(( قالــت صغيــر ))

[ضــنـ الشــــوق ــاني...]

(( قالــت صغيــر ))

قالت : صغير وينك وويـن الاشعـار
توّك ولد عـودك مـن الشعـر ذايـب
قلت العفو : شوفي قصيدي بالانظـار
تلقين فـي شعـري كثيـر الغرايـب
قطفت من روض الشعر حلو الاثمـار
جهـدٍ طبيعـي مايسمـى عجـايـب
احفظ بحـور منهـا الالبـاب تحتـار
اكتب علـى كـل البحـور الصعايـب
شاعر (عمودي) (شمري) نسل الاحرار
مـن لابـةٍ تعـرف نهـار المصايـب
صار اتكوّن حولي احـزاب وانصـار
وانا صغيـر السـن مانـي بشايـب
يا ( بنت )فرق الشعر ما هو بالاعمار
المعرفـه بيـن الخلايـق وهـايـب
شعري جزل غصبٍ علـى كـل غيّـار
اللي مـن الغيـره يشـب الحرايـب
مادام شعـري صـح يُبنـى بالافكـار
واكتب شعر مـوزون يلهـب لهايـب
تطرب لها الاسماع في سـر وجهـار
وتثني عليه النـاس حاضـر وغايـب
يامـا التمسنـا للحواسيـد الاعـذار
وقلنـا نعاملهـم تعـامـل حبـايـب
لاشـك زاد الكيـل مـن كـل ثرثـار
مجبور اقـول الحـق مانـي بهايـب
حَطو على الساحه سياجـات واسـوار
مابـاقـي الاّ يمنـعـون الهبـايـب
عن غيرهم..وامسوا دخاخين وغبـار
دخـان وغبـارٍ يحجـب السحـايـب
وان ما بغوا كثر الخساير والاضـرار
يسلـمـون الاسلـحـه والحقـايـب
هذا تراه اخـر رجـاء واخـر انـذار
ولاّ ( الكتايب ) تلتحـم ( بالكتايـب)
عندي شراسة ذيب في كـل مضمـار
ولحون ابـن لعبـون فـوق الركايـب
وصبرٍ مثل صبر المهادي على الجـار
لاشك صبـري فـي جميـع النوايـب
واللي يقـول انـي صغيـرٍ بالاشعـار
لا قال: ( تايب ) قلت: انا عنك ( تايب)

المصدر: منتديات لمني بشوق - من قسم: (✿) وَزْن وَقَافِيْه

[الضاوي...]

قولها انا هلالي لا تقولى صغير خخخخ