(( لاتشتكي للناس لو كنت مطعون !!))

[أمير الاحساس...]

(( لاتشتكي للناس لو كنت مطعون !!))

اضحك وفلّ حجاجك اشفيك محزون
...........دنياك ماتسوى وخذها نصيحه..

مادام مالك ميت ولا انت مديون
.........ارم الهموم وخل نفسك مريحه..

لو كانوا اصحابك يضاهون مليون
.........نق الكفو منهم وخل السطيحه..

ولا تشتكي للناس لوكنت مطعون
.........والذم من بعض الخلايق مديحه..

ولا تنحني للهم وتعيش مغبون
.........ترا المريح اهل العقول الصحيحه..

لاصرت صادق قالوا الناس مجنون
..........مايمدحون الا النفوس القبيحه..

وخلك صمود بوجه الايام دندون
.........وما حرم الله اثم لا تستبيحه..

والكبر لو به فايده فاد فرعون
.........ومن ذاع سرّه بشّره بالفضيحه..

والله لو يعطون لك مال قارون
.........ماشفت نفسك بالغنى مستريحه..

انفض هموم القلب وابليس ملعون
.........وان ضاق صدرك ارض ربي فسيحه ..

المصدر: منتديات لمني بشوق - من قسم: (✿) وَزْن وَقَافِيْه

[R A Y A N...]

ولا تشتكي للناس لوكنت مطعون
.........والذم من بعض الخلايق مديحه..

صح السانك ولا هان من يغليك
مشكور اخوي على هالقصيده الرائعه

[الطيرالمهاجر...]

يسلموووووو
خيووو ع الآبيااات
الراائعه
ولاهنت

[أمير الاحساس...]

المشاركة الأصلية كتبت بواسطة r a y a n

صح السانك ولا هان من يغليك
مشكور اخوي على هالقصيده الرائعه

صح بدنك ومن قال

الله يسلمك من كل شر

[أمير الاحساس...]

المشاركة الأصلية كتبت بواسطة الطيرالمهاجر

يسلموووووو
خيووو ع الآبيااات
الراائعه
ولاهنت

الله يسلمك ومن قال
شكرا لكم على مروركم الجمل والحلى والرائع
دمتم بصحه وعافيه

[اقطر عسل...]

يالبى قلبك
فديتك

[أمير الاحساس...]

اقطر عسل يالبى قلبك والله

والله نك عسل

مشكووره على المرووور الاروع

مبدع يا بطل في طرحك

احتراميـ

[دمعتي على خدي]

لاصرت صادق قالوا الناس مجنون
..........مايمدحون الا النفوس القبيحه..
فعلا هذا الكلام صح

يسلمووووووووووووو