.....: أعرفك وأنت تعرفني
سعود بدى يستخف كل شوي باله حق أفراح: طيب منو؟
.....: أنا وحدة تعرفها...!!
سعود: وشلون؟
.....: أنا اهنيه بالمزرعة معكم.......!!
سعود: مع السلامة مع السلامة ((( تأكد إنها مو أفراح )))
....: اووووووه عصبت
سعود: حمد لله والشكر ((((( سكر التليفون بوجها!!))))

ناديه 17 (( بنت عمه)) : والله لخليه يموت فيني أنا أعلمه
أسماء 17 (( بنت عمه )) : هههههههه والله منتي هينة
ناديه : مسوي فيها ثقيل يعني وما يعطي وجه
أسماء : يووووه يا ناديه يحطم شكله تحسين إنه رجال له هيبته
ناديه : أسماء ووجع لا تفكرين فيه سعود لي أنا وبس
أسماء : إذا عطاج وجه تعالي تكلمي ها
ناديه : بيعطيني وجه وشوفي
وصل مسج لسعود......
يا سعود أنا أحبك وأنا وحده من بنات عمك بس أنت ليه ما تعطيني وجه؟؟
سعود: هذي شكلي بحط حرت أفراح فيها يا ليت أفراح هي اللي تدز
هذا بدالها.......
سعود في قلبه: يا حبي لك يا أفراح بس ليه سويتي كذا
سعود وهو جالس قدام النار والجو بارد وسوالف عيال العم والشعر
والقصايد كان كل تفكيره في بنت أخذت قلبه
((يا لعنبو زولن لا طرالي تحطمت..زولن خذا عقلي وقلبي وعيا يجيبه))
قرر إنه يطرش لها مسج :
"كيف يهون عندك تقسى على قلب مغليك
قلب اشترى وجودك وباع الخلايق
قلب يصرخ بأعلى صوت والله يبيك
قلب لا صرت يمه موجود عاف الخلايق"
أفراح: هذا من صجه؟
دانه: شفيج؟
أفراح: دانه سعود ؟
دانه: اللي جى يمج في المستشفى..؟
أفراح : إيه في غيره أجل ؟ هو لليلحين يطرش لي مسجات..
دانه: كلميه وقفيه عند حده
أفراح: لا يبه شنو أكلمه أنا أخاف
دانه : عطيني أنا أكلمه
أفراح: اوكي بس شوي شوي عاد
دانه اتصلت على سعود....... فز قلبه وقام عن المجلس وطلع برى خيمة
الشعر
سعود: ألو
دانه: مرحبا
سعود: مرحبتين
دانه: معاي سعود؟
سعود: هالله هالله
دانه: معاك خالة أفراح >>>سوالف البنات أو تغير الصوت تقول أخوها!!
سعود: إيه هلا ومرحبا >>>>من قلب هلا ومرحبا
دانه: سعود استر على نفسك وعلى بنات خلق الله وابتعد عن هالطريق
وإلا روح كمل طريقك مع وحده غير عن أفراح...
سعود: وليه؟
دانه:بناتنا يا سعود مو من هالسوالف بناتنا متربين ومسنعين ومثل
ما قلت لك اترك أفراح في طريقها وأنت بطريقك...
((ولا تبني آمالك على أفراح)) ....ومع السلامة
سعود: مع السلامة

دانه: ههههههههههههههه
أفراح: حلووووووووووه يا خالة أنتي
دانه: أفا عليج وإلا تبيني بنت خالة على الفاضي
أفراح: زين سويتي والله كنت خايفه منه.......
ومن صوب ثاني سعود يفكر.......
سعود يفكر بكلام خالة أفراح اللي هي دانه بنت خالتها في الحقيقة
ورجع وركب سيارته وقعد فيها يفكر وشلون أخليها هذي أنجنت أنا أحبها
\
\
ناديه : أسماء قومي بسرعة
أسماء : وين
ناديه : سعود برى قاعد بسيارته بنطلع على إنه ما ندري عنه وبنتمشى بدون ملافع
وفي اللحظة وسعود راسه يجيب فكرة ويودي فكره شاف بنتين يمشون
قدامه وسعود من قبل كان حاس إنهم هم اللي يتصلون عليه
وسعود في قلبه : والله مو مال عقال على ظهور هم
(( عقال على ظهور هم )) وقعد يكرر هل الكلمة في راسه
(( عقال على ظهور هم ))
(( عقال على ظهور هم ))
وشلون وهم بنات عمي أسوي فيهم جذي لو خواتي شلون أجل وشلون
ما أرضاها على بنات عمي وخواتي وأرضاها على بنت الناس........؟
تعوذ من الشيطان وراح للمجلس
بدر : سعود يا خوي علامك رايح جاي فيك شي
سعود : أبد يا ولد العم سلامتك
بدر : والله أشك إنك تحب ..؟
سعود : أحب هو لقيت اللي يبادلني الشعور .؟
بدر : أخس هذا وأنا ولد عمك و عشيرك ولا تعلمني
سعود : وش أقول يا ولد العم ما أقول إلا الله لا يبلاك
في نفس اليوم
والساعة 12 بالليل
سعود يطق هرن : يالله يا يمي مشينا
أم سعود : هذا أنا جيت بس أختك عهود مدري وينها
سعود : عهود يالله ما صارت عاد
عهود : هلا هلا لا تعصب جيت
كان طول الطريق أمة تسولف على راسه وهو رايح بفكره بعيد
\
\
هل سعود راح يترك أفراح على رغبتها أو اللهم نفسي وبيستمر كذا
-------------------------------------------
الــــــــــــــجزء الــــــــخامـــــس :

الساعة 12 بالليل
في ديوانية خالد
سعود:والله أني حبيتها من قلبي ولا أقدر أستغني عنها
خالد: خلاص يا ولد اللي صار صار خل البنت الحين ولا يهمك
سعود: ليه ما يهمني إلا هي كل همي
خالد: البنت مو من سوالف الشباب والمغازل البنت بنت أجواد
سعود: بس أنا ما قصدت إلا كل خير فيها
خالد: وأهلها وش دراهم بكذا
سعود: بس تدري حلوة كلمة خالتها اللي قالتها.......
خالد: وش الكلمة؟
سعود: ((ولا تبني آمالك على أفراح)) صدقت بصراحة أنا حطيت كل
أمالي فيها....
خالد وده يسوي أي شي عشان رفيقه: يا عمي هونها البنت بدالها بنت
سعود: بس أفراح ما بدالها أفراح قربها كل أفراح عمري.....
خالد : ما عليه وأنا أخوك اصبر ..
سعود : يجيب الله خير .. أنا ماشي تبي شي .؟
خالد : أبد سلامتك .. ولا تفكر كثير تتعب ..!!
سعود وهو طالع : .. يلطف ربك بي .. سلاااام
خالد : سلاااام
سعود عشان خاطر أفراح خلاها
((خلك في قسوتك ومع الصبر خليني
إن كان هجري يرضيك أنا اللي يرضيك يرضيني))
وبعد ثلاث شهور من الانقطاع..... فقرر أنه يطرش لها مسج
فقال......"أدري إني غبت عنك وما فقدتني..بس أنت والله ما خذ كل تفكيري""
أفراح: ويييييييه يا قدمه هذا لليلحين حي؟
أفراح طرشت له "بقولك كلمتي وعساها تكون كافية .. تراني ما حسيت بغيابك ولا تضايقت"
<< أكــبرـر غلط إن أفراح طرشت له مســج ..؟ تتوقعون ليه ؟ >>
سعود: "حرام عليك تلعب بكف الغلا لعب... يا صغير سن قلي متى تكبر"
أفراح: "خلني ألعب بالغرام متى يحلالي...أصلا أنا متى عشته عشان أداريه"
سعود: "في محبة قاسي القلب ابتليت ... دمعتي عنده مع الضحكة سوى"
أفراح: " الله وأكبر يوم أبتعد عن طريق المعصية صرت مخطئ...أجل يا كثر أخطاء بنات الأجاويد"
سعود: " ارحمني وعيشني بحلم حبك لو إنها ثواني...خلني أفرح بدنياي دامها زايله"
أفراح: "أفرح وألعب وتسلى دام هالدنيا زايله... بس خلك بعيد وأفرح بدنياك من دوني"
سعود: حرام عليج يا أفراح باللي تسوينه
أفراح: سعود طريقك هذا هو الحرام بكبره
وبعد كم يوم قررت أفراح تبدل خطها....عشان ترتاح لأن سعود هو اللي
طلب منها تسوي كذا عشان يخف عنها شوي وهي طاوعته بس بهذي
أفراح: صباح الخير يمه وشلون أصبحتي اليوم؟
أمها: هلا والله صباح النور بخير الله يسلمج
أفراح: يمه أبي منج طلب صغير ولا يكلف مدام الطلب مني
أمها: أمريني لا والله ما يكلف دامه منج
أفراح: يمه أبي أشتري لي خط تليفون ثاني
أمها: وخطج اللي عندج يمه؟
أفراح مرتبكة ما تعرف تكذب على أمها: يمه خطي ضاع وأبي أشتري غيره
أمها: حاضر يا بنيتي ولا يهمج
أفراح تكلم دانه في التليفون ...........
دانه: ألحين أنتي من صجج تغيرين خطج عشانه؟
أفراح: ايه والله هو يقول ما يقدر يبتعد عني وأنا بصراحة خايفه منه وغيرت خطي
دانه: مشكله كبيره هذي
أفراح: وليه مشكله؟
دانه: مالي خلق أحفظ رقمج من جديد
أفراح: ههههههههههههههه أمحق مشكله


وبعد سنه بالضبط...................
"أنساك حلفت ما أقولها دامني حي.......حتى لو قلت انسني قلت مستحيلة"

الحين صارت أفراح رابعة ثانوي.......... يعني يبيلها مقابل دروس
وما تفكر في شي ثاني.......
سعود للحين يفكر فيها اذبحه التفكير في أفراح......
سعود: يا شباب أنتو مو فاهميني أنا للحين أحبها وربي أحبها
نواف: يا خوي البنت صارت في رابعة ثانوي وراها دروس مو ناقصتك؟
خالد: ما دامها غيرت خطها روح لها البيت يمكن تلمحها وهي طالعه وجرب قول لها انك ما نسيتها.......؟
سعود بجديه: والله أروح.
ناصر: لا دير بالك
خالد: وليه؟
ناصر: يا عمي خلها من صجك أنت البنت غيرت خطها عشانك تبيها تغير بيتهم بعد ؟
سعود: شباب خلاص أبي منكم شغله وطلبتكم لا تردوني...؟
خالد: تم
ناصر: ما عاش من يردك
نواف: ما يرد الكريم إلا اللئيم
سعود: لا تجيبون طاريها.... والله لنساها خلاص
((خافوا من الله لا تجيبون طاريه..لا صرت أنا موجود لا تذكرونه))

..................................................
أخت أفراح الصغيرة أسمها روان أصابها تفتت بالعظام من كثر ما تشرب
البيبسي وما تقدر تمشي كلش وأم أفراح من مستشفى لمستشفى
الدكتور: أحسن حل يا أبو روان العلاج في الخارج؟
أبو روان ((أبو أفراح)): طيب ما يفيد العلاج اهنيه؟
الدكتور: أنا أقول لو تعالجونها في لندن يكون أحسن لحالة بنتكم
---------------------------------------------------
الــــجـــزء الـــــسادس
أبو أفراح: أنا أقول خلينا نتكل على الله ونسافر لندن
أم أفراح: وعيالي وبناتي صغار وشلون أخليهم
أبو أفراح: خليهم عند خالاتهم أو عماتهم ............ والله حالة روان
كل شوي تتعب وما نقدر نصبر أكثر
أم أفراح بضيقة خلق: شورك وهداية الله

