أول تـرقيمـ لي في الثانويه العامه لا يفوتكم

أول تـرقيمـ لي في الثانويه العامه لا يفوتكم

السـ عليكم ورحمة الله وبركاته ـلام


اما بعد سالفتي يوم كنت في الثانويه العامه الله يذكرها بالخير

لووووووووووووووووووووووووووووووووول :LK:

نكمل


هنوو تقوطر سعابيله

مرئيات صاحب السـالفـه
1-قروي 2-على نياته 3-دلخ 4- درج 5- مقرود
=======================
في أول أيام الاختبارات تعرفون الواحد فارد عضلات مخه وهو أنواع الدلاخه ومفهي مع الكتب مسوي فيها سيبويه وراسه انواع رقع تيوبلس من الفلقات ، ماعلينا ووش لكم بالهرج الفاضي.

المهم انبطحت ذاك اليوم على بطني اذاكر وحاط بجنبي خزان شاهي – مغشوش الولد مانام له اربع ايام قبل الاختبارات – وانواع الوناسه متعود على الحوسه مع الكتب بالغرفه، وماسك أول مادة اذاكرها رياضيات واقلب بهالصفحات ادور شي فاهمه علشان انقشه ( انواع البراشيم) ومسوي فيها فاهم وانا ماعندي ماعند خدامتنا، وش لكم بالهرج اللي ماله سنع.
ندخل بالزبدة (قربوا الفريزر علشان الذوبان).

وانا منبطح ومتوسد هالكتاب وانواع الترفهية ( رن رن رن رن) التلفون انواع الازعاج بديت اصارخ على أهلي ارفعوا الخط ماعندك احد انبح صوتي من الصراخ كأني انادي على جدران لو إني منادي ولد جيراننا كان قطع الخط من البقسية من صراخي ، اثاري اهلي طالعين برى البيت (شفتوا اني درج ودلخ).

فزيت وصحصحت وقومت عصاقيل سلوى ورحت ارفع الخط قلت في نفسي ارفع الخط وانا اقول اخاف يصير نشبة ينشبلي وانا ابذاكر ماني ناقص قلق ، تركته حتى انتهى رجعت للغرفة اذاكر (ابوك يالمجتهد) ما أمداني امدد عصاقيلي وكرشتي بالارض إلا (رن رن رن رن) قلت وبعدين قحصت من مكاني بسرعه ورحت لم التلفون امر ارفع الخط ، يوم اقول الوووووو (واحد معصب) يوم ذاك الصوت –السلام عليكم – اللي خلى سعابيلي تقطر أول مره اسمعه ، قالت: لوسمحت موجوده دلال...؟ أنا لساني تلوا مادي وش أترد ووش أقول وأنواع تمسيح السعابيل بيدي قلت: موهب بيتهم (واحد مؤدب) قالت: شكراً ياقمر واسفين لأزعاجك ، أنا على (نياتي) قلت : هلا والله ، طرقع السماعة بوجهي مع اني انقهرت بس عادي يستاهل الصوت يسكر الخط كذا بوجهي ( واحد فك) .

