هنا تجدووون أهوااااه

[أهواه والله أهواه]

من وجهة نظري :
الاخوااان قسماااان
اخ اتى من بطن قد خرجت منه قبل سنوااات اما طويلة واما قصيرة.
واخ لا يوووجد بينك وبينه قااسم حيوي مشترك بل قد تكوون تعرفت عليه في سن متاخرة ولكن بقي معك حتى الان
وبالنسبة لي عن القسم الاول اخوي محمد اللي جابته امي ولالي غيره .
اما القسم الثاااني فكنت اعقد انه شخص واااحد وسيبقى معي حتى امووت ولكن للاسف ماااجد توفى وخلاني في هالحياااة اللي ماترحم عزيز القوووم
وبعده اعترف اني بعد مماته قلت انت اخوي لنااس كثيرة يعني حتى لنااس اكتشفت انهم ماعندهم ذرة نخوة ولا حمية الله ياخذهم وربي حتى الهندي حق بقالتنا قلتله انت مثل اخوووي هههههخ وربي انصدمت كثير من النااااس مليت حتى من نفسي
بعض الجروووح ان جت من اغراب عادي..الجرح موت الجرح لاجاء من احبااب
انا انسااان داخل المنتدى اغير جو واوسع صدري يعني ماله داااعي التجريح والتضييق عامل الناااس بما تحب ان يعاملوووك
واللي ماوده اني اتعااامل معه يعلمني وانا اسحب نفسي بدوون ازعاااج ولا تجريح
واشكركم ...

[أهواه والله أهواه]

دخووووول مستعجل وخروووج

فجر الاحد
10/7

صباااح الخير عالجميع

اشكر كل من فقدني وكل من سأل عني وكل من مريت في باله وكل من أرااد السؤال عني وكل فكر بغيااابي البسيط وكل من لم يسأل عني بختصااار اشكر كل من مر على مدونتي بعد هذه الكتااابة

انا داخل الليلة ناااوي اشارك شوي واتطمن على بعض الاعضاااء واسلم عالجميع لكن للاسف لم يسعفني الوقت لاني تعبااان شوي ودايخ لكن احب اطمن كل من سأل عن أهواااه واشكره على اهتمااامه .

وقسم بالله انكم بالقلب دااايم لكن الظروووف تجبر الشخص
ولو ان التعب البسيط مامنعني عنكم احب اقووول انه ماراح يمنعني عن المنتدى واللي فيه الا الموووت <<الله يستر بس

الصراااحة ماعندي كلام زيااادة الا اني اعيد واكرر "مشتااااق لكم مووووت"

والايااام الجااية احسها بتكووون احسن واسعد

الله يوفق الجميع اللي عنده اختبارات واللي ماعنده حتى الله يسعده ويبلغه اللي يتمناه

واشكركم على المتااابعة وسعة الصدر واترككم عاااد

يالله فماااان اللي لا تضيع ودااائعه.

[أهواه والله أهواه]

دخوووووووول

صبااااح الجمعة
15/7/1432

الساعة
7 ونص صباحااا

صباااااح الخير عالجميع

[أهواه والله أهواه]

احب اسلم عالجميع واهني اللي انتهوا من اختباراتهم
والله يوفقهم ويرزقهم المعدل الممتاااز
واللي للحين ما انتهى وانا منهم الله يوفقنا وييسر امورنا
ويسهل علينا الاختباراااات ويرزقنا المعدل الممتاااااز بإذن الله

