قــــلـــت الوداع وجاوبت دمـــعــــة الـــعيــــن

[ضــنـ الشــــوق ــاني...]

قــــلـــت الوداع وجاوبت دمـــعــــة الـــعيــــن

قلـت الـوداع وجاوبـت دمعـة العيـن
تـجـرح بساتـيـن الـخـدود النـديـه

واغضت..وشفت بعينها الحـزن حزنيـن
وصاحت علـى الفرقـا انـا مـو قويـه

وجاوبتهـا ارجـوك ..تكفـيـن تكفـيـن
والله دمـعـك يشـعـل الـنـار فـيّـه

وقـالـت تعاهدني..عـهـاد المحبـيـن
الله يـخـون الـلـي يـخـون بخـويّـه

قلـت ابشـري واللـي خلقـك لاتظنيـن
حـرااااام ماغيـرك عشـقـت آدمـيـه

وقصّت شعرها...قلت انـا..وش تسويـن
قالـت ابـي ..مـن غرتـي لـك هديـه

ونادتنـي الغربه...علـى الهـم والبـيـن
احسّـب الأيـااااام... روحـه... وجيّـه

وفـي كـل ليله...ترتسـم بيـن رمشيـن
خيالها...بـيـن الـرمـوش... الشقـيـه

غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه

خلاص...هانت...مابقـى غيـر يوميـن
خـلالالالاص ... قفّت..غربـةٍ جرهديـه

ورجعت....شوقي في خفوقي... براكيـن
ورجعـت انـا... كلـي لها....جاذبـيـه

وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه

وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه

وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه

وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـه

صدمه..وجابتني علـى الارض..نصفيـن
وشلـون راحـت دون... ذنـب وخطيـه

تكفون....دلونـي علـى القبر..هالحيـن
مـاعـااااد فيـنـي للصبر....مقـدريـه

ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـه

واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه

وش فيك...جيت من السفر...مـا تهليـن
ماهي بلك عـاده....ولا انتـي... رديـه

وحاولت في لحظة جنون...اجرح الديـن
وازيـح تـربـة قبرهـا....فـي يـديّـه

وبالغصب شالوني...حشـا تقـل مسكيـن
واصـرخ بهم...والله...والللـللله حـيّـه

اقفت...وتاهـت بـي جميع..العنـاويـن
والحـزن يلعب...داخلـي ....سامـريـه

ورجعت لـدروب الشقـا.. قبـل عاميـن
مدري من اللـي صـار.. فينـا ضحيـه

المصدر: منتديات لمني بشوق - من قسم: (✿) تَرَاتِيْل الْرُّوْح

[الضاوي...]

يا هلالي

هكذا حال الدنيا

يوم فراق ويوم عناق

ويوم لك ويوم عليك ويوم كفاك الله شره

تقبل مروري

دمت ودام البوح لنا

[ضــنـ الشــــوق ــاني...]

مشكور على طلتك

[درة الخليج...]

يسلموووووووو ع الخاطره الرائعه

[ضــنـ الشــــوق ــاني...]

مشكوره دره على المرور