قصيده في كل قبائل السعوديه تعال شف وش يقول فيك

[طيبتي أكبر همومي...]

قصيده في كل قبائل السعوديه تعال شف وش يقول فيك

--------------------------------------------------------------------------------
هذي أبيات من الشعر لجميع قبائل السعوديه دور على البيت اللي فيه قبيلتك واسدحه برد


\
\

يـالله ياخــــالق اراضـــــين وابحـــار *** الواحد المعبود رازق عبيده

الخـــالــق الغـفـــار عـــلام الاســـرار *** وفــرق شـعـوب الارض فــي كــل يـــده

وابــدي واسـولـف مــن عذيـبـات الاشـعـار ***ابـيـات شـعـر والمعـانـي وكـيـده

اشـري وابيـع واعـرف كـيـف بخـتـار *** واخـتـار مــن جــزل البـيـوت الفـريـده

وذكـر تـراث وعــز وامـجـاد وافـخـار *** قـبـائـل تـومــن بـديــن وعـقـيـده

وصلـت حضارتـنـا عـلـى سـطـح الاقـمـار *** ابـنـا الجـزيـر والجـزيـره مجـيـده

فــي ظــل حـكـــام لـهـم فـعـل واشـــــوار *** ال سـعـود الـلـي تـفـك الضهـيـده

نـسـل الزعـيـم الحــاكـم الـعــــادل الـبــار *** مـجـدد امـجـاد الـجـزيـره بـجـيـده

حتـى اصبحـت حـره وحنـا لـه انصـار *** فـي ظـل اخــو نــوره هـنـوف سعـيـده

وصـارت لابــو تـركـي بطـولـه وتـذكــار *** والفـخـر والامـجـاد تبـقـى شهـيـده

وخلـف لـنـا امـلـوك لـهـم فـعـل واخـبــار *** الشـعـب واحــد والقـيـاده رشـيـده

والامـن بانينـه عـلـى ســاس وجــــدار *** وقــرو عـلـى العـابـث عقـوبـه شـديـده

وحنـا حمـاة الــدار مــن كــل غــــدار *** ومــا همـنـا بطـشـه وخبـثـه وكـيـده

قبــــــائـل مالحقنــــــاهـم اوعــــار *** وعـشـنـا بـهــذي الـــدار عـيـشـه رغـيــده

والحـمـد لله نحـمـده ســـر واجـهــار *** شـعـب تكـاتـف مــن سـنـيـن مـديــده

ودون الوطـن جـيـش عـلـى كــل معـبـار ***لارفــرف البـيـرق ونــادى عقـيـده

بـشـرق الـبـلاد وغربـهـا دوم حـضـار *** وارض الشـمـال الـلـي نـفـوده مـديــده

وارض الجـنـوب الـلـي تخيـضـر بالاشـجـار *** جـزيـرة فيـهـا القبـايـل عـديــده

ارض بـهـا قحـطـان وافـيـن الاشـبـــار *** ويـاعــز مـنـهـم بالـشـدايـد بـسـيـده

واذكــر عتيـبـه يــوم للطـيـب مـغــوار *** لا ثــارت الهيـجـا وقــرب ضـديــده

وشمـر هـل الطـولات والجـود مـقـدار *** اهــل الـكـرم واهــل الفـعـول الحمـيـده

وقـوم اعنـزه مـرويـن الاخـصـام الامـرار *** اولاد وايــل مــن عـصـور عهـيـده

ومـــطيـر قـوم تـكـرم الضـيـف لا زرار *** ويـاويـل خـصـم فــي حـراهـم وعـيـده

واذكــر قبيـلـة حــرب يانـعـم الاخـيــار *** وتاريخـهـم يحـكـي سـطـور مجـيـده

وسبيـع نعـم القـوم ووجيـه الاسـفــار *** زبــن الدخـيـل لـيـا زبــن مــن طـريـده

واذكــر قبيـلـة يــام والطـيـب يـنــدار *** اهــل الـعـلـوم الـوافـيـه والـرشـيـده

ثــم الـدواسـر تجـعـل الخـصـم منـهـار *** عـيـال زايــد عــز منـهـم سنـيـده

ثـم السهـول اللـي لهـا الطيـب مـدرار *** وعــن منـهـج الـعـادات مـاهـي محـيـده

ثــم اذكــر العجـمـان حمـايـة الـجــار *** والمرجـلـه والـجــاه فـيـهـم عـتـيـده

واذكــر بـنـي مــره طويلـيـن الاعـمـار *** مــا ينـقـد الـمـري ولا لــه نقـيـده

ثــم الهـواجـر لابــة تـقـدح الـنـــــار *** اهــل الـركـاب الـلـي خطـاهـا بـعـيـده