أم أفراح وأبو أفراح قرروا يعالجون بنتهم برى الكويت..........!!
في بيت أفراح :
الساعة 8 مساءً
أفراح حاطه كتابها التاريخ في حضنها ولابسه دراعه عاديه ناعمة
ونظارتها الطبية وقلمها (( يعني مقطعة الشطارة )) : خلاص يمه قررتوا
تعالجون روان برى ...؟
أمها بضيق : إيه يمي بعد شنو نسوي ..؟
أفراح : بتخفف عن أمها : ما عليه يمى الله يهون
أمها : أهم شي ما أوصيج على دراستج وعلى اخوانج
أفراح : أبشري بعزج يالغاليه لا توصين حريص
أمها : الله يسعدج يا بنتي
أفراح : متى تمشون يمى
أمها : الأسبوع الجاي وكملت أمها كلامها أنا الحين بطلع بروح بيت
جيرانا أم عبد الله إذا سأل أبوج قولي له عني
><
اتصل أبو أفراح على البيت
أفراح : ألو
أبوها : أفراح يبى جيبي لي ماي بحطه حق السيارة أنا برى
أفراح : إنشاء الله
وتروح أفراح وتجيب الماي وكانت واقفة قدام الباب وكان جيرانهم
بيت أم سالم توه طالع منه نواف وسعود وخالد
وأفراح بدون ملفع كانت واقفة ورى الباب تشوف أبوها إذا يبي شي
إلا وأبوها يحس بدوخة ويطــــــــــــــــــــيح على الأرض ....!!
وتصارخ أفراح وتطلع بسرعة لأبوها وتقط الكتاب والقلم من ايدها
و يجون الشباب يركضون
أفراح وهي تصارخ ما تدري وش تسوي تضم أبوها : يبى يبى
خالد : وخري يا بنت بودية المستشفى
ويشيل نواف وخالد أبوها وأفراح مكانها تصارخ
وما حست إلا بإيد تنحط ورى ظهرها
سعود : أفراح هدي ما راح يصير إلا كل خير
أفراح وهي تبكي : سعود .....................................؟؟
سعود : إيه سعود ....
أفراح ما تدري وش تسوي قطت نفسها بحظنه : سعود أبوي مات مات
سعود في قلبه ياويل حالي : لا تعوذي من الشيطان دوخه بسيطه وبيقوم إنشاء الله لا تخافين عليه يا عمري
أفراح ترفع راسها له : أكيد ..؟
سعود والله الظاهر أنا اللي بموت : إنشاء الله لا تخافين
ويحط سعود إيده على ظهرها خلاص يالغلا قومي ولا تخافين عليه
أفراح وتوه تستوعب الموقف تقوم خافت ورجعت بتدخل البيت إلا تلقى الباب مسكر
وتطق الباب بقوه وسعود لاحظ هالشي
سعود وهو يقرب صوب الباب: أفراح لا تخافين عمري ما فكرت أأذيج بشي
أفراح : ............
سعود : يقرب ويدز باب البيت إلا ويتبطل
وصد سعود بيروح لسيارته
أفراح بصوت مبكي : سعود
سعود حس بدوخه مو طبيعيه : لبـــــيه
أفراح منزله راسها وشعرها طايح على وجها ودموعها تنزل : إذا أبوي
صحا بلغه يتصل فيني ..
سعود وهو يصد عنها :أبشري
أفراح بصوت متردد : وأ أ ... أنـ .. أنااا .. أنا آسفــه
سعود يلتفت عليها ويضحك : ما سويتي شي
سكرت الباب وطلع
وإلا يلقى كتاب طايح بالأرض قرى
الاسم : أفراح فيصل
الصف: 12 ء 5
المادة: التاريخ الإسلامي
قعد يضحك ................
وأخذه معاه .....
ركب السيارة ولحق ربعه المستشفى
سعود وصل المستشفى
سعود : هلا خالد وش صار
خالد : ما أدري داخل عنده الدكتور
سعود مبين عليه متوتر : إيه أوكي
خالد يخز سعود : سعود فيك شي ؟
سعود يضم إيدينه على صدره : لا لا
خالد : سعود؟
سعود بدى يعصب : يا رجال بعدين خلاص بعدين
نواف : شباب الدكتور طلع .؟
سعود : دكتور بشّرـر ؟
الدكتور : أهله .؟
نواف : لا
الدكتور : إيه يقرب ليكم ؟
خالد : دكتور ما نعرفه بس لقينا مرمي على الأرض
الدكتور : إرهاق وتعب وعطيناه شوية مهدئات
سعود : دكتور هو قاعد ألحين ؟
الدكتور : إيه فيكم تدخلوا
سعود ما رد عليهم مشا له على طول
سعود يطق الباب
أبو أفراح : ادخل
سعود يحب راسه : الحمد لله على السلامة يا عم
أبو أفراح : الله يسلمك يا ولدي .. بس من أنت ..؟
سعود : معك سعود .. أنا وخوياي اللي جبناك هنيه
إلا على دخلة خالد ونواف
الشباب : الحمد لله على السلامة
أبو أفراح : الله يسلمكم وعساكم على القوه وعساني ما تعبتكم بس؟
سعود ملقوف : لا بالله لا تعب ولا هم يحزنون تعبك راحة وحنا بالخدمة
شوي إلا ينفتح باب الغرفة وتدخل أم أفراح وأفراح
أم أفراح : سلامات سلامات عسى ماشر وش فيك وش حصل
أفراح تضم أبوها وتبكي
أبو أفراح : أفراح يبى وش فيج هذا أنا ما فيني شي قدامج
سعود وبصوت خفيف لخالد : ياااااااااااااوووو محلاها ألعن خيرها
خالد : يالله يالله برا برا
نواف بصوت خفيف : شباب مشينا
سعود حلت له القعده : لا لا من صجكم بس
خالد طلع وطلع وراه نواف وسعود بالغصب مشى
أبو أفراح ينادي : يا شباب
لف عليه سعود : هلا
أبو أفراح : تعال وناد ربعك معك
سعود يلف صوب الباب : خالد نواف تعالوا
خالد ونواف : هلا
أبو أفراح : أنا بغيتكم
أفراح طول الوقت تخز سعود وسعود يدري إنها تطالعه بس متجاهلها
أبو أفراح : أنا أشكركم يا عيالي وما تقصرون واسمحولي على ازعاجكم
خالد : أبد يا عم ما حصل إلا كل خير
سعود : أفا بس وش تعب لا تعب ولا شي .. والشكر لله يا عم وأهم شي الحمد لله على سلامتك وأنت اللي لا تتعب عمرك (( لازم يطول السالفة ))
نواف : حق الجار للجار هههههههههههههههه
وقعدوا يضحكون في هاللحظه إلتفت سعود لأفراح بنظرات جامدة
أفراح حطت عينها بعينه إبتسمت له ونزلت راسها
سعود : يالله يا عم إحنا نستأذن وما تشوف شر
(( أفراح بقلبها لا ))
أبو أفراح : والشر ما يجيكم ما تقصرون
ولمن اطلعوا
أفراح سرحانة ليه كان مبين مو معطيها وجه والدليل هو اللي يبي يطلع
نواف : خالد والله انصدمت سعود هو اللي طلعنا
خالد : هههههههههههههه إيه والله حتى أنا مثلك
سعود يضحك بسخافة : أقول إمش أنت وياه أبرك
نواف وخالد راحوا بسيارة وحده
سعود رجع بسيارته ووصل البيت وتذكر الكتاب
ونزله وياه
وفي غرفته

تــرـرقـــبوووا شــنوووا كــآإن مــكتؤؤؤب بالــكـتآإب ..؟؟
-----------------------------------------------
الــجـزء الــثــآإمن
عذاري : أنتي تقولين إن أبوج طاح عليكم الساعه 8
أفراح : إيه
عذاري : والشباب جو وساعدوه وودوه المستشفى إلا سعود وقف عندج
أفراح : بالضبط
عذاري : والساعة 9 إلا ربع أنتي وأمج في الطبيب والشباب موجودين
أفراح : صح وبعدين
عذاري : مادام الساعة 11 وصل الكتاب لسارة وسعود آخر من مشى فعلاً أجل سعود اللي كاتبه وبعدين ترى خط الرجال يفرق عن خط البنت ؟
أفراح : لااااااا لا تقولين يعني قرى كل شي
عذاري : سعود يحبج والله يحبج
أفراح : وش أسوي
عذاري : لا تسوين شي .... بس كذا معلومة
بعد شـهرين
سعود نسى أفراح أو بالأصح خلاها عشان رغبتها بهالشي ولا إتصل عليها
ولا كلمها ولا لحقها انقطعت أخباره عنها
بعد ما نساها سعود هي صارت تفكر فيه ............
وفي المدرسة........................
أفراح: تكتب على طاولتها..............
(( اشتقت لك ويعلم ربي بكثرة الشوق فيني
و ياليتك ترجع لي والله إني لك حيل مشتاق)) S
عذاري: أفراح حق منو هذا..........؟
أفراح: ل سارة رفيقتي..........!
عذاري: احلفي انه مو حق سعود
أفراح: عذاري
عذاري: هلا
أفراح: والله اشتقت له ..............
عذاري: وشوووو ؟؟ من صج ........؟
أفراح: عذاري أخاف حصل فيه شي أنا كل تفكيري فيه
عذاري: يا هووووه إحنا وقت امتحانات فكري بدروسج!
وبعدين لو حصل فيه شي لا هو أخوج ولا هم يحزنون
أفراح: طيب خلاص انسي اللي قلت لج عنه
عذاري: طيب دانه تدري
أفراح : لا أكيد
عذاري: طيب أنتي ليه تفكرين فيه يعني اشتقتي له؟
أفراح..:عذاري أنا تعبانه وعندي ظروف بالبيت وأحس بضيقه عشان
حالة أختي..................وأمي كل يوم حالتها تتعب عشان أختي وأنا بالفترة هذي محتاجه لسعود انه يريحني "ويهديني" وربي ظروفي ما تنطاق.......وأبوي تعب من كثر المراجعات في أختي روان...))
عذاري : ما عليج هونيها وتهون أنتي خلي تفكيرج في دراستج
لا تنسين ترى إحنا في رابعة ثانوي يعني السنة هذي تحدد مستقبلنا

وبعد كم يوم حان موعد سفر أهل أفراح إلى لندن.............
أم أفراح: دير بالج يا وضحه (( أم دانه أخت أم أفراح )) على بناتي وعيالي
وضحه: أفا عليج عيالج عيالي ولا توصين عليهم إنشاء الله
تروحون وتردون بالسلامة
أم أفراح : أفراح يمه ديري بالج على دروسج وشدي حيلج أسمحي لي يا بنتي فترة أمتحاناتج ماني موجودة عندج...
أفراح: يمه ولا يهمج بجيب إنشاء الله نسبه ترفع راسج وأنتي بلندن
وضحه: أفا عليج بس والله لأوفر لها الجو الدراسي وأخليها
تشد حيلها وأنتبه لدراستها هي ودانه بنتي مثل الشي عندي........
سافرت أم وأبو أفراح وأختها روان للندن......................
أفراح بدى ينزل مستواها بالفترة الأخيرة ....... امتحاناتها صارت
ولاشي............
ما بقى إلا ثلاث شهور على امتحانات رابعة ثانوي النهائية
أفراح قاعدة تحت بالصالة وحاطه أيدها على خدها وتفكر وتفكر ودانه
يمها وتطالع التلفزيون ............... وبلحظة التفكير طرت على بال أفراح
شغله ممكن أنها تريحها من التفكير بأهلها ....................!!
...................راحت أفراح فوق
أفراح سكرت باب الغرفة اللي هي تنام فيها في بيت خالتها
واتصلت على >>>>>>>>>>>>>> سعود!!
سعود: ألو
أفرح بارتباك : مرحبا
سعود:مرحبتين يا هلا
أفراح : منو معاي.......؟
سعود: من بغيتي يا بنت
أفراح: بغيت سعود
سعود: معج سعود بس من أنتي.........؟
أفراح : هلا سعود شلونك ..؟
سعود: بخير ولله الحمد
أفراح: .................
سعود: منو أنتي
أفراح: معك أفراح........
سعود: وشوو؟
أفراح:.....
سعود: أفراح من ؟
أفراح: يلا يلا مع السلامة!!
سعود: مع السلامة
......................
أول ما سكرت التليفون
أتصل سعود <<<<<<<<< توه يستوعب الأخ
أفراح : هلا
سعود: هلا أفراح شلونج
أفراح: تمام
سعود: وش في صوتج يالغلا كذا وليه اتصلتي....؟
أفراح.......
سعود: أفراح فيج شي؟
أفراح: أقعدت تبكي............................................؟؟ ؟؟؟؟؟؟
سعود بخوف: أفراح وش فيج؟ تكلمي أهلج فيهم شي
أفراح:..........
سعود: أفراح تكلمي والله لجي ألحين بيتكم
أفراح وبصوت مخنوق من البكا : سعود محتاجه لك؟
سعود: وشوو.؟.؟
أفراح: سعود والله أبيك
سعود: عقب ويش...........؟ وش اللي ذكرك متصلة تبيني
أفراح: سعود أنا متضايقة وأحس بخوف وأبيك تكون قربي سعود
أحس محد عندي بالدنيا ,,,,,,,,,,," تكفى لا تخليني"
(( رجيتك لا تخليني إذا كثرت بي الأحزان .... أبيك قربي وكل الناس ما أبيها))
سعود: أفراح فديتج هدي أعصابج ............. ومدامج تبيني أنا والله ما أخليج......
أفراح: سعود أمي وأبوي راحوا لندن مع أختي روان وأنا ألحين في
بيت خالتي.....وعندي أخواني الصغار ويبوني أهتم فيهم و وراي امتحاناتي ومدرستي ونزل مستواي الدراسي...... خالتي مو مقصرة معاي
بس أحس محد مهتم فيني ....... أحس إني ضايعه دون أمي........
سعود: أفا يا أفراح أنا عندج هنا وربي لأسوي كل اللي تبينه أفراح إذا
أنا مضايقج اعتبريني وأحد من أهلج...........ولا تكدرين خاطرج يالغلا
أفراح: أنا عشان كذا اتصلت فيك أحسك مني وفيني
سعود بدى يهديها بالكلام وطيب خاطرها وفرح قلبها عن همها
وما سكر منها التليفون لين داخت تبي تنام
أفراح: خلاص وربي دخت دنيتي أظلمت أبي أنام
سعود: أظلمت ؟ شغلي الليت
أفراح: يووووووووه ماصخ
سعود: ما صخ حطي عليه ملح
أفراح: سعود أنت صاحي
سعود: لا نايم
أفراح: ياااااااااااااي جنتني ....؟
سعود: ههههههههههههه فديتج وربي خلاص خلاص روحي نامي
أفراح : يلا تبي شي.؟
سعود: إيه
أفراح: وشووو؟
سعود: فروحة حبيبتي أول ما تقعدين من النوم وتفطرتي و خلصتي عشان
خاطري وخاطر أمج وأبوج وأختج روونه أدرسي عدل...
أفراح: ودي بس تفكيري مشتت وربي
سعود: عشان خاطري ركزي عدل وإذا خلصتي اتصلي علي....
أفراح : طيب إنشاء الله يلا تصبح على خير
سعود: يلا وأنتي من أهل الخير
وطرشت مسج أفراح حق سعود
" بديت تأخذني لدنياك بسكات
بديت أحس انك معي وين ما روح"
وطرش لها سعود
" أنا لا قمت أسولف عن شعوري قمت أسولف فيك
وأنا أدري رغم كل الشوق ما مريت في بالك"
أفراح
"لا يزعجك صمتي ترى والله أغليك
وترى الغلا ما هو بكثر السوالف"
سعود
(( ما أجبرك تتصل ولا أجبرك تشتاق
أبي من كيفك تحس و تجيني))
أفراح
"والله لو يحطون فيك ألف عله وعله
لظل أحبك وما همني الكلام واللي يقولون"

واستمرت أفراح على هالحال مع سعود .............
كان حيل يشجعها على دراستها........ويخفف عنها خوفها وأفراح
تحس إنها ما مو متحملة أخوانها وكان سعود يثبت لها إنها قد المسؤولية
سعود ما كان ينقطع عن أفراح إلا وقت نومها بس وإلا هو كل شوي متصل فيها ويسألها إذا كانت محتاجه شي أو تبي شي.....
<<<<ما تقصر يا سعود
-------------------------------------------
الــــــــجزء الـــتــآإســـع ـع ..!!
في وقـــــت الإمتحــآإنآإت
وقــــــــــــــــــت الامتحانات......................
سعود: فروحه حياتي
أفراح: هلا
سعود: أنسي كل شي ألحين بدت امتحاناتج خلاص حتى أنا بقطع عنج
أفراح: لا سعود
سعود: وشووو اللي لا
أفراح: سعود أنا بقطع نفسي عن كل شي إلا أنت خلك قربي....
(( خلك بجنبي راحتي في وجودك..لا صرت عندي ما بي الكون كله ))
سعود:بس أخاف أشغلج
أفراح: لا تكفى أنت إذا صرت عندي تنسيني كل شي وربي أهتم بدراستي حيل.........

