<<أحـبـك لـيـتـهــاتـلامـس أحـاسـيـسك وتـعرفها<<

[وعوده...]

<<أحـبـك لـيـتـهــاتـلامـس أحـاسـيـسك وتـعرفها<<

(أحبك) ليتــــها تلامس أحاسيســــك وتعرفـها

أنا وش حيلتي لا صار قلبي في هواه مجـروح
وباقــي في وسط عينـي دموع الهم أذرفــها



إذا صار القلب مليـــان هموم وحــزن وجــروح
ترى دمع العيــون يداوي جروحـي ويسعفها



أنا من حبه اتعــلل وعيني من عنـــاها تنـــوح
وقلبي من بحر لهموم يصب الكاس ويرشفها



حسبت انه الهوى يومين عقبها ينتهي ويروح
وأحـــاسيسي إذا مليت بســـهوله بطــــوفـها



مشاعر تهيــج في قلبـي إذا أقبل خيــاله يلوح
أحس انه سيول الحـــب تجي فجأة وتجــرفها



وتسري في شرايينـــي وتاخذ لهفتـي للــروح
واذا عيني تجي فـ عينه ريـاح الشوق تعصفها



أنا ودي تعيش قريــب وقلبي ما يبيــك تروح
ولك من روحي يا روحي أعز واغلى عواطفها



تغيب وأكتب الأشعار وأشعاري بكلمة تبوح
(أحبك) ليتــــها تلامس أحاسيســــك وتعرفـها


__________________

المصدر: منتديات لمني بشوق - من قسم: (✿) وَزْن وَقَافِيْه

[درة الخليج...]

صح لسانج وتسلم يمناج

تقبلي مروري

[وعوده...]

هلا فيج اختي


شرفني مرورك الطيب

[الضاوي...]

قصيده حلوه والأحلى هو انتقاءك لها
صح لسان شاعرها...
وتسلم يمناكِ وعوده كلك ذووق
تقديري لك..

[أكبر من الشوق فيني]

تسلمين أختي ع القصيده الرائعه

دمت بود