رحله للثمــامه .. !!

[مـيـشـو...]

يمااا والله شديده

زين زين بركب معكم بس مابي اركب بالصندوق زين خخخخخ

[ღأتعبني غروريღ...]

اعزائي المحظوظين الثمانيه [لايمكن مشاهده الصور والروابط الا بعد التسجيل ] لقد جيت [لايمكن مشاهده الصور والروابط الا بعد التسجيل ]

الرجاء من كل واحد التوجه الى البوابه الرئيسيه.. يؤؤ قصدي الرجاء من كل واحد التوجه الى مكانه المحدد .. وللمعلوميه تراني فرشت فرشه للي ورا بالصندوق اريح لكم يلله استانسوا..وش تبون بعد هع ..

اصبروا خل اعدكم
عاشق
احاسيس
نموله
مهره
جوري
الحلا
ميشو
مرسول << توسط له عاشق عشان يجي يركب معنا .. قعد يناقز لين ماركبته البثر خخخ
هاه ناقص أحد ؟؟

عاشق جاي متكشخ لابس نظارات شمسيه وشورت ..ياهوووه ياعاشق يابو سيقان خخخخ
أحاسيس : ترانا رايحين للثمامه وراتس جايبتن معتس نظارات غوص ؟
نموله: أنا قايلتلتس جيبي معتس أشرطة خالد عبد الرحمن ..اشرطة نوال خليها بالليل لاوصلنا
مهره : لابسه كعب عالي الله يصلحتس ؟ وش بيطلع ذا الكعب اذا جيتي تمشين في ذا الطعوس ؟ دبري عمرتس ترى محد مساعدتس
جوري : ماشالله جايبه فصفص يكفي قبيله هع ..

يلله ننطلق على بركة الله ..

أحم أحم هذاني ركبت قدام ميه الميه .. الله يخيلك لاتتحمس واجد دعست رجولي وخررر << تكلم عاشق
أحاسيس لا لالا تكتبين على الدرايش تراه هايلوكس جديد :(

يلله بشغل لكم شريط خالد عبد الرحمن على النوى << حق عربجه ..

معكم الآن المعلق على الرحله خلونا نشوف وش صاير ورا ..!

نموله ومرسول والحلا في جهه ..الحلا ماغير تطقطق على ظهر مرسول ونموله تغني تدري ولا ماتدري أحبك يابعد عمري .. أما بالنسبه لمهره وجوري وميشو فهاهم متحلقين حول دلة قهوه نصها راح على رجل ميشو ..ميشو معليش معانا بلاستر [لايمكن مشاهده الصور والروابط الا بعد التسجيل ] .. وقاعدين يسولفون .. فجأه
فنجال طاير وصاقع في جبهة مرسول ..وأثاريها جوري ناويه تجيبه في راس نموله عشان تسكت بس بالغلط جت في راس مرسول .. الحلا جت بتفزع قامت وطاحت على دلة القهوه..وتصرخ ذيك الصرخه اللي جعلت الهايلوكس يهتز بأقوى قوته..وتطيح مهره فوقها ..وتحصل حوسه كبيره أوي ..

!!!!!!!!

في نفس الوقت في المقعد الأمامي ..

أحاسيس حاطه راسها على الشباك وقاعده تتفرج على المناظر الخلابه .. وتغني : " ابو صالح سرى ليله وهل الدمع من عينه .. صبوا لي من الفنجال " << تلمح تبي من القهوه اللي معهم ورا ..
أنا : أحاسيس عاد خلص دورتس انا بغني جا دوري !
أحاسيس:بلا ادوار بلا طوابق انا اقول نقول مع بعض احسن وش رايكم ؟
عاشق: يلله .. أبو صالح سرا ليله ..وهل الدمع من عينه .. عاشوا
ياله يالله يالله مع الحماس والتصفيق يد عاشق جت في وجهي الونيت ينحرف في نفس اللحظه التي صرخت فيها الحلا كما قلنا سابقا
!!!!!!!!!!!!!!!!!!!!!!!!!!!!!!!!!!!

ياترى ماذا سيحدث للهايلوكس وركابه ؟
هل فقط سيهفون لهم هندي ماشي ؟ أم سوف تكون الدعوه أكبر من كذا ؟
هذا ماسوف نعرفه في الحلقة القادمه ..

تابعونـــا ..

[الحـلمـ الوردي...]

ههههههههههههههههههههه


ذكرتيني بالحوسه اللي دايمـ يسويها مرسول وبذات إذا جاء يوم الشقه عليهـ ....



بس نستي شيء [لايمكن مشاهده الصور والروابط الا بعد التسجيل ] وين العود حقي أبي أطربكم في الطعس هعـ



الله يستر من الأول وأنا قايل لكـ ماتعرفي تسوقينـ الحين يمكن صديقي مرسول يطيح من السيارهـ <--- جحد الباقينـ

[ღمُهْرَةشَمَرْღ...]

هههههههههههههههههاي الله يرجك اتعبني

احاسيس اذا تبين قهووه تعالي للصندوق

وخليني اجي جنب عاشق هههههههههههههه

وانتي تعالي مع مرسول هههههههههههههه

[مـيـشـو...]