وبصرااااحة انا كنت خااارج المنتدى وجاااء ببالي كلامي وحبيت اكتبه في مساحتي البسيطة وهو عبااارة عن خلق او اسلوب او موقف او طبع يعني كلها اجتمعت وكونت الكلام واعذرونا يعني على الاسلووب العااامي لان الفصحى تقريبا ما اتقنها وانشاااء الله بحاول .
طبعا اللي جعلني اكتب هالكلام هو موقف لي او كلمة من زميل لي وطبعا هالموقف قديم شوي يعني له شهوور بس مدري وش ذكرني فيه يمكن نفس الظروف رجعت علي واحتاااج منه انه يتكرر الموقف .
والمووقف طبعا هو كلمة بس لكن حسيت اني ماسمعت قبلها ولا كلمة حسيت ان الكووون كله في يدي يعني حسيت احساااس غريب مع ان هالكلمة انا اللي معلمها زميلي من كثر ما اقوولها له قالها لي مرة لكن مانسيتها ابد وهي كلمة (حبيبي) يعني انا دايم اقولها له ولغيره لكن كانت منه جدا لها وقع في قلبي مدري ليه بس يمكن لاني كنت محتاااج اسمعها في ذاك الوقت من اي احد وجااات في وقت مناااسب لكن البعض وللاسف يتعايبها شوي يعني مايقدر يقولها لصديقه او لاخوه او لاخته بحكم ان علاقة الحب وكلامه لا يكوون الا بين حبيبين والمصيبة اذا اعتقد احدهم بعد انها ماتقااال الا لحبيب غير مرتبط فيه وانا اقووول من هالمكاااان وربي اني تعودت على هالكلمة حتى والله العامل حق المحل لما اطلب منه شي اقوووله حبيبي عطني هذي او خذ الفلووس ومن هالكلام وطبعا هالزميل اللي قال هالكلمة استغربها اول ماسمعها مني وطبعا قبل مايقوولها باشهر لكن مع تكراااري استسهلها وتعود عليها وطبعا قالها في وقت مناااسب حتى والله يووم قالها انا اسكتت شوي يعني كني اول مره اسمعها لاني بجد اول مره اسمعها من ذكر سعووودي بالاخص , يعني اول شي يبين لنا اخلاق الشخص المقابل كلامه معنا ليش طيب ماتعود على الكلام الزين ليش مايكووون كلامنا من الناااس كلهم حلوو بدوون تفريق واولى الناااس بالكلام اللين هم والدينا والخدم وانا بجد انزعج لما اخواني الصغااار يرفعوون صوتهم على الخدااامة مع انها يمكن ماتفهم اكثر كلامهم لكن يجي بقلبها شي وضيق هي بشر مثلنا عندها احسااس ومشاعر وقلب يزعل ويرضى ويهتم ويضيق كل واحد يقرا هالكلام يفكر بنفسه اذا احد ضايقه او رفع صووته عليه اكيد بيزعل وابسط شي بيرد عليه اذا كان غير والديه لا والبعض والعيااذ بالله يرد على والديه طيب الخداامه ماتقدر ترد لان رزقها في يدك ليش طيب تهينها ؟؟؟
انا اقوول الكل يفكر في هالكلام
وارجع لمووضوعي وهو حسن الكلام يعني ياليت كل شخص يعوود نفسه على انه يكوون لسانه زي العسل وكل شخص يتمنى يتكلم معه للطفه وحسن منطقه واول خطووة انه يتعوود على بعض الكلماااات حتى يقوولها دايم وفي كل موقف يعني من هالكلمااات على سبيل المثااال لا الحصر : شكرا , اسف , لو سمحت , يعطيك العافية , انا ادري انك تعرف لكن لو سويت كذا مو احسن ؟ , الله يخليك , ممكن تكرم علينا , لنا الشرف , اتشرف فيك ...
والكلام كثير والله فياليت نساهم في نشر الخلق الطيب بيننا ومن ثم نعلمه للناااس او يتعلموووه من سماعه منا
وانا ما اقوول هالكلام لاني اكبركم او افهمكم لا حشا لله فالمنتدى فيه اللي يكفي ويوفي لكن مجرد اقتراااح ونصيحة لوجه الله لان وانتم اعلم ان بلاد شرق اسيا انتشر فيها الاسلام بفضل حسن خلق التجاار المسلمين وقصص حسن الخلق كثيرة والله ولا مجاال لذكرها لكن اتمنى الفائدة للجميع لاني بجد حسيت باثر هالكلام ونفعه ساعة سمعته من شخص كنت احرص ان أوؤثر فيه والحمدلله استطعت ذلك " فبالاصرااار يكتمل المشوااار"
والله اعلم وهذا ما اردت كتابته واسال الله ان ينفع به
وشكراا لحسن قرائتكم
وعن اذنكم ...

