من هنا تبدأ فضايح البنات ؟؟ الله يسترنااااااااا

[مطيحهـ غتر الشبــاب...]

من هنا تبدأ فضايح البنات ؟؟ الله يسترنااااااااا

من هنا تبدأ فضائح البنات

كلمه هي سبب الفضائح كلها


هل هي هنا


طيب وانت ايش اسمك

انا خالد

هلا والله يا خالد .. تصدق هذي اول مرة اكلم احد .. بس ما ادري ليه انت بالذات لفت نظري

حتى انت صراحه كنت خايف مرة وانا اعطيك الرقم .. حسيت كل الناس تطالع فيني

بس خلينا يا خالد نتفق على شي ..

انت تأمرى امر يا ريم
اياك .. اياك في يوم تقول ابغى اشوفك ولا اطلعي معي ولا هالحركات .. لأنه مستحيل يصير كذا بيننا مهما حصل

افا عليك يا ريم

ويش شايفتني .. يا بنت الناس انا ما ارضى عليك إلا إلي ارضاه على اختي



ام هي هنا



اقول يا خلود .. بس ودي اشوفك .. اخص عليك .. لو من بعيد

مستحيل يا مشاري .. انا عمري ما سويت كذا .. اهلي لو شافوني ولا شكوا فيني رايحين يقتلوني .. طلبت صورة واعطيتك اياها .. يعني خلاص شفتني

يا بنت الحلال .. لو ألف صورة ما تغني عيوني عنك .. بعدين انا متاكد إنك احلى مية مرة من كل الصور .. ويش دراني يمكن هذي صور صاحبتك

معقول .. انت تظن فيني كذا .. حرام عليك .. وانا الي اقول عليك تحبني

يا بنت الناس والله احبك .. ليه ما تقدري الشوق الي في قلبي .. ويش شايفتني حجر .. بس من بعيد .. ولو مرة وحده .. ولو اموت بعدها .. بس من بعيد... بكره رايح اقول لعيالنا إن امكم كانت خوافه

عيالنا .. ليه ما شاء الله كم تبي تجيب

عشرة اقل شي


لا .. انا مابي إلا اثنين بس

ايه هين .. المهم اشوفك ولا لا.. ..

طيب خلاص .. مر جنب الباب وانا رايحه افتح الباب وشوفني

ما ينفع .. افرضي احد معدي من اخوانك ولا جيرانكم .. ويش يقول عليك .. صدقيني انا خايف عليك مو على نفسي .. خليها في البقاله الي جنبكم ولا في المركز .. اشوفك واروح .. نفسي مرة امتع عيوني بيك .. ليه تستكثري علي الفرح

خلاص ابشر يا مشاري .. بس عشان تعرف إني احبك


ام هي هنا



يا منال .. صدقيني .. بس ناخذ لفه .. يعني وين حنروح

ابد يا سعود .. لو ايش صار .. مستحيل اطلع معاك

وليه بس يا بنت الناس يعني ويش حيصير .. رايح اكلك .. انت عارفتني انا متربي .. ولا عندك شك في كذا

ايه حبيبي اعرفك زين .. بس صعب علي صدقني

قولي إنك مانت واثقة فيني

انا .. ما اثق فيك .. حرام عليك

ايه .. طبعا .. ولا أخذتني تسلية

كيف تقول هذا الكلام .. وانت عارف .. انا ليل نهار حابسه نفسي جنب التلفون عشانك

ويش دراني .. بس انا دايما حظي كذا .. مهما سويت ما اعجب

يا ابن الحلال والله احبك بس صدقني صعب

انت الي مصعبتها .. ما جات على نص ساعه .. وارجعك معززه مكرمه .. ارحميني .. انا والله ما انام الليل إلا وصورتك قدامي .. كيف تكون السعاده قدامنا وما نقطف منها .. انت ليه ما تحسي بشوقي ولهفتي عليك

افرض صار شي .. ما اقدر ما اقدر .. اخلاقي تمنعني

يعني يا منال .. انت عندك اخلاق .. وانا لا .. هذه اخرتها تهزئيني

انا ما هزأتك .. انت ليش صاير عصبي

انا ماني عصبي بس كلامك الي يقهر .. روحي شوفي الشباب الي يسافر والي يصيع .. ويش طلبت انا غير شوفة عيونك من قريب .. كثير علي .. كثير على حبيب القلب

