قصيده ناصر الفراعنه في شاعر المليون (( مكتوبه ))

[عـــبـــادي...]

قصيده ناصر الفراعنه في شاعر المليون (( مكتوبه ))

ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حائلاً رابع سنه من خيـار العيـس عيـس
خفهـا لادرهمـت كنـه بالنـار محسـوس
في دجى خالي خـلا لاحسيـس ولاونيـس
تنوخذ من شـدة البـرد طقطقـة الظـروس
في عيوني يكفـخ الطيـر ويطيـح الفريـس
وانتهض جساس مـن دون خالتـه البسـوس
وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا فـي فيافـي نجـد جـوس
ديرتـي يابنـت شيخـاً ومعدنهـا نفـيـس
عيطموسـاً دونهـا دثرتنـي عيطـمـوس
جادلاً مطرق جسدها مـع الغربـي يميـس
طينتاً مـن تربـة الخلـد والـدم محمـوس
نقشت خمساً من الخمس فـي يـوم الخميـس
ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بلـيـس
كان يمكن قد قلـب نصـف إمتنـا مجـوس
كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس
آتقـوس مـع تقـوس نواهدهـا وإقـيـس
قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس
وبالرغم مـن قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غيـر ابـو تركـي عريـس
العروسه نجـد ماهيـب حـي الله عـروس
نجد بنـت المجـد ونسـة مونسـة الونيـس
ماعسفها الا معزي ضحـى اليـوم العبـوس
كل اهل نجد هلي من إجـاء حتـى الخميـس
في ذراهم بالتجـي عـن مجففـة الرسـوس
وعيشتي مابين أسـوداً ولـو مانـي رئيـس
(خير من كوني رئيساً علـى شلقـة تيـوس)
وليس عيباً إن خدعني بمكـره كـل هيـس
لان مايفهـم بمكـر الهيـوس الا الهيـوس
مصطفى فـي مأدبـة عمـه البابـا لويـس
كبر اللقمه تحـت ضـؤ حمـراء الكـؤوس
وطسم حدتها علـى حائـط المبكـى جديـس
يـوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمـر الحناجـر بترهـا حـد مـوس
قسقـسـة لاحرارهم.قيس.قيس.قيس.قـيـس
والبستهـم مـن مهانتهـم انـواع اللبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس
ويش لاقوا من قناة السويس اهـل السويـس
وويش لاقوا من تلمسان قوماً مـن سنـوس
كلهم من شـدة الجـوع راحـوا خندريـس
بين غيبوبة مخدر وصحـوة عـرق سـوس
ثـورة راحـوا سببهـا بتـوع الاتوبـيـس
وش نبي فيها وهـي ماتهـز الا الغـروس
آفة المرء اثنتان الف كـاس وحـب كيـس
والنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحـوص الا الخسيـس
ولايوط الروس شئياً مثل ضعـف النفـوس

المصدر: منتديات لمني بشوق - من قسم: (✿) وَزْن وَقَافِيْه

[ملاك88...]

صح لسان شاعرها ..
وتسلم يمين ناقلها ..

سلمت ولا هنت
ودي و وردي..

[همـــ شوق ـــسة...]

قصيده روووعه
مشكووور أخوي عبادي على النقل الحلو سلمت يمينك
تقبل مروري
همـــ شوق ـــسة

[ظناني الشوق...]

مشكوووووووووووووورررررر أخ عبادي

[عـــبـــادي...]

الله يسلمكم ويعافيكم

منوووووووووووووووورين

وشاكر مروكم الرائع

[همس الوجدان...]

مشكووور اخوي

صج احس هالانسان فيه شيء

بس يعجبني اسلوبه

مشكوووره اخوي مره ثانيه عالقصيده

دمت بود

[الضاوي...]

تشكرات وصح لسان شاعرها وسلمت يمين ناقلها

اسلوبه مميزه