الفـرق بـين ورعـنـنـا ورعـان الأجانب ( ورعان )> قـاموس الطـعوس

[غلا السعوديه...]

الفـرق بـين ورعـنـنـا ورعـان الأجانب ( ورعان )> قـاموس الطـعوس

الفرق بين ورعاننا و ورعان الأجانب

في الصباح حيث يبدأ يوم أطفال الأجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش أسنانه ويطلع

من الحمام تستقبله المربية بالمنشفة وتصبح عليه يروح يغير ملابسه

ويأخذ شنطته وينزل لغرفة الطعام ويصبح على أمه وأبوه وأحلى

بوسه يأخذها منهم ويفطر ذاك الفطور طبعا عباره عن كورن فليكس

أبو ديك وبيضه وحده بس!! وكاس عصير وشويت زبده مع العسل
على خبزه .
بعدين يقوم يغسل فمه ويودع الماما والبابا ويتوجه للسيارة يلقى قدامه

السواق مبتسم ويفتح له الباب ويوديه لمدرسته الخاصة

ورعاننا المحترمين

ورعاننا يقوم الصبح بعد ما يطلع عين أهله ولازم أفراد العائلة تمر عليه

عشان تصحيه وكل واحد وطريقته:
الأب:قم جعلك الهزل
الأم:قم جعلك الجدري الأخ: والله إذا ما تقوم لأفقع وجهك
أخته: < تسوي نفسها بتدلعه> يالله قوم وأعطيك شنطة أخوك تروح فيها
للمدرسة
بعد ما يقوم يمر الحمام على السريع ويغسل وجه
وبعدين يأخذ اقرب كتب عنده ويربطها ويجيك مدحدر يدور الفطور ويتفاجأ

إنهم ما حطوه؟؟
بعد ما يجي الفطور وهو كالعادة : فول شكشوكه تميس + حليب

يبدأ الورع بالأكل وشوي إلا وهو حاذف أخوه بعلبة الهندسة ؟؟
عشانه سحب صحن الفول من عنده<مسكين ما يطوله> وشوي إلا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟
أبوه يتكلم معه يا ورع أركد وافطر وعين خير إنت وش بلاك ورآك مدرسه

يرد الورع عليه: إنت ما تشوف سعيدان سارق فسحتي؟؟
< سعيدان اكبر سروق بالبيت >> أبوه على طول يصدق ويصـــــــك سعيدان كف صدقي
المهم بعد ما يخلص الفلم اليومي يروح الولد للسيارة يلقى أخوه فاتح
الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سيارة ويروح للمدرسة

أطفال الناس الأجانب

2- بعد المدرسة يرجع أطفال الأجانب ويلقى المربية في استقباله تأخذ

الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في انتظار أفراد العائلة عشان يتغدى وبعد الغداء
الرايق
يروح لغرفة الجلوس ويشرب شاهي للتهضيم ويحلي بقطعة كيك وبعدين
يروح لغرفته ينام له ساعه قبل العصر.


ورعاننا المحترمين

إما الورع منهم يجي من المدرسة وثوبه قالب لونه بني< تقول جدار مدرسه >>
ولا دخل البيت رمى الشنطه بالصاله وفصخ ثوبه
ووينك يالشارع < اخوياه يحترونه>> وهاتك ياللعب
كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس < والله ما أحد لمسه النصاب>>
المهم يحطون الغداء < معروف كبسة لحم
غيره ما فيه!! يتغدى الورع الكريم ويصــــــــــــــــــك بعدها لتر لبن

بعدها يجلس ساعه فاتح فمه
يحتري من يوديه يغسل له يديه!!!!!!!!!؟؟؟؟؟؟؟ .

أطفال الناس الاجانب

3- أطفال الأجانب لا جا العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا.
بعدها يروح لغرفة الألعاب ويجلس على البلاي ستيشن 2 وخذا لعب
لمدة ساعتين تقريبا يعني إلى وقت ما بين المغرب والعشاء.
بعدها تطلبه أمه مع بقية أخوانه عشان يجتمعون ويشربون العصير
ويسولفون سواليف

ورعااااننا المحترمين

يجي وقت العصر وهو نايم < مفعول اللبن >> يقوم قبل المغرب
ويأخذ دروسه وواجباته < وأقلامه ناسيها في درج الطاولة اللي بالمدرسة>>
ويروح عند أخته ويتحايل عليها بكل ما أوتي من قوه على شان تحل له
الواجبات وإذا قالت لا يا ويلها يا سواد ليلها .

بعد كذا أنواع الدجه مع ورعان الحارة ومن هم على شاكلته ما يخلون
هندي إلا وسرقوا سيكله
ولا رجع البيت < على الساعه 11 تقريبا >> تلقى راسه مفلق من
جميع الاتجاهات والشرطة تدوره وجارهم مسوي إعلان عليه مطلوب
حي أو ميت!! وخذلك عاد < مساكين أهله >>

أطفال الناس الأجانب

4- أطفال الأجانب بعد ما يتعشى ويمسي على أهله يروح لغرفته ويجلس
على النت ساعه أو ساعتين إلى موعد نومه < الساعه 10 تقريبا >>

بعدها يغير ملابسه وتجي المربية وتحكي له قصه الين ينام تغطيه وتطفي النور.

ورعاننا المحترمين

لا رجع البيت< الساعه 11>> ما يدخل مع الباب لا ينط من

فوق السور على شان أبوه ما يمسكه .
وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على
مسلسل المشاكل المكسيكي اللي جابها معه للبيت وكيف بيحلها أبوه

مع الناس ومع جارهم ومع الشرطة.
وفي أثناء ذلك يستغل الفرصة ويدز للمطبخ ويأخذ منه جبن < جبنة البقرة الضاحكة >>

وخبز ويرجع لووووووووووكره<اسف غرفته>
ويقفل باب الصندقه <اكرر اعتذاري الغرفة>> ويتعشى من ذا الجبن والخبز

الين يدوخ <على الساعه 3>> لا وأزيدكم من الشعر بيت ما ينام
إلا وهو متلطم!!!؟؟؟ < على باله مراقب


هههههههههههههههههههههههههههههههههههااااااااااااااا ااااااااااي

وقسم و انا اقرأ الموضوع فاتسسسسسسسسهـ [لايمكن مشاهده الصور والروابط الا بعد التسجيل ]

ملتووووووووووووووووشـ

المصدر: منتديات لمني بشوق - من قسم: (✿) الضَحَك والفرفشَة

[@تعبت احتويك@...]

[لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ]

<- افتسسسـ فتسسسهـ الى الآن [لايمكن مشاهده الصور والروابط الا بعد التسجيل ]

اللهـ يرجكـ غلوٍوٍوٍ[لايمكن مشاهده الصور والروابط الا بعد التسجيل ]

وربيـ زحكتـ عليهمـ زززحكـ موٍبـ صاحيـ [لايمكن مشاهده الصور والروابط الا بعد التسجيل ]

يسلموٍوٍوٍ عـ الفزايحـ ..[لايمكن مشاهده الصور والروابط الا بعد التسجيل ]

<متلطمـ ها؟ [لايمكن مشاهده الصور والروابط الا بعد التسجيل ]

[لايمكن مشاهده الصور والروابط الا بعد التسجيل ]