وأيـــــــــــام الإمــــــــــــــتــــــــــحانـــــــــات ........
كانت أول ما تجي من المدرسة تلقى مكالمة من سعود ودايم يتصل عليها
يسألها وش سوت بالإمتحان اليوم ................
حتى إذا جات الساعة 9 بالليل يخليها تنام هالوقت وهو بنفسه يتصل عليها
يقعدها على المدرسة...........
ولمن خلصت الامتحانات كانوا البنات كلهم متوترين ينطرون النتايج
أما أفراح كان سعود منسيها هم النتايج والدراسة وهم الدنيا هذي كلها
كانت أفراح مو شايله هم شي كل وقتها كان مع سعود .....!!ّ
ويــــــــــــــــــوم الـــنتـــايــــج..........................
عذاري رفيقة أفراح 80%
دانه بنت خالتها 78%
مريم رفيتهم 77%
سارة رفيقتهم 80%
.............>>>>>>>>>> أما أفراح فكانت 89%
أم أفراح من لندن: ألـــــــــــــــــــــــــف مبرووووووووك يا بنتي كفو
والله انج تستاهلين يالغاليه
أبو أفراح: والله ورفعتي راسي يا بنيتي
أفراح: الله يبارك فيكم ....... ها وش رايكم بنتكم قدها؟
أبو أفراح: والله انج خففتي عننا هم اختج ومرضها
والناس تبارك لأفراح نسبتها...................
أفراح: سعود مشكور مشكور وربي إن الفضل لك من بعد الله سبحانه
سعود: وأنا وش سويت أبد ما سويت شي كل ما في السالفة إني مزعجج
وأنتي تدرسين ألف مبروك واللي زرعتيه هذا هو حصدتيه
أفراح: سعود
سعود: يا عيون سعود
أفراح: أحبك
سعود:.......
أفراح بارتباك: احم يلا أنا أخليك اللحين مع السلامة
سعود: يا ما نطرت منج هالكلمة ذبحتيني عليها والحين تقولين مع السلامة
لا والله إلا لحظة
أفراح: هلا
سعود: أفراح أنا أحبج أنا أموت فيج ومن زمان أنطر هل الكلمة منج
تعبتيني عليها وإن قدر الله إني أخليج قد كلمتج
أفراح: سعود أنت حياتي واسمح لي على كل شي سويته لك لكن أنت الحين
صعبه أبتعد عنك وأخليك
سعود: طيب قولي أحبك عيدها .......!!
أفراح:.........
سعود وهو يضحك : يالغلا أنا ما ودي أتكلم أكثر وأكثر لأني عارفج تستحين...وكني
الحين شايف وجهج متغيره ألوانه يلا أخليج وأكلمج بعدين بس تأكدي
أني أموت فيج
أفراح وبابتسامة خجل :يالله مع السلامة
سعود: مع السلامة
وجى مسج لسعود" أنا أحبك وأموت فيك سعود أنت حبيبي الأول والأخير"
سعود قعد يضحك" أفراح وربي حبج لي ما يوصل وش كثر أنا أحبج"

وأستمر سعود وأفراح على هالحال مكالمات مسجات ومرات يتقابلون
بس بأماكن عامه يعني أفراح وأهلها بس تشوفه من بعيد وطبعا كل هذا
ودانه بنت خالة أفراح ما تدري لو تدري خربت السالفة..........

الــــــــجزء الـــعآإشـــرـر
ووصلت أم أفراح من لندن وأبوها وأختها وبصحة وعافيه
وسعود ما ترك أفراح لا في حزنها ولا في فرحها.
كان يشاركها بكل صغيرة وكبيرة............وأفراح تعلقت في سعود حيل
حيل حيل.......صارت تحبه.......وهو صار ما يملها بعد هو زاد غلا
أفراح عنده.........وكل هذا أنه واثق بعد أن أفراح ما تحب غيرة....
\
\
\
وفي بيت سعود
عهود ( أخت سعود عمرها 18 ) : يما ترى بنات عمي يبون يجون بيتنا
اليوم
أم سعود : حياهم الله يما بس عاد منو هم
عهود : ناديه وأسماء وتهاني ونوره وعبير بس جمعة بنات
أم سعود : حياهم الله وأنا بخلي لكم البيت بعد بروح عند قصرانا
الساعة 7 المغرب
وصلوا البنات عند عهود وسوالف وضحك على الآخر
نوره : عهود هذا من تليفونه اللي على الشحن ؟
عهود : تليفون سعود أخوي
أسماء : وهو وينه الحين
عهود : نايم فوق
وبعدها الكل إندمج في السوالف إلا ويتصل تليفون سعود
وبكل هدوء تقوم ناديه وتشوف من المتصل
إلا وصدمة حياتها ما توقعت شهقت بصوت عالي وجت تركض أسماء: شفيج؟
ناديه : اقري من المتصل ؟
أسماء : شهقت بصوت عالي
عهود : شفيكم منو ؟
وراحت عهود وتقرى الإسم وقعدت تضحك عهود
البنات : منو
عهود : شنووو مكتوب ؟
البنات : حبيبتي .................
عهود : خلاص أجل حبيبته
البنات مصدومات
عهود : ههههههههههه بالله عليكم شوفوا أشكالكم تضحك
وكان وقتها أفراح تتصل وبعدها طرشت له مسج
وناديه وبدون أحد يدري عنها أخذت التليفون ونادت أسماء
أسماء : مجنونة أنتي
ناديه : لا والله ومسجلها حبيبتي إلا أعرفها منو بنته وما أطلع بنت أبوي
إن ما فضحتها
أسماء : تعوذي من الشيطان
ناديه : إلا الشيطان ركبني يوم قريت اسمها ........ تعالي بقرى مسجاتها
(( سعودتي قلبي إذا قعدت من النوم اتصل علي ))
ناديه بقهر : وجع تقوله سعودتي بعد يا ويلي على ولد عمي
أسماء : اقري غير هل المسج واقري مسجات سعود لها
ناديه : هذا مسج سعود لها (( فروحتي على كثر ما صادفت بنات والله
يا قلبي ما فيه مثلج أخذت قلبي أنا أموت و أحيا بج ))
ناديه وشوي وتبكي : يا ويلي حسبي الله عليها أكيد ساحرته
أسماء : أخذي رقمها وخلينا نهددها
ناديه : إيه صح ....... وأخذت ناديه رقم أفراح ورجعت التليفون مكانه
شوي إلا نازل سعود : عهود
عهود : هلا تعال
سعود : السلام عليكم
البنات : وعليكم السلام
سعود : وين تليفوني
عهود : على الشحن
سعود أخذ تليفونه وشاف المكالمة وقرى المسج وابتسم
ناديه بصوت خفيف : وجع وجع شوفيه ابتسم يوم شاف مكالمتها
سعود : عهود منو جاي تليفوني
ناديه ترتبك هي وأسماء
عهود : محد ........ ليش؟
سعود : لا بس جايني مسج وفي أحد فتحه
عهود : لا محد بس تليفونك توه دق
سعود وهو يضحك بوجه أخته : منووو اللي متصل
عهود تضحك واستحت :...........
سعود وهو يبتسم : مره ثانيه مو لازم تتلقفون تشوفون منو اتصل وأدري
جاني مسج منها وقمتي تشوفون شنووو قالت
عهود : لا لا المسج والله ما جيناه
سعود وهو يطالع ناديه وأسماء : أنتي ما جيتي بس غيرج جاه صح
ناديه أسماء ضحكوا ونزلوا رأسهم بالأرض
وفي نفس الوقت جاء حق سعود مسج من خالد :
(( سعود ما صارت نوم قوم بسرعة ))
سعود شاف البنات يراقبونه فقرر يقرى المسج بصوت عالي
فقال (( سعود حبيبي يالله قوم يا قلبي ما صارت نوم مشتاقة لك بكلمك ))
ناديه شرقت في ألشاهي
سعود قعد يضحك وطلع .......................
اتصل سعود على أفراح
أفراح: بارك لي سجلت بالجامعة
سعود: إلا أنتي اللي باركي لي راح أشوفج كل يوم
أفراح: تشوفني ؟ شلون؟
سعود: كل يوم وأنا مطيح قدام الكلية أجل؟
أفراح: هههههههههه ليش عاد؟
سعود: عشان أشوف بنت جيرانا عندكم
أفراح صدقت : بنت جيرانكم منو؟
سعود: يا بنت ماني متعني إلا لعيونج
أفراح: هههههههههه وربي صدقت

الـــــــجزء الــحــآإدي عشــرـر

وبـــــــعد أيـــــــــام
...........................................
أفراح كانت قاعدة في بيتهم إلا ويدق تليفونها ورقم ما تعرفه ...؟
أفراح : ألووو
....... : السلام عليكم
أفراح : وعليكم السلام .... منو ؟
...... بخبثه : أنتي أفراح؟
أفراح : إيه خير منو أنتي ؟
......: وأنتي تكلمين سعود ؟
أفراح : أنتي منو ...؟
........: شوفي أفراح ابعدي عن سعود وإلا والله باجر الخبر يوصل أبوج
أفراح : سعود منو وأنتي منو على كيفج أهو ...؟
.......: مع السلامة
\
\
\
ناديه: ههههههههههه أحسن
أسماء: زين سويتي فيها
ناديه : قهرني صوتها ناعم حيل
أسماء : ليش عندج نقص بنعومة الصوت ههههههههههه
........................
أفراح على طول اتصلت على سعود بس ما كان يرد عليها
وقعدت تبكي أول مره من يوم كلمة سعود ودها تصارح دانه بكل شي
وقعدت تبكي وتفكر منو هل البنت لين خذاها النوم وجت الساعة 10 بالليل
وإلا يتصل سعود
أفراح وصوتها فيه نوم : ألووو
سعود : هلا حياتي
أفراح : وينك ليش ما ترد علي ؟
سعود : والله تليفوني بالسيارة وأنا عند ربعي
أفراح : سعود محتاجه لك
سعود : وعمري ماراح أخليج
أفراح : سعود من أول ما عرفتك أول مرّه أبكي منك وأكون محتاجه أصارح دانه في اللي بيني وبينك
سعود : ليش عسى ما شر ياقلبي أنا عندج وتبكين والله ما كان عندي تليفوني قولي يا حياتي وش اللي حصل
أفراح قالت لـ ... سعود عن البنت اللي اتصلت
سعود : طيب عطيني ـرقمها
أفراح : ليش
سعود : بتصل بشوف منو هذي ؟
أفراح : لا لا أخاف .!
سعود : والله ما يحصل لج شي يهزك وأنتي معي .. دقايق وأدق عليج
أفراح : ليش وين بتروح ؟
سعود : اصبري بس ..
يروح سعود حق إخته عهود
سعود : عهود عطيني تليفونج شوي
عهود : ليش ؟
سعود : بس بنقل رقم وأعطيج
وياخذ سعود التليفون وعلى طول ياخذ رقم أسماء وناديه
ويتصل على حبيبة قلبه يطمنها
أفراح : هلا سعود
سعود : هلا ياقلب سعود
أفراح : وش سويت
سعود : بداية الرقم 91 أو 65
أفراح : لا 91
سعود : *****91
أفراح : إيه إيه إهي منو ؟
سعود : مثل ماتوقعت بس شغلهم عندي وأنا سعود
أفراح : منوو هم؟
سعود : الرقم يكون طال عمرج رقم ناديه بنت عمي
أفراح : ناديه ..؟ وشكو متصله علي؟
سعود : تغار علي ...؟
أفراح منصدمه : نـــــــــعـــــــــــــم ......؟؟؟
سعود ماسك نفسه لايضحك : مثل ما سمعتي
أفراح بإنكسار : تحبك ..؟
سعود لا زال ماسك نفسه : إيه
أفراح وبدت تبكي ويتغير صوتها : وأنت ..
سعود بيقهرها ولا مرّه جرّبها تغاار : أنا عادي بس بعدين بملك عليها
أفراح بكت : ...........
سعود يضحك بصمت : .............
أفراح تحط إيدها على فمها عشان لا تصارخ : ...........
سعود حس فيها وعوّره قلبه : حبيبتي
أفراح بتردد ومقصره صوتها لا يبين بكيها : هلا
سعود : حياتي
أفراح ما تحملت : سعود أكلمك بعدين
سعود : يا عمري
أفراح وصل حدها : خلاص يا قلبي بعدين أكلمك
سعود : قلبي أنتي والله وغلاتج البنت ما أحبها ولا ـراح أملك عليها بس كنت أمزح معج
أفراح نقهرت : كــــذااااب
سعود صدق إنه إنصدم بس يدري إنه مو من قلبها : أنا كذاب ما عليه
أفراح : سعود تحبها
سعود : تصدقيني بشنوو؟
أفراح : وغلاتج !!
سعود : وغلاتج ما أحبها ولا راح أملك عليها أنتي شايفه وجها أملك عليها
أفراح : ليه قلت كذا
سعود : بشوف ردت فعلج
أفراح : ويهون عليك تبكيني
سعود : لا والله ما يهوون ... آهـ ياليتج عندي وأنتي تبكين
أفراح باستغراب : ليه
سعود فكره بعيد : عشان لا بكيتي أضمج
أفراح إستحت وفضلت السكوت : .........
سعود انفجر من الضحك
أفراح تضحك تبكي ما تدري وش تسوي : سخيف
سعود : رضيتي يالغلا
أفراح : وأنا أقدر أزعل على ـروحي
سعود : ياااويل حاالي ......... أفراح
أفراح : هلااا
سعود : أحبج
أفراح بتغير السالفة : زين شنو بتسوي في بنت عمك
سعود : حلوه طريقتج تغيرين فيها السالفة ... بنت عمي طال عمرج دقي عليها
أفراح : وشووو .. لا لا
سعود : لا تخافين وأنتي معي
أفراح : طيب وبعدين
سعوووود فهم أفراح الموضوع .............!!
--------------------------------------
الــجزء الــثــآإنــي عشــرـر
تتصل أفراح على رقم نادية لكن كانت شابكه سعود معها على الخط
وسعود ما اتصل من تليفونه عشان يعرف إنهم يعرفون رقمه
وفي هذي الأثناء أسماء كانت عند ناديه وتتصل أفراح .........
ناديه : أسماء اتصلت
أسماء : ردي عليها
ناديه : لا خايفه حاسة مكالمتها هذي ورآها شي
أسماء : يا بنت بس بتّأكد مننا
ناديه بدلع : خير
أفراح بنعومة أكثر : ألووو
ناديه : نعم
أفراح : متصلة قبل شوي تكلميني عن سعود صح ؟
ناديه انقهرت من دلع أفراح ونعومتها : إيه متصلة ..!
أفراح بتقهرها أكثر : إيه أنا كنت مشغولة ومو فاضية لج شنو كنتي تقولين
ناديه : أقول ابعدي عن سعود
أفراح : آهـ قصدج سعودتي حبيبي
<< الخط الثاني سعود متحطم من أفراح لأنها إذا كلمته تحرمه كلمات الحب >>
ناديه : سعود حبيبي أنا ..!!
أفراح : سعودتي ما يخوني وهو يحبني ..!
ناديه : إيه يلعب عليج وإلا أصلا أهو بيملك علي
أفراح ما كان ودها تقول هالكلمه بس إجبرتها ناديه : أصلا سعودتي مكلم باباتي وخطبني منه.!!

