هل تتزوج فتاه كنت على علاقة بها؟ سؤال للنقاش

[khaled...]

هل تتزوج فتاه كنت على علاقة بها؟ سؤال للنقاش

السلام عليكم


هل تتزوج فتاه كنت على علاقة بها؟ سؤال للنقاش


محادثه هاتفيه بين خالد و بدر

نبدأ بالمحادثـــه

الووو هلا خـــالد أنا بدر

هلا خالد ... بدر : عندي موضوع ابغى اكلمك فيه بخصوص بنت

وش رايك في هذه البنت تكلمني وتبي تتزوجني

البنت محترمة وماترضى تعمل اي غلط

خالد : اها طيب ليش ما تتزوجها ؟؟

بدر : لانها رضت تكلمني

خالد : بس انت تقول انها محترمة وانت تعمقت معها؟

بدر : صحيح وهي محترمة جدا لكن..!!.

خالد : لكن ايش ؟

بدر : اكيد كلمت غيري لانها كلمتني !!

خالد : مب شرط !!

بدر : الا شرط

خالد : لكنك تكلمها من فترة طويلة ولما جا وقت الجد وقلنا زواج تهربت !!

بدر : صح لكن ....... عندي مبدا اللي كلمتني تكلم غيري وتخون ..!!


ويستمر الحديث الذي لا ينتهي .........


برأيكم



هل تقبل ايها الشاب ان تتزوج من تلك الفتاه التي اقمت معها علاقه سابقه؟

وبرأيك ايتها الفتاه هل توافقي على الزواج من ذلك الشخص ؟

هل ينجح هذا الزواج ...؟

ام ان الشك يسيطر على الطرفين؟





انا اقول ا كيد راح يسيطرعليهم الشك لانهم يتذكرون الماضي



واتمنى ان اسمع اراء الجميع من الشباب والفتيات


بأنتظاركم

تحياتــــي :
خـــالد

المصدر: منتديات لمني بشوق - من قسم: (✿) سِيْرِهـُ وآنْفُتَحت

[لمني بشوق]

اخي الكريم خالد ..

مشكور على الطرح الجميل ..


انا بوجهة نظري .. البنت حتى لو كلمتها جوال ..

وتأكدت منها .. ووثقت فيها .. فليش ما تتزوجها ..

وبالذات اذا كانت علاقتكم مبنيه على حب ..

وجهة نظر ..

اشكرك اخي خالد مره اخرى ..

[khaled...]

مشكور أخوي ضحيه

على مرورك

وأبداء وجه نظرك

[روح الورد...]

موضوعك جدا حساس ويستاهل النقاش فعلا ,,

لكـن ليه مايتزوجها إذا هو فعلا حبها ,,

ووثق فيها ,, وشاف إنها تنفع تكون ربة بيت ومربية أجيـال ,,

لكن للأسف الشباب ماخدينها للتسليه وتضيعة وقت ..

والمفروض نفس البنت تبعد عن هالشاب إذا شافتو مو كفؤ وشافت إن هذا تفكيره

على كذا هالشاب لايتعب نفسه ويفكر يحب أو يكلم بنت ,,

أما بالنسبه للبنت ..

فأكيـــد مافي وحده تحب شخص إلا وتتمنى أنه يكون من نصيبها ,,

وفارس أحلامهااا

لكن للأسف تنصدم دايما بمنطق وواقع هالشاب اللي يحط أهله وعاداته وتقاليده

حاجز في هالموضوع ,,

وبالنسبه لإستمرار الزواج .. يستمر أكيــد ليه لأ ,,

أنا أعرف ناس متزوجه عن حب .. وحياتهم الان ولا أحــلى ,,

لكن أهم شي إن الثقه تستمر والحب يستمر ,,

وأشكرك على هالطرح خــالد

[مـيـشـو...]

والله موضوع يحتاج نقاش وتفكير مشكوووووور وماقصرت

[khaled...]

لكن للأسف تنصدم دايما بمنطق وواقع هالشاب اللي يحط أهله وعاداته وتقاليده

حاجز في هالموضوع ,,
_________________________________

ريم أني ذكرتي أن البنت تصدم بواقع الشاب

طيب ليه مايصير العكس ؟

والشاب هو الي ينصدم بالفتاه

وأشكرك أختي على مرورك

و أبداء رأيك

[khaled...]

