مهم جدااا: كيف نجعل منتدانا افضل منتدى !!!!!!!

[درة الخليج...]

مهم جدااا: كيف نجعل منتدانا افضل منتدى !!!!!!!

بســ الله الرحمن الرحيم ــم ..


.
.. الســ عليكم ورحمة الله وبركاته ــلام ..
.
.. يسعد صبـــــــــــــــــاحكم ..





كيف نجعل من هذا المنتدى الأفضل ؟





* ماهو المنتدى ..!!

المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيفك نجعل منتدانا هو الأفضل ؟؟

الحل بسيط.....
************
**********
*********
********
*******
*****
****
***
**
*



* اولاً : (( تشجيع الأعضاء الجدد ))

هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في البرمجة والتصميم أو في أي مجالات آخرى
والعضو الي دايم يكون الأول في الترحيب ،، حبيب وقلبه طيب




* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))


وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل




* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز






رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريئك المزيف ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!


يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل ليش تشارك وتتعب عمرك





خامساً : (( محاربة التحزب ))

وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، والتحزب هي أن يتفق الأعضاء ويقولون ( احنا والله حزب ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل.




سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،،




سابعاً : (( التقليل من المواضيع المنقولة ))

بعض الموضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجب العمى ( ليش اشترك في منتدى !! .. اجل اقراء صحيفه او مجله او اتابع الاخبار في التلفزيون افضل )
ويسمى هذ العضو ،،، مخربها



ثامناً : (( لاتصير خفيف ولا ثقيل ))

يجيك عضو يكتب كل يوم عشر مواضيع وفي كل قسم يحط له ست مواضيع من زود الفضاوه ،، ويالله يالله نرد على نص مواضيعه ولا نلحق .


ولا يجيك الثقيل يارب يرد رد واحد بالشهر او موضوع واحد طول فترة اشتراكه



تاسعاً : (( التقليل من المشاكل وحوادث السيارات ))

يعني ثنين صار بينهم سوء تفاهم وقلبوا المنتدى فوق تحت ونقسم المنتدى الى حزبين وكل واحد معه عصا وأنت معي وأنا معه
( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي
.


عاشراً : (( خلك ذكي وتفهمها على الطاير ))

يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذك العضو الي مايدري وين الله رماه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع او يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )
ويسمى العضو الي يرد برد في جهه والموضوع في جهه .حووول.




* وأخيراً *

المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))

المصدر: منتديات لمني بشوق - من قسم: (✿) آوِرِآقْ مُبعثَرٍه ~

[روعــــة...]

شكرا لك غاليتي... على الموضوع...

موضوع قيم جدا..


ونحتاااااج اننا نطبق اللي فيه...

و بلا شك كلنا نسعى الى ان يرتقي المنتدى..

و يصبح من افضل المنتديات الموجودة...

و احب ان انوه ... الى اهمية ..

شكر الاعضاء... و الثناء عليهم في اي موضوع يطرحووونه,,

لان هالشي يكون بمثابة دافع لهم... للاستمرار و البقاء في المنتدى


و في الختتتتام...

لكي كل لاشكر و التقدير...

تحيااااااااااااااتي لك

[متعبه عسافها...]

راح يكـونـ المنتدى باأفضل حال بتطبيق ماكتبت هنــآ


وكم ــآن بـتواجـد الاعضاء يدي بيد وهذا اللي موجود عندنا

لكن نبي همه شوي وحركه وتنشيط بالمنتــدى


من قبل الادارهـ والمشرفين والاعضاء


درهـ ـآلخليــج


يعطيك الــف عافيـه ع الملاحظات المهمه


التي هي اســاس كل صرح شــآمخ


لاعدمنــاك يالغــلآ


بـإنتظار قادمك بشوق

[همس الوجدان...]

تسلمييين دودو عالموضوع الجاد

صج لو اتبعنا هالتعليمات بجديه اكيد منتدانا بيكون متميز

مشكوره قلبي عالموضوع الرائع

عساج عالقوه غلاي

[درة الخليج...]

روعة

متعبه عسافها

همس الوجدان

يعطيكم العافيه على مروركم وردوكم الرائعه

واتمنى استفاده من الموضوع وليس القراءه فقط

أختكم : درة الخليج

[البعدالرابع...]

يسلمووووو على الطرح