<< الخط الثاني سعود ياا ويل حالي عليهااا سعود ما إنصدم من كلامهااا لأنه الفكره براسه بس كيف تجرأت ؟ >>
ناديه : كذابه
أفراح وهي تضحك : إسأليه
ناديه : أقول خليه يخطبج بس ترى في سلمنا البنت لولد عمها وانا محيريني لسعود من يوم كنت صغيره يعني سعود ما خذني غصب عني وعنه
أفراح بدت تدمع لأن كلام ناديه صحيح : صدق ..؟؟
<< سعود حس في أفراح >>
سعود : حلم إبليس بالجنّه آخذج
ناديه : م .. من .. منووو .. أنننتت ؟
أفراح : هذا زوجي للعلم هو ماخذني ومحد يدري غير اهلي أهله ما يدرون عنه
سعود يبي يثبت الفكره براس ناديه : أقول ناديه إن درى أحد عن زواجي من أفراح لا تلومين إلا نفسج
ناديه : مع السلامه

ناديه : سمعتي اللي سمعت ؟
أسماء : مستحيل
ناديه : هو قال وهي قالت
أسماء : لا لا ندوي السالفه كذب مستحيل سعود يسويها
ناديه تصارخ وتطيح بحضن أسماء وتبكي وأسماء تبكي معها

أفراح : ههههههههههههههه والله ما كان ودي أسوي فيها كذا
سعود : لابد من هالشي ونوقفها عند حدها
أفراح : بس قهرتني
سعود بخباثه : في شنو قهرتج ؟
أفراح : في ال............. (( طاحت في مطب قوي ))
سعود : كملي
أفراح : لا ولا شي
سعود : لمن قالت إنها لي
أفراح : إيه
سعود : والله أنتي لي يا قلبي ... آهــ ياليتج فعلا زوجتي وملكي بروحي
أفراح : المهم
سعود : ههههههههههههه بتغيرين الموضوع ها بس شوفي عاد ناوي أسهر معج الليله مافيها تغير سالفه
أفراح : سعوووود
سعود : يا عيووونه
أفراح : لا تكلم بأي شي
سعود : ليه
أفراح : حلم بليس في الجنه
سعود : هههههههههههههههه عجبتج
أفراح : حيل حييل يا قلبي
سعود : قلبي أنتي والله
أفراح : سعود
سعود : لبيه
أفراح : أحبك
سعود هذي ثااني مرّه يسمعها منها : وأنا أحبك بعد
أفراح بجرأه : أموووووووت فيك أنت حياااتي أنت عمري أنت لي بروحي
سعود وهذي أول مره يدخلون جو حب فيها : وأنتي غلاتي وروحي ومحد راح يشاركج فيني
أفراح : سعود توعدني ؟
سعود : أوعدج
أفراح : لا تخليني
سعود : وعد ما أخليج
أفراح : ....................
سعود : أفراح
أفراح : هلا
سعود : أنتي كذا مرّه تقولين لي لا تخليني .. ليه تكررينها ؟
أفراح : مدري أحس إني راح أفقدك
سعود بتنهيده قويه : والله نفس الإحساس أحس بفقدج ......!!
الـجـزء الـثـآإلـث عـشـرـر :
بيت أفراح :
السـآإعـة 10 الصبح
أفـراح : يما عندج شي اليوم ..؟
الأم : لا والله يا بنيتي ليه ..؟
أفراح : بغيت السوق
الأم : وش تبين فيه ؟
أفراح : ودي أفصلي لي عباية وأشتري أغراض
الأم : خلاص أبشري اليوم الساعة 4 العصر

دانه : وجع أدق عليج ما تردين ليه ؟
أفراح : تليفوني كان على الشحن فوق وأنا تحت
دانه : أهاا
أفراح : تعالي اليوم بروح السوق تروحين معاي ؟
دانه : إيه مريني أبي أفصل عباية للكلية
أفراح : طيب خليج جاهزة بمرج أنا وأمي الساعة 4 العصر

بيت سعود
سعود قاعد يطالع التليفزيون
عهود : سعود عندك شغل اليوم
سعود : إيه بمر واحد من الربع ليه ؟
عهود : سعود وأنت كل يوم مشغول عمري بحياتي ما شفتك فاضي أو توديني مكان كل اللي يوديني عبد الرحمن
سعود ابتسم والتفت عليها : أبشري يا قلب سعود وين تبين ؟
عهود تبتسم : أبي السوق
سعود : طيب بس تخلصين مبكر عشان ما أتأخر على خويي ..

السـآإعـة 4 ونص العصر
أفراح : سنه على ما تطلعين
دانه تسلم على خالتها : وأنتي دايم تنكدين علي
أفراح تبتسم وتسلم عليها : شخبارج يالهبله
أم دانه : شخبار روان اليوم
أم أفراح : أبد ما عليها
ويسلفون طول الطريق العجز ^_^

من جهة ثانية
عهود : والله إنك بارد
سعود : شايفتني مثلج
عهود : ها ها ها سخيف سعود
سعود : وأنتي أسخف يا حلوة

وفي السوق
قاعدين يتمشون الأهل وفي الممر بالمجمع طاحت عين أفراح على شخص
تحبه وتموت فيه وهو بنفس الوقت انتبه لها ابتسمت أفراح وصدت وهو ابتسم لها دخلت أفراح ودانه المحل ودخلت عهود لنفس المحل وسعود وأفراح نظراتهم متبادلة ولولا اللي معهم كانوا راحوا لحالهم بعيد عن عيون الناس
عهود : سعود وشفيك أحسك دايخ منهبل
سعود : كيف ما تبيني أدوخ وحبيبتي قبالي
عهود : من حبيبتك ؟
سعود : أفراح
عهود : وينها أمانة بشوفها أمانة وينها ؟
سعود : بسم الله شفيج انهبلتي
عهود : بشوف حبيبتك
سعود يأشر على أفراح : هذي هي ..
عهود طاحت عينها على البنت اللي جنب أفراح : دااانوووه
دانه : عهوده حبيبتي وتضمها
<< أفراح تنحت >>
<< سعود انهبل >>
دانه : شلونج شخبارج ؟
عهود : بخير الله يسلمج أنتي شخبارج ؟
دانه : والله بخير صج نسيت أقولج هذي بنت خالتي أفراح
أفراح منصدمة : هلا والله وتسلم عليها
دانه : أفراح هذي عهود رفيقتي
أفراح تعرف عهود رفيقة دانه الروح بالروح لكن ما توقعت أبد إنها إخت لسعود
وبعد ما راحت عهود بصوب وأفراح ودانه صوب
أفراح : دانه هذي إخت سعود
دانه : إيه تذكرين سعود هههههههههه مسكين انصدم يوم شافج ؟
أفراح بقلبها والله أنا اللي انصدمت ....!!
سعود : دانه بنت خالة أفراح
عهود ميتة ضحك : سعود خلنا نوصل البيت وأعلمك مو بالسوق ؟
الــجزء الـرآإبـع عـشـرـر :
في السياـرة
سعود : علميني من متى تعرفين دانه
عهود ميتة ضحك
سعود ارتفع ضغطه : بتكلمين أو شلون ؟
عهود وهي لا زالت تضحك : بعلمك طيب بعلمك
سعود : طيب بعرف وش يضحك ؟
عهود : والله فلم هندي أنت وأفراح هههههههههههه
سعود : علميني ؟
عهود : دانه رفيقتي ومعاي بالمدرسة وصارلي وياها 5 سنوات
سعود : حلو
عهود : ودايم تكلمني عن بنت خالتها أفراح وإنها توأم روحها
سعود يسرع بالسياـرة شوي : طيب
عهود : وكذا مرة كلمت أفراح لمن أدق على بيت دانه ألقى أفراح عندها
سعود : وكيف علاقتج بأفراح ؟
عهود : شبه علاقتي بدانه بس الفرق إن أفراح ولا مرة شفتها
سعود : عندج رقم بيتهم وتدقين عليها عادي ؟
عهود : إيه وأصلا هي كذا مرّه تدق على بيتنا بعد
سعود : وش رايج برفقتهم
عهود : سعود والله انصدمت لأن أفراح مو من نوع البنات اللي يكلمون شباب ولا هي من نوع الخرابيط هذي والمصخره ذي
سعود : أنا واثق بأفراح مثل ما أنا اثق فيج
عهود : بس اللي مستغربته كيف تجرأت وكلمتك ؟ وليه ما قالت لي ؟
سعود : كيف كلمتني هذي سالفة خاصة بيني وبينها أما ليه ما قالت لج هي ما قالت لدانه عشان تقولج
عهود انصدمت واشهقت بصوت عالي : بذمتك دانوه ما تدري عنها
سعود يبتسم : والله دانه ما تدري ؟
عهود : أجل أكيد عذاري رفيقتها تدري
سعود : ولا عذاري ولا أحد
عهود : مو معقول ؟
سعود : وليه مو معقول ؟
عهود : كيف بتشكي منك ؟
سعود : وليه تشكي مني ؟
عهود : مثلا حنا يالبنات لازم نفضفض ؟
سعود : عمري بحياتي ما ضايقتها وأداري الكلمة لا بغيت أقولها لها وإن تضايقت أحس بها وأراضيها وإن بغت تشكي مني تشكي لي ..؟
عهود : وشلون ؟
سعود يتنهد : لأني أحبها يا عهود والله أحبها
عهود : الله يوفقك معها يا خوي
سعود : عهود
عهود : هلا
سعود : تحبيني ؟
عهود : وجع حسبالك أفراح أنا
سعود انفجر من الضحك : ههههههههههههههههه لعنه زين
عهود تضحك : ليش ؟
سعود : ناوي أخطب أفراح !!
عهود : والله أفراح خوش بنت وأهلها طيبين ومحترمين وهم من نفس قبيلتنا
سعود : كل اللي قلتي عليه أدري عنه يالخبله
عهود : أجل أنا موافقة !!
سعود : يعني بآخذ رايج يا أم كشه ؟
عهود تبتسم من تعليقات أخوها مروق اليوم : أجل وش تبي أدفع المهر
سعود مات ضحك : تهبين
عهود : قل وش تبي
سعود : بقول لأمي إنج انتي اللي مختارة هالبنت لي
عهود : أبشر بعزك والله لألف سالفة طويلة عريضة أدوخ أمي فيها لين توافق
سعود: إيه بس عساج ما تجيبين العيد فينا
عهود : لا بقدم رمضان هههههههههههه

أفراح كانت متضايق ما تدري ليه يمكن خايفه عهود تآخذ فكره عنها إنها بنت مو زينه ؟ خصوصا إنها تعرف بعلاقة سعود وأفراح
أو إنها خايفه عهود توصل الخبر لدانه ؟
الوكاد ما تدري هي ليه متضايقة ؟