واذكـر بنـي خالـد قبيـلـة وامــــــار *** قــوم لـهـم فــي المـجـد قــول ورصـيـده

وبنـي تميـم الـلي لهـا الطـيـب مصدار *** بـنـي تمـيـم وكــل فـعـل تجـيـده

ثـم الزعـوب اللي بها الخصـم يحـتار *** شجـعـان ماتـرضـى ســوا ماتـريـده

العازمـي وافي وفي الطيـب بيـطـار *** روحـه عـلـى كـل المصاعـب صمـيـده

ثـم الظفـيـري فــي المصاعـيـب جـبـار *** والطـيـب والامــداح باصـلـه وطـيـده

ثـم اذكــر الاشــراف بـجـلال واكـبـار *** اهل الحـجـاز الـلـي تـفـك الزهـيـده

ثـم الهذيلـي لــه مـواقـف ومـنـدار *** راعــي الفـخـر راعــي العـلـوم السـديـده

ثـم البقـوم اللـي لـهـم جـيـش وامـهار *** ريــف الضـيـوف لـيـا لفـاهـم ولـيـده

واذكـر ثقيـف اللـي لـهـم مـجـد وآثــار *** ومهـمـا حسبـنـا مــن كــلام نعـيـده

وبلـحـارث اهــل العـز بشهـود واقـرار *** ا لحـارثـي ياطـيـب فعـلـه وجـيـده

والمالكـي معـروف لا صار مـا صـار *** فـي موقـف اهـل الطـيـب يـبـذل جهـيـده

واثـنـي تحيـاتـي عــدد وبــل الامـطـــار *** عـلـى سلـيـم وكــل خـصـم تكـيـده

واذكـر جهيـنـه هــل مواقـيف وادوار *** تلـقـى الجهيـنـي راســم الطـيـب بـيـده

واذكـر بـلي والمجـدلـه فـعـل واظـهـار *** وتاريخـهـم يحـكـي فـعـول فـريـده

وبـنـي عطـيـه فـي المواجـيـب حـضار *** قــوم بـوقـت الـجـد قــوم عنـيـده

ثــم الحويـطـي والكـرامـه لــه اشـعـار *** ثــم الـشـراري لــه فـعـول مفـيـده

ثـم الرشيـدي فـي الصعيـبـات صـبـار *** عـلـى عـلـوم الطـيـب فعـلـه يـزيـده

وباقـي جـنـوب الــدار والـقـاف مـادار *** بـاقـي عـلـى قلـبـي كــلام واشـيـده

زهـران نعـم القـوم في وقـت الاضرار *** والخـصـم عيـنـه مــن لقـاهـا سهـيـده

والغامدي معـروف لـه عــزم واصرار *** راعــي المـراجـل والعـلـوم المفـيـده

وشـمـران قـوم والجمايـل لهـا اطـوار *** وبلـقـرن ســم للـقـلـوب النـكـيـده

والاكلـبـي والمحلـفـي مابـعـد بــــار *** والـحـارثـي طـيـبـه وفـعـلـه يـشـيـده

وبني شهـر وبني عمـر سـيـف بـتـار *** قـوم عـلى الاخـصـام نــر وقـيـده

والاسـمري والاحـمري صيتهـم ســار *** بـيـن القبـايـل والـمواقـف شهـيـده

واذكـر عسـيـر الهـول ذربـيـن الاذكـار *** وابـهـا احتموهـا فالسنـيـن الشـديـده

وادهـم والصيعـر علـى حـد الاقطـــار *** يحـمـون حــد الـدار مــن الـلـي يـريـده

وامـشـي مــع السـاحـل مع جمـله افـكار *** رسمتـهـا والطـيـر زان اتغـريـده

وانــزل عـلـى جـيـزان تـاريـخ واديــار *** ورجــال فيـفـا والقبـايـل عـديــده

وارجـوا العـذر واهـل المواجيـب عــذار *** الي نسيـتـه مانـذكـر في القصـيـده

الواهـبـي عــدد ابيـوتـه بــــالادوار *** مــن شـاعــر مـاشــل قـلـبـه حـقـيـده

شهـران ربعـي هـم هـل المـدح والكار *** واهـل الكـند واهـل السـيوف الجديده

يــوم البـلـد مايـامـن الـزنـد لاثـــار *** زيزومـنـا ابــن مشـيـط نـعـم الـولـيـده

