قالت قصيمي~*¤مـ§ــمـيـ§ـز¤*~

[نيوتن...]

قالت قصيمي~*¤مـ§ــمـيـ§ـز¤*~

السلام عليكم

قالت قصيمي قلت فخر ومعزة *** اهل الكرم والعلم والحلم والباس
قالت قصيمي قصدها بي تهزة *** ماتدري اني بفتخر وارفع الراس
الحـــــــمد لله روسنا دوم رزة *** اللي خلقنا بس نحمي له الـــراس
صافي نسبنا والحسب فيه عزة ***اصل اصيل وفصل العرق دساس
اهل الوفا والدين صافي منزة *** عن كل ماشاب العقيدة من ادلاس
حنا العقيلات انشدي رجال ***غزة حنا هل الدنيا وللدين حراس
حنا سنايد نجد في كل حزة *** لا خانت حلوق الرجاجيل الانفاس
حنا اجبال يعجز الريح هزة *** حنا لنجد حزام وعصابة الراس
نارد حياض المرجلات وتلزة *** مانمشي دروب الرذيله والادناس
من يغلط لسانه علينا نجزة *** والي يحقر قدر الرجاجيل ينداس
منا العدو تكفيه بالعين خزة ***يقضي عليه الخوف مع كل هوجاس
من ذكرنا في قلبه تثور نزة *** من طاري القصمان يبلاة وسواس
نومه كوابيس ووروعه وفزة *** دقت نواجيس الخطر له والاجراس
وان هو لقى من علينا يوزة *** هون له الصعبات وابليس خناس
مايدري انه للمهالك يدزة *** عجل على مبناة يمحى من الساس
يابنت حنا من نخانا نعزة *** يأمن بنا الملهوف وتهابنا الناس
مرسولنا للخير دايم نكزة *** ولصرخه المحتاج نرخي الاكياس
تاريخنا مجد لبسناة بزة *** نمشي بوسط السوق ماندحم الساس
لك ماتركنا بكاس الامجاد مزة *** واجد عليك ومثلك حثالة الكاس
وش جاب حر الطير لفريخ وزة *** منهو يساوي جوهر الماس بنحاس
لاتحسبين انك لنا مستفزة *** وش ياخذ الباعوض من ريش قرناس


تحياتي لكم

مدوخ

<******>drawGradient()

المصدر: منتديات لمني بشوق - من قسم: (✿) وَزْن وَقَافِيْه