<< شنوا كان ردت فعل سعود لأفراح >>
---------------------------------------------
الجـزء الــخآإمس عـشـرـر :
الساعة 11 بالليل سعود واقف قدام سيارته برا في الشارع
سعود : طيب أنتي ليه متضايقة ؟
أفراح : مو متضايقة من قال لك ؟
سعود : من صوتج ؟
أفراح : شوي تعبانه ؟
سعود : أفراح أحس فيج ترى ها؟
أفراح بدت تعصب : سعود خلاص ما فيني شي
سعود بإنكسار : فروحتي قولي لي يالغلا لا تحاولين تخبين عني
أفراح دمعت عيونها : ......
سعود : فروحتي تبكين ؟
أفراح : والله ما أدري ليه تضايقت يوم عرفت إن عهود إختك حسيت بشي ما أدري شنو؟
سعود : بالعكس يالغلا عهود طريق بيوصلني لج يا حياتي
أفراح تمسح دموعها : كيف ؟
سعود يبتسم : أفراح قلبي أنا قلت لعهود بخطبج وهي بتقول لأمي إنها هي اللي مختارتج لي وإلا أنا أقدر أقول لأمي في بنت أحبها وبخطبها بس ودي أدخل عهود بالصورة أحسن يالغلا
أفراح ارتبكت : ..............
سعود : أفراح ؟
أفراح : هلا
سعود : شفيج سكتي؟
أفراح : لا ولا شي
سعود بخبث : تبيني ؟
أفراح بحيا : أنت شتقول ؟
سعود : أنتي قولي تبيني ؟
أفراح : إيه أبيك
سعود بنفس الخبث : وش تبين فيني ؟
أفراح : سعوووود
سعود ضحك : يا عيووونه
أفراح : بلا استهبال وتفكيرك هذا خله محله
سعود يرجع لخباثته : ليه وتفكيري وين ـراح ؟
أفراح : أشك منت صاحي
سعود : لا لا يالغلا خلاص فديتج
أفراح : ودي أكون معك طول العمر
سعود : والله حتى أنا ودي ما أفارقج لو ثواني
أفراح : الله لا يحرمني منك
سعود : ولا منك يا قلبي .. يالغلا أنا بخليج ألحين لأنه خوياي عندي بالديوانية وأنا طنشتهم بغيتي شي ؟
أفراح : لا يا حبيبي سلامتك
سعود : أفراح
أفراح : هلا
سعود : أحبج
أفراح : أوكي طيب
سعود : يا ويل حالي يا حبني لج
أفراح تضحك برقه
سعود : فديت هالضحكه وراعيتها
أفراح : إلا أنا اللي فديتك

ناصر بصوت عالي : سعووووووووووود
سعود : يلعنك اللي خلقك وشفيك ؟
ناصر يتجه يمه ويضحك : والله إنك رخمه وشفيك اخترعت
سعود : طلعتني من جوي يا مال قصف الأجل
ناصر : هههههههههههه من أفراح ؟
سعود : لا تقول أسمها على ألسانك
ناصر : هههههههههههه يا حليلك تعرف تحب؟
سعود : ناصر ضف وجهك وأنا جايك
ناصر يقرب من سعود : ما أمشي من هنا إلا وأنت وياي يا حياتي
أفراح سمعت ناصر : سعود قول لخويك لا يقولك حياتي
سعود : ناصر ولعنه لا تقول لي يا حياتي
ناصر : هههههههههههه يقرب ناصر أكثر من سعود
سعود : هههههههههههه أنت وش تسوي ؟
ناصر : أحبك وش أسوي يعني ؟
سعود : هههههههههههه الله يرجك قل آمين
سعود : فروحتي قلبي
أفراح : هلا
سعود : يالله يالغلا أكلمج شوي تبين شي يا روحي ؟
أفراح : لا حياتي سلامتك
سعود : يالله يالغلا مع السلامة
أفراح : مع السلامة
ناصر : هههههههههههههه اللهم ارزقنا بمثلهم
سعود : يااااااو يا ويل حالي ياخوي أنا أشهد إني أحبها
ناصر : عسى الله لا يفرقكم
ويدخلون الديوانية
خالد : يا مال الهم وينكم؟
سعود يحط ايده بإيد ناصر : مع حبيبي فيه شي
ناصر يمسك سعود : يالبى قلبك
نواف : ولعنه أنت وياه صاحين ؟
سعود : هههههههههههه هلا هلا حياكم
خالد : احلف

وقعدوا يسولفون ..........
وعسى الله لا يفرك سعود عن ربعه ..

الجـزء الـسـآإدس عشرـر :
أول ما سكرت أفراح من سعود التليفون قطت نفسها على السرير وتنهد بقوة : الله لا يحرمني منه
وراحت في نوبة تفكير عميقة ما تدري وش يصير حولها أبد

فــجــأة

(( تليفون أفراح يدق حسبالها سعود لأنه الساعة 1 وزود بعد ))
أفراح مسكره عيونها : هلا حبيبي
دانه : وجع إنشاء الله
أفراح شهقت : منووو دانوووه ؟
دانه وهي تضحك بعفوية : لا خيالها حبيبج منو ؟
أفراح تسوي الوضع إيزي : كنت أستعبط عليج
دانه : أدري تليفون البيت عندج
أفراح : إيه
دانه : دقي علي ضايق خلقي
نزلت أفراح تحت وكانت صالة البيت ظلمه وحدها خايفه
أفراح : ها وجع خفت بروحي تحت
دانه بدون مقدمة : أقول بسألج سؤال ؟
أفراح خافت : إسألي أو يعني مؤدبة ؟
دانه : لا لأنه سؤال جريء وحقير ؟
أفراح زاد خوفها : دانوه وجع تكلمي
دانه بحدة الصوت : سعود



أفراح في قلبها أكيد عهود قالت لها





أفراح : سعود أي سعود سعود منو ها ؟
دانه : أفراح شفيج ارتبكتي
أفراح : سعود منو خلصيني
دانه : سعود أخو عهود
أفراح بدت تدمع عيونها : شفيه ؟
دانه : والله ما توقعتها منج
أفراح : دانه لا تقولين جذي
دانه : أنتي لهالدرجة سهلة
أفراح ما تحملت كلام دانه : كيفي أنتي مالج شغل
وتسكر التليفون بوجها
دانه بقلبها هذي شفيها ؟
أفراح صعدت فوق لدارها تبجي

وفي نفس الوقت
سعود : شباب عن أذنكم شوي
ويطلع سعود برى حس إنه متضايق واتصل على أفراح وقال يا رب ما تكون نايمه

أفراح دافنه وجها على المخدة وتبكي بكي يقطع القلب حسب بالها دانه عرفت السالفة وكيف تحط عينها بعين بنت خالتها اللي واثقه فيها ؟
وظلام الغرفة ما بان إلا ليت تليفونها يوم إتصل سعود
أفراح ما كانت بترد بس قالت لازم أرد
أفراح : ألووو
سعود : أفااا .. الحب متضايق
أفراح : لا ولا شي
سعود : مو سكرت منج التليفون واتفقنا إنج ماتبكين ولا تضايقين
أفراح وبانكسار قوي : خلاااااص
سعود : وش اللي خلاص ؟
أفراح : خلاص دانه عرفت السالفة خلاص
سعود : قلتي لها ؟
أفراح : لا
سعود : من اللي قالها ؟
أفراح وبندم شديد : أختك
سعود : مستحيل والله مستحيل
أفراح : أجل من قالها ؟
سعود : تأكدي من السالفة عدل يالغلا
أفراح : شلون أتأكد ؟
سعود : يمكن فهمتيها غلط ؟
أفراح : سعود بشبكك معها واسمع السالفة منها
سعود : أبشري

أفراح تتصل على دانه
دانه : ألووو
(( مكالمة جماعية ))
أفراح : هلا دانه
دانه : شفيج ؟
أفراح : ولا شي
دانه : مع منو شابكتني ؟
أفراح : وحده من رفيقاتي يالله تكلمي شنو تقولين ؟
دانه : أي كلام ؟
أفراح : السالفة !
دانه : أي سالفة ؟
أفراح : دانه بلا عبط عن سعود !!
دانه : أهاا إيه أنتي شفيج عصبتي وزعلتي ؟
أفراح : ولا شي قولي السالفة خلصي
دانه : أقول انصدمت لمن دريت إنه أخو عهود
أفراح : وبعد ؟
دانه : وبس !!؟
أفراح : تقولين طلعتي سهله شقصدج هني ؟
دانه : إيه أقول منتي سهله عشان تتأثرين بالكلام وتعصبين بسرعة
أفراح إرتاحت : أها لا بس خلاص
دانه تغير الموضوع مو عاجبها : طيب تعالي شرايج في عبايتي ؟
أفراح بدون نفس : حلوة
دانه : وجع
أفراح : ليه ؟
دانه : تختصرين ؟
أفراح : لا
دانه : طيب شخبار عذاري

(( دخلوا مواضيع البنات وسوالفهم وتطمن سعود وسكر التليفون وهو مرتاح لحبيبته ))

الجزء السآإبع ـع عـشـرـر :
الـصـبـح الــســاعــة 10
أم أفراح: أفراح يمه تعالي شوي بغيتج
أفراح: هلا يمه
أم أفراح: يا بنتي ترى اليوم يبون يجونا عمانج
أفراح: حياهم الله يمه
.............................
أبو فهد: والله يا خوي مال البنت إلا عيال عمها وأنا جايك يا خوي وأنا
أكبر منك وأبي أخطب بنتك أفراح لولدي فهد
أبو أفراح: والله هذي الساعة المباركة وفهد حسبت ولدي وأن ما أخذ بنتي
من يا خذها أجل
أبو فهد: والله أني عارفك منت برادني يا خوي
أبو أفراح: بس أنا أقول لو تصبر علي أسبوع بس أكلم البنت ولو أنها
مستحيل ترفض عارفها ((إلا قصدك مستحيل توافق )) وأرد لكم خبر
أبو فهد: إيه على خير إنشاء الله
"""""""""""""""""""""
أفراح بصوت عالي: لا يعني لا يبه تكفى لا ما أبي أتزوج
أبو أفراح : وليه يا بنتي
أفراح: بس كذا ما أبي والله ما أبي
أم أفراح: يا بنتي هذا ولد عمج وما فيه عيب
(( فهد أكبر منها بسنتين وحلو الملامح ورجال وهيبة له وكل البنات
بصراحة يتمنون مثل هالرجال وغني زود على هذا))
لكن
(( القلب يجبرني عليك أنت بالذات.s.وإلا العرب واجد وغيرك مزايين))
أفراح: أنا قلت مابي خلاص فكوني زواج من فهد مابي
أبو أفراح: أسمعي يا بنتي من أول ما جبتج وأنا ما عصيت لج طلب
وكل اللي تامرين فيه ألبيه لج...لكن أنج تعصين أمري وتكسرين كلمتي
للرجال هذا الشي مستحيل أرضى فيه وزواجج من فهد هو اللي يبي
يتم.........
أفراح على طول صعدت غرفتها وقعدت تبكي............................
أتصل سعود وكنه حاس بشي؛لكن أفراح ما ردت عليه وظل يتصل
وبعد ما جت تقريبا 11 مكالمة ردت أفراح عليه
أفراح وصوتها متقطع من البكي: ألووو
سعود: هلا أفراح وينج
أفراح: موجودة
سعود: أفراح وش في صوتج
أفراح: لا عادي سعود
سعود: فروحتي فيج شي مضايقج شي تبين شي ترى أنا حاضر
أفراح: لا حبيبي ما تقصر
سعود: طيب وش فيج؟
أفراح: بس شوي تعبانه
سعود: طيب ولو أني حاس أنه فيه شي بس ما عليه
أفراح : سعود أنا أخليك ألحين أمي تناديني
سعود: أوكي بس أذا خلصت حاولي تتصلين عشان تعلميني وش فيج؟
أفراح : أوكي يلا بآي
سعود: مع السلامة
وردت أفراح تبكي ..............................................
بعد يومين
أبو فهد : يا خوي خير البر عاجلة وإحنا والله ودنا نفرح وما ودنا ننتظر أعتقد يكفيها تفكير هذا ولد عمها
أبو أفراح : أبد ولا يهمك يا خوي ويا فهد ألف مبروك أنا وين بلقى اللي أحسن منك لبنتي
فهد : الله يبارك فيك يا عم وعسى الله يطول بعمرك

دانه تحس بأفراح قبل لا تكلم : ودي أقول مبروك بس حاسة تزيد همج ؟
أفراح وهي تبكي : حيل حيل يا دانه أحسها تطعن فيني
دانه : طيب ليه عاد هذا ولد عمج !
أفراح : المشكلة إنه ولد عمي مابيه مابيه والله مابيه
دانه : شايفه عليه شي أنتي ؟
أفراح : لا أصلا ما أعرفه أبد ولا عمري شفته ولد عمي بالإسم بس
دانه : طيب لا تضايقين حرام أمج وأبوج يبون يفروحون فيج أنتي الكبيرة
أفراح : يفرحون لمن أنا أفرح مو لمن أتضايق يفرحون ؟
دانه : خلاص هونيها ومع الأيام بتحبين فهد إنشاء الله

