الخاطرة التي ابكت الشارع السعودي

[ضــنـ الشــــوق ــاني...]

الخاطرة التي ابكت الشارع السعودي

كيف الحال شباب بنوتات ؟؟؟؟انشاء الله تماموووو

تمنيت صراحه من اعضاء المنتدى انهم يقرون هاذي الخاطره الي تمنيت من كــــــل قلبي تقرونها




واسم القصيدهـ الطفوله للرائع فيصل الياميـ




:
:
أحلى مافي هالحياة


الطفولة ..



مرحلة من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم

.


كنـّا نركض
خلف كوره ... ( لا لا أنا ماكنت معهم؟ )

وحدي بس بعيد عنهم ... كنت أنا أضحك عليهم ...
جالس لحالي أهذري... جالس أحسب كم( كوبري )...
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزنـي كــان حارق
كان يسألني ببراءة ...
ليش تعرج ؟ ... قلت مادري ! بأستياء
ليش تبكي ؟ قلت مابكي - بكبرياء
ضاق مني ...
ثم سألني في غباء ...
قال ( وثرايك تـثــابق )؟
وراح عنــّــي ... !!

.



كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئلة...
كل شيٍ أجهله ؟
وإن تعبت من الإجـــابه...
أحضن الحيـــره وأنام .

.



مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل ما أمشي دقيقه
ألقى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجّــر في خفوقي
ألف ضيقه
ووحدة في وسط الزحام ....
طالعتني بأهتمام ...
بنت في عمر الزهور ... أي رشاقه ... وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظرة والسلام ؟
بس أكيد إنها تعرفني ... شايفتني ؟
شايفتني في جريده ؟
وأعجبتها لي قصيده ؟
إيييييه أنا توي أفتكرت

لي قصيده ...
كنت ناشر معها صورة
بس صورة... ياسلااااا م وفأجأتني ...

لمـّا صارت لي قريبه ... كانت تـتمـتم بطيبه
{يكسر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني
أرتطم قلبي بضلعي ... دمرتني
صدقوني ...

أصعب اللحظــات وأقسى
يكسر ... خاطر أنثى لاغدا الرجـّــــالكيف ينسى ؟؟؟

جاوبوني !


.



وزاد همّــي ...
يوم فكــّـرت بوظيفة ... ثم زواج
أي وظيفة ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور ....
ماهو رسمي !!!
صدقوني لو تدرّج ... وصار راتبه ايتصاعد
وابتــدا وضعه يزين



.


وفي النهــايه ...


يابلــدنا... مهما كانت( تسميتـنا )
عاجزين ...( معوّقين )
لك عهدنا... وذا قسمنا
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وبأسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وأزهليها

المصدر: منتديات لمني بشوق - من قسم: (✿) تَرَاتِيْل الْرُّوْح

[درة الخليج...]

يسلموووووووووو على هيك قصيده

[ضــنـ الشــــوق ــاني...]

يسلمو على هيك رد

[نملهـ طفشانهـ...]

من جد مؤثرهـ [لايمكن مشاهده الصور والروابط الا بعد التسجيل ]

مشكوور اخووي هلالي دائمـا مبدعـ بمواضيعكـ

[ضــنـ الشــــوق ــاني...]

وانتي ايضا دائما مبدعه في ردودك

[@تعبت احتويك@...]

حلوه القصيده

مشكور هلالي ع هيكـ كلمات جنان

[العسلي...]

يعطيك العافيه على القصيدة الرائعة أخوي

[ضــنـ الشــــوق ــاني...]

الله يعافيكم

[~][ جــــوووري ][~...]

رووووووووووووووووعه

والله انه ابدع فيصل

بجد قمه ماشاء الله تبارك الرحمن

كل ماقرى مقطع يشدني اكمل بعده واتفاجأ بالاحلى والامر في نفس الوقت
/
\
/\
سلمت يمناك هلالي ع القصيده