المهم رحت اكمل النقش (البرشمه) بس مهب ذيك الشهوة للمذاكرة والنقش بديت اهوجس مع الصوت شوي ومع المذاكرة شوي لين (رن رن رن )التلفون ، مادريت إن أهلي وصلوا للبيت - من الترفهية- ردت امي على التلفون امر اتسحب شوي شوي اسمع يوم سكرت الخط - خط وين يبووو خط سريع هو تلفوون انت وخشك- امي قلتله من اللي يكلم قالت ليش قلت انتظر خويي يبي اساعده بمسألة – واحد نصاب وكلن على همه سرى- قلت لأمي اباخذ التلفون عندي علشان اخوياي فصلته ورحت لغرفتي ما أمداني اشبكه إلا (رن رن رن رن) انا بديت أوسوس أرد ما أرد أخاف أحد اخوياي ماني ناقصهم (أخوياه لزقات بس وقت الاختبارات علشان شهرتي بالبرشمه)، المهم رديت قلت :نعم ! جاء ذاك الصوت اللي ماخلى سعابيلي تقطر إلا ركبتي بدت ترتجف وقلبي بدأ يقوول طرقع طرقع طرقع طرقع ، يوم قالت : السلام ، قلت : وعليكم ، قالت: كيف الحال ، أنا ضاعت علومي وبديت اعرق قلت : تمام من معي (على طول ذب وجهه) قالت: وحده ضايق صدرها قالت: وانت؟ عاد انا سويت فيها فاهم وقلت وانا واحد ضايق صدره (ماعنده اسلوب ) ومن الشين سويت فيها عسل قدامه قلت ضايق صدري بس اوسعه عند الخياط اللي بجنب بيتنا، مادريت إلا ذيك الضحكة اللي يوم سمعته اخذت كتاب الرياضيات وصبخته بالجدار من الوناسه .

بعده مادريت إلا صبخت السماعه اللي شقت اذني مدري وش السالفه جاء صوت (طوط طوط طوط ) يعني ضف وجهك انقطع الخط انا ضاق صدري وبديت اهوجس وبديت افرك راسي واعبط اصابعي والمس حرارتي أمر اقوم واغسل وارجع عجزت اصدق ودخلت الغرفه وبديت اشوت بالكتب وانواع التسديد على الجدران من الهبال .

أمر امبطح وخذ هواجيس ، من الهواجيس : منهي ، ووش تبي , ووش اقوله اذا اتصلت ، وكل شوي تقطر سعبولتي مع الهواجيس.

ومع هالهواجيس مادريت إلا التلفون ( رن رن رن رن) قحصت على حيلي ورديت يوم نفس الصوت انا مادري وش اقول ضاعت افكاري اللي صفصفته يوم قطرت السعبولة وش اقول المهم وش لكم بالهرج(المشفر) اخوكم دقه سواليف وصارحيني إلى أذان الفجر وسعابيله تقوطر وابشركم تراني قلتله اسمي ووين ساكن ووين ادرس ووش اسم امي ووش سيارتي(واحد مخربه) ،بعد ابشركم ضاعت الاختبارات، وبديت أرتكز عند التلفون تقل مأمور سنترال شركه ، وش لكم بالهرج الفاضي ، تطورت الامور حتى أخر ايام الاختبارات وجاء اليوم المحتوم واليوم الموعود وهو المقابلة الشخصية (مهب عاقل مقدم على وظيفة) لو انه وظيفة انفع .

المهم تشيكت ولبست ذاك الثوب الجديد والشماغ اللي كله نشاء وتعطرت بأحلى عطر عندي ابو عنزين شاريه من ابو ريالين ، وركبت سيارتي الفياجرا (ددسن 79م عراوي ) ومريت محل ورود مسوي فيها رومانسي الاخ وأخذت ورد اصطناعي هههههه مامعي غير عشره ريال هههه ، المهم رحت للمحل اللي متواعد اشوفها فيه وقفت السيارة بعيد علشان ما تشوفه (أمحق فياقرا) ، ودخلت ذاك المحل - اللي فيه الموعد – وفتحت الباب وعينك ما تشوف إلا النور مادريت إلا ذيك
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
الرفسه ببطني وذاك الماء اللي منكب على وجهي اثاريها امي تصحيني من النوم ( اخوكم يوم مسك كتاب الرياضيات في أولا السـالفه مغط سعبولته على الكتاب وخذه نومه وانواع الاحلام ) بس ياحلوه من احلام (تدرون وش القهر القهر ليت امي صبرت شوي لين اشوفه وأكحل عيني حتى بالاحلام (مقرود) :LK:



اتمنى ان تكون السـالفه حازت على رضاكم :'k:

سلــمــلــم :LK:

المصدر: منتديات لمني بشوق - من قسم: (✿) الضَحَك والفرفشَة