(( أفراح قررت سعود ما يدري عن خطبتها ))
وهي أصلاً تدري لو ما قالت له بيزعل بس شتسوي ؟
-------------------------------------------
الجزء الثآإمن عـشـرـر:
الـــيـــــوم مـــــــــلكت أفــــــــراح.........
والساعة وحده الفجر ضبط اتصلت أفراح على سعود
سعود: هلا وغلا ومرحبا
أفراح: هلابك بزود
وبـــــــــــعد التــــــرحيب والـــــسوالف والكل يهايط ((والله نور جهازي)) وغيره من باقي الهياط ^_^
أفراح: سعود حبيبي عمري قلبي حياتي فديت روحك وربي
سعود: لا لا كذا ما أتحمل والله وأنتي بعد دنيتي كلها
أفراح: حبيبي
سعود: لبيه
أفراح: ترى قلت حبيبي يعني مالي حبيب غيرك
سعود: طيب يالله لا تجيبين فيني العيد
أفراح بتردد: سعود بصراحة أنا نخطبت واليوم راح تكون ملكتي
سعود:............
أفراح برتباك: أنا قلت يعني لازم أنك تدري وأدري أني صدمتك
سعود............
أفراح بخوف: والله هو شي صار غصب عني ولا هو بيدي يا سعود
سعود:..........
أفراح: سعود؟
سعود: من صج تتكلمين
أفراح: ايه والله
سعود: ومن اللي خذاج
أفراح: ولد عمي
سعود: أفراح أصلا أنتي متى أنخطبتي..؟
أفراح: من زمان.............
سعود: وليه ما قلتي لي؟
أفراح : ما كان ودي أضايقك
سعود:.........
أفراح: سعود والله أهلي اغصبوني والله أني تضايقت ورفضت بس........
سعود: لا يا أفراح صحيح أني ( تمنيتج ) لكن ولد العم ما ينرد وتأكدي
أن سعادتج من سعادتي والله لو فرحتج على موتي لذبح نفسي
((الله يوفقج وألف مبروك))
>>>>>>>>>>
يوم قرب موعد زفافها اتصلت تبشرني
الله حسيبها أصدمتني وهزت الكيان
لعنبوها تحسب إنها بشارة فيها بتفرحني
لعنبوها وشلون بفرح حطمت كل ما كان
كيف افرح وأشوف الغير يا خذها مني
طيب على الأقل كان علمتني من زمان
لعنبو دارها حتى بخطوبتها ما خبرتني
كذا أصدمتني بخبر زواجها اللي بان
لعنبو حيها إن ما فرحت لها الله يلعني
مبروك يالغلا وعسى ربي يبعد الأحزان
والله يهنيك معاه وأنا لك صافي ظني
ما نويت لك الحقد والانانيه بكل الأحيان
افرح بفرحك واللي يحزنك يحزني
أموت أنا إذا شفتك بيوم علي زعلان
وتحييني بسمة رضا منك ثم تنتشلني
ليلة زفافك حبيبي كنها الموت والجثمان
كنها ليلة وفاتي وبعزاي الناس تحضرني
يقولون مبروك واسمعها آخر الأحزان
بخبر زواجها أذبحتني وبأيديها أقبرتني
بس ما ودي أبين لها إني عليها ندمان
ابتسم قدامها وابكي لا منها تعدتني
بس والله من غلاها إني معها فرحان
ولا يغرك كل الكلام اللي طلع مني
تراه شوية تغلي قبل تهجريني مع فلان
أفراح : سعود آسفة ما ودي يصير كذا
سعود كثر ما هو متضايق حبها غلب الضيق ولازم هي تفرح وهو يتضايق يسوي المستحيل عشانها فقال :
ليه تتأسفين حياتي ؟ ما سويتي شي غلط وكلنا بالدنيا بنتفارق محد مع الثاني
أفراح تبكي : سعود ليه غيرنا أخذوا اللي يبون ؟ ليه وأنا أول مرّه بحياتي أحب يصير فيني كذا ؟ سعود ليه ما نبقى مع بعض ؟ سعود ليه عادتنا ما تسمح لقلوبنا مجال ؟ ليه أهلنا متحجرين ؟ ليه الأيام ما ترحمنا ؟
(( سعود ليه ما نبقى ؟ ))
( سؤال أحـطه للبـدو بيـن قوسيـن
ليـه الـغرام بـعادات أهـلنا جريمـة )
سعود وأول مرّه يحس إنه متضايق وإنه هو بنفسه محتاج أحد يهديه : أفراح ما تشوفين شر

وسكر التليفون كلن منهم ؟؟؟

أفراح تبي سعود بس كيف ؟
سعود يبي أفراح بس كيف ؟

الجزء التآإسع عشر :
وفـــــــــــي لـــــــــيلة الــــــــملكة ................
أفراح (( يا ضيقة صدري في ليلة فرحة أمي يا يمه باللحظة ذي دمرتي حياة بنتج))
أفراح كانت متضايقة حيل لأن سعود ما عاد بهو متصل عليها مثل أول
ولأن فهد ما هو بالشخص اللي تبيه والناس حولها فرحانة وهي بآخر أحزانها.......
دانه: أفراح وش فيج؟
أفراح: لا ولا شي
دانه : كنج منتي راضية على اللي صار
أفراح: هذي حكمة ربي وهذا قدري
دانه: أنا حاسة أن في حياتج واحد ثاني
أفراح: دانه لا تضايقيني بين الناس خليني بحالي
أتصل سعود عليها............بعد ما ملكت
سعود: مبروك يا أفراح
أفراح: الله يبارك فيك ويخليك
سعود بضيق: أفراح قبل كل شي ترى هذي أخر مكالمة بيني وبينج
أفراح وبدت تدمع عيونها: على راحتك
سعود: أسمعيني للآخر ولا تقاطعيني....
أفراح: يالله قول.........وش عندك.؟
سعود:أول شي والله تمنيتج زوجه لي ... لكن النصيب أقوى... أنا غيرج والله ما حبيت وبعدج والله ما عاد بأني حاب أنا يوم عرفتج
عفت بنات الكون كلهم......ما ملكني سواج وعذبني غيرج وما فرحني غيرج وما أحزني غيرج وما فيه أحد بالكون قدر يدمرني غيرج
الله يوفقج معه وأنا والله ما ني بناسيج ولا مخليج أفراح اللي تبين مني أنا
حاضر........روحي معه وبالتوفيق وأن حصل شي لج وأن ضرج بشي
بلغيني والله لأكره حياته
(( بالك أسمع أنك تضربها وهي تشكيك...ما يحتاج أوريك بفن الضرب موهبتي))
أفراح أخذي حياتج تساهيل ولا عاد تفكرين فيني وأتركيني بحالي وأنتي
بحالج..
((لا عاد تسأل عن أحوالي وتشتاق....فكر بنفسك ولا يهمك ضياعي))
وأنا والله أحلى أيام قضيتها بعمري كانت قربج..........وألحين يالغلا
روحي مع واحد تمناج
أفراح: سعود ليه تعذبني
سعود: هذا الواقع ولا نقدر نجحد الواقع خلينا قد المواقف اللي تحصل
أفراح: بس غيرك ما تمنيت
سعود: وأنا بعد غيرج والله ما تمنيت
أفراح: أنا والله ما راح أنساك.....
سعود: لا تحلفين لا لقيتي الحياة الهنية والله لتنسين سعود وأهله
أفراح: مستحيل أنساك وأنت أول شخص حبيته وشلون أنسى واحد
طلعني من الهم اللي فيه وواحد رفعني وشجعني على مستواي
سعود أنا دونك أضيع
سعود: والله ما تضيعين دامج عرفتيني هذا أنا ما تركتج إلا لين سلمتج ولد عمج
أفراح: سعود
سعود: لبيه
أفراح:أول ولد يجيني بسميه على أسمك عشان أبقى طول عمري وأنا أناديك.......<<<<<<<<عـــــــــــزتي لـــحــاآلــهـــاآ
سعود:...........
أفراح: وش فيك ساكت؟
سعود بغير جو الكآبة: أتخيل ولدج لا جبتيه أتخيله يشبهج فديته
أفراح:هههههههههه وأنت إذا جبت بنت سمها أفراح عشان أزوجها ولدي
سعود: أنا خلي حالتي تحسن من بعد فرقاج بعدين أفكر أني أتزوج
أفراح: سعود لا تضيع عمرك عشاني
سعود: أنا عمري كله ضاع عشانج
((لو ضاع مستقبلي فدوة لك....حاله من حال الماضي اللي ضاع بسبابك))
أفراح: سعود أحس أني ذنب بحياتك
سعود: لا وشدعوة أنتي فرحة حياتي والله
أفراح:........
سعود: المهم أنتي ديري بالج على نفسج وديري بالج على زوجج ترى
أحنا الرياجيل البنت اللي ما هي سنعه وما تهتم فينا نطلقها
أفراح: ليته يطلقني وأرجع لك
سعود: هههههههههه لا تلقيني قد مت أنا
أفراح: لا اسم الله عليك ليه؟
سعود: ليلة زفافج بعلن وفاتي فيها
أفراح: أنت وش قاعد تقول.؟.؟
سعود: ما علينا يا بنت خليج مننا وأنسينا
أفراح:.........
سعود: تدرين وش أكثر شي تحسفت عليه
أفراح: وش
سعود: أعرفج من زمان وكنتي تصديني ويوم صفيتي لي خذاج غيري
أفراح: شلون ما فهمت
سعود: يعني لحظة فراقنا قلتي "أحبك"
"صبرت يا قلبي أيام وشهور ولانيب
.............................................تايب حتى أسمع ما يسرني ويسرك
أبي أسمع كلمه تطيب الخاطر وتجيب
.............................................الفرح والسعادة وأبيها من الهم تهدك
دامك تبيني قربك من المشرق للمغيب
.............................................ريحني يالغالي وقلي وش اللي بصدرك
قلي أن كنت تبغاني رفيق أو حبيب
.............................................أبي أعرف من أكون بالنسبة عندك
ليه لآمنك شفتني تقدم ذاك الترحيب
.............................................ولا تمل من شوفتي ولا أنا أملك
كنت تبيني قربك وأنا لك قريب
.............................................ولا تبي تبعد عني ولا قلبي يهدك
وبلحظه اتصلت عليك وقت المغيب
.............................................وهزت بخاطري كلمه اطلعت منك
وقتها مدري وش أقول وش أجيب
.............................................بس الأكيد إنها كلمة تسرني وتسرك
بس الأكيد إنها حقيقة ما هي أكاذيب
.............................................كلمة نطقتها من صميم خفوق قلبك
لكن للأسف أنك قلتها وأنت بتغيب
.............................................يوم افترقنا اعترفت لي واعترفت لك
يوم افترقنا اعترفت إني لك حبيب
.............................................يوم افترقنا عرفت من أنا عندك
بقولك ليه بكى قلبي وأشغل النحيب
.............................................وليه حرمت عيني النوم بحياتي منك
تدري وش اللي عذب القلب تعذيب
.............................................لحظة وداعنا قلت لي أحبك"

أفراح: أنا راح أبقى أحبك طول ما أنا حييت والحب من الله يعني محد
يقدر يشيلة
سعود: بس لا جى واحد وعطاج أكثر من اللي عطيتج والله ليشيل حبي لج
أفراح: أسمح لي كان ما شاله الله والله ولا غيرة يقدر
سعود: لي متى بتحبيني
أفراح: والله لأموت وأنا أشهق بحبك......وأنت
سعود: أنا أموت وحبج ما مات
أفراح: سعود طلبتك
سعود: أمري أنتي لا تطلبين
أفراح: أمانه أحفظ لي أسراري وأحفظ عناويني ترى محد سوى ربي
يدري أني أحبك .... حتى أقرب الناس ما بلغته ((دانه))
وأمانه أستر علي وأمانه شطب رقم تليفوني وشق الصور
وأمــــــــــــانــــــــــــه لا تجيب طاري أسم أفراح على لسانك.........
"تقول أرجوك تحرق صوري مع رسالاتي
وفراقك ما هو بكيفي وأنا والله مغصوبة
وقالت خذ وعد من دمعي المقهور بسكاتي
أموت بحبك الغالي وارد أحيا على دروبه"
سعود: وش قاعد تقولين أنتي؟
أفراح: خلاص أنا بقايا ماضي روح ألحين أنا بسكر التليفون وأنت أركض
حطني بملف الذكريات القديمة................خلني ماضيك الأسود
سعود: وأنتي أمانه ديري بالج على نفسج تراها وصيتي وكلمتي الأخيرة
لج ديري بالج على نفسج وكل اللي قلتيه لي تم وحاضر وأبشري....
أفراح: يالله تبي شي
سعود: مع السلامة وبالتوفيق المبارك
أفراح: مع السلامة
سعود: يالله أشوفج على خير
جتنـي وقالـت خـذ بقايـا هـدايـاك
****وهاك الرسايل وأعتبرهـا نهاايـه
وخـل ذكرياتـي والصـور دوم ويـاك
****مابيـك تنسانـي وتنسـى هوايـه
وأستر علـى ما شفـت منـي وماجـاك
****وعساك تذكـر ذكرياتـك معايـه
قلت أسمعي قالـت عسـى الله يرعـاك
****ماعـاد ينفـع ياحبيبـي كفـايـه
صاح الضمير وقال يالزيـن وش جـاك
****ودي أعرف اليوم شنهـو خطايـه
ودي أعـرف اللـي حصـل لاعدمنـاك
****شاللي حصل بالضبط شنهي الحكايه
قالت (خطبني) شخص مثلـك وشـرواك
****وأبـوي ملكـه وحطـم منـايـه
قالت وهي تبكـي تـرى الكـل يفـداااك
****لكن ظروف الوقـت زادت شقايـه
غصب علي اليـوم أوادعـك وأجفـاااك
****مجبوره يا قلبـي أفـض الروايـه
لاتعتقد فـي يـوم أنـا بقـدر أنسـاااك
****أنت الوحيد اللـي لهالقلـب غايـه
والقلـب صابـه وقتهـا ألـف دكــاك
****والهم أعلن فـي حياااتـي البدايـه
------------------------------------------
الـــجزء العشـــــــرون :-
في بيت دانه الساعة 8 مساء
دانه : أفراح أنتي علامج من يوم إنخطبتي وأنتي مو عاجبتني فيج شي؟
أفراح : لا دانه ولا شي .!
دانه : أفراح قولي لي شفيج ؟
أفراح : بس قلت لج ما أبي فهد وخلاص
دانه : فهد ولد عمج وهو أولا من غيره ؟
أفراح : أنا ما أبيه لأنه غيره أولى منه
دانه : منو اللي أولى يا أفراح .؟ أنتي الظاهر فيج شي مو صاحيه
أفراح : خلاص دانه قلت مافيني شي لا تزيديني