[أهواه والله أهواه]

وهذي نكتتين عالماااشي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[أهواه والله أهواه]

دخوووووووووول

صباااااح الاحد
17/7/1432

صباااااح الخير عالجميع

[أهواه والله أهواه]

الحمدلله اليوووم اخر اختبااار علي
وبعده انتهي من جوو الدراااسة وارتااااح يمكن حووالي اربع شهووور

بس بجد وناااسة العطلة وربي اريح مخي شوي واريح بااالي
انااام متى مابغيت واروووح واجي لاي مكااان ماشيل هم لاي شي بالدنيا غير والديني .

بس الله ييسر لنا اموور النتايج ويوفقنا والحمدلله نزلت ثلاث موااد والحمدلله طيبة
بس قوولوا ماشاء الله تبارك الله

[أهواه والله أهواه]

" إلى من يهمه أمري"

اليووم بكتب شي جديد
راااح اضع هنا ماهاضت به قريحتي وما انتجته من عدة موااقف ليجيب لكل شخص عن كل تساؤل او استفسااار او ردة فعل لمووقف .

وراااح تكوون بنقاااط يعني عبااارة عن بيت او بيتين من احد قصائدي وانشااء الله يكوون معبر بما فيه الكفاااية .

وابدأ بسم الله وعلى بركة الله :

- حسافة من عقب سطرت قصتنا وسط دفترك .. عقب مابانت أشواقي أشوفك ماتعبرني.

- أشتاق لك شووق الغريق لنجاته ... كل ما أرد الشووق ياكل حيااتي .

- أنسى الردى دايم ولا أخلي الطيب .. وابعد عن اللي تبعده بعض الاسبااب .

- خدعتني بكلمتينك لين في بيرك ... هويت انا من علوي باخر الحفرة .

واعتقد يكفي وراااح اكمل انشاااء الله بعدين .

والحين عاااد اعذرووني وعن اذنكم .

[أهواه والله أهواه]

دخوووووووووووول

الاحد
17/7/1432

الساعة
2 صباااحا

صبااااح الخير عالجميع .

[أهواه والله أهواه]

باااااك باااااك احلى بااااك

اليوووم بدت عطلتي الحمدلله اشهد بالله اني مستانس مررررره
بس اليوووم تقريبا عدلت نووومي عالوقت اللي ابيه يعني نمت البااارح اللي هو السبت بالليل وقمت السااعة 3 قبل الفجر وجلست والصباااح رحت المستشفى اخلص اوراااق وتعبت والله على امل اني اخلص وحتى قرب وقت اخر اختبااار لي ورحت بسرعة اختبر وطلعت من الاختباااار عالمستشفى علي اخلص لكن للاسف المستشفى حكووومي يعني جت الساااعة 2 الظهر وانا ماخلصت واشهد اني درت المستشفى كله من قسم لقسم هههههخخ يعني حتى الحراااس ماصاروا يمنعوووني من الدخوول لقسم التنويم مع انه مو وقت زيااارة ومافي موظف مادخلت عليه وتكلمت معه يعني بجد تعبت يووم جت السااعة 2 اتصلت علي امي قااالت تعااال تغدى والحمدلله في موظف اعرفه قاال رح لبيتك وانا اتابع المعاااملة وتلقااها عندي بكرة يعني اليوووم الاثنين قلت بيض الله وجهك والله وارووح البيت واتغدى مع اهلي ومابقى وقت على العصر واجلس حتى اذن لاني بودي جدتي بعد لبنت اختها ويووم صليت صرت ماشووف من النووم واطلع بودي جدتي واوااجه ابووي ويرسلني لمشااوير واااجد يعني قريب المغرب خلصت منها واتصل على جدتي قلت يالله بمرك اوديك البيت قالت طيب واخذها اوديها لبيتنا وارووح بيت خالتي بناااام عشااان هناااك هدووء شوي المهم اني انسدحت عالفراااش الساعة 6 ونص والله وانااام ذيك النوومة اللي ما احلى منها مادريت عن شي والله واقووم الساعة 11 ونص يعني خمس ساااعات بالتمااام والحين شبعااان نووم عشااان عندي اشغااال واجد الصباااح الله يعين بس
وانشااء الله معاملة المستشفى خلصت عشااان ارتاااح مع ان قسم بالله مالي فيها ولا ربع فايدة بس نتجمل بالنااااس عسااانا نرضيهم بشي يسير وخااصة القرايب الشيبااان مايشرهووون علي .

