حالـــــــــــــــــــــــــــي .. بعد الفرقــــــــــــــا ؟!!

[غدير المشاعر...]

حالـــــــــــــــــــــــــــي .. بعد الفرقــــــــــــــا ؟!!

خلي هجرني تكفى ياموت زرني ..
وان ما قدرت دلني مكانك وانا اجيك ..

مابي حياتي دام خلي هجرني ..
مابي حياتي دامه يقول مابيك ..

يدري بظلم الناس يدري وظلمني ..
وآكد كلام اللي يقولون ناسيك ..

لكن قبل لاتاخذ الروح ..
بسأل حبيبي كم سؤال واخاويك ..

وشلون قلبك يا حبيبي تركني ؟!
وتدري بخفوقي كم له سنين هاويك ..

وما تدري بعادك وصدك ذبحني ؟
وماتدري عن دمع نثرته وانا ارجيك ؟؟

اسأل جميع الناس وش صارعني ؟؟
اسأل وش اللي صار في حال مغليك !!

لو علموك وش كثر همي وحزني ..
من يوم حبي انتهى وصار ماضيك ..

لو علموك عن قلبي اللي يوني ..
مطعون يصرخ يشتكيلك يناديك ..

لو عاش عاقل عيشتي كان جني !!
حالي لو تشوفه بعيونك يبكيك ..

صار الحزن هو لعبتي صار فني ..
ابكي ندم والله لا حل طاريك ..

ضيقت صدري والهموم سكنتني ..
احكي واكمل ولا ماقلت يكفيك ..

اللي سمعته بسبتك انت جتني ..
عطيتيني كرهك وانا الحب معطيك ..

ضاعت سنيني وانا بالحب ابني ,,
قصووور وانهدت سبب فعلت ايديك ..

جاك الوفا والشوق والصدق معطيك ,,
قلبي وقالك وانت قلبك خدعني ..

خدعت قلب كان بالحب شاريك ..
بكذب وخيانه وغدر ~قلبك حضني ..

في وقت قلبي فيه يسهر يداريك ..
ما كنت اظن قصدك بحبك تذلني ؟!!

ذليتني من بعد ما مت انا فيك ..
هذي حقيقة بعض ما منك جتني ..

وبعض اللي سقيتني انت بأياديك ..
ماكنت ساكت خايف بس لأني ,,,

مييييت بحبك ما اقدر ازعلك واشقيك ..
حرمت اقولك من محبتك عطني ؟

ما دام غيري في محبته يرضيك ..
ببعد بعييييد ومع حبيبك بخليك ..

خلصت هرجي الحين ياموت خذني ..
تاركلك الدنيا بها .. الله يهنيك ..

واذا سأل في يوم انسان عني ..
قله (( تـــــــــــــــوفـــــــــــــــــى )) والسبب ~ طعن ايديك ~

المصدر: منتديات لمني بشوق - من قسم: (✿) تَرَاتِيْل الْرُّوْح

[جمرة غظا...]

أبيات جدا جدا حلوة

تحياتي لنقلك الجميل

يوسف

[عبدالرحمن التميمي...]

شكرا لك أختي على روعة الخاطرة التي تبين مدى قسوة هذا الحبيب عليك وأنتي تحاولي أن ترضيه خاطرة مملؤة بالأسى والحزن والحرمان ...

أأمل أن يكون هذا الحبيب قد قرأ أخر الخاطرة لكي يعرف مدى قيمة الحب .

[غدير المشاعر...]

تسلم اخوي :
جمرة غظا وعبدر الرحمن التميمي..
لمروركم الرائع ..
غديـــــــــــــــــــــ المشاعر ـــــــــــــــــــــــر