|
|
|
| الإهداءات |
| أهلا وسهلا بك إلى منتديات لمني بشوق. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
|
||||||
| (✿) الضَحَك والفرفشَة » للفڰآهـہ ۈْتۈْزيع آلأبتڛآمة بطرق مفيدة « |
12-01-06, 10:12 AM
|
#1 | ||||
 
|
يطاوعك ألبك > ياعشــوق حق البرشا < وتعمل بيه تسذا
طاط
السلام عليكم هذه القصه بعنوان يطاوعك ألبك > ياعشــوق حق البرشا < وتعمل بيه تسذا أبطال القصه 1/مرسول الدجه 2/عشوق حق البرشا ضيوف الشرف 1/جدي اللي نكب عفشي 2/الفأر اللي طلع لهم وهم يلعبون شطرنج بدايتآ ياناس الله بلاني بحب واحد من الدلوخ اسمه عشوق مع كل الدلاخه اللي فيه الا اني لازم احطه في أي موضوع لي حتى لوماله دخل فيه احطه احطه حتى لو اضطريت اني اقلبه سحليه اهم شي يصير في الموضوع المشكله اللي بيسمعني بيقول اكيد ان عشوق زين لاوالله مافيه من زين ذره شين وغثيث ولايتسبح عهده بالتسباح يوم سبحته امه اول ماجابته ريحته مخنزه تقول مسكر في ابطه على فار هو دب لو تقلبه على راسه مايتغير فيه شي صدره يصير مؤخره والعكس ايديه وفخوذه سوى بس وجهه ذا اللي تقول همبرقر ماله بديل اذا تربع ينقصه فتحه في راسه ويصير قدر ضغط هو يأذي خلق الله يعني من المفسدين في الأرض والعياذ بالله انا يوم شفته على ذي الحاله لا أهله مستفيدين منه ولا الناس سالمين شره قلت بأنصحه بشي يفيده قلت له اخوي عشوق وش رايك بدال العطاله والأذيه وش رايك تشوف لك مسجد وتوقف عنده وكل اللي عليك تركب بزبوزين في صدرك وتكسب اجر في الناس بس لاتنسى تكتب ماء سبيل ادعوا لمن وضع البراده بالخير بس الغبي رفض النصيحه عاد انا احلا منه موصيتني امي اذا شفت وجهه اقول اعوذ بالله من الخبث والخبائث عاد هو يرد ويقول انتم السابقون ونحن اللاحقون اموت واعرف وش دخلها والله من الدلاخه ياعشوق مره طلعت من البيت ولقيته مدنق وكنه ساجد ويدور كورته تحت سيارت الوالد جيته وقلت غلطان صديق اللي يبني جارنا انا على نياتي احسبه تريلة خلط اسمنت الخلاطه شوي يوم رفع راسه وقال اكل تبن بس ماعرفتي انا عشوق قلت وش تسوي عندك قال ادور كورتي قلت الله كلك تلعب بكوره وحده ولا موزع فريقين شوي وهو اللي يمد برطمه اللي تحت ويزعل علي قال والله لعلم عليك ابوي لحظه وش فيكم متحمسين كل اللي قلته ماله دخل في الموضوع ترى مابعد بدخلنا في الموضوع متى مافتحوا الباب بندخل بقول لكم حاجه عن مرسول وعشوق هم اصققاء ومسوين حوسه في البيت منذ نعومة اضفارهم ولا يفترقون عن بعضهم حتى بلغوا سن المراهقه عاد عشووق أذيته متعديه الحدود واضطر الوالد يطرده من البيت خايف يخربني ويدشرني فرقتنا الدنيا ولمدة ست سنين محد منهم شاف كشرة الثاني أي خشة الثاني ابشركم فتحوا الباب والآن خلونا ندرعم سويتآ للموضوع ون تو ثرو اكشن لحظه لحظه قبل ندرعم سوى ذي المره نويت احط مقدمه لموضوعي انا كل ماقريت موضوع حصلت فيه مقدمتن سنعه عاد قلت مهمب احسن مني والله لأحط مقدمه نبدأ مستعدين رفعت ضغطكم صح خخخخخخخخخخخ يالله ولا يهمكم ون تو ثرو اكشن في ليلتن مشمسه والأمطار تهطل بكثافه لحظه لحظه من اولها ليله ومشمسه اقين اقين ماتصلح ذي المقدمه والله أحس اني أرفع الضغط يالله اخر مره ون تو ثرو اكشن في ليلتن ظلمآ والأمطار تهطل بكثافه والشوارع خاليه من المشاه خرجت من المنزل وانا حاط فوق راسي قدر كي اتوقى به من المطر خرجت كي احضر ورقة البلوت من السياره وانا مدرعم للسياره والبرق والرعد والامطار والظلام شي يخوف لدرجة اني ماألتفت عيني على السياره وبينما انا على هذه الحاله من الدرعام الا وانا اللي اسمع صوت شخص يقول مرسول مرسول انا مااشوفه في الظلام سمعته ولا ماسمعته قلبي قام يطربق من الخوف وانا اللي ارفع ثوبي واقرط فيه ناوي احط رجلي خفت انه احد يبي يخطفني (احلا يالحلو) وهو اللي يقول مرسول مرسول لاتنحاش يالذروق ماعرفتني انا قلت في نفسي ذا الصوت مهب غريب علي والتفت وانا اللي اشوف واحد كنه كيس رز جاي طالع من الظلام زي اللي في الأفلام الكابوي قرب مني صدق كذب الا هو لا اكيد انه هو أخوي عشوق واتعانق انا وياه بالأحضان وفي ذي اللحظه صار