رائعة فشفاشه الجديده ,,, أطفالنا أكبادنا

[هجير الشوق...]

رائعة فشفاشه الجديده ,,, أطفالنا أكبادنا

فشفاشه صاحبة القلب الكبير

مساء جميل وموسيقى هادئه تنساب برقّه من مسجل السياره لاحدى اغاني موضي او العنود ( امحق رقـّه ) لا اعلم عندما استمع لاحداهن احمد الله كثيرا على نعمته علينا ومنها القطن ( عشان نسد فيه آذانا في الاعراس ) ,,,,,,, وكنت انقل نظري من خلال النافذه متأمله في البشر وصحوت من هذه التأملات على صوت رسالة جوال لم الق اليها بالا ,,, كنت على يقين انها من عزيزتنا شركة الاتصالات ( تم استلام المبلغ ونشكر لك حسن تعاملك ) عمن يعميهم قبل توصل حدك الائتماني بمية ريال وهم دابلين تسبيدتك ( اوشك حدك الائتماني على الانقراض ) جعلهم القرضه واذا سددت ثلاثة ايام اربعه ويشكرونك ,,, طلعنا من سياق القصه بس عصبت من طاري الاتصالات

بعد عدة دقائق رن هاتفي الجوال ولمحت الرقم فوجدت ( فشفاشه تتصل بك ) صديقتي الوفيّه فشفاشه يا الله كم من الوفاء تحمله هذه الفتاه بين اضلعها فقلت للسائق مالك قصّر الصوت شوي ( سواقنا فلبيني كان اسمه جون واسلم غصب على يدين ابوي وصار مالك ولو اننا مطاوعين امي كان سمته عايشه تقول كنه بنت ) لم يسمعني جيدا ً فقد كان يتمايل مع مواويل موضي فلزخته بالشنطه على علباه ,,, ايس فيه مدام ,,,, مدام في عينك يالبرصي قصّر الصوت جعلك القصر ( عاد هو ماشاء الله الطول 140 سم يعني لو يقصر زود يبيله مخدتين تحته اذا جا يسوق )

انا :الووووووو
فش فش : هلا ام شوووووشه
انا : هلا بالدوووووبه وش اخبارك
فش فش : تمام ليش مارديتي على الرساله
انا : يوووه الرساله منك تصدقين ماقريتها !!!!!
فش فش : طيب اقريها الحين بسررررعه

فتحت الرساله وقرأتها ( لو مارديتي على رسالتي قبل اتصل عليك قسمن عظمن ان تجيني اليوم بالبيت ) ,,, اسقط في يدي حينها وعلمت اني وقعت في مصيدة مقالبها فهي تعلم انني لا افتح رسائل الجوال حين وصولها ها ها ها <<<<< ضحكه بالفصحى

انا: خلاص ابشري شوي بس اوصل البيت واغيّر همن اجيك <<<<< همن من مصطلحات جدتي الاثريه ههههههههه

عندما وصلت اليها استقبلتني ببشاشتها المعهوده ودخلنا لمنزلهم الجميل بديكوراته الكلاسيكية الطابع وتنظيمه الجميل ولاحظت في احد اركان الصالون ونحن نعبره الى غرفتها الخاصه تمثال لطفل جميل صغير يحمل سلة فواكه على راسه ويقف على رجل واحده ,,,,,

في غرفتها الانيقه القيت بشتي على المقعد وبدأت في تفتيش اغراضها قبل ان تضفها عني وتخفيها ( مانخلي طبايعنا هههههه ) بينما ذهبت هي لاحضار القهوه والشاي والمكسرات لزوم الفرفشه والدردشه والتقطيع والحش في خلق الله

على مكتبها في ركن الغرفه وجدت اوراق ومسودات وحانت مني التفاته لاحدى الاوراق فوجدتها مسوده لقصيده جديده عنوانها ( أطفالنا ) قرأتها وتعجبت من فصاحتها وقدرتها على هذا الابداع الشعري رغم ان القصيده لم تكتمل

