~~~~~رٍسآئل شـ ع ـرٍ مميزه للمميزين~~~~~

[ضــنـ الشــــوق ــاني...]

~~~~~رٍسآئل شـ ع ـرٍ مميزه للمميزين~~~~~

_________________
بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك
_________________
بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي
_________________

يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..
_________________
ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
_________________

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه
~فيك كل أيام عمري والسلام
_________________
لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني
_________________
حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده
_________________
أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..
_________________
تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني
_________________
طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك
_________________
للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب
_________________
ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي
_________________
خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود
_________________

محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار
_________________

غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك
_________________

كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك
_________________
سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس

المصدر: منتديات لمني بشوق - من قسم: (✿) الْجَوَال mms - sms

[**رواضـي**...]

تسلم اخوي هلالي والله كل وحده احسن من الثانيه


هذا اكثر شئ عجبني [لايمكن مشاهده الصور والروابط الا بعد التسجيل ]

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده

[درة الخليج...]

يسلمووووووووووو خيوووووو على الموضوع الرائع
انا هذا عجبني اكثر
.................................................. ...............................
بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك
.................................................. ................

[ضــنـ الشــــوق ــاني...]

وانا الي اعجبني مروركم

[ام أسعد...]

يا سلام رائعه جـــــــداً

[وجــود...]

يسلمووووووووو