خالد وسعود على البحر الساعة 8 مساء
خالد : وأنا أخوك البنت بدالها بنت ولا تضايق نفسك عشانها
سعود : ياخوي أحبها ولاني متعود فرقاها أحبها ؟
خالد : الله يسعدك بغيرها
سعود : تعتقد في غيرها يملي عيني ؟
خالد : بنات الناس واجد وأنت العمر قدامك
سعود : العمر إنتهى يوم انتهت حياتي بأفراح
خالد : عيّن من الله خير وادعي لها الله يوفقها
>>>>>>>>>>>>>>>>>>>>>>>
<<<<<<<<<<<<<<<<<<<<<<<
""ومرت الشهور دون طرياه....بس عساه بخير من دوني""
((يا صاحبي أنا لك مشتاق...حسبي على وقت عنك حداني))

واليــــــــــــــــــــــــوم الــــــــــــــــــــعرس

اليوم الفجر أقعدت أفراح على صوت مسج:
أقبلت مثل اللي يبشر بمولود .... وأقفيت مثل اللي يعزي بغالي
المرســــــــــــــل : سعود
وأرسلت أفراح
الليالي عقب فرقاك ما تلفي بخير
وضحكتي خبري بها يوم أودعها معاك
سعود:" حان الفراق وتم توديع الغالين
قسوة زمان وظروف ما هي رحومه"
أفراح: "حان وقت الفراق وودع القلب غاليه
بدمعة حزن ما تنسى ماضي غاليها"

سعود:
"فمان الله يا قصة غرام أصبحت اليوم تذكار
صنعها الحب في لحظه ولا كمل مشاويره
فمان الله يا حب وقف ولا كمل المشوار
عرف مفرق الدربين وما يحتاج تكميله
فمان الله يا أول من سكن قلبي
فمان الله فمان الله من قلب أضنك صعب تنسينه"
أفراح:
"لا تقول حكم علينا الزمن بالمفارق
هذا وقت المحبين كل ماجمعهم فرقهم"
سعود:
"حكم القدر ساعد على فرقا الأحباب
ترك بدال أفراح عمري كآبه"
أفراح:
"اذكرني كل ما شفت المحبين مجتمعين
وقول عسى الله يذكر أيامك بالخير"
سعود:
"لا تبكيني إذا حان وقت المفارق
أنا وأنت مو أول مره نفترق"
أفراح:
"الله يعين قلبي على صدمة فرقاك
والله يعيني بكمل مشواري بدونك"
سعود:
"شفت الليالي اللي شهدت يوم لقانا
هي نفسها راح تشهد يوم فرقانا"
أفراح:
"تباعدت القلوب والله يسهل خطاويك
ومسامحك على كل جرح منك خذيته
لو منت غالي وفي منهو يساويك
كان ليوم الدين رضاك علي جفيته"
سعود:
"تبغاني أصبر عن غيابك إذا غبت
عطني مثل قلبك و أسوي سواتك"
ودز بعدها سعود:
""
ياصاحبي لو إن هالجروح اللي تلاحقنا
تصد عنا وتتركنا وتنسانا
لو هالبقايا لوجهه الله تعتقنا
ونعيش أنا وأنت ياصاحبي بدنيانا
ونسج عن ماضي عيا يفارقنا
لا راح عنا بلا رجعه ولا جانا
من واقع اليوم ليه اليوم يسرقنا
وعن واقع الأمس ليه اليوم ما أرضانا
كنا نحس بالجروح ولا تضايقنا
ونعيش نشوة جروحن في حنايانا
يا صاحبي تأخرت والذكرى ترافقنا
وجه هجرناه لكن ما تعدانا
بالله هو مثل ماضينا وسابقنا
يضيع عن كل شي لين يلقانا
بالله هو كل صبح وعصر يغرقنا
في دمعه من عيونه لين يقضانا
بالله هو في حروف الحب ينطقنا
يعني ليا اليوم يكتبنا ويقرانا
بالله هو كل هم به يعانقنا
بالله هو ما نسينا لو تناسانا
هو ذاق ليلة فراقه مثل ما ذقنا
الله من الهم صبحنا ومسانا
الله لو عقب هالغيبه توافقنا
وشلون دنياك يا صاحبي بليانا
يا صاحبي ترى كل شي لك يضايقنا
وشلون جبته ولا جيته ولا جانا
متى نخلي زمان ما يوافقنا
ونعيش أنا وأنت يا صاحبي بدنيانا""
الســـاعة 6 مساء أفراح كانت بالصالون وجاهزه كل التجهز بس تنطر الساعة 10 يزفونها
كانت مع العروس عذاري رفيقتها :
عذاري : تصدقين أفراح أول مرّه بحياتي أشوف عروس بعيونها حزن
أفراح : خليها على الله
عذاري : ونعم بالله ؛ وماودي أسألج لأنج عروس وأخاف أضايقج أكثر من كذا
أفراح :
ولحظة العرس.........................أدخلت العروس الصالة
وصوروا معها والكل كان مستانس وفرحان طبعا إلا العروس
ولمن طلعت العروس ويا المعرس وركبت السيارة عشان يروحون
للفندق....................
كانت فيه سيارة حارقة الشارع من التقحيص
والسايق اللي يسوق في العروسين مو قادر يمشي
أفراح تدري أن صاحب السيارة سعود تعرف سيارته وتعرف حركاته
تخيلوا الموقف حبيبي قدامي وزوجي بجنبي<<<<يا شين هاللحظه
والسيارة مستمرة بالتقحيص مالها نية توقف وفجأة تطلع سيارة ثانية
وهي بسرعة جنونية ويتصادمون في بعض
.................................................. .................................................. .................................................. ..................................
.................................................. ..........................................وكان حادث مؤلم مأساوي .................................................. .................................................. .................................................. ..................................
.................................................. ..........................................
\
\
\
\
\
\
\
شنو كان مو قف العروس أفراح؟
\
\
\
\
\
\
\
أفراح: لاااااااااااااااا
فهد: شفيج:؟
أفراح: وهي تبكي لا ولا شي
فهد: تعرفينه
أفراح وبخاطرها تقول أيه: ...........................؟
-----------------------------------------------------
الــجزء الـواحـد والعـــشرون :-
وصــــلوووا الــعروسين للفــندق :-
فهـد : هــلأ الله بالــغلاا
أفـراح قلبها مع سعود : هلا فيك
فهد : شفيج حياتي متضايقه ؟
أفراح بدون نفس : ولا شي
فهد : وشلون ولا شي وأنتي شوي وتبكين ؟
أفراح : ما فيني شي !
فهد : آه أكيد عشان فارقتي أمج إيه أنتوا يالبنات ما عندكم شغل حتى في ليلة عرسكم تبجون
أفراح ملقني ما لها خلق سخافته قلبها على حبيبها : إيه صح
فهد : تدرين إنج حلوه
أفراح : مشكور
فهد : العفو .. حدج رسميه
أفراح : أنا تعبانه قاعده من الصبح بروح أبدل وبنام
فهد : إيه بس الوقت مبكر خليه شوي
أفراح طفرت : أنا قصدي بنام بنام مو قصدي شي ثاني رجاء فهد إذا بخاطرك شي خلّه بعدين
فهد سكت انصدم منها
فهد :طيب ما تبين عشا ؟
أفراح : لأ تعش أنت < يا مال العش
أفراح بدلت ملابسها وحطت راسها على السرير وراحت تفكر في حبيبها
وفهد طفش ونام
أفراح تفكر لو هذي هي الليله اللي تجمعها بسعود كيف بتكون ؟
ما كان صار في حياتهم شي إسمه نوم بس كل وقتهم مقابلين بعض
كان ألحين وش يقولون وش يسولفون فيه كان ما فيه كلمه حلوه ما قالها لها
وقعدت تفكر فيه وفجأه تذكرت ؟
سعود سوى حادث ؟
سعود سوى حادث ؟
إيه سعود تعباان ألحين سعود ألحين فيه شي ؟
يارب يارب نجااا من الحاادث يارب ياليتني يا سعود ما تفارقت وياك
والله أبيك بس عمر القلوب لا صفت لبعضها ما تجتمع أبد وقعدت تبكي وقلبها خايف
بآكر الصبح :
فهد : يالله حبيبتي الساعه ألحين 9 وأنتي ما قمتي
أفراح : إيه خلاص قمت قمت
فهد : صباح الخير يا حلوه
أفراح تقوم وما آلها خلق : هلا هلا << إختصار حلوو

راحت أفراح الحمام تتروش وكان تتذكر سعود ناداها ؟ متى يا ربي متى
أذكر سعود ناداني بس وين كنت ومتى فجأءه تذكرت إنه بالحلم << وعــــــزاه
طلعت أفراح
فهد : يالله يا قلبي تعالي تفطري لأنه اليوم الساعه 3 العصر طيارتنا
أفراح أمحق : وين ؟
فهد : بنروح فرنسا اسبوع اسبوعي ورادين
أفراح جعلني ما أرجع .......
الســـآعه 3 العصـــر
في الطياره مستعدة للإقلاع عن ديرة الذكريات والحب لديرة الله يعلم وش يبي يجيني فيها ..؟
أفراح تطاالع مع الدريشه : يا ربي سعود وينه ؟ ياربي إحفظه لي !
وفي فرنسا.......................
أفراح الله يعزكم سوت نفسها رايحه للحمام وأخذت تليفونها
وأتصلت على دانه
دانه: هلا والله بأفراح شلونج
أفراح: دانه قصري صوتج لأحد يدري إني أكلمج أوكي
دانه : أفراح فيج شي ؟
أفراح : هاج هذا رقم سعود وأتصلي عليه وشوفي لي عن حالته تكفين هو صار له حادث
دانه: سعود أي سعود ؟
أفراح : سعود أخو عهود ؟
دانه بصرخه : لااااااا شكووو شتبين فيه ؟ أنتي من صجج سعود وش ذكرج فيه ما كنتي ناسيته وبعدين أنتي متزوجة
أفراح: دانه اسمحي لي ما بلغتج سعود كانت بيني وبينه علاقة محد يعلم
بها سوى ربج
دانه: وشوووو شقاعدة تقولين أنتي وبعدين بس أنتي الحين متزوجة؟
أفراح: تكفين ريحيني وأنا بنت خالتج وأختج ورفيقتج
دانه: أبشري ولا يهمج
وتتصل دانه على هالرقم
.......: ألووو
دانه: مرحبا
......: مرحبتين هلا
دانه:بغيت سعود لو سمحت
.....: سعود؟
دانه: أيه بغيت سعود
....: معاج عبد الرحمن أخو سعود
دانه: وهو وينه
عبد الرحمن: سعود توفى الأسبوع اللي فات بحادث؟
دانه بصدمة قويه : وشوووووو
عبد الرحمن : بس من أنتي........؟
دانه : أنا دانه بنت خالة أفراح!!
عبد الرحمن: هلا دانه جابج الله بغيتج ضروري
دانه : هلا أمر
عبد الرحمن: شخبار أفراح؟
دانه: بخير وهي اللي مطرشتني أسأل عن سعود
عبد الرحمن: بلغيها أن سعود توفى بحادث بليلة عرسها
وقولي لها أن عبد الرحمن أخو سعود عنده وصية لج من سعود
دانه سكرت التليفون تبكي وما تدري وشلون تبلغ أفراح
ولكن على طول اتصلت أفراح
دانه: ألووو
أفراح: هلا دانه ها بشري
دانه: بخير هو بخير ولا تحاتينه
أفراح: أنا حاسة فيه شي غير كذا
دانه: لا تطمني ولا يهمج شي
أفراح: يا رب يالله أنا بسكر قبل لا يجيني فهد
دانه مصدومة ؟ ليه يا أفراح كذا تخونين أهلج ؟ مستحيل أفراح ما تسويها
لأ أكيد في شي غلط ؟ سعود توفى شلون بتقوين الصدمة ؟ عهود حبيبة عمري ورفيقتي صارلي مدة عنها واللي توفى أخوها يا ربي كيف كذا
ووصية سعود عند أخوه عبد الرحمن كيف صار كذا ؟ ربعه خالد ونواف وناصر ربع من أيام الروضة كيف ؟
يا سعود في ناس بتفقدك كثير .. حتى أنا و أنا ما أعرفك بفقدك سوالف عهود كلها عنك محد يسوي مشاوير إخونك غيرك ربعك ؟ نواف أخو ساره بيفقدك حييييييل أمك أبوك أهلك عالمك ...............
(( حبيبتك )) اللي مدري كيف صارت حبيبتك ........؟
-----------------------------------------
الجـــــزء الــثاني والعشرون :-
الـيؤؤم هو اليوم اللي بترجع فيه أفراح للديرة وهذي هي الطيارة تعود من جديد
لتحمل على متنها فتاة عاشقة فارقت من تحبه دون علمها بذالك فكيف يا ترى ستتحمل الصدمة ؟
أفراح : جيتك يا سعود جيتك أجدد اللقى وإن كان بنظرهم إني خنت زوجي
هم خانوا قلبي يا سعود .. جيتك يا حياتي ولا همني كثر العذاريب