طيب .. ويش اقول لإهلي

قولي لهم أي شي .. قولي إنك عند صاحبتك بسمه وانا آخذك من هناك نص ساعه وارجعك وعد .. انا عمري خلفت لك وعد .. انت عارفه إني افديك بعيوني

طيب خلاص .. نص ساعه بس .. احلف

والله

لا .. قول والي يخلي لي منال

والي يخلي لي منال


ام هي هنا


يا عبير خلينا ننزل .. ربع ساعه بس

ابد والله ... و لو دقيقه

يا عبير يا حبيبتي .. يا عيوني .. يا عمري .. ربع ساعه.. والله ربع ساعه بس .. نفسي مرة في حياتي .. اشوفك من غير خوف .. املي عيوني بيك .. الى متى انا وحبك والخوف عايشين سوى .. حرام عليك .. والله لو تحبيني نصف حبي كنت نزلت

صعب يا سعد .. لو ايش صار ..انا طاوعتك في كل شي .. إلا هذه

طيب انت شفتيني طلعت رجال في كل شي .. يعني هذي الي بطلع فيها خسيس .. هذا قصدك

انا ما قلت كذا

معليش .. هذا معنى كل كلامك .. إذا هذا رأيك فيني .. ليه تخليني احبك من اول .. ليه تخليني أفكر بيك .. كيف تضحكي علي وتقولي ما اتزوج غيرك

انا ما أضحك عليك .. وما راح اتزوج غيرك ولو اموت

طيب الي يسمع كلامك يقول إني رايح اغتصبك .. انا عمري شكيت فيك .. ليه انت تشكي فيني

ومين قال إني شاكه فيك

هذا معنى كلامك .. ولا كنت نزلت .. يا بنت الناس انزلي كان يمدينا الحين راجعين .. نفسي بس احضنك واملي عيوني بيك .. ليه انت تحبي تعذبيني .. ليه انت قاسيه كذا .. فين حبك لي .. فين حنانك .. كل هذا وهم

انا قاسيه !! المشكلة إني عمري ما سويت كذا .. عمري

عارف والله حبيبتي .. ومتأكد بعد .. وهذا الي مخليني متعلق بيك ومستحيل اتزوج غيرك .. ويخليني اطلب منك أي شي .. ولو مستحيل لاجل إني عارف إنك تحبيني وتثقي في حبي لك

خلاص .. بس ابيك توعدني .. خمس دقايق بالضبط .. وترجعني

اوعدك .. والي يفقدني عيونك .. الي هي أغلى شي في الدنيا خمس دقايق بس .. ونكون راجعين


ام هي هنا



لا وليد .. حرام عليك .. انت وعدتني

يا سميره يا عمري .. مو احنا حانتزوج حنتزوج .. ولا انت حاطتني تسليه

كيف تقول هذا الكلام .. خليها ليلة الدخله ارجوووك

يا بنت الناس ما فرقت .. كلها ايام وأكون في بيتكم

لا يا وليد .. لا .. خليها لا تزوجنا .. انت وعدتني خمس دقايق

مستحيل إلا اليوم ..تبغي الصراحه ... ضربت في راسي ولاجل أضمن إنك تكوني لي طولي حياتك

والله انا لك .. بس ارجوك خليني ارجع

سميرة .. روقينا ... كان يمدينا خلصنا .. هذا الي تقولي الحب .. وافديك بعمري وبنفسي

ارجوك يا وليد .. افديك بعمري وانت عارف ..لكن بلاش الحين .. خليها لاتزوجنا .. الله يخليك .. الله يستر عليك

اسمعي .. والله دقت في راسي ..ومافيها كلام .. وانت جالسه تضيعي وقت .. ورايحه تتأخري على اهلك .. يعني الفضيحه عليك ماهي علي .. مشيها بالطيب وخلينا نحب بعض .. بدل ما امشيها بشي ثاني

تكفى يا وليد .. تبغاني احب على يدك .. احب على رجولك .. الي انت تبغاه اسويه ..... طيب خليها بكره

لا تحبي على يدي ولا على رجولي .. احمدي ربك .. غيري لو طلعت معاه وحده عزم عليها خوياه .. وطول عمري رجال معاك ما ناديت احد .. خلصينا ولا تضيعي وقتك .. تراك اتأخرت على اهلك

