آسف أنا في جيتي لك تسرعت ..!!

[** متلثمة بشماغ أخوها **...]

آسف أنا في جيتي لك تسرعت ..!!

آسف أنا في جيتي لك تسرعت .. ظنيت ألاقي فيك شي فقدته
كنت أحسبك مجروح مثلي تولعت ،، جربت فرقا شخص قلبك وهبته

كنت أحسبك من مر جرحك تجرعت .. حبيت فيك إحساس طفل لمحته
لو قلت آه بوسط روحي توجعت ،، ولو شفت دمعاتك شعوري سكبته

ولو تطلب عيوني أبد ما تمنعت .. وأعطيك قلبي لو بعد ما طلبته
وصلت بك أعلى مكان وتربعت ،، وفي قلب غيري يالغضى ما وصلته

واصبر على صدك وأشوفك تدلعت .. وأعطيك ود وما أظنك حسبته
أذهلتني بطباعك اللي تطبعت ،، حتى قصيدي فيك أبد ما فهمته

لو كان غاياتك حروفي فأنا بعت .. وأفرح بجرح المشاعر اللي جرحته
وأرجوك من صدك تراني تشبعت ،، خلك مع اللي عاجبك أو عجبته

يكفي قهر في جيتي لك تواضعت .. تركت غيرك لأجل عينك وبعته
يا ليتني عن حب مثلك ترفعت ،، يا ليت قلبي قبل أعرفك دفنته

لكن ببعد دامني بك توهقت .. الله يرحم حبنا اللي ذبحته
أنا شريت الود والحين أنا بعت ،، وأنا عطيتك قلبي اللي قهرته

في يوم جيتك أطلبك ود وأقنعت نفسي بإنك شخص عادي عرفته
كمل حياتك مثل ما أنا توقعت .. تبقى أسير الماضي اللي فرضته

ولا يحزنك إني إنسان وتراجعت ،، حولك بدالي ألف شخص عجبته
أما أنا لا يمكن أخضع ولا طعت .. يحرم علي أعطيك قلب خذلته

بريحك من شوفتي يوم قاطعت ،، أسلوبك اللي به تجامل كرهته
غلطان يا المقفي أنا ما تتبعت .. غيري يتابع خطوتي ما تبعته

ما ينحني راسي لو إني تقطعت ،، وماهو أنا من لا رميته لقطته
وإن كان غرك حكي عذالي وطعت .. الله يعلم كيف قلبي سكنته

اللي ملا قلبك علي وتسمعت ،، خله يعوض شخص مثلي خسرته
أنا بما فيه الكفاية تولعت .. واللي بقى من قلب فيني حرقته

وإن شفتني صدفة بعينك تطلعت ،، ذكرتني بإنسان غالي فقدته
بأول لقا سلمته إحساسي وضعت .. غلطة حياتي يوم قلبي سلبته

واستسمحك في البعد كاني تراجعت ،، ما عاد بلقا فيك شي فقدته
طبعك مثل غيرك وطبعي مثل ما كنت ..
أحب شخص ولا تركته تركــتــــــــــــه !!

المصدر: منتديات لمني بشوق - من قسم: (✿) وَزْن وَقَافِيْه

[المــــــــــــهــــــــــــره...]

ياسلام عليج
كلماتك رائعه
سلمت يداك
وتحياتي لكي

[الهوى الغايب...]

كلمات رائعه رسمت خطوط الحب الذي اختلط بعزة النفس


ملثه بشماغ اخوها

صح لسانك

كل الشكر لك

[** متلثمة بشماغ أخوها **...]

[لايمكن مشاهده الصور والروابط الا بعد التسجيل ]

يسلموو ع المرور والرد العسل

لاحرمت تواجدكم العطر

[عاشقة خيول العرب...]

يسلموو حبوبه ..
بإنتظآر الجديد

.:.

[عيون الشوق...]

قصيده رائعه جداً

خيتووو

اختيار ولا اروع

تسلم يمناك هالانتقاء الرائع

تحياتي

[** متلثمة بشماغ أخوها **...]

[لايمكن مشاهده الصور والروابط الا بعد التسجيل ]

الله يسلمكم يالغلا

كلمات في قمه الروعه

سلمت يداك والى الامام

دمت بـود

اخوك

هاني