]|||[ عندما تصرخ البنت .. يا ليتني ولد ]|||[

[ღلقـ روحـي ـيتღ...]

]|||[ عندما تصرخ البنت .. يا ليتني ولد ]|||[

[لايمكن مشاهده الصور والروابط الا بعد التسجيل ]




السلام عليكم

رساله الى آآآآآدم

لما يكونون معزومين بعزيمة ...والكل مستعد وتجهز....ويطلعون برا وينادون السواق
وأخيرا يلقون السواق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة




( يا ليتني ولد )

.
.

والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية


( يا ليتني ولد )

.


.


وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية


والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش


( يا ليتني ولد )

.
.


كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة

لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخوتي ياحلوين تامرون على شيء قبل ماأروح
إيه
سموا
تبادل
ايش

( يا ليتنا أولاد )




.
.



ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ...اليكر ...نواف ....حبيب البيت ......وبرا البيت


قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لاأحد يرفع السماعة طيب......
( يا ليتني ولد )

.
.

طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت

منهي ذي ؟؟؟؟ هذي تغريد....هماك توك شايفتها بالجامعة

قفلي التلفون .....ليه؟؟؟؟؟؟؟بس موب لازم كل ذي الهذرة-

من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تلفون من أختك ببريطانيا _

من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك


طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل

طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعراض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها -
-
-
-
-
- (ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟

طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف

( يا ليتني ولد )

.
.



نصل هنا للهدف من الموضوع !!

عندما تقول المرأة ،،،


((لو أني ولد)) ...


أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والااعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم
زيادة على افعالنا لهم كنساء نطبخ وننظف ونقوم بالبيت كله عشانهم !!

هذي أفعالهم عندما تتحقق أمانيهم بأن يصبحون أولادا !!

فهل أنتم كـ(أولاد) لأجلهم مايستحقون ؟؟!!
اوتمنينا يوما ان نحقق لهم بعضا من مما قرروا فعله لنا عندما
يصبحون اولادا !!
رفقا بهم فانهم يستحقون الكثير !!

(( أتمنى تكون الرسالة وصلت ))

م
ن
ق
و
ل



احترامي لشخصكم الكريم ..




[لايمكن مشاهده الصور والروابط الا بعد التسجيل ]

المصدر: منتديات لمني بشوق - من قسم: (✿) سِيْرِهـُ وآنْفُتَحت

[ياسر...]

يؤيؤ والله البنت حاقده [لايمكن مشاهده الصور والروابط الا بعد التسجيل ] << أمزح يابعدي صح بعض الشباب

الله يهديهم مالهم نفعه بس نوم ولا طلعات شباب لا يااخواني حبايبي

خلو لكم نفعه<< الحمدلله ماعندي خوات [لايمكن مشاهده الصور والروابط الا بعد التسجيل ] بس امي الله يخليها لي

مره ودني لخالتي ولا لجارتها باخر الرياض وسالفه مشكوره على

موضوعك الزين يابعدي [لايمكن مشاهده الصور والروابط الا بعد التسجيل ]

[999...]

لكن هدا يختلف من عائلة الى اخرى ففي حين تكون مساحة الحرية الممنوحة للفتات مبالغ فيها بالنسبة لعائلات تصل بالفتاة حد النحراف
تقل حتى تكاد تنعدم لدى عائلات اخرى حتى لايسمح فيها للمراة سوى بالاكل والتنفس
واحسن شيء طبعا هو الوسط
فك الله كرب كل فتاة عربية مسلمة ..امييين

[الماركه...]

ااااااااخ يا بنت الناس................!!

والله حالتكم حاله ..............

وكلام اخوي 999 صح .........<< وانا معاك ..

الله يهدي شبابنا ..........

-------------
بس تصدقين ان في شباب مو لاقين كل الي يبونه ......

والله شباب يادووووووب ياااادووووب يقدر يطلع من اهله سياره ....

مو كل الناس سوا ياالغلا.............

و يسلموو على الموضوع و طرحك و اسلوبه ..........


تحياتي.
المـــــ[]ـــــاركــــ[]ـــــه

[ღلقـ روحـي ـيتღ...]

