قصيده لشاعر المتالق (طارق المحياس)

[لمني بشوق]

قصيده لشاعر المتالق (طارق المحياس)

تعودني عليك أيام أبد ما أفــــــــــــــارقك ليله
واذا عنك أروح اليــــــوم أقول لك نلتقي باكر
تعودني على لطفك وأسلـــــــــــــوبك وتدليله
وتتــــــــــــــــوقع أنا بحيا بدونك يوم بتسافر
أنا مـــــــــــا ودي أشكي لك ولكن قلت الحيله
أليمه فرقتك والله وأنا ع البعد مب قــــــــــادر
دخيلك أجل المــــــــــــوعد اذا تقدر ع تأجيله
دخيلك حـــــط دمعاتي في عينك قبل ما تسافر
يا شين الـــــــــوقت في بعدك دقيقه كنها ليله
شيصبرني وأنا أحبك ومثلك فــــي البشر نادر
تعلق قلبي بقلبك يسمـــــــــــع منه ويحكي له
تدلل قـــول بس إطلب أقول لك غالي وحاضر
أنا مدري اذا قلبي رفـــــض يصبر شسوي له
تخيل حالتي بعدك أنا إتحطمت ع الآخــــــــــر
أكلم نفسي فغيابك ألـــــــــوم القلب وأشكي له
وأصبر نفسي بالقوه وأقضي الليل وأنا ساهر
تلاقينا فبعض صدفه سولف لي وأنا أحكي له
ومن أول نظرة حبيته وصــــرت لشوفه أبادر
ذبحني السحر فعيــــــونه يا ويله قلبي يا ويله
أنا أفهم لغة العيـــــــون ولكن صرت مب قادر
أنا أتمنى قبل لا يــــــروح يلمس دمعي منديله
أبيه يحس بإحساسي أبيه يقـــــــــول لي تامر
أبي حضنه يدفيني خليل يــــــــــــــودع خليله
وأقـــول بصوت به شهقه..فمان الله يا مسافر
وأرجع م المطار وحـــدي يشلني الهم وأشيله
شيصبرني أنا شهرين وهـــو بس توه مسافر
عزاي إنه أخذ قلبي في وســـــط عيونه يشيله
وأنا أصبحت في بعده وحيد وأكسر الخـــــاطر

المصدر: منتديات لمني بشوق - من قسم: (✿) تَرَاتِيْل الْرُّوْح

[درة الخليج...]

خاطره في قمة الروووعه

يعطيك العافيه

[الضاوي...]

مساؤك طهر و نقاء
جميل هو هذا التفاني بالحب و الاخلاص
رائع انت ايها الجمال
تح ـياتي العبقه لروحك

[لمني بشوق]

درة الخليج ,,,,,,, الضاوي

منورين الصفحه بطلتكم

ولا تحرمونا تواجدكم