وعلى باب غرفتها من الداخل كانت هناك دميه معلقه لطفل صغير ايضا ً قلت لنفسي يا الله فووشي تعشق الاطفال اقتربت من الدميه ففتحت عيناها وابتسمت ,,,, وفجأه بصقت علي ,,, وقبل ان اصحومن المفاجأه كانت فوشي قد عادت وقالت اكيد تفل عليك قليل الادب هذا ,,,, نسيت اعرفك عليه

هذا خلودي اخوي الصغير [لايمكن مشاهده الصور والروابط الا بعد التسجيل ]

قلت لها وانا امسح آثار البصقه من خشتي <<<<< رصاصه صارت ماهيب بصقه هههههههه

وجع وليش معلقته في الباب ؟؟؟

قالت اذااااااني توه يحبي وكل شوي منخش بمحل ياتحت الكنب ياتحت السرير ياتحت الطاوله وخفت يصير له شيء وابلش مع امي قلت ماله الا يتعلق كذا زي الكيس لين ينام ههههههههههههههههههههه

الله يرج ابليسك وانا على بالي لعبه واحسبك تحبين الاطفال من يوم شفت تمثال الطفل اللي بالصاله ,,,,,,,

ضحكت قالت اي تمثال ؟ اييييييه تعالي شوفيه زين رجعنا للصالون الا التمثال نايم بالقرنه ومتوسد سلة الفاكهه وهذا اخوي صلوحي بعد اذيه قعد يرمي الفاكهه يمين يسار قلت ماله الا يتعاقب عشان مايرمي نعمة الله نوبتن ثانيه وبس خليته يشيل السله على راسه ويوقف على رجل وحده بالزاويه ههههههههههه

قلت لها فوووشي اشوا اني ماني اختك بعد ولا كان الحين رابطتني ومعلقتني بالسقف محل النجف


بعد ساعتان حان وقت الانصراف فاستاذنت منها وصادفت جدتها في الصالون فحبيت خشتها وراسها وكانت ريحتها بخور ماشاء الله ممزوجه مع معسل عنب هههههههه فتذكرت موضوعها وضحكت بشكل جنوني واسرعت بالخروج قبل ان تسطرني جدتها
[لايمكن مشاهده الصور والروابط الا بعد التسجيل ]

قبل ان اودعكم اكتب ما اتذكره من ابيات فووووشي في قصيدتها الجديده

أطفالنا اكبادنا تدبي على الارض=وياليتنـا مـن حجنـا سالمينـا
اذا رايت نيوب الورع بـارزةتراه= مسوي جريه وحنا مادرينا
ومانيـل المطالـب بالتمـنـي=ولكن هالبزاريـن شقـوا فينـا
من لم يمت بالسيف مات بورعه=يالله صلاح العطا قولـوا آمينـا

<******>doPoem(0)

المصدر: منتديات لمني بشوق - من قسم: (✿) الضَحَك والفرفشَة

[مـيـشـو...]

ههههههههههههههههه

مشكووووره وجداان قسم بالله اسلوووبك روووعه

اما بالنسبه للقصيده فهي بدايه رااااائعه جدا

[رغــد...]

هههههههههههههههههههههه

هههههههههههههههههه

من جد وجدان قصه حلوه

واسلوبك القصصي رائع

تملكين موهبه سر القصص

يعطيك العافيه

ولاتحرمينا جديدك

[ღأتعبني غروريღ...]

هههههههههههههههههههههههههههههههه
ههههههههههههههههههههههههههههه
هههههههههههههههههههههههههه
ههههههههههههههههههههههه

مجررررررررررررمه ذا اللي معلقتن أخوها على الباب ههههههههههههههههههههههههه

روعهـ القصه والله .. ضحكت من قلبي ..

ياحبيلكـ تسلمين على القصه ..

ولاتحرمينا جديدكـ ..

[نملهـ طفشانهـ...]

ههههههههههههههههههههههههههههههههه وربي وناااصه

يسلموو ياقلبي وتعالي كل يووم