وهذا جدوولي لهاليوووم يعني صدق ما ارتحت يعني رايح جااي بس الحمدلله طاااح عني هم الدراااسة وهو اللي يشغلني دااايم والله يوفقني ويرزقني المعدل الطيب هالترم .

[أهواه والله أهواه]

الله يامدووونتي ياحلوووك بجد مشتاااقلك

الصراااحة هالاختباارات مرة بسرعة الحمدلله والترم كله راااح بسرعة سبحااان الله الاياااام ترووح بسرعة الله يستر بس .

بصراااحة اول ماقمت من النووم وغسلت وصليت رحت بسرعة عالجهاااز وفتحته وادخل هالمنتدى وادخل على احدى المدونااات العزيزة على قلبي واللي متابعها باهتماااام واتضااايق شوي لان فيها كلاام يضاايق والله
يعني انا مابي من الدنيا شي الا ان حبايب قلبي وغواليه يعيشووون مرتاااحين ومستانسين <<حلووة مستانسين تذكرت سيف ههههخخ
اسال الله من هالمكااان ان يشفي واااالد احلاهم ويعافيه ويذهب عنه البأس ويرفع عنه اللي هو فيه ويخليلها والديها انه القادر على ذلك وهو بكل شي عليم .

واوجه رسااالة لغرووري : اللي فااات مات ان كنا مانقدر نعدله يعني الحمدلله المثل يقوول " لاتنظر الى نصف الكأس الفارغ" يعني اتركي هالمادة وشوفي المواااد اللي درجااتك فيها عالية والحمدلله على كل حااال اني الحمدلله تخرجتي وفكري بالمستقبل الزااهر اللي ينتظرك وخااصة بالسنوااات الاخيرة السعووودية بدت تهتم بالحريم يعني لا تخااافون دااام معكم الله ثم يد ابوو متعب باذن الله بتلقووون اللي يرضيكم .

واوجه رسااالة لشخص حصلي معه موقف اليوووم وبصراااحة الموقف هو امتداااد لسلسلة موااقف لعدة ايااام , يعني هالشخص اذا ابطينا عن بعض رجع يرسل ويكلم ويسلم وينشد عن الحااال ويقول ليش القطاااعة ومن هالكلام واذا صدقته بكلامه وجيته لقيته مو خويي الاول يعني قبل شهر كلم وسال وعزم على العشااء ولزم وجيته استقبااله احسن مايكووون وقلت زين خويي عقل الحمدلله لكن تفاجأت اني بعدها اكثر من ثلاث مراااات اتصل علي ويقوول مشغووول واخرها قبل يووومين يقوول عندي ضيوووف ولازم امر بيته بطريقي وتفاجأت انه وااقف عند بيته وماعنده احد المهم اني مشيت عنه ماعطيته وجه وهو اظنه فهم بعد واليوووم كنت ودي ازوور واحد بالعنااية واخلص اورااقي بالمستشفى المهم صليت بمسجد حارتهم وانتظره بعد الصلاة ودي اكسب اجره واخذه معي يتعظ من المرضى وحالاتهم المهم انه طلع من المسجد كنه مايشووفني ويقفي عني للدكااان انا بلعتها وقلت طيب هي لله ولزوووم اكسب اجره واتعذره من نفسي قلت يمكن اعمى الله عيوونه وماشافني والله والحقه للدكااان وطبعا الدكااان صغير يعني اللي داخله لازم يشووف اللي خارجه ويدوور بالدكااان يسوي نفسه ماشافني وانا وااقف برا انتظره وقسم بالله انه شايفني بس مسوي ذكي الاخ يعني هالحركاااات قد سويتها مع ناااس تستاهلها بس هو مو كفوو يسويها معي الخااايب لكن "مصير الاياااام تجمعنا" لانه هو انسااان بالعربي ان صارله مصلحة عندي سواااني كنق وانا الحمدلله معلمه اني انفع الناااس كلهم مو هو بس لاني امشي على بيتين للمدرسة الشعرية فهد المسااعد اللي يقوول فيها :
حتى رفيقي ضماد القلب وعلاجه ... على كثر ما اتمسك فيه صدقني
لو ادري انه مرافقني لاجل حااجه ... لامسكه حاجته واقوول فااارقني
وحتى هالكلاام قد قلته له لكن من يفهم في هالوقت الردي ؟؟؟

