تصدقو اهلي طلعو مو اهلى ..

[أكبر من الشوق فيني]

تصدقو اهلي طلعو مو اهلى ..

الــسلاااام عليكـــــــم .... ازيكـــــــــوا يــا حلويين ...
ها الموضوع مكتوب بلهجة صاحبة القصة وهي اللهجة البدويه

هذا الله يسلمكم ذاك اليوم وانا جالسه على كنب بيتنا << يعنني عندنا كنب

واجلس اقلب في جريدة الرياض وكل شوي طايحه على الارض

واقرى ذاك الخبر حق الجيزاني الي بدلووه مع تركي

و جاني احساس وشعور والهام ومها ومنيره

وجلست افكر وافكر وافكر وغفيت شوي وصحيت وكملت تفكير

وقلت لايكون انا بعد مبدله <<

واروح لاميمتي وهي في المطبخ ولاهيتن تزين مصابيب

انا : يمه يمه يمه يمه

مامي << يقالي كشخه : وجعتين وشو << حنونه امي

انا : انا بنتس ؟

اميمتي :

لا انتي بنت ام الدحمي جيرانا

و ارووح اركض لغرفتي وانا ابكي ودمعي اربع اربع: واستلقى على سريري وامسك دبي واجلس ابكي وابكي وابكي << نصابه قسم ماعندي دب بس مسويه مثل هالبنات خخخ

لا صدق و انقز واجيب شنطتي وحطيت فيها لاب توبي وقواطي تونه وفقس

وانزل و البس عباتي واكتب رساله وداع لاهلي واعلقها على الباب

(( إلى اهلي النصابين الي قالو اني بنتهم وانا منيب بنتهم

تراني برووح الى الابد

الى القاء

ابنتكم المخلصه ))

المهم واروح لبيت ام الدحمي
وادقدق الجرس عليهم

واسمع ذاك الصووت الي يوم سمعته يفز قلبي وحسيت فيه حنان امومه << امحق

خيرررررر وجع بلا وجع وشذا الازعاج

ويوم انفتح الباب ومير ارجفه

واجلس اصيح واضم الحرمه الي فتحت لي الباب يمه يمه اشتقت لتس وراتس تركتيني وش انا مزينه لكم

ام الدحمي : قسم موب بيدي بس رجلي غصبني << تعيش الجو بسرعه

واجلس ابتسي صدق يعني انا بنتس صدق؟

ام الدحمي : هااو وشو بنته الله يصلح حالتس اقول شموخ طسي بيت اهلتس بس

انا : بس انتي امي
ام الدحمي : من زينتس عشان اصير امتس انا بحلتن بذا الي عندي تجين تنشبين لي

انا : الله وعندي اخوان بعد <<< يعنني موب مسنتره عن جيرانهم 24 ساعه

ام الدحمي : شموخ قصم مالي خلقتس وخري من خشتي خليني اروح اكمل غسيل الحووش

انا : طيب اذا انتي موب امي من امي (( خشتن تعبر ))

ام الدحمي : انتي اصلا امتس خطفتس من ايطاليين ولا انتي منتب سعوديه

انا : وانا اقووول وراني احس اني اهبل وفيني زين مهوب في احد << مشكله الثقه

ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه

ومير ترقع في خشتي واتحطم واجلس اركض في الشارع ابتسي وشعري يتطاير <<< ودي دايم اسويها

المهم وقلت يابنت مالتس الا اهلتس

وارجع لبيتنا وانقز بدوون ماحد يشووفني واشقق الرساله << يعنني ما هجيت

وانقز لغرفتي واحط قواطي التونه تحت السرير واخمد

طبعا وبعد اسبوووع من المووضوع إلى كل الحاره دارين عن سالفتي

وام دحيم ماخلت احد ماقالت له وكل ما شفت احد قام يضحك علي

لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله

وصارت سالفتي على كل لسان

ما يستفاااد :

1- ترى اهلك هم اهلك لاتفكر تتركهم

2- كل السالفه نصب << قولي قصم بس

3- لا فكرت ان اهلك مهوب اهلك لاتروح لام الدحمي وتقول لها انتي امي

(( بـــــــــــــانتظار الردود يـــــــا حلــــــــوين .... ســــــــــلاااااام ))

م ن ق و ل

المصدر: منتديات لمني بشوق - من قسم: (✿) الضَحَك والفرفشَة

[ـميرنـدآ]

ههههههههههههههههههههههههههههــآآآآي


يسلمكـ ربي يالغلا على الفرفشششهـ هههههههههههههههه

ولا بالدبدووب ههههههههههههههه

تووحفهـ

الله لايحرمنا من نقلكـ يالغلا

[أكبر من الشوق فيني]

دومز الضحكه يارب

لاعدمناك

[البرق...]

هههههههههههههههه


يعطيك العافيه ع الفرفشه

[أكبر من الشوق فيني]

دوم الضحكه يارب

الله يعافيك عطرت متصفحي لاعدمنا تواجدك

[أطــلــق بــنــت...]

ههههههههههههههههههههههاااااااي

مشكوووووووووره خيتووووو

<<<تفكر تسوي مثلهااا

خخخخخخخخخخخخخ

[المراد...]

هههههههههههههه

يسلمووووووو يعطيك العافية

[لايمكن مشاهده الصور والروابط الا بعد التسجيل ]

يـــــســـــلـــــمـــــووووو الايـــــادي , , ,
تقبلي مروري

[ملوووووووووووكه...]

هههههههههههههههههههههههههههههه والله ونستينا انتي وام الطحيمي