|
|
|
| الإهداءات |
| أهلا وسهلا بك إلى منتديات لمني بشوق. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
|
||||||
| (✿) يُحْكَى أَن .. الْتِقَاطَة مَشْهَد وَصِيَاغَة حَدَث وَقَص الْحِكَايَة بِأَقْلَامَكُم , حِيْنَهَا نَقُوُل يُحْكَى أَن .. |
07-28-08, 11:43 PM
|
#1 | |||||
  
|
قصــــ ســـ ع ـــــودي ليـــلة عرســـه.......!!!؟؟؟
.:بسم الله الرحمن الرحيم :. هــــذا قصة واحـــــد تــــــوه مــعرس ولما خلصت الزفه والامور اللي باالقصر ..... اخونا في الله اخذ حرمته وركبوا السياره..ورااح للقصيم يعني اهل العروسه في الرياض وهو ساكن في القصيم. والبنيه تستحي وساااكتة طوول الطريق ...والرجال ماغير يسولف والبنيه ساكته... الرجال يأس من البنت انها تكلم ..وقال ياولد شغل المسجل وامسسك الخط.... في الوقت نفسه البنت كانت سااكتة ومتوهقه ومستحية انها تتكلم عشان تقوله ابي الحماااام الله يكرمكم عاد هي راحت على المرتبه اللي ورا عشان تنسدح ويخف عليه الوجع الين يوصلون لمحطه المهم الرجال ماوعى الا وهاذيك محطه ويوقف عنده وينزل للبقاله ياخذ له كم كيس فصفص وكم علبة بيبسي للطريق هو كان وده ياخذ له شريط يسليه بالطريق بسس خبركم مايصلح يشغل شريط والافضل يخليها سواليف البنت على نزلت زوجها الا وتناظر هاذيك الحمامات حقات الحريم اللي عند المسجد اللي جنب البقاله قالت لنفسها يابنت يمديني أرووح وارجع قبل لايرجع هو من البقاله المهم المسكينه راحت واخذت وقتها اخينا في هالوقت قد رجع للسياره وعلى باله مررته في المرتبه اللي ورا وخبركم عبايه سودا واخر الليل ماانتبه انه مهيب فيه السياره وهو شغل ودعسس البنيه المسكينه طلعت وهي مرتااااااحه وتناظر يابنت وين السياره ....... . . . . وتتلفت ماتشوف غير الهنود حق المحطه واليمني حق البقاله عاااااد تخيلوا الصدمه يوم عررفت ان زوجها مشى. .. جالسه تتأمل المسكينه في نفسها يمكن راح منا ولامنا وبيرجع . . . شوي ماوعت الا ذاك الجمس المقبل يوم وقفوا عندالبقاله اللي جنبها ووتناظر الحريم اللي في الجمس ..... قالت زيييين عائله وتروح وترمي نفسها على الحرمه اللي قدام وهي ام العيله وتقولها يا خالتي اناداخله على الله ثم عليك..وهذي قصتي والعجوز تمسك راسها وتقولها..يابنيتي انتي تعرفين سيارة زوجك ويعبون بانزين وويمشون وراااااه نعود الان للمعرس.. اخونا في الله مريح وماشي...بعد مالقوه على بعد نص ساعه عاد تخيل عزيزي القارئ انك على طريق القصيم وفجأة وراك جمس يكبس بالنور بشكل مخيف يبيك توقف وش ردة فعلك اكييد الرجال دعس قال ذولا مهابيل بيضروني ومعي عروستي .........ويافشيله اذا انطقينا................ والجمس وراه داعس يحاول انه يوقفه المهم الذهين اللي يسوق الجمس عرف وش يسوي ...فقام يولع نور الجمس اللي داخل عشان يشوف انها عايله واخيرااااااا .. انتبه ووقف يبي يشوف وش عنده ونزل معصصصصصصصصصصب. ..... عاد من اللي متوهق في هاالموقف هالحين ....راعي الجمس .. يقول في نفسه شلون اقوله ان زوجته معنا يبي يجبها بااسلووووب تدريجي عشان ماينصدم ..خبركم في مثل هالمواقف والله يطير عقله المهم راعي الجمس سلم وقال يااخوي ماكاانك مضيع لك شي ...... قاله المعرس: لاوالله ماضيعت شي قال: متأكد قال المعرس: شلون آكيد متاكد؟!!!!! قال راعي الجمس رح طل في سيارتك شف فيه شي ناقص لك العريس قام يوسوس حتى المشكله مرته ماجت على باله المهم راح ودخل سيارته وقال يامره فيه شي طاح مني وحنا في المحطه محد رد عليه وبدآ لون وجهه يميل للاحمر ....وييييين راحت المره ؟؟ ورجع لراعي الجمس وقال هات السالفه قال ياولد زوجتك لقيناها في المحطه انا واهلي وقالت لنا انها نزلت للحمام وانت مشيت ولا دريت عنها عااد العريس كل انواع النفضات نزلت عليه تلعثم ولاقدر يتكلم المهم راعي الجمس راح وقال للعروسه يلا رووحي عند زوجك شوفيه خائف عليك المهم العروسه اركبت مع زوجها السياره وانطلق لسانها اللي كان مربوط وقامت تتعذر له... وتقول لاتزعل مني اناكنت مستحيه اقولك اني ابي الحمام.. وانت ماشاء الله عليك ركبت السياره وانطلقت ......... ((..ياشين التميلح..توها تتميلح..)) عاد انقلب الوضع صار العريس هو اللي مبرطم طول الطريق والعروسه هي اللي تبربر لحد ماااوصلوا القصيم والبنية ما سكتت......... ^ ^ وش رائكم في القصة؟؟ طيب عندي سؤال؟؟ ايش راح يكوون شعورك لو كنت المعرس؟؟ وايش راح يكون شعوركِ لو كنتي مكان العرووسة؟؟ __________________ المصدر: منتديات لمني بشوق - من قسم: (✿) يُحْكَى أَن .. |
|||||
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
| لمني بشوق | منتديات لمني بشوق | مركز تحميل لمني بشوق |
العرض الشجري