{من بـاب المـيـانـة}

[نيوتن...]

{من بـاب المـيـانـة}

السلام عليكم ورحمة الله وبركاته

يالله تحييهـم كلن باسمه..

اليوم نقلتلكم موضوع من واقع الحياة..

ماأطول عليكم..

الموضوع بإختصار ((( الإستئذان )))

ليش أصبح الإستئذان يشكل عبء على بعض الأشخاص؟؟

نفرض ::

إن جاك واحد مهما كانت علاقته معك أخ قريب صديق ...إلخ

ولطش جوالك من قدامك وأخذ يقلب فيه طبعاً وش العذر

إنه ( يبي يشوف وش الجديد عندك من مقاطع أصوات فيديو صور أي شي )...

وتوصل الجرأة في البعض قراءة رسائلك الخاصة من غير الواردة طبعاً

أكيد كل أحد عنده رسائل من شخص يعزه أو يحبه ومايبي أحد يطلع عليها..

لو ماهي خاصة مااحتفظنا فيها بمجلد خاص..

سواء من {الزوج أو الزوجة} أو من صديق مقرب أو صديقة مقربة..

والبعض يقول لا انا أمون عليك مابيننا إستئذان وخرابيط..

يعني الحين صار الإستئذان خرابيط..

والله بهالزمن مانستغرب أي شي..

ولا من زود الميانة مايبي يستأذن ..

طيب مهما كان هذي خصوصيات..

أنا أستغرب من البعض توصل فيهم الجرأة

بإستخدام جوالك للإتصال منه أو إرسال رسالة

من غير مايطلب منك أو يستأذن منك..

وتتفاجأ بعد ماترجع جايك رقم غريب وترد ويقولك من اتصل علي

طبعاً انت متأكد إنك ماإتصلت ومافيه أحد طلب منك يستخدم جوالك

وهو يقولك جاني اتصال من هذا الرقم الساعة الفلانية ,,

أها ألحين إفهمها إن اللي كان ماسك جوالك متصل من غير مايقولك

أو حتى يكلف نفسه يستأذن منك...

والله لو إستأذن منك أكيد ماراح ترفض أو تقصر معه ..

ولكن مايحطك بموقف محرج مع أحد ثاني..

وإلا إذا كلف خاطره وإستأذن كيف تكون طريقة إستئذانه؟

أنت قاعد مع أخوياك وطلعت عندك شغلة بسيطة ورجعت

لقيت جوالك مع واحد منهم وإذا شافك قال عن إذنك جوالك معي..

ياسلام ماقصر والله تعب نفسه وإستأذن..

طيب خلاص أنت أخذته ولا إستأذنت..

ولو تناقشت في موضوع الإستئذان مع البعض..

يقولون ليش نستأذن عشان يصرفنا..

طيب ياناس الرسول صلى الله عليه وسلم ,,أمرنا بالإستئذان

أصبح مفهوم الإستئذان لديهم مرتبط بالتصريف زي مايقولون..

أو نفرض ::

جوك ناس يزورونك يعني مقربين منك ولاتبي تكلم أحد غريب..

وينط لك واحد من الجيران أو الأقارب وماتدرون إلا وهو طاب عليكم..

طيب إستأذن أول ..

يمكن عندكم موضوع خاص أو مشكلة أو أي شي..

بالله وش تسوي باهالغثيث الله يهديه ..

ماأبي أطول عليكم أكثر

وأبي رأيكم في الموضوع

ومناقشة هذه المشكلة..

وهل من الممكن أن يتمادى هذا الوضع إلى أكثر من ذلك؟؟

واللي عنده مواقف صارت له أو صارت لأحد يعرفه يحطها لنا..

أتمنى أن ينال موضوعي إستحسانكم...

تقبلوا ودي وتقديري

دمتم بــ سـعـآدهـ

المصدر: منتديات لمني بشوق - من قسم: (✿) سِيْرِهـُ وآنْفُتَحت