مشكله تعترض طيبتي أكبر همومي في الأثاث

[طيبتي أكبر همومي...]

مشكله تعترض طيبتي أكبر همومي في الأثاث

السلام عليكم


بصراحه واجهتني مشكله

أنا ذوقي صعب مرة ومو اي حاجه تعجبني واذا مليت ممكن اختار شي مو عاجبني


وألحين انا خلصت من غرفتي

وغيرت لونها وصارت وردي وتفاحي

الجزء السفلي من الجدار وردي والعلوي تفاحي

وجايه الالوان روعه مع بعض

بس احترت في الاثاث ((((هنا امشكله)))


يعني احط السرير والدولاب وباقي كماليات الغرفه
خشب والا يكون ملون

محتااااااااااااااااااارة مرة

الخشب مو عاجبني والملون صعب القى اثاث وطريقه تنسيق الالوان اصعب
يعني هل الاثاث كله لون واحد والا كل قطعه لون





مع العلم انو السقف فيه بعض الديكورات الخشبيه البسيطه




بلييييييييييييييييييز لاتبخلون علي بنصايحكم

واذا عندكم اي اقتراح قولوا




واذا تعرفون محلات مختصه بالشي ؟؟؟










[لايمكن مشاهده الصور والروابط الا بعد التسجيل ]




استنى ردودكم

المصدر: منتديات لمني بشوق - من قسم: (✿) فَن الْدِيِكُوُر

[ملكة بإحساسي...]

هلا وغلا بالغلا

غاليتي صراحه انا مب عارفه اللون التفاحي كيف يكون

ولكن بما ان السقف به خشب وكذا

احس احلى الخشب

وفي ديكورات غرف النوم بالمنتدى روعه .. وهي من خشب

وانا صراحه ماعرف المحلات اللي عندكم في السعوديه .. بس اذا تبين اثاثج من البحرين انا حاضره [لايمكن مشاهده الصور والروابط الا بعد التسجيل ] افيدج بكم محل [لايمكن مشاهده الصور والروابط الا بعد التسجيل ]

::

[عاشقة خيول العرب...]

اولاُ السموحهـ يا قلبي ..

لاني ما شفت الموضوع ..
صاير القسم ما يعرض الا الموضوعات اليوميهـ


و اما عن الاثاث ..
فأتمنى ما تكررين غلطتي ..

انا امووت عل اللون التفاحي ..
واحب الوردي ..

لكني قبل سنه صبغت غرفتي باللون البنفسجي الفاتح المايل عل الازرق السماوي ..

وواجهت نفس المشكله بالظبط ..

قلت احط اثاث نفس الالوان ..

ولا احط الخشب !!


لكني قررت اني احط اثاث ملون ..
وليتني ما حطيييت

صار مآساه ..

صارت الحجرة كلها الوان

لاني حطيت الاثاث بالوردي الناعم ..

فصار الجدار بنفسجي و الاثاث وردي ..
والغرفه ظلام شوي .. لان الالوان تأثر في الاضاءة ..


فنصيحتي لجـ حبيبتي ..
لاتفكرين تحطين اثاث ملون ..
صج انه يبين حلوو في الصور الا في النت ..
لكن في الحقيقه يصير وعع ..

لكن مثلا تقدرين تلعبين في الخشب ..
ويصير لج واايد راقي ..
خصوصا ان الون غرفتكـ صايرة بنوتيه..

مثلا الدولاب ... او الكبت ..
تقدرين تحين مسكته على اللون الغرفه ..

و تقدرين تحطين اكسسوارات .. واباجورات و حتى صور وبراويز على لون الغرفه ..

لكن السرير ..
افخم شي بيكون الخشب ..
لكن الكولت .. او الشراشف واللحاف ..
حطيه على لون الغرفهـ ..


اما عن المحل ..

فأظن انج من قطر ..ولا انا غلطانهـ ..
وانا مع ملكهـ ..
لو محلات من البحرين اقدر اساعدجـ ..

اتمنى اكون فدتج الغلا ..[لايمكن مشاهده الصور والروابط الا بعد التسجيل ]

[طيبتي أكبر همومي...]

يسلمو عشوقه



أنا من السعوديه


بس أنا مو متخيله الاثاث خشب يعني الغرفه ألوانها نااااااااااااااعمه مرة يعني مو الوردي والتفاحي الغامق
لا فاتح مرة

تسلمين عالمرور

[درة الخليج...]

قلبي انا اقول اختاري الخشب احسن لج

لاني شافي في السعوديه حركات حلوه مره في الخشب

وعلى قولات البنات تقدرين دخلين في الخشب اللون الغرفه

[عاشقة خيول العرب...]

بالظبطـ ..
وعن الخشب ..
فما مو شرط يكون الخشب العادي ..
البني الغامق يعني ..

اختي حطيت لها خشب مرة ناعمـ ..
صاير فاتحـ و فيه حركات عل لون الغرفه ..
و مررة حلوو


السموحهـ ..
ما عرف محلات مفروشات فالسعوديهـ
[لايمكن مشاهده الصور والروابط الا بعد التسجيل ]

[العسلي...]

احم احم احم صحيح اني عزابي بس انا الوحيد اللي مضبط الملحة والغرفة حقتي
قالبها كفي .........ما وده يوقول شي ثاني

على العموم اذا السقف فيه ديكورات خشبيه على قولتك
عدا ما ادري من اللون بس اذا كان بني محروق حلو

يعني التسريحة على الدالوب لازم يكون سكري ومموج بوردي غامق اقصد علية بعض التعتيقات
بشرط الانارة تكون خافته مع كنبتين على الجنب وتحطين في احدى الزوايا بوفيه مفتوح صغير يعني مثل حقت الكفيات

عاد على حسب حجم الغرفة اللي انتي فيها
الصراحه هذا اللي اقدر اخدمك فيه لاني بصراحة عجزت اتخيل منظر الغرفة
وان شاء الله اكون قدمت لك شي بسيط ............

وهذا النظام الصراحة شفته في احد الغرف واجبتني

[همس الوجدان...]

اعتقد الاعضاء اللي فوق ما قصروا طيييوبه يلا توكلي على الله هههه

انا احس الخشب احلى بس خشب لونه فاااتح


تحياتي

[طيبتي أكبر همومي...]

تسلم العسلي عالمرور عجبني ترتيب الغرفه بس انشاء الله نحصل اللي يشتغل زين



همس تسلمين قلبي عالمرور


ومشكوووووووووووووووووورين كلكم ماقصرتوا