|
|
|
| الإهداءات |
| أهلا وسهلا بك إلى منتديات لمني بشوق. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
|
||||||
| (✿) الضَحَك والفرفشَة » للفڰآهـہ ۈْتۈْزيع آلأبتڛآمة بطرق مفيدة « |
 |
11-16-06, 05:52 PM
|
#1 | ||||||||||
|
عضو لم يتم التفعيل
|
حصه ومحيميد قصه روووووومنسييييييه
مساء الخير جميعا ...اخباركم؟؟؟^_^
هذي قصة حصة ومحيميد الصراحه قمة الرومنسيه لاتفوتكم ((ملطووشه)) الأبطال..هم محيميد حصيصه فهد أبو حصيصه أم حصيصه عبود سويره ونبتدي........بسم الله محيميد // شاب وسيم اسمراني طويل ودب بس مشكلته طعس طعس بالعربي للي ما فهموا يعني= ******* >> كلام مشفر ما ودي أقوله حصيصه // بنوته مملوحه نحيفه وطولها متوسط بس مشكلتها تحب المشاكل وثقيلة دم في يوم من من الايام محيميد غرق لشوشته بحب حصيصه وحصيصه مادرت عنه الولد قعد يراكض وراها من مكان لمكان وكل ماخطبها واحد راح لابوها وقعد يسب فيه ويقول ياعمي تراه سربوت تراه !!! الين ما يرفضونه .. طبعا كل هذا وحصيصه ماجابت خبر ومره من المراريت .. كان محيميد مطيح عند بيت عمه ابو حصيصه بالملحق ولا يطلع منه حتى ابو حصيصه كان بيحط اسمه بدفتر العايله بس الاحوال رفضