الحب

[أهواه والله أهواه]

الحب

السلام عليكم ورحمة الله وبركاته

صباح الخير عالجميع

حبيت أضع بين أيديكم هذه القصيده

وأتمنى أن تنال إعجابكم ورضاكم

وأبدأ وأقول

الحب لولا الزين قلت الهوى شين = والحب لولا شوفته مابغيته
ورد الخفوق أحلى جميع البساتين = اللي جعل قلبي دوامه وبيته
الأوكسجين اللي يمد الرئتين = اللي أموت من الطفش لاحتريته
أنتظره لحالي مثل طالب الدين = يرجي حلاله يرجع بقول ليته
حبيبي اللي كل حاجه به تلين = عليه أخاف من الهوا لا يميته
مسكين أنا في غيبته من مساكين = وان قال بايعني تراني شريته
ان شفته بعيني غدا الكل غالين = وان غاب كل من جا بدربي وطيته
يستاهل عيوني وقلبي وثنتين = بايديني الثنتين كل شي عطيته
احساس واشواق وغرام المحبين = وسنين عمري ما أبيها ان بكيته
ياجعلني مابكيه قولولي أمين = وجعلي أصونه وان نسى مانسيته
مجنون أنا قبله وبللي الطين = لين استوى تالي طريق مشيته
ارضيه أنا قصدي تراضيه عينين = لو تنطق العينين قالت هويته
أغار لامنه ضحك مع صغيرين = وفي كل كلمه قالها ماوحيته
تغار عيني ذي من هاذي العين = ان كان جالس عن يميني فديته
يقول وين الحب يامعلنه وين = قلت الشعر في غيركم ما اشتهيته
لعيونه اكتبله مع القاف قافين = واهدم إذا ما أعجبه بيت بنيته
كتبت له بيتين كانت قبل حين = والحين فكري لا بنى ماعصيته
شعري بدونه صار خالي مضامين = وان شفته اكتب وان ضحكلي قريته
أهديت له كل الشعر والدواوين = اكتب إذا قفى واقول ان لقيته
حتى اكتشفت ان الهوى والغلا شين = ويزين إذا شفته بعد مابغيته

وسلامتكم

المصدر: منتديات لمني بشوق - من قسم: (✿) وَزْن وَقَافِيْه