حتى في هالاختبارات فقدت خوي وولد خااال عطيته عطيته لين شبع لكن بعض الناااس اعزكم الله الكلاب اوفى منها يعني انا مافقدته بالمعنى الصحيح ولا دريت عنه بس بجد ما ودي ازووود من مخاصميني لكن هو يستاااهل القصيدة اللي وصلته والله يستر عليه بدنياااه , مع اني جتني حالة صعبة وانهديت ووقف معي شخص عزيز وبالاصح هي اخت ماجابتها امي الله يخليها لي ويستر عليها ويرزقها اللي تمناااه <<فديييييتها
يعني هي حاااولت تخفف شوي لكن انها علمتها ان الجبل اذا انهد انهد محد يقدر يرجعه الا اللي سوااااه سبحاااانه والحمدلله مع اني كذبت وقلت لها اني ارتحت من كلامها لكن مع الايااام عديت هالمرحلة اللي اسال الله انه مايعيدها بس بجد كلامها حلوو ربي مايحرمني منها .
ساااعات اللي مايربطك فيهم دم ابد يكونون احن عليك من اخوااانك اللي طلعت معهم من مكااان واحد لكن مانقووول الا الله يعين على هالدنياااا .

وكالعاادة بااقي كلام بعد بس احس اني ثقلت عليك اليوووم يامدونتي لكن اعذريني والله اني مبطي عنك والكلااام في قلبي كثير .

وفي نهااية كلامي احب انووه ان قطر الندى اللي بمسلسل اهل الراااية شوفتها تزيح همووم الدنيا كلها يالبى قلبها ليت الله يرزقني مثلها مابي احسن منها ابي نفس مواصفاتها بس <<ماتبي ثنتين منها بعد ؟؟ الاخ دااخل سوووق تشتري ههههخخ

ويالله عن اذنكم بطلع الحين اقعد مع الصغنووونة شوي قبل الفجر وقبل تنااااام الله يخليها لي .

[أهواه والله أهواه]

عدت لكم مرة اخرى

واعووود لمجااال " إلى من يهمه أمري "

- سلطااان يا نعم الخوي في رخاايه ... ياعزوتي يا اقرب صحيب خدمته

- النووم فارقني بعد سكر البااب ... باسبااب غرو كلمته حرموووها

- عبدالله اسعفني تكفى حالتي حاله ... الزين حووس بعقلي لين بعثرني

- أمر بيتك يقوول اخووك وش جابك ... خفت اتلعثم واقوول الحب مشااني

- الناااس هانت وانت لا مابعد هنت ... ياللي نعزك داام فعلك نعزه

- ياازين هالبوسه اللي مشغله فكري ... يووم الثلاثاء بعد شهرين مرتني .

واعتقد يكفي واكمل بعدين ..

[أهواه والله أهواه]

دخوووووووووول لاقوول كلمتين بخاااطري وطالع .

فجر الاربعاااء
20/7/1432

صباااح الخير عالجميع

احب اوجه رساالة لشخص في حياااتي : اذا كااانت الاحااسيس موجودة فلا تكبتها فلربما الكل منا ينتظر الثاااني ولكن حين تكوون منك تكوون لها قيمتها مع احتفااظك بكرامتك وحبك فانا شخص قد يئست من الحياااه في الوااقع ولم اعد انتظر من احب الا الكلمة الطيبة واكتفي بكلمة (شكرا) فاليت ان تمن علي بفضلك وتصارحني بمشااعرك تجاااهي فعسى الله أن يساعدني ان احترم شعورك واتعااامل معك كما تريد .
واوجه ندااائي له : يامن أتعبتني دلني طريق الراااحة فنرتاااح سوياااا
يامن سمعت منه أطيب الكلام واجهني لأوفيك بعض افضالك كما تريد
هل تريد أن تسدي لي معرووفا لا أنسااااه ماحييت ؟؟
إذن أخبرني مايجوول بخاطرك فعسى أن تتقابل القلوووب وتعيش سويا بلا هم ولا نكد .
واشكرك جزيل الشكر على طيب معاملتك معي ان كنت عرفتك بحق وحقيقة وان لم أهتدي لك فسامحني على ازعاااجك الذي لا أريده لأحد في هذه الحيااة .
وشكرا ...