والي يرحم والديك يا وليد .. والي يرحم والديك .. خليني ارجع .. وعد اسوي الي تبغاه .. باكون خدامه عند رجولك .. والي يرحم والديك

اقول فكينا من والدينا .. مشيها بالطيب من غير ما امد يدي عليك و تروحي البيت وملابسك مقطعه وحالتك حاله

يا وليد تكفى .. صورني خذ أي ضمان .. والله .. والله .. والله .. اجيك بكره

اقول .. الظاهر إنك ما راح تيجي بالأدب


أم هنا


خالد ليه ما تتصل

مشغول

ليه كل ما اتصل عليك تقفل

اقول مشغول ياريم انت ما تفهمي

لا خلاص افهم .. افهم .. يا خالد لا تزعل نفسك .. لا تعصب نفسك .. بس .. بس .. انت وعدتني تيجي

وين اجي .. اقول لك مشغووووول .. انت ما تقدري .. ما عندك احساس .. ما عندك تقدير .. خلاص لا فضيت اتصل

حرام عليك يا خالد .. وين ريم حبيبة قلبك إلي ما تنام إلا على صوتها

عودنا لنفس الإسطوانه

خالد انا جاني عريس

بالبركه طيب الله يهنيك

بالبركه ! .. هذه آخرتها .. ترضى كذا لأختك

اقول احترمي نفسك .. ما بقى غيرك انت تتكلم عن اخواتي



المشكلة ليست هنا .. ولا في أي مكان .. الذئب كلما كان شرس زادت حلاوة لسانه .. كلما ازداد سم الأفعى ازدادت نعومتها .. وغدا ستكون هي مثله من قطيع الذئاب .. من جنس الأفاعي

المشكلة في كلمة واحده

غير



غير



غير



انا غير ..


خالد غير .. سعود غير .. مشاري غير .. وليد غير

كلهم غير .. مشاكل الفتاة في هيئة الأمر .. غير مشاكلها في الشرطة .. غير فضائحها على الإنترنت .. غير وضع أنف أبيها في التراب .. غير .. غير .. غير

كلا منهن تبدأ بهذه الكلمة .. مستحيل أن تتصور أنها ستكون بطلة فضيحة أبدا .. الإنترنت ملئ بصور فتيات كانوا احرص مما تتخيلوا .. قضايا وعار لفتيات كانوا أشرف مما تتخيلوا .. وكلها من كلمة واحده


غير


اللهم أني اسئلك الستر في الدنيا والاخــــــــــره

المصدر: منتديات لمني بشوق - من قسم: (✿) سِيْرِهـُ وآنْفُتَحت

[لمني بشوق]

مطيحه موضوع خطير جدا

وفعلا هذا حال أكثر الشباب والشابات

الله يستر على بناتنا وبنات المسلمين :'k:

[رمــــــــــاس...]

000والله اختي الغالية 000 إنك صادقة 000


000 والله إنك المتي قلبي 000 بهذا الكلام إللي جزء منه صحيح 000


000 ولكن الله يسترنا ويستر 000 امته 0000


000 وما نقول غير اللهم 000 الستر 000 اللهم الستر 0000


0000 وشكرا لك على 000 هذه المشاركة الممتازة 00000

[ملكة بإحساسي...]

لا عجب اذا كان الاب طول الاسبوع في العمل وبالليل في القهاوي .

ولا عجب اذا الام سهر طول الليل ونوم بالنهار والباقي على الخدامة والسايق .

ولا عجب اذا البنت لا تعرف من الحجاب لا شكلا ولا معنى وهي من كبار محاربينه .

ولا عجب اذاالاخ او الشاب لا خاف ولا يعرف الله ولا يفكر في أخواته .

ولا عجب اذا مدرسة الدين لاتعرف الحجاب او الدين الا في كتاب المدرسه فقط .

ولا عجب اذا تجمعت الاسرة في احد المقاهي مع بعض على الشيشية بدون استثناء من باب التطور الحضاري .

ولا عجب اذا الجمعيات والجماعات التي تطالب بحرية المراءة لا تعرف عن ماسق شيىء.

ولا عجب اذا كان الشاب لايغار على بنت الجيران قبل اخته ويدافع عن اصحابه فيما لو أخطو على بنات فريجهم .

ولا عجب اذا كانت السوالف عن استار اكاديمي وما شابهها من التفاهات الا اخلاقية .

