أعد ساعات الليالي والأيام

[العسلي...]

أعد ساعات الليالي والأيام

أعــد ساعات الليالي والأيام ........ أعدهــا ما فـــات منها دقيـــقة
أعدها يوم المليحين نيــــام ........ مشغول قلبي دايم فيـه ضيــقة
أنا وقلبي من عنا الحب أوهام ........ وإن طاوعك قلبي دموع غريقة
قبلي كثير من الهوى طاح ما قام ........ مجنون ليلى قبلنا نشف ريقه
أهل المحبة حالهم جلد وعظام ........ اسأل مجرب كان تبغى الحقيقة
عسى عذولي في الهوى حكم الإعدام ....... يحملونه فوق مالا يطيقه


#######################################

عاااافت النوم عيني من هواجيس بالي ........ هاجسي في حبيبي غاب مدري علامه
دون سبه هجرني مادرى وش جرالي ........ غاب عني وأنـــا قلــــبي مكمل غرامه
ياهلي ما سهرت إلا على شف بالــي ........ كان طول بهـــجري ما تجيني سلامة
ياهلي غير خلي في الملا ما طرالي ........ لا تزيدون مافـــي بالعذل والمـــــلامه
الغلا له وهو ذخري وهو راس مالي ........ لو سهرت الليالي ضعت انا في منامه
ما أسمع اللي عذلني أنا أبخص بروحي ........ ما تشوفون جسمي ناحلات عظـــامه
لايمي ما جراله في الهوى ماجرالي ........... لو جرالـــه سواتــي عـظ كفـه نداـمه
لو تعذلون ما أسمع في هوى شف بالي ....... عاذلي في حبيبي ما ســــــمعنا كلامـه
لـــو يفــيد التــمنـي قلت ليــته قبـالي .......... ليـت مـنهـو يشوف الــزين جالس أمامه

المصدر: منتديات لمني بشوق - من قسم: (✿) وَزْن وَقَافِيْه