وعن اذنكم .

[أهواه والله أهواه]

دخوووووول

الاربعااء
20/7

الوقت
الظهر

مساااء الخير والاحساااس والطيبة

[أهواه والله أهواه]

بتكلم اليووم عن حااالة او طبع له سلبياااته الطاااغية على ايجابياااته اذا كان له ايجابيه

ألا وهو "الثقل"

يعني البعض من كثر اعتزااازه بنفسه ماودي اقوول زوود غروور يمكن مايكوون الغروور هو المسبب الرئيسي لكن اعتزاااز وهذي خصلة جميلة في البعض بس معرووف عند النااس ان الشيء ان زاااد عن حده انقلب ضده وشوفة النفس زيااادة والفخر فيها كل هذا يؤدي الى طريق لا تحمد عقباااه ألا وهو الغروور والكل متفق ان الغروور لا يرفع الشخص بل قد ينفر الناااس منه .
وانا بصراااحة قد ربطتني مع شخص علاقة وكاانت علاقتنا حلووه وبعد شهوور وفجأة بلا سابق انذااار انقطع وصااار حتى مايتصل ولا اشوووفه عالمسن يعني الشخص تغير وانا مامني خطا ولا تقصير , حتى اني بديت اشك بنفسي واشووف وافكر ان كنت ازعجته بشي فلقيت ان مسخر كل شي لرضااااه بس بوقتها احترت , المهم اني تركته وعلى قوولة المدرسة الشعرية حامد زيد : "مصير المقفي بيلفي ويستوفي وتوفينه", فأبعدت نفسي عنه عشااان شي واااحد بس اني ما أذيه واخليه براحته لاجل اللي خلاه يرووح اكيد بيجيبه بعد فترة وعلى كثر الالم والشووق استطعت اني ابتعد عنه فترة لدرجة اني صرت ما ادخل النت عشااان ماشووف اسمه واتذكر, فالشخص بعد ما مل وشااف اني مافيني فايدة رجع وبدأ يتعذر والمشكلة انه عذره اقبح من ذنبه يعني كان عذره : ان شخص قاله اني <<انا >> متعلق فيه واحبه موووت ولا يمكن اتركه وانه هو لازم يثقل علي شوي عشااان يشووف مقداار حبي له وان سووا كلامه وبغى يخسرني بسبته .
قلت انااا اول شي مدااام علاقتنا على افضل مايكوون ليش تكلم الناااس عنا ؟؟
ثاني شي ترى الثقل مايمشي عندي يعني مدامنا متصافين وتعرفين اللي بقلبي وانا بعد اعرف ليش نختبر غلا بعضنا ؟؟
فتعذرت شوي ومن هالكلام وانا عاااد قلبي طيب شوي فعذرتها بوقتها .
لكن للاسف الله ماكتب لعلاقتنا الاستمراااار لاسباااب كثيرة من ضمنها هالصفة .
وبعدين اناا اشووف اللي بقلبه شي لشخص لازم يقووله يعني والله ماترتااح حتى تقوله وترتااح وتريحه حتى هو يمكن ينتظر منك وتمووت العلاقة بين انتظااار الاثنين .

وهذا اللي عندي واشكر لكم حسن قرائتكم ..

[أهواه والله أهواه]

للتوضيح :

دائما اذكر واكتب كلمة (شخص) واعتقد مالها تأنيث <<حسب قيااسي

فأقصد فيها كلا الجنسين والصراااحة ان كلمة شخص فيها تنكير وابهاااام فكثير ما اقصد فيها الجنس الناااعم لسبب في نفسي فأتمنى الكل يعرف مقصدي .

وشكرا ...