اتعبني ياختي دزي شوي متى نووصل ترى برد بالصندوق ابي انزل !ا!

[ღمُهْرَةشَمَرْღ...]

والله صادق ميشوو البرد ذبحنا

ياختي اقلعي عويشق ورى هو احاسيس

وركبيني انا وميشووو:(

[~][ جــــوووري ][~...]

ههههههههههههه
هههههههههههههههههههههه
هههههههههههههههههه
ههههههههههه


لا والله وحنااااااااااااااااا

ترا الجو صار برد


نبي ننزل باقرب فرصه تكفييييين

ولا لازم نسوي مناوبه

كل مامشينا شوي

اللي قدام يرجعون
وييتقدمون 2 من ورا
خخخخخخخخخخخخخخخخخخخخخخخخخخ

وش رايتس ؟؟؟؟؟؟؟؟؟

[ღمُهْرَةشَمَرْღ...]

جووري مايبيلها

لو ماوافقت اقرب شمااغ من مرسول ولا ميشو

نخنقها به ههههههههههههههههههههه

[ღأتعبني غروريღ...]

عدنا لكم مع حلقة جديده من مسلسل رحلة للثمامه ..

وين وصلنا ؟ أمممممم خلوني ارجع أشوف

المشهد السابق :

ياله يالله يالله مع الحماس والتصفيق يد عاشق جت في وجهي الونيت ينحرف في نفس اللحظه التي صرخت فيها الحلا كما قلنا سابقا
!!!!!!!!!!!!!!!!!!!!!!!!!!!!!!!!!!!

ياترى ماذا سيحدث للهايلوكس وركابه ؟
هل فقط سيهفون لهم هندي ماشي ؟ أم سوف تكون الدعوه أكبر من كذا ؟
هذا ماسوف نعرفه في الحلقة القادمه ..

تابعونـــا ..

........................

تم السيطره على السياره بعد جهد جهيد وبعد تدخل عاشق في اللحظه المناسبه .. بس الحق لله ..أحاسيس بعد مدت يدينها جعلها مانيب قايلتن للقص و مسكت الدركسون معنا بينما مد عاشق رجله و دعس الفرامل بقوه ..<< وانتي وش سويتي بالله ؟ خخخخ .. وأنا قاعده اتفرج عليهم هع

والحمد لله انحرفنا وصدمنا في طعس ..وللله الحمد لايوجد خسائر بشريه ولا ماديه الا اللهم الصدام حق الهايلوكس انعفج شوي ..

نزلت أنا اتفقد الرعيه ورا ..

أنا: سلامات سلامات ..خير خير ان شاءالله وش صاير ؟ من اللي صرخت جعل لسانها للقص ؟
الحلا : أنا مالي شغل ..!
مرسول : البنات هم اللي بادين ..
نموله : وراكم مطفين الشمس ياكافي ؟ << في عالم ثاني خخخ
أحاسيس : والله فلللله ورا امش عاشق نروح ورا عندهم ..
عاشق : ميشو خلوه ينطق قدام مانيب قاعد انا واياه في مكان واحد << ياكثر مايتهاوش خخخخ
ميشو : انا مالي قعده ورا ..رايحن قدام يعني رايح ..
مهره : وانا بعد .. وش ذا يلعبون علينا مخلينا في البراد !

أنا : خلااااااااااااااااااااص .. خلااااااص .. يكفي هواش .. ولا كلمه زياده الله يقلع اللي يطلعكم مره ثانيه يالمبزره ههههههههه ..
بعيد توزيعكم وابن امه اللي يعترض ..
التوزيع كالتالي :
ميشو ومهره قدام معي
وعاشق واحاسيس وجوري ونموله والحلا ومرسول ورا ..

هاه وش قلتوا !

[الحـلمـ الوردي...]

لا إنثــبري بس أتعبنــي من شروطـ الرحله من سبق لبق

أنا قايلهمـ يجونكـ بجنز وحركات وين الفروهـ ليه مايلبسون منها وجع ،،،[لايمكن مشاهده الصور والروابط الا بعد التسجيل ]

أنا مانيب نازل <--- متمسكـ في الطارهـ

وبعدين أنا أصــلا مابعد سقت السيارهـ <-- لازمـ يسوقـ

ولا أقـــولكـ أحاسيس معاي خلاص أنا لو تنزل أحاسيس بنزل معها لازمـ هي معاي

بس جووري هي اللي تجي مكانا ومعها مرسول أحسهمـ نعومين أكثر من الزاحفه مهرهـ وميشو

<> لا والله بنقلب الهايلوكس <> لو أجتمعنا أنا وأحاسيس ضــد مهرهـ وميشو <> أنواع تمعيط الشعــر وأنواع الشكاوي لكـ أتعبني <-- تخيل الموقفـ موقفه السيارهـ كل شوي وتلحطينا بالعقال [لايمكن مشاهده الصور والروابط الا بعد التسجيل ]

[ღأتعبني غروريღ...]

عاشق لايكون الهايلوكس لك وانا مدري ؟ << ياذا الهايلوكس اللي ذلتكم به هههههههههههه

والله حاله .. الواحد اذا معه هالعينات وشلون بيتفاهم معهم ..

خلهم يجون الحين ويصير خير ..