المشاركة الأصلية كتبت بواسطة ياسر

يؤيؤ والله البنت حاقده [لايمكن مشاهده الصور والروابط الا بعد التسجيل ] << أمزح يابعدي صح بعض الشباب

الله يهديهم مالهم نفعه بس نوم ولا طلعات شباب لا يااخواني حبايبي

خلو لكم نفعه<< الحمدلله ماعندي خوات [لايمكن مشاهده الصور والروابط الا بعد التسجيل ] بس امي الله يخليها لي

مره ودني لخالتي ولا لجارتها باخر الرياض وسالفه مشكوره على

موضوعك الزين يابعدي [لايمكن مشاهده الصور والروابط الا بعد التسجيل ]

ههههههههههههه مو حاقده ولا شي .. ولكن من خلال موضوعي نقلت معانات بعض البنات .. والحمدلله انا ما اعاني منها .. لانه ولله الحمد ماعندي غير اخو واحد واصغر واحد وسواق وفيه ..يعني الحمدلله .. [لايمكن مشاهده الصور والروابط الا بعد التسجيل ]


::

منور الموضوع ..

ماننحرم من تواجدك يارب ..

::

احترامي لشخصكم الكريم ..

[ღلقـ روحـي ـيتღ...]

المشاركة الأصلية كتبت بواسطة 999

لكن هدا يختلف من عائلة الى اخرى ففي حين تكون مساحة الحرية الممنوحة للفتات مبالغ فيها بالنسبة لعائلات تصل بالفتاة حد النحراف
تقل حتى تكاد تنعدم لدى عائلات اخرى حتى لايسمح فيها للمراة سوى بالاكل والتنفس
واحسن شيء طبعا هو الوسط
فك الله كرب كل فتاة عربية مسلمة ..امييين

صح كلامك .. عين العقل .. *_^

آمين يارب ..

::

سعيده بتواجدك ..

عوافي على قلبك..

احترامي لشخصكم الكريم ..

[ღلقـ روحـي ـيتღ...]

المشاركة الأصلية كتبت بواسطة الماركه

ااااااااخ يا بنت الناس................!!

والله حالتكم حاله ..............

وكلام اخوي 999 صح .........<< وانا معاك ..

الله يهدي شبابنا ..........

-------------
بس تصدقين ان في شباب مو لاقين كل الي يبونه ......

والله شباب يادووووووب ياااادووووب يقدر يطلع من اهله سياره ....

مو كل الناس سوا ياالغلا.............

و يسلموو على الموضوع و طرحك و اسلوبه ..........


تحياتي.
المـــــ[]ـــــاركــــ[]ـــــه

شاكرة لك تواجدك المميز ..

*_^ نوّرت ..

::

عوافي على قلبك ..

احترامي لشخصكم الكريم ..

[ملكة بإحساسي...]

هلا بالغاليه لقيت روحي

موضوعج حلو حبوبه .. ويبيله بعض النقاش لذا بانقله لمنتدى النقاش الجاد .. اسمحيلي ..

حبيبتي

هذا اللي صاير اللحين بسبب الدنيا تغيرت

يعني قبل مثلا

امهاتنا لا حجاب ولا شي وهم كبار بس من يتزوجون يتحجبون .. وطلعات وعادي الدنيا فريييييييييييه .. لانها كانت امان

اما اللحين .. الجيل تغير .. الشباب اندمروا ..

صراحه انا ماعمر تمنيت اني اكون ولد الا يوم كنت بالمدرسه لكن من تخرجت ولله الحمد .. اقول الحمدلله اني بنت..

طبعا بيئتنا في البحرين غير عن بيئتكم .. لكن بعد احيانا نتمنى ان نكون اولاد

وش هالحوسه ياعااااااالم .. رفقوا بحاااااالناااااااااا ..

وفي نفس الوقت اقول .. الحمدلله على حالنا .. ترى احسن من غيرنا ... لو ماعطينه حريتنا .. ماندري وش كان بيكون حالنا ..


احسن الشي التوسط .ز لا كذا ولا كذا

تسلمين حبيبتي

::

[همس الوجدان...]

مشكوووووووووره اختي عالموضوع

بس موب كل عائله تعاني من هالمشكلات

الحمد لله انا بصراحه ما اعاني وايد

بس احيانا اخوي ما يرضى يسويلي كل اللي اباه

يلا الله يهديهم

[العسلي...]

أنا لا أزيد على أخوي 999 والماركه
وفعلا لابد المعامله مع البنات تكون وس لا نرخي ولا نشد
\والله يستر على بناتنا
ومكوره على الموضوع

[درة الخليج...]

يسلمووووووووو على هيك موضوع