[أهواه والله أهواه]

بصراااحة خاطري الحين تكدر من موقف حصل وانا بتكلم عن شي الحين داايم يتكرر واشووفه امااامي كثير وهو سبب اللي أنا فيه الحين ألا وهو "عدم الاهتمااام بالطرف المقابل".
من الاساليب الرئيسية للتعامل مع الاخرين كما قال العلماااء هو "الاهتمااام بالطرف المقابل" بغض النظر عن جنسه او سنه او قرابته او فقره او عقله .
انا بصراااحة جربت هالمبدأ والحمدلله مستمر فيه الى الان ومريحني ومريح اللي يتعامل معي يعني اي شخص يتكلم معي اهتم بكلامه واتكلم معااه بموضوعه حتى لو صغير لذلك انا داايم اتكلم مع ريوومه اختي على ان عمرها ماتجاوز 3 سنوات الا اني استمتع وانا اسولف معها وملاحظها معتبرتني افضل شخص تتكلم معه عشااان كذا اكثر من تتكلم معه انا يعني دااايم تجي تقول ابي كذا او شف محمد او شف سااارة او رحت لخالتي وسويت وحطيت وجوااالي مليااان مقاطع لسوالفها <<فديييييتها .
وحتى بكل مكاااان يعني مرااات بالبقااالة يدخل شخص ماعرفه فيتكلم عن شي او عن نوع من الطعااام من ناحية مميزااته او كذا فأبدأ أسوولف معه ومن هالكلام والاحظ ان ارتاااح لي ومستعد يسولف الليل كله .
وبالطرف الاخر ألاحظ ان اللي مايهتم بالنااااس داايم منبووذ ومحتقر بين الناااس حتى لو ماصرحوا بكلامهم بس مايعيش مرتاااح بينهم .
وحتى شي يرفع ضغط كل شخص انه يتكلم مع شخص ومايهتم بكلامه يعني يقوول لنفسه ليه يسوي لي كذا يعني انا نااقص عقل او فيني شي وحتى اللي ناقص عقله اذا تعاملنا معاااه على مايحب واوليناااه اهتماامنا راااح يستانس ويرتااح وتحسن حالته وحتى كبااار السن الذين أعياهم المرض أحد أهم أدويتهم الاهتمااام بهم والتحدث معهم وسماااع شكواهم وهو من صور الاهماااام ايضا .

اما الموقف اللي حصل : اني لي اسبووع وانا كل يوووم ارووح المستشفى من الصباااح حتى الظهر وتعبااان مع معاملة اخلصها وابووي يدري بهالكلام وحتى قالي مرة (ليتي دريت انك بالمستشفى الصبح عشاان تخلصلي اوراق جدتك <<وانا اعتقدت انه خلصها بنفسه بعد) والشي الوحيد اللي يريحني اني اخلص منها وخااصة ان المستشفى بعيد عن بيتنا ومرااات اطلع من البيت بس عشااانه يعني بجد اقلق راااحتي, وقبل شوي الحمدلله خلصت اوراااقي وجيت البيت مستانس معاااي تقرير المستشفى وارووح اوريه جدتي وتفرح معي وتوليني اهتمااامها وانا حتى فرحت لموقفها اتجااهي وبالمقابل رحت لابوي اوريه التقرير فكااان وجهه وهو يناظرني عااادي حتى بسمته ماشفتها وقلت ابشرك خلصت التقرير قال طيب وبعدين قلت عشاان يحولونه للرياااض قال طيب ورااك ماعلمتني اعطيك لورااق جدتك وبدا يهاااوش شوي ويقوول ماهمك الا النااس ومن هالكلام وهالكلام حراام يقالي انا وانا قسم بالله اني احسبه مخلص اورااقه وبعدين قلت له وراااك ما ارسلتني قال انت تدري قلت طيب احسبك خلاص خلصتها بعدين انا انسى بسرعه وقسم بالله ان ونااسة التقرير راح طعمها وخربت الامووور
ياجماااعة انا شسوي كل ما امشي لدرب خير تعووكس أمووري والله اني مليت من نفسي
الله يعين بس .
وللمعلوومية : التقرير لشخص قريب من ديرة غير ديرتي ومنووم فالعنااية بعد حادث وماله احد في مدينتي الا انا وطلبووني اهله لانهم بيحولونه للريااض قلت ابشرووا والله لكن مدري شفيه ابووي علي .

[أهواه والله أهواه]

دخووووووووووول

ظهر الخميس
21/7/1432

مساااء الخير والاحساااس والطيبة
مساااء أحلى حبااايب بالدنيااااا وأحلى منتدى وأحلى أعضااااء وأعضاااء هندي دكاااان تووه جايب اغراااض لبيتنا <<مدري شدخلها بس جااات ببالي هههخخ

إنت بحري وانا اليم .. يقولون اللي يقولون ... أنا بحبك ميتم .. خل العذاااال يموتون.