مشهد لن ينساه التاريخ فبعد العناق الحار مسكنا ايدين بعض وخلينا بينا مسافة نص متر وبدينا نغني (بابا فين بابا هنا هنا هوه ااولو مين الو عشووق أأولو مين بيكلموه) وحنا نغني وندور شفت خشته وقلت اللعن ام الدلاخه وش دخل ذي الأغنيه في موقفنا ذا خلنا نغني (بعدت ليه ورقعت ليه) حقت ام كلثوم ونقعد نغنيها وندور ثلاث ساعات وحنا ندور لين دخنا هذي الدلاخه على اصولها وبعدها كل منا مسك ايد الثاني ورحنا نسعا وحنا مرفعين ايدينا كنا بنطير زي هايدي وبيتر (طبعآ انا بيتر) وبعدها قلطته في المشب وقعدنا نسولف وكل منا قاعد ينصب على الثاني اللي يقول انا مشبك خمس بنات كل وحده تقول الزين عندي واللي يقول انا ابوي يبي يشتريلي كامري بس انا معيي مااقتنعت بها واللي يقول والله الشباب يبوني اخاويهم للبحرين بس انا معيي نفسيتي تعبانه (نصبات على قد الطموح) واللي محلي السهره ان كل واحد منا مصدق ان الثاني مصدق نصباته وقربنا الشطرنج والشاهي وبدينا نلعب عشان يجي النصب على أصوله ومع النصب والسوالف تفاجأت بعشووووق يطلع كيس فيها اعشاب قلت وبكل برائه عسى ماشر ياعشوق لاتكون ذي اعشاب تتداوى فيها الفت علي وشافني بنص عين ثم ضحك ضحكه فيها مكر وقال هذي حقت الكيف قلت حقت كيف ولا هل وش تبيبها انت وهو اللي يسفهني درا ان مافي راسي ويطلع دفتر صغير فيه اوراق مستطيله وياخذ قرطاسه منها ويقعد يحط من الأعشاب فيها ويلفها لين صارت مثل الطبشور قلت عشوق الله يرحم والديك هذي وشي قال نيههههههااي هذي حشيش يابزر تجرب معي قلت لا الله يرحم والديك قال طع الشور خلني اضبط لك صاروخ حشيش ذلحين صاروخ وين داخل بوفية كبده الله يرحم والديك حشش لحالك انا اصلآ ماأتتن عشان احشش (ياقدمي اتتن) قالي بكيفك ويقعد يحشش ويقول الله على الجو ياسلاااااام الله ياسلاااااااام ومن دخانه اللي يطلعه لطمت وصرت اكيف على خفيف قلت والله الكيف شي خلني اكيف معه وانا اللي اخليه يضبط لي صاروخ بدون شطه سفري واصقع الصاروخ عاد تعال شف سوالفنا وحنا محششين حنا اصلآ محششين بدون مانحشش كيف اذا صرنا محششين وحنا نحشش بدا المفعول على خفيف خخخخخخخخخخ ومع السوالف دخل علينا جدي ولد خالي دحيم المنبطح (ياذا الحشيش) قال السلام عليكم قلت سين اثنين على بالي في الشات (ياذا الحشيش) قال وش عندكم قلت ابد وحنا قاعدين نلعب شطرنج طلع لنا فار عاد انا قلت والله ماأخليه يروح اللي يرشني بالدم ارشه بالسم وانا اللي اروح الحقه يوم حطيت الصدام بالصدام وانا اللي اتذكر ان ثوبي مهب مكوي شف الحظ المزفت عاد الشباك مفتوحه والجو بارداً شديد الحراره رحت اسكر الشباك لقيت المسلسل مخلصه قلت في نفسي والله ماأخليه يضربني واسكت له وحنا كاشتين في العليا وهي اللي تطيح علينا تندت السياره عاد اللي رفع ضغطي اهرب له ديمن يرجع لي ببنت الديمن قلت مهب اول مباراه ديربي تفوتني يعني هي على قولت المثل قبر يذلك ولابنت تضمك بس اللي ماتدري به انه بسبب ذا الفار قامت الحرب العالميه الثالثه والنص بتوقيت الرياض المنوره بين السحالي والتماسيح عاد جدي ذكي درى ان حنا مسطلين (مايبلها ذكى) وهو اللي يتصل على الشرطه ويبلغ علينا ويمسكونا متلبسين وفي التحقيق قال عشوق انا مدري عن شي اللي مسكتوه معنا لمرسول وصدقوه وحطوني في السجن وهو طلع مثل العجينه من الشعره وانا اللي اشوف وهو طالع وادعيه وانا خلف القضبان يوم جاني قلت له يطاوعك ألبك > ياعشوووق < وتعمل بيه تسذا الله يرحمك ياجدي قبل يموت الله يرحمه ويطول في عمره كان يقولي لاتمشي مع عشوق بس ماكنت اسمع كلامه ماذا يستفاد من القصه 1/ اذا قالك جدي لاتمشي مع عشوق فعليك ان تسمع كلامه 2/ان لعب الشطرنج يؤدي الى ظهور الفئران مما يجعل جدي يدري انك محشش وبالتالي سيبلغ عليك الشرطه 3/ اذا هطلت الأمطار فإياني وإياك تطلع تجيب البلوت ولا ترى بيلقاك عشوق وهو له ست سنين ماشافك ثم بيدشرك . المصدر: منتديات لمني بشوق - من قسم: (✿) الضَحَك والفرفشَة |
||||
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| لمني بشوق | منتديات لمني بشوق | مركز تحميل لمني بشوق |
العرض الشجري