|
|
|
| الإهداءات |
| أهلا وسهلا بك إلى منتديات لمني بشوق. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
|
||||||
| (✿) الضَحَك والفرفشَة » للفڰآهـہ ۈْتۈْزيع آلأبتڛآمة بطرق مفيدة « |
11-23-06, 08:39 AM
|
#1 | ||||
 
|
كشتت مرسول واخوه عويشق الملقب (بأبو فرّه)
السلام عليكم
صباح الخير ان كان صباحآ ومساء الخير ان كان مساءآ أ.د/مرسول الدجه من قسم الصرقعه من منتدى لمني بشوق يحيكم وحقوق الطبع محفوظه بتاريخ 250 ق.م عاد اللي يشوفك يقول مؤلف كتاب العلوم لسادسه باء عاد لاتستغربون يوم كتبت (أ.د) أ: تعني أكبر د:تعني دجه تنبيه لقراءنا الكرام اللي فاضي يقرا واللي مهب فاضي يفضي نفسه ويقرأ سالفتي لاأفقع وجهه هذي السالفه حدثت لي قبل بكره وبالتحديد يوم الأثنين كانوا متزاعلين الساعه ثنتين وعشرين ريال حسب تقويم ام القرى كنت طالع انا وأخوي ولد امي وابوي شقيقي وصقيقي وفلذت كلوتي لأحد المخططات نعد النجوم اشكثرها ياللي في قلب محمد عبده كثرها ومن زود لقافتنا نبي نعرف كم اللي في قلبه وباعرفكم على اخوي وفلذت رئتي وأغلى الفلذات عشووق حق البرشا واسم الشهره حقه عصقول ابوفرّه (وسميته عصقول نضرآ لنحفه حيث يبلغ وزنه 13 كيلومتر في الساعه الرمليه اما تسميته بابو فره وتقرأ بشد الراء وكسر الفاء داخل منطقة الجزا وفتح الها بعد دق الجرس وذلك نضرآ لوسع افمه بحيث انك بمجرد ماتضحكه تستطيع رؤية معدته والأمعاء الدرقيه واحمد ربك اذا ماطيرت مع الجهه الأخرى !!!! بتسألوني كم عمره بكل صراحه هو اكبر من ولد خالي دحييم بثلاث شهور عشان امي تقول ان ابوفره جاي شهر مارس قبل مانعرف التوكس وهو من مواليد برج العولمه اما دحييم فجابته امه في شهر اغطس وطس وجابته امه في راس برج التلفون وحنا قاعدين قلت ابوفره وش رايك أناقشك ونروح نفضفض لبعض قال قدام العن ابواللي يهون يالله مشينا وهو اللي يقوم يركب السياره ويروح ويخليني لحالي هذا والله الزلابه ليتني ماقلت له شي (الظاهر انه يحسبني اقول وش رايك أنحاشبك ونروح نفحط مع بعض) وادقها كعابي للبيت بعد كيلو متر مكعب لكل نيوتن لقيته موقف السياره وقاعد يدورني تحت المرتبه وين والله لو اني عجرا لاومن زين وجهه يقول اطلع يالجبان والله اني داري انك بتهون وانا اللي ألخه علا علباه قال بسم الله جني قلت نعن ابو دارك حتى الجني شكلك مابعد شفت وجهك في المرآيه --- فاصل اعلاني ثم نعود--- يقولك • محشش قاعد يسأل نفسه انا مواعد وحده الساعه ثنتين ولا ثنتين الساعه وحده --- عدنا --- وين وقفنا فيه اممممم ايه وانا اللي الفعه واربطه واحطه في شنطة الددسن أدري بتقولون مال الددسن شنطه أحب اذكركم ان هذا موضوعي واكتب فيه اللي ابي وخلوا منكم اللقافه والتدخل في شغل الغير ولاترا معد اكمل نهون ونروح للبيت يامرسول الدجه ولا نكمل سهرتنا اللي مابعد بدت هاه يامرسول الدجه اممممممم خلنا نكمل السهره ونرجع لمكانا الاول وافتح شنطة الددسن وانزل ابوفره اخوي مرسول ياأغلى واعز اخواني ياناس هذا ياأني بذبحه ياأنه بيذبحني بغباءه كيف اعز اخوانك وانا اخوك الوحيد المهم ماعلينا وش رايك اسئلك يابوفره اسئل وتلقا الجواب طيب السؤال الأول ماهي امنيتك في الحياه ؟؟ ج/ طيب فيه اختيارات (اثرت غضبي اكلتك امك متأثر بالزير لاوليته ينطقها صح) خلاص خلاص شكلك زعلت بجاوب والله امنيتي اني اصير مثلك !!!! كيف تصير مثلي ؟ يعني ابي اكلم بنات مثلك ابيهم لامشيت يتناقزون علي واذا ابطيت ولا كلمتهم يدقون على مهب انت تقولي ذاك اليوم شفت نوره في حبي صايره مكسوره ولاعاد ساره في طاعتي مثل الحماره اما ابتهال اوووه من حبي صايبها هبال وعندك ريم لعيوني سوت رجيم ولا سحر زعلت عليها وأصابها جنون البقر يااااااحضك يامرسوووووول قالها وقعد فاتح افمه ورافع وجهه تقول بيقلع (تدرون وش اللي مخليني اصاقق ابوفره انه على نياته ويصدق نصباتي مايدري انهم مايردون علي الا لين اشحن جوالاتهم ولو اتوقف من الشحن كرشوني) سؤال ثاني لو عندك ورده (انا قلت لو) لمن تحب ان تهديها ؟ في ذي اللحظه حط اصبعه في خشمه وبدا يفكر على فكره هو ما يعرف يفكر الا بذي الطريقه وقد يفكر لين طلعت نخاعته مع المنخر الثاني وفجئه قال لقيتها اهديها الى ضحايا تفجيرات تسونامي (زين ان ماعندك ورده) سؤال ثالث اذكر موقف ابكاك ؟ والله كثيره ومنها يوم ماحليت الواجب عند الاستاذ ناصر لفعني ذاك اليوم لين قمت ابكي تذكر ولا ماتذكر (ايه ايه اذكر ليتنا ماسألناك) سؤال رابع هل سبق وان كتبت شعرآ بالطبع هل لك ان تسمعنا افكورس اقول تحملتك بما فيه الكفايه ولاضني ابتحملك ثاني قع قف طع طع طع قف هذي اصوات التلفيع يكذب علي يحسبني مادري انها للشاعر رابح صقر خلاص مرسول وش رايك نغني اغنيتنا اللي على لحن اغنية بشير حمد يالله نزل العود والمرواس جاهز جاهز ولا أقول تلا يط بس أنت وفرتك خلاص هونت طيب ابو فره كلمة حق تريد ان يسمعها العالم كله والله ودي اقول لهم اقنعوا مرسول يرد الثلاثة اريل اللي سلفته اياها وجحدني فيها 00000 اش ش ش ش انقطع البث من المصدر رجع البث مره اخرى بس للأسف مارجع الا وحنا داخلين البيت يعني الوضع رسمي بحضور الوالد وتقبلوا تحيات الأطخم مرسول الدجه ودمتم سالمين المصدر: منتديات لمني بشوق - من قسم: (✿) الضَحَك والفرفشَة |
||||
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
| لمني بشوق | منتديات لمني بشوق | مركز تحميل لمني بشوق |
العرض الشجري