فالجـهـل شجـعـان وفــي السـلـم تـجــار *** مــن بـطـن بيـشـه للتـهـم لارفـيـده

حبـيـت ابـيـن موقـفـي بـيـن شـعـــار *** وارجــوا سموحتـكـم عـلـى ذا النشـيـده

ماحـب انـافـق واتعنـصـر تعنـصــار *** ولا نــي باطـيـع اهــل العـقـول البلـيـده

مـا كـل مـن طـب البحـر قيـل بحــار *** ومـا كـل مـن شـل الفشـق جـاب صـيـده

فالشـعـر بسـتـان بـــه ورد وازهـــار *** والـلــي تـعـداهـا بـيـوتـه فـقـيـده

واقولهـا فـي الشـعـر تـكـرار وامـرار *** ضــرف بــلا عـنـوان يلـغـى بـريـده

وبعـض السوالف له مواقـف ومحضار*** وشـعـر بــلا معـنى لــزوم نبـيـده

وصلوا على المرسول شفاع الابـــرار*** محمد الهادي وقدوة عبيده

\
\

منقول
يلآ ردودكـ~ـم ...

المصدر: منتديات لمني بشوق - من قسم: (✿) وَزْن وَقَافِيْه

[الضاوي...]

صح لسانك

[@تعبت احتويك@...]

ومـــطيـر قـوم تـكـرم الضـيـف لا زرار *** ويـاويـل خـصـم فــي حـراهـم وعـيـده

صح لساانكـ

[*_* كل الطـيـــبــة *_*...]

واذكـر جهيـنـه هــل مواقـيف وادوار *** تلـقـى الجهيـنـي راســم الطـيـب بـيـده

سلمت يمناكي ويارب يعطيكي الي تتمنينه

[درة الخليج...]

[لايمكن مشاهده الصور والروابط الا بعد التسجيل ]

[العسلي...]

وشمـر هـل الطـولات والجـود مـقـدار *** اهــل الـكـرم واهــل الفـعـول الحمـيـده

مشكوره على القصيدة الرائعة والصراحة حتى لا اكون متحيز انا افتخر بجميع القبائل وكلهم فيهم الخير والبركة
وانتي يا كل هموم الدنيا طيبتك سلمت يداك

[طيبتي أكبر همومي...]

ضوضو
تعبت

تسلموووووووووون عالمرور الرائع
كل الطيبه

اميييييييييييييين [لايمكن مشاهده الصور والروابط الا بعد التسجيل ] <<<خشتي صارت كذا يوم قريت دعوتك
تسلم
درة
حياك يالغاليه

العسلي

كل القبائل فيهم الخير

عسلي______ردد معي <<<<تبيك تحفظ الاسم

ياخي فشلتني في كل موضوع تكتب لي اسم


طيبتي
اكبر
همومي

يعني

طيبه مال أنا
فيه أكبر
هموم أنا

أرجوا انك فهمت[لايمكن مشاهده الصور والروابط الا بعد التسجيل ]

وسبيـع نعـم القـوم ووجيـه الاسـفــار *** زبــن الدخـيـل لـيـا زبــن مــن طـريـده


يعطيك الف عافيه

واما من ناحية العسلي يا اخت كل هموم طيبتك من دنيا

ما اعتقد انه راح يحفظ اسمك بتكرار

بس لو نجرب نكويه يمكن

[نزف الجروح...]

وأذكر عتيبـه يوم للطيب مغوار .... لاثارت الهيجاء وقرب ضديده

ذكرتي وياه والمسلمين بالشهادة إن شاء الله

أبغى أرد لو بيت ماقدرت وربي لـ جمال أبياته وروعتها صح لسان الشاعر

وتسلم يمينك على النقل

لكِ مني كل التقدير والاحترام والود


تقبلي تحياتي ..

أخيكِ : نزف الجروح

[ضمة ولع...]

وبنـي تميـم الـلي لهـا الطـيـب مصدار *** بـنـي تمـيـم وكــل فـعـل تجـيـده
تسلمين يا اختي الغاليه لاعدمناك الله ينولك مافي بالك يارب العالمين وانا بعد قولي امين
بس بصراحه والنعم والنعم والنعم بكل اهل السعوديه واهلها والخليج
الله يجعلنا عز للجميع ونصه للدين والاسلام
هذى البيت اهداء لك....
طيبتي اكبر همومي اشكرك عالاشعار***وعسى افراحك تطبع وسط الجريده اتمنى يعجبك

[ضمة ولع...]

وبنـي تميـم الـلي لهـا الطـيـب مصدار *** بـنـي تمـيـم وكــل فـعـل تجـيـده
تسلمين يا اختي الغاليه لاعدمناك الله ينولك مافي بالك يارب العالمين وانا بعد قولي امين
بس بصراحه والنعم والنعم والنعم بكل اهل السعوديه واهلها والخليج
الله يجعلنا عز للجميع ونصه للدين والاسلام
هذى البيت اهداء لك....
طيبتي اكبر همومي اشكرك عالاشعار***وعسى افراحك تطبع وسط الجريده اتمنى يعجبك