[أهواه والله أهواه]

ياربي انك تثبتني بعقلي

قسم بالله ان العقل طار وتفكيري سواا

" أحبك يابعد هالنااااس .. أحبك وامشي بدربك ... أحبك وانتظر شووفك .. أحبك لو غداا جسمي بلا أطرااف تحملني .. لأنك قلبي لحااالي .. سكنت احساااسي الداافي .. ألا يا احلى من بقلبي سكن واخضع تفاااكيري .. دريت اني بلا شووفك يتيم عاايش الحرمااان ؟ دريت اني دريت انك اذا طولت عني كني صغير .. ولكن حالته صعبة .. بلا أم وبلا أب وبلا اخوااان يحووني .. انا في غيبتك تااايه ولا به شخص يكفيني .. تكفيني اذا شفتك تموووتني وتحييني .. طلبتك لا تخليني .. أموووت بلا كفن وقبوور .. طلبتك نهجر العااالم واعيش بقربك لحااالي .. امااانة لا تخيبيني .. بس هالشوور ترضيني "

[أهواه والله أهواه]

لو الثمن روحي لعيونك بذلتـه
شوقي لك ما تفيد فيه المراسيل
ما ينفع المشتاق حرف كتبته
أبيك عندي نقضي الوقت تعليـــل
وانسى أنا وياك هم درســـــــته


وش تقول بشخص مثلي مات فيك
حبك لحد الجنون وما اكتفى
لو نسى عمره وروحه مانسيـك
دام حبك نبع صافي للــوفا
لو تكون باخر العالم يجــيك
دام شوفك فيه للروح الشفا
كم تمنى في عيونه يحتــويـك
لجل يسري في حناياه الدفا


انت اقرب الناس
وانت محبوبي
وانت القريب البعيد
ومني وفيني
انت الأمل
انت عمري
انت مطلوبي
وانت القصايد وشعري
وفرحة سنيني
وش فيها لاصرت احـــبك
وانت محبوبي
في ذمتك بعد هذا..
وش ""تسميني ""...؟؟


القلب مركب وحانت ساعة إبحاره
لبلاد قلبه بديت آخر مشاويري
لاقال : ’’أحبك‘‘ غرامي تشتعل ناره
أموت لجله فدى واشعر بتقصيري
من بين مليون واحد قلبي اختــاره
هو غايتي
هو حياتي
هـو جـمـاهــيـري


أحــبك
كثر ماعاش الاعمى في ظلامــه
وتمنى الاخرس مين يسمع كلامه
أشتــاقلك
كثر ماعاش اليتيم فاقد حنـانــه
وكثر السجيـن مافقد ايامــه
أعشــقك
كثر الـبدر في جمالــه
وكثر الطفـل في دلالــه
أحــبــك كثر.ما أنا أحبك


**أضـيــع**
بدنيتي وارحل اذا شفتك علي زعلان
وابيع الكون من شانك وحياتي "لك" اخليها
رجيتك لاتخليني اذا كثرت بي الاحزان
ابيك تكون بجنبي وكل الناس ما ابيـها



نسيت الناس والدنيا ولكن ماقدرت انساك
ولامني ذكرتك رجعت وقلت لعيونـك
انا لعيونك الحلوه احبك واعشقك واهــواك
ولاتسأل عن احوالي انا بسألك وشلونـــك
ترى ماهمني غيرك ترى كل البشـر تفداك
ترى موتي وميلادي حبيبي داخل عيونـك


الشوق يغلي والمشاعر تناديـــــكـ
تعال واسمع ماجرى في غيابـــــكـ
باول غيابك انكسر قلب مغليــــــكـ
وبثاني غيابك دمعي يبكي جنابـكـ
وبثالث غيابك بالغلا قمت اعزيـــكـ
في موت قلبٍٍ هام بك وابتلى بـكـ

كنت اظنك في قصيدي بس مجرد خاطره
بس لقيتك في شعوري انت لي بيت القصيد
كنت اظنك في قصيدي بيت ممكن اكسره
بس لقيت الوزن ثابت من وريدي للوريد
كنت اظن الليل دونك بس لليل وبسهره
مادريت انه بدونك فجري المسفر بعيد

لعيوووون خلي ..