][فـــلسفهـ واقعيـهـ حتى النخـاعـ ][

[نملهـ طفشانهـ...]

][فـــلسفهـ واقعيـهـ حتى النخـاعـ ][

سلام مربع [لايمكن مشاهده الصور والروابط الا بعد التسجيل ]


كيف الحال يالطيبين..يقولون من طول الغيبات جاب الغنايم..

بس البلا إنك تطول الغيبات على غير سنع ،، [لايمكن مشاهده الصور والروابط الا بعد التسجيل ]











[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


(1)
ندور والدنيا تدور..


ياللزمان لقد رأيتُ عجائباً..
تلهوا بنا فكأننا أشيــــــاءُ..!
سأظل أسعى رغم ما يجتاحني..
سأظل للعهد القديم ولاءُ..!


تجتاحنى أوقات حالة الله لا يبلا السامعين قولوا امين اسمها الاكتئاب الامحدود..

أو ما يسمونه .. (( ضيقة الصدر )) [لايمكن مشاهده الصور والروابط الا بعد التسجيل ]

بسبب إما صدمة أو فقد أحد مهم بحياتك..أو بدون سبب..

فجأة تحس إن الدنيا تصافق بك يمنة ويسرة ..وماغير تحاذف بك محاذف!

وكل شي حولك يصير ماله طعم ولا له داعي <<------- مدري حالتي طبيعية والالا!!

وفوقها بعد تجتاحني حالة من الصياح (( وتتفقع عيوني وانا ابكي)) [لايمكن مشاهده الصور والروابط الا بعد التسجيل ] والسبب .. مدري

أنشغل وأشيل هم كل شي حولي....

حياتي ،،
مستقبلي ،،
دراستي ،،
و..
و...
و....

إلى أخر القائمة..

حاولت إني أغير جو ، أروح عند قرايبي..
أشغل نفسي بدراستي..أمارس هوايات..

بس المشكلة مازالت قائمة


طيب ندخل في المدخل الثاني..

((أوقات الإجتياح )) :

أول ما أقوم في الصبح .. حتى صرت أكره أروح الجامعة!!

بالمغرب.. بالذات لا صار البيت فاضي وكل منشغل بنفسه وما هناك أحد معطيك وجه..!!

قبل النوم..لاجيت بفراشك وقعدت تتصرمح لك نص ساعة او ساعة وانت يدور براسك الف مليون وخمسمية شي وشي..!!


حاولت بطرق كثيرة إني إني أعدل أشياء كثيرة بحياتي

بديت أشغل وقتي بالقراءة .. بديت أظبط علاقتي مع الله بشكل أكبر..

والحمد لله الوضع بدأ يتحسن..والأحوال ماشية

ومثل ما دايم أقول.. حنا ندور ..والدنيا بعد تدور.. [لايمكن مشاهده الصور والروابط الا بعد التسجيل ]




[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


(2)
يعني لو ما صار


تدري وش أصعب ما تشوفه بدنيــــاك؟؟
إنك تشوف اللي تبي ،، ماتطولـــــــــه!!


تخيب أمالنا في الحياة كثير ومن منا ما تفقع وجهه لين عض الارض [لايمكن مشاهده الصور والروابط الا بعد التسجيل ]

وبمجرد إن حلمك ينقتل ينولد حلم بأمل جديد..

وتبدأ الحياة تاخذ مجراها الجديد..

وتعود الثقة تتدحرج في داخلك بأنك أقوى من إنك تنهار قدام خيبات الامل..

يعني بالعربي واصل تصل والله معك يابلادي..!!





[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


(3)
مسألـــــة وقت..!



عجبــاً أقسمت لي ذات ليلة أني أنفاسُك..
كيف مازلت على قيد الحياة وقد فارقتُك منذ زمن..!!

كلمة أعجبتني..

شخص يتعلق بشخص معين.. تتعلق عليه حياته كلها ،،

ما يشوف غيره بالدنيا..ويعتقد إن الدنيا من غيرهم ما تسوى ..

بس الدنيا ميب على الكيف..تمر ظروف وظروف تاخذ ناس وتفرق ناس .. وتمحط واحد بالشرق والثاني بالغرب..تشتاق له وتحس بالقهر..والظلم

تتوقع وقتها إنك مابتقدر تكمل حياتك..لانه كان حياتك..

مع الوقت..تكتشف إن الايام تمشي وأنك عايش ما بعد مت .. بتمر عليك ذكريات تخليك تحن..وتصيبك حالة حزن ..

حاول تنسى أو بالاحرى تتناسى .. لأنك لايمكن تنسى ،، كمل حياتك .. وإعرف إن كل شي تفقدة ربك يعوضك فيه..أحسن منه..


بس المسألة مسألة وقـــــت,,! [لايمكن مشاهده الصور والروابط الا بعد التسجيل ]



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

كلمة أخيرة :

لكل من يتعثر بالزمان وتتكرفس خطواته ويتدربا في الطريق محاولا الوصول:

لا تلتفت للخلف .. عش حياتك .. وثق بأنك قادر على ان تصنع حياتك بنفسك كيفما شئت..

حتى لو ماكان فيه أحد حولك يساعدك أو يشجعك..أو فقدت مصدر كان يعطيك كل الحب ويرفع معنوياتك..

صدقني..إنك قادر تكمل حياتك وتعيشها ولا يهمك اللي حولك حتى لو إنهم شايفينك شي صغير أو موب أهل للثقة [لايمكن مشاهده الصور والروابط الا بعد التسجيل ]



حياتك بيدك..إصنعها كيفما شئت..!


ملاحظة:

لكل من يرغب في محط معاناته .. هنا بنواسي الاخرين.. [لايمكن مشاهده الصور والروابط الا بعد التسجيل ]

ونشد من أزر بعضنا البعض..

هنا..في لمنـي وفي هذا القسم بالذات موب بس للضحك والمحشات..

هنا نشجعك ونرفع لك معنوياتك فوق .. ونقدم لبعض مقترحات وحلول

من واقع خبرات بعض الأعضـاء المتواضعة.. [لايمكن مشاهده الصور والروابط الا بعد التسجيل ]


طحيـــ نم نم ــاطــي [لايمكن مشاهده الصور والروابط الا بعد التسجيل ]

المصدر: منتديات لمني بشوق - من قسم: (✿) الضَحَك والفرفشَة