مشكور أخوي ميشو على مرورك

[روح الورد...]

ممكن ياخالد يحصل العكــس

لكن لو تلاحظ إن الأغلبيه اللي يمتنعو عن هالزواج اللي بنتكلم عنه

يكونو الشباب ..

[khaled...]

ريـم الشاب ما يمتنعوا ألا ولديهم الأسباب

والاسباب المقنعه أيضا



مشكوره أختي ريم على تفاعلك

ويعطيك الف عافيه

[روح الورد...]

مافي أسبــاب مقنعه تخليه يبعد عن البنت اللي حبهاا

إلا إذا كان نفس رفض الأب والأم ,, وأكيـد لأنه أهم شي رضا الوالديـن,,

[معاند جروحه...]

أخي خالد

موضوع جميل للنقاش

للأسف مثل مااقلت .. الشباب مايمتنعوا الا ولديهم أسباب

أقولك يالغالي .. غلطان

والله لا أعذار ولا شي

وبالنسبه لو كان على حال الوالدين وانهم ما يرضون

هو بمزاجه .. لو كان الموضوع مهم بالنسبه له .... صدقني راح يقنعهم

وانا ويااك شباب ونعرف هالحال زين

والسالفه اللي عند الشباب .... تسليه لا اكثر ولا اقل

وكل واحد اليوم يفتخر بكم بنت معاه بالجوال .... نسأل الله كمال العقل

والأنسان اللي يتعرف على بنت .. ويتعمق بحياتها ويعرف كل صغيره وكبيره عنها

وبالأخر يوم يجي وقت الجد .. ويتخلى عنها .... هذا للأسف ماعنده لا دم ولا قلب أصلا ً

لأنه هي لو وضعته ... بهالموقف ..... بالله عليك وش راح يسوي ؟؟

ورب الكعبه ... راح يقوم الدنيا ويقعدها !!

بنت تسوي في كذا .... افااا مايصير

وربي أن هالموضوع تدمع له القلوب قبل العيون

أسال الله أن يربط على قلب كل فتاه ...

وتبتعد عن هالأمور حتى لو شافت غرامها بعيونه

مشكور اخي خالد على الموضوع

لاعدمنا تواجدك

دمت بخير

أخيك ....... معاند جروحه

[khaled...]

ريم رفض الوالدين ماعليه كلام

ولكن

أغلب الي أسمعه من أسباب الرفض أنه

يقول الي كلمتني أكيد عندها أستعداد

تكلم غير ...................



مشكوره ريم على أبداء رأيك

[khaled...]

والسالفه اللي عند الشباب .... تسليه لا اكثر ولا اقل

وكل واحد اليوم يفتخر بكم بنت معاه بالجوال .... نسأل الله كمال العقل

_________________________

أخوي معاند

كلامك صحيح 100 %

ولكن أحب أن أقول أن البنات أيضا

نفس هذا الكلام

أي كلهم متساوين

ومشكور أخوي معاند

ويعطيك الف عافيه على أبدأ رأيك

بكل صراحه

[لمني بشوق]

لا اخوي خالد دائما البنت لما تحب تتمنى ان يكون الشخص من نصيبها ..


لكن كثير من الشباب لما يحب او اسم يحب .. يكون تسليه ..

مستحيل يتسااوو ..

اما بالنسبه لرضى الوالدين لو يبي يقنعهم يقدر ..

اما لو هو ما يبي << هنا المشكله

مشكور خالد ..

[روح الورد...]