ولا عجب اذا الاب ملتحي والام صاحبة دين وخلق وبنتهم وراهم بلباس فاضح دون انتباه .

ولا عجب اذا استبدلت المقلمة الى علبة مكياج في الشنطة المدرسية .

ولا عجب اذا البنات في الباص المدرسي مايعرفون يجلسون ويتبادلون الاحركات والارقام ونشوف طابور من سيارات الشباب خلف الباص .

في النهاية لا عجب اذا البنت ما تقدر معنى الشرف والحفاظ على عفتها وسمعها وتربية نفسها حتى تؤدي الرسالة التي هي خلقت من أجلها , وعرفت معنى ومع من الحب والحقيقي.

الغاليه مطيحة غتر الشباب المعذرة وشاكره لك ,مع احترامي وتقديرا للكثر من الاسر والشابات والشباب المحترمون وهم ولله الحمد كثيرون في هذا الخليج,ولكن الظاهر قليل من من هم لا نتشرف ان ينتسبو لنا .

(هذا رأئيي الشخصي ومن عقيدتي ولا أعني به أي شخص معين ))

والله عندي حجي وايد ودي اقوله بس ماحب اني اطول

وياكثر القصص المأساويه .. اللي تحصل في وقتنا الحالي

لاتحرمينه يالغاليه من مشاركاتج المفيده والمميزه

::

[ملكة بإحساسي...]

موضوع يتحق النقاش

فياليت نشوف نقاشاتكم ونستفيد

مب بس مجرد ردود شكر

السموحه

::

[الزعيم...]

بسم الله الرحمن الرحيم

السلام عليكم ورحمة الله وبركاته

أولا / منى خالص التحية والتقدير على موضوعك الهادف

ثانيا / أتفق كل الإتفاق مع الأخت الغالية

آخـــ البوح ـــــر

على ما قالت فى كلمات هى الحق بعينه وأتفق على ان غياب الوعى الأسرى والدينى الذى هو عماد هذه الأمة وأصبح عند أغلب الناس هو الرجعية والتخلف اعوذ بالله من هؤلاء الناس واللهى ما جلبوا لنا إلا العار بهذا التقدم والتحضر الزائف ما كان الدين يوما متخلف ولكن نحن من فعلنا ذلك بأنفسنا
أسأل الله الستر فى الدنيا والأخرة وأن يهدى كل أباء وأمهات وأولاد المسلمين

وأشكر الأخت آخر البوح على التحليل الرائع

وأخيرا أختى مطيحة لكى من ألف سلام على موضوعك الرائع

[bint al 5aleej...]

صح كلامك كثير يصير كذا ...

و فالنهاية : من حفر حفرة لخيه وقع فيه ...

و بعدين ليش ما نستر ؟ كثير يحسبون الفضايح واو شئ حلو ...

خصوصا الشباب الله يهديهم ...

ماخذينه تحدي او شئ من هالكلام ...

مشكورة يالغاليه عالموضوع الخطير ..

[خالدجدة...]

كلامك تمام اختي الفاضلة ويعطيكي الف عافية

والله يستر على بنات المسلمين

[مطيحهـ غتر الشبــاب...]

الحمد لله صار فيه نقاااش بالموضوع وزي ماتفضلت اخر البوح ياليت الكل يتكلم ويقول الفكره اللي براسه

اشكركم على تواجدكم أعزائي ...

[القائد...]

مشكور:'k: موضوع رائع

[الملكه الدلوعه...]

بجد شكرا كتير على الموضوع كتير حلو

[سعوديه ويكفيني...]

يعطيك العافيه
فعلا الموضوع يستحق النقاش
وياليت البنات خلاص يفهمون اساليب الذئاب البشريه اللي صارت خلاص معروفه ومفهومه
الله يستر على الجميع والله انا ما يكسر خاطري الا الابو المسكين اللي يتعب عشان هالبنت واخرتها تنزل راسه بالتراب
يسلمووووو على الموضوع وننتظر جديدك
اختك سعوديه واكتفي

[الحلوو...]

مشكوريييييييييييييييين على المقطع

[العم...]

مشكووووووووووووووووووووووووووووووووره مطيحه على طبخة القصه هذي

بس يقال طباخ السم ذايقه

تحياتي

[هنود...]

اللهم استرنا جميعا وبناتنا وكل المسلمين فوق الارض وتحت الارض ويوم العرض عليك