حلمت اني معاها

[درة الخليج...]

حلمت اني معاها

أنا حلمـت اني قاعد معاهـا و كنت قاعد أسولف واياهـا

والله احـلـوّت يا محـلاهـا و كان كلامها كلّـه حنـان



وقلت لها حـاس اني بخيــال والله زاد فيكــي الجمــال

وزاد فيكـي حتى الــدلال انتي وينك عني مـن زمــان



ضِحْكَت وقالت أديب اسمعنـي بعدك ياغـالي حيـل أتعبنـي

وأشـواقي لك كانت تعذبنـي أنا بدونك ماعرفت الأمــان



كنت بس أدعي نرجع زي زمان ونعيش ذاك الحـب و الجنـان

بس اليـوم استجـاب الرحمن وأنا صرت لك مو لأي انسـان



وقالت لي عن اذنك الحيــن راح نكمل كلامنـا بعديـن

واتصل فينـي بعد ساعتيـن و لاتنسـى يا أغلـى انسـان



وفجـأه صحيت من المنــام وكان كل هذا في الأحــلام

حسبي الله على هالأوهــام حتى بالحلم حبها وَهَم كــان



مدري ليه أحس هالحلم غريب ومستغرب من احساسي الجديد

وحاسس انـه فعلاً راح يصيب وراح نرجع لبعضنا هذا أكيـد

الشاعر : أديب بازهير

المصدر: منتديات لمني بشوق - من قسم: (✿) تَرَاتِيْل الْرُّوْح