طيب خلوونا نفسـر مواقف المعنيين بهالنقاش ,,

الوالديـن < وأجمعتو إنهم مابيسببو أي مشكله ,,

البنت < بالعكـس بتتمنى إنها تتزوج من الإنسـان إللي حبته ,,

الشـاب < ممكن يرفض هالزواجه بسبب إنها كلمته << كأنه صار سبب بايخ وتافه ,,

البنت لو ماحبت هالشاب ماكانت راح تفكر أو تتجرأ بإنها تكلمه ,,

لكـن للأسف الشاب دايما يقول اللي كلمتني أكيـد راح تكلم غيري ولا كلمت غيري

طيب كلمت غيرك ((ماضي وإنتهى))

وراح تكلم غيرك ((وقتها لك حق إنك ماتتزوجها))

أعتقد إن السبب الرئيسي صار واضح من عدم موافقة الشاب على هالزواجه

وهو التسليـــه ,,

[لمني بشوق]

اختي ريم اتفق معك باشياء واخالفك باشياء ..

الوالديـن < وأجمعتو إنهم مابيسببو أي مشكله ,,

البنت < بالعكـس بتتمنى إنها تتزوج من الإنسـان إللي حبته ,,

الشـاب < ممكن يرفض هالزواجه بسبب إنها كلمته << كأنه صار سبب بايخ وتافه ,,

البنت لو ماحبت هالشاب ماكانت راح تفكر أو تتجرأ بإنها تكلمه ,,

<< اوك تمام ..


طيب كلمت غيرك ((ماضي وإنتهى)) << لا الشاب ما يرضى تكون كلمت غيره ..

تكون كلمت الاول وكلمتني واكيد بتكلم غيري ..

مافي شي اسمه ماضي وانتهى .. يمكن تقولو ليه الشب لما يكلم عشره ولما يجي يتزوج ما يجيبو طاري والبنت غير..

ما اعرف الجواب بس اعرف لانه ولد وهي بنت ..



وراح تكلم غيرك ((وقتها لك حق إنك ماتتزوجها)) اتفق واختلف معك فيها ..

اذا كانت مكلمه احد قبلي فانا ما ابيها ..

اما اذا انا اول واحد وتأكدت ووثقت فيها فمو من حقي اكذب عيها ولا اقولها ماني متزوجك ..



اما عدم موافقة الشباب وشببها التسليـــه ,,

فهذا مو شرط عند كل الشباب ..

[لمني بشوق]

نسيت نقطه مهمه اهملنااها ..


وما اظن احد يخالفني فيها ..

ان حتى البنات في كثير منهم للتسليه ويكون الولد هو المظلوم ..

مثل بنت البطايق والمصلحه .. << هذا النوع معروف عندكم كلكم على ما اظن ..

الولد يحب ويتعلق وهيا كل همها المصالح ..

هذي على قولت ريم تسليه ..

[khaled...]

ريم _ ضحيه

الف شكر لكم على تفاعلكم

وأبداء ارأكم بكل صراحه

وبالنسبه لي

ماعندي شي لأقوله

أخوي ضحيه كفا ووفا

[زارع الريحان...]

ولم لا هل يعنى نعنقد

ان غيرها التى لم تعرفها ولم تتحدث معها

تكون لا تعرف غيرك

قو قلبك وأدعم اذا عندك ذره من حياء من الله

وخوف منه

[عاشق رابح...]

السلام عليكم ورحمة الله وبركاته

أنا بصراحه بقولكم حاجه
أغلبية الأولاد ياخذونها تسليه انا أقول اغلبية يعني مو كلهم وبالمقابل في بنات ياخذون الموضوع برضو تسلية بس بنسبات اقل من الاولاد بكثييييييييييييير
المهم انا اقول اذا كان في ثقة وحب بين الطرفين الله يهنيهم ويسعدهم انشالله
وبالنسبة للي يتعذر بأسباب الأهل و انو مو من مواخيذنا ولا زي كذا أنا أقول أن الشاب يعرف من قبل أنو أهله بيوافقون على البنت ولا لا من البداية هو عارف ومثل ماتفضلو الأخوان أنو لو يبغى يقنعهم يقدر يقنعهم
وهذا اللي عندي والله يهدي شبابنا وبناتنا انشالله قولوا آمين ومشكور أخوي خالد على طرحك الموضوع الجميل وأشكر أخوي ضحية خيانه على كلامه الرائع وتفاعله مع الموضوع وأشكر اختي ريم على كلامها الجميل وتفاعلها والله يوفق الجميع ويكتب اللي فيه الخير