وكان في بيت خـالة أفراح الكل مستانس وفرحان برجوع عروستهم والأكثر فرحة أفراح بتشوف حبيبها ...
ولمن إجتمع الكل في بيت أم دانه وإزعاج وفرحة وحريم مو جودين
دانه : أفراح تعالي فوق بغرفتي بغيتج شوي ؟
دخلت أفراح الغرفه وسكرت الباب وراها
أفراح : خير دانه ؟
دانه: أفراح أنتي دايم تقولين لي عيشي الواقع وألحين أنا حبيت
أقولج يا أفراح عيشي الواقع
أفراح: خير وش صاير
دانه: البقى براسج سعود عطاج عمره
أفراح: وشوووووووو تكذبين أنتي
دانه: قصري صوتج هو توفى بليلة عرسج
أفراح: وليه ما بلغتيني
دانه : أبلغج وفهد عندج؟
أفراح : كذابه أنتي ؟
دانه مو متحمله شي : أفراح تعوذي من الشيطان
أفراح قعدت تبكي بكي يقطع القلب
أفراح: حسبي الله على أبوي وعلى عمي وعلى فهد
دانه: أذكري ربج يا أفراح الأعمار بيدين الله وهذا القدر وهذا يومه
أفراح: أنا قلت أني ذنب بحياته والله السبب أنا بدين ذبحت رجال
دانه: يا بنت تعوذي من إبليس واذكري ربج واطلبي له الرحمة وبعدين
قصري صوتج الناس تحت عندنا وخوات فهد اهنيه
أفراح وتبكي من قلب: ياليتني عرفته من زمان ياليتني ما تزوجت فهد
والله لو ما تزوجته ما حصل كذا ......يا ويلي على سعود يا دانه سعود راح ............خلاص راح<<<<<واقع؟
أحبه والله يا دانه أحبه ......... حسبي الله على اللي كان السبب بينا....!!
وبعد هدووووووووووووء غطا مكان الغرفة كان بس صوت أفراح تبكي
بصوت يقطع القلب ودانه يمها ساكتة ما قدرت تسكتها وأصلا دانه بروحها
منصدمه..........متى كلمته وشلون وليه ما علمتها........
كانت لحظتها أفراح قاعدة على سرير دانه ومجفسه رجولها وضامتها يم
صدرها ودافنه راسها بين رجولها..........وتبكي ................
ودانه عيونها تدمع تبكي بدون صوت عشان خاطر بنت خالتها عشان ما تزيد عليها
وبعد مرور الوقت.........قامت دانه بتشوف حالة أفراح....صار لها ساعة
ما رفعت راسها
دانه وهي تهز كتوف أفراح: أفراح
أفراح:............
دانه وتهز كتوفها بقوه : أفراح أفراح
أفراح:............
دانه وتهز كتوفها بقوه أكثر وتطيح أفراح من على السرير للأرض............................................. .................................................. ..........................
دانه تصااااااااااااااااااااااااااارخ بقوه تنادي أمها
يماااااااااااااااااااااااااااااااااااااااااااااااا ااااااا
وتركض دانه حق أهلها تحت.......
دانه وما تدري وش تقول: يمه أفراح ماتت..........................؟
أم أفراح: يمه بنيتي <<<<<<<تركض فوق
أم دانه: يمه اسم الله عليها <<<<<<<<وتركض فوق
والحريم وراهم<<<..<<..<<؟؟
أم أفراح وتحرك بنتها حيييييييل من الخوف عليها ولكن................؟؟!!
ويدخل عليهم فهد بعد ما أتصلت عليه أخته...........
فهد: خاله وخري عنها الله يخليج
فهد يشيل أفراح ويركض فيها تحت..........................
ويحطها بسيارته ويطير للمستشفى......وراهم أمها ودانه..............أما خالتها أقعدت بالبيت...............
وبالانتظار
أمها: دانه يمه وش حصل لها
دانه مرتبكة وخايفه ولفت يم فهد كان تشوف فهد يناظرها........؟
دانه: مدري خاله وش حصل لها
فهد بحدة صوت: من اللي كان عندها
دانه ترد بسرعة: أنا؟
فهد:أجل وشلون تقولين مدري؟
دانه: ايه مدري كنت بجيب شغله من تحت ولمن صعدت لها لقيتها متمددة على الأرض
فهد: لا اله إلا الله والله خوفتيني عليها
وبعد شوي............الدكتور طلع من غرفتها
فهد: دكتور
الدكتور: أيوه
فهد: طمني عن حالة أفراح
الدكتور: جوزها.؟
فهد: ايه نعم
الدكتور: أمش معاي للمكتب
فهد التفت على دانه وخالتها وقال: خاله خليج أنتي ودانه شوي
وراح فهد للدكتور
فهد: خير دكتور فيه شي
الدكتور: انهيار عصبي
فهد: والسبب؟
الدكتور: حالة توتر شديدة أو حالة بكاء شديدة وحالة غضب تعرضت لها
فهد أنصدم...............وش حصل لها يعني
-----------------------------------------
الجـــــــزء الـثالث والعشــــرون :- والأخيـــــــــــــــــر
اليوم تطلع أفراح من المستشفى بعد توصيات من الدكتور :
وبالمستشفى تتصل دانه على فهد ..
فهد : ألووو
دانه : مساء الخير فهد
فهد : هلا مساء النور دانه
دانه : شخبارك ؟
فهد : يسرك الحال .. أنتي شلونج .؟
دانه : بخير الله يسلمك .. الحمد لله على سلامة أفراح
فهد : الله يسلمك
دانه : فهد الله لا يهينك ياليت دانه تقعد عندنا أسبوع على الأقل لين تتعافى
فهد : وليه ما تجي عندي وأنا أهتم فيها
دانه : لا لأنه الزواج مسؤولية وهي مو قادرة تتحمّل خلها عندنا بس أسبوع ممكن ؟
فهد : خلاص على خير حنا الحين رادين من المستشفى أجل وبمر أقطها عندكم !
دانه : مشكور ما تقصر
فهد : العفو .. حيّاك ..
ولمن جت بتنزل أفراح من السيارة مسك يدها فهد
فهد : أفراح تكفين من سوى فيج كذا ؟
أفراح تعطيه نظرة إحتقار : أنت << هدت يدها ونزلت
فهد مشى وهو متضايق

دانه : والله ومرحبا حمدلله على السلامة
أفراح في عيونها دموع : الله يسلمج
قعدت أفراح وهي تعبانه حيل
وقعدت أمها وخلتها أم دانه وخالتها منيرة أم أمل الصغيرة
ومن باكر كان البيت فاضي مرره ما كان فيه أحد سوى دانه وأفراح بس
قالت أفراح : دانه لمن إتصلتي على سعود من كلمج ؟
دانه تضايقت من سؤالها : أخوه
أفراح : طيب ما تدرين عن حالتهم وما تدرين كيف صحة عهود ؟
دانه : لو أقولج تنصدمين ؟
أفراح بإنكسار : تعودت على الصدمات شنوو ؟
دانه : عهود رفيقتي من 6 سنوات ما أدري عنها
أفراح : شلون ؟
دانه : ما أدري جهازها كله مغلق وبصراحة ما تجرأت أتصل على البيت
أفراح وكلمة عفوية : إشتقت له يا دانه .....
دانه بتردد : أفراح ؟
أفراح : هلا
دانه : أخوه عبد الرحمن كلمني وقال إنه عنده لج وصية من سعود
أفراح وبسرعه : عطيني التليفون
دانه : يا بنت تعوذي من الشيطان وخلاص الله يرحمه أنسيه
أفراح: لا تقولين أنسيه والله ما أنساه <<يفنى شبابي والعمر ما نسيتك
دانه: أذكر لمن كلمت أخوه عبد الرحمن قال أن عنده وصيه من سعود
أفراح: عطيني التلفون بكلمه
دانه وبنبرة صوت حادة: لا
أفراح: وليه؟
دانه: أفراح بتبكين وتتعبين
أفراح بابتسامه باهته: لا أوعدج أمسك نفسي وأتحمل
دانه : أوكي
أفراح : كم رقمه ؟
دانه بحزن : على رقمه ..ّ
أفراح فهمت قصدها وقعدت تبكي وهي تتصل على رقم المرحوم
عبد الرحمن : ألووو
أفراح:هلا عبد الرحمن شلونك
عبد الرحمن: هلا والله بخير منو؟
أفراح: أنا أفراح بغيتني
عبد الرحمن: إيه هلا أفراح شلونج
أفراح ما تحمّلت صوت عبد الرحمن كنّه الصوت اللي فقدته : بخير
عبد الرحمن : أنتي الحين متزوجة ويمكن الشغله اللي بقولها تأثر عليج وعلى مستقبلج وتأثر أكثر إني أكلمج ألحين وأنتي متزوجه بس تعرفين
(( عاد هنيه عبد الرحمن تخنقه العبره )) بس تعرفين وصية ميّت ولازم أوصلها
أفراح تبجي نفس إسلوب أخوه وما تحملت كلمة ميّت : خير
عبد الرحمن : أفراح بصراحة أنا مري شالسالفه بس الأكيد بيوم وفاته جاني مسج منه يقول
(( يا خوي يا عبد الرحمن يا عزوتي يا سندي هاك هذا بيت شعر ووصله لبنت إسمها أفراح ))
وبصراحه وأنا أخوج إني بس ما سك جواله ومدري وش أسوي فيه بس أنطرج تدقين
أفراح وصوتها متقطع من البكي: هلا أمرني
عبد الرحمن: ما يأمر عليج عدو .. سعود يقولج .....
(( مع السلامه ودير بالك على مستقبلك .. وهالله هالله بالغلا دخيلك لا يمحونه ))
سكرت أفراح من سعود التليفون وقعدت تبجي بصوت عالي
أفراح : والله ما يمحونه يالغلااا والله ما يمحووونه سعوود أنا أحبك يا سعوود ظلمونا
كل اللي حولنا ظلمونا يا سعووود ما بقينا والسبب هم والله ما يمحووون غلاااك يا سعوود لو صار ما صار أنت في قلبي موجود .....
دانه تضمها وتبكي : أفراح يا قلبي تعوذي من الشيطان تكفين لا يلعب براسج الشيطان
أفراح : سعووود راح يا دانه سعووود راح من بقالي تكفين مابي أهلي مابي ناسي أبيه هو يا دانه أبيه هوو تكفين
دانه : لا حول ولا قوة إلا بالله أنتي اللي تكفين اسكتي هذا بيدين ربج لا هو بيدي ولا بيد غيره
أفراح تبكي بكي هستيري : دانه يوصيني على نفسي رغم اللي سويته فيه يوصيني على نفسي .. يا دانه يوصيني على مستقبلي على حياتي وأنا ماني معه يوصيني وأنا مع غيره .. يا دانه كنّه يعلم بيومه ..
(( دانه تكفين بموت دنيا بلياااا سعووود مابيها ))
وبــــــعد مرور السنـــواات ........
أفراح دايم كل ما شافت فهد أقعدت تبكي تذكرت سعود..........
وفي أحد الأيام ......
فهد: أنتي ليه ما قعدتيني على دوامي ها؟
أفراح: قعدتك بس أنت ما قعدت
فهد : يوه وأنتي متى بتفهمين الحين تأخرت بسببج
أفراح: وأنا شكو
فهد: ألشرها مو عليج علي أنا اللي حاسبج مره ومعتمد عليج تقعديني
ودزها بكتفها وطلع
أقعدت تبكي أفراح وتذكرت سعود اللي ما فارقها خياله لو دقيقه
تذكرت سعود يوم يقول لها>>>>>>>
((روحي معه وبالتوفيق وأن حصل شي لج وأن ضرج بشي
بلغيني والله لأكره حياته))
أفراح: وينك يا سعود وينك حسبي عليهم فرقوني عنك ياليتك موجود
ياليتك........
وصارت أفراح حامل __________________________________________________ ___ومرور الأشهر_________________________ وجـــــــــــــــــــــــــابـــــــــــــــــــــ ــــــــــت ولـــــــــــــــــــــــد
فهد: أفراح وش رايج نسمي ولدنا مبارك على اسم أبوي
أفراح: أسمح لي
فهد: وش.؟ أجل وشووو؟
أفراح: ولدي ماله أسم غير سعود <<<<<<<وعــــــــزاه
فهد: وش قصدج
أفراح: ما قصدي شي ولدي أسمه سعود وخلاص
فهد سكت عنها لأنها حيل تعبانه
(( تفني حياتي والعمر يا سعود ما نسيتك ))

وفي بيت أهلها
دانه تشيل سعود وتبوسه : يا حياتي سعود مزيون
أفراح وهي تضحك : شلون أجل لو شفتي اللي مسميته عشانه
دانه إنكسر قلبها
وأخذت أفراح ولدها وتشيله بين إيدينها وتطالعه وهي تقول :
يا سعود سميتك على اللي ملك بيده حياتي
عساك بس تقّدر وضع أمك تكفى يا سعود
أنا تمنيته لكن أبوك دمر علي كل أمنياتي
يشهد الله ما تمنيت غير قربه لي موجود
لكن الحين واجب علي أنسى كل ما فآتي
أنا الحين زوجه قبل لا صير أم لمولود
يا وليدي محد يعلم غير ربك في مأساتي
ثم دانه قطعة الكبد أعرفها تحفظ العهود
والحين أنا بلغتك في قصتي قبل مماتي
وأحفظها زين على لسان غيرك لا تعود
وأسمع كلامي وأعتبر من اليوم وصاتي
دير بالك على نفسك والغلا تكفى يا سعود
تراه قد وصاني بمثل هالوصيه بحياتي
والحين أنا أوصيك بمثلها تكفى يا سعود
((مع السلامة ودير بالك على مستقبلك..وهالله هالله بالغلا دخيلك لا يمحونه ))

<<<<<<<< قصة واقعيه ليست من الخيال...............

المصدر: منتديات لمني بشوق - من قسم: (✿) يُحْكَى أَن ..

[أهواه والله أهواه]

الله يلعن ابليس

قسم بالله العظيم مؤثرة

لدرجة اني مقدر اتكلم ولا حتى ابكي

يعطيك العافية

[GEVARA...]

شي موثر


بس والله قعدة حول ساعه ونا اقرا

شكرا حائليه

[حايليه كلي ذوق]

العفو نورت موضوعي




والله

[احلاهم واتحداهم]

مؤثره عن جد
يسلموووووو يالغلا
يعطيك الف عافيه
بنتظار جددك..

[حايليه كلي ذوق]

نورتي موضوعي احلاهم[لايمكن مشاهده الصور والروابط الا بعد التسجيل ]