عهدي بها قبل تلبس عبايه وانا بعد قبل البس شماغ وعقال

[طيبتي أكبر همومي...]

عهدي بها قبل تلبس عبايه وانا بعد قبل البس شماغ وعقال

قصيدة جدا رائعة ....

للشاعر الرائع .. محمد النفيعي .... صح لسانه




عهدي بها مـن قبـل تلبـس عبايـه
...................وأنا بعد قبل البس شماغ وعقـال !!

طفليـن نتهجّـى حـروف البدايـه
..................الله ياماأجمل سواليـف الاطفـال !!

كانت لنا فـي كـل شـارع حكايـه
................وكنّا نقول علـوم ماهيـب تنقـال!!

وكنـت اتقاسـم مامعاهـا معـايـه
...............من(عسكريم) التوت,للعلك ابوريال !!

وكانت بعكسي شاطره فـي القرايـه
................تقرأ جزء عـمّ وطـه والانفـال !!

وأنا لـك الله مـن مـواري غبايـه
................مدري ابو نقطه هو الـذال او دال !!

وكانت لابويه تشتكـي مـن شقايـه
..................وتعلّمه كيف اربط البـاب بحبـال !!

ياما على ظهري كسر مـن عصايـه
..................يقول لي:خلّك وأنا ابـوك رجّـال!!

وامـي تقـول:ادع لولـدك الهدايـه
................خوفي تصيبه كثرة الضرب بهبال !!

لاشفتهـا مـع اول الـدرب جايـه
...............مدري أنا اللي ملت ولاّ الوطا مال!!

احسّ قلبـي يرتجـف فـي حشايـه
...............ماكنّه الاّ الضيف لاهـزّ فنجـال !!

يامـا من"السعلـو" تخبّـت ورايـه
...............لاخوفوها فيه ثم شافـت ظـلال !!

تقول:خـلّـك ياحبيـبـي معـايـه
............واسّتأنس العب عندها دور الابطال !!

وآغار حتّى مـن عيـون اصدقايـه
.............لاطالعوهـا قلت:تكفـون ياعيـال!!



بصرااااااااااااااااااااااااااحه روووعه
بس ياليت اللي يعرف معنى السعلو في هذا البيت يقولي


يامـا من"السعلـو" تخبّـت ورايـه
...............لاخوفوها فيه ثم شافـت ظـلال !!


منقول
انتظر ردودكم

المصدر: منتديات لمني بشوق - من قسم: (✿) وَزْن وَقَافِيْه

[درة الخليج...]

كلمات روعه

تسلمين قلبي على النقله الرائعه

[العسلي...]

القصيدة حلوه ومشكوره يا طب طب على النقل
وعلى طاري السعلوا
طبعا هذي كلمة تقال لآكلي لحوم البشر طبعا كلها خرافات بس هذي كانت اغلب قصص الاباء والامهات لابنائهم فقط...

طبعا بحكم التجربة جدتي كانت تقوا لنا قصص عن السعالوه واثاريها بنت الذينا تلعب علينا وحنا مصدقين لا وازيدك من لشعر بيت والله ان النوم ما يجينا ذيك الليلة من الخوف ......

[طيبتي أكبر همومي...]

درتي منووووووورة



عسلي


يازين جدتك اكيد السبب فيك مطلع عيونها من الشقاوة وماعندها حل غير كذا

تسلم عالمرور

[الضاوي...]

صح لسانه وتسلم يمناك

عطيك العافيه قصيده روعه

وانتظر جديدك

تقبلي مروري

[نزف الجروح...]

صح لسان الشاعر ( محمد )...

وتسلم يمينك على النقل الرائع

كلمات قمة بالبساطه والتواضع وماأجمل أيام الطفوله

بإنتظار جديدك .. ياعزيزتي ( طيبتي ) ..

لكِ مني كل الأحترام والتقدير والود

تقبلي تحياتي ..

أخيكِ نزف الجروح

[~][ جــــوووري ][~...]

روعهـ القصيده موووووووووووووووووووووووت

تسلم ايدياتكـ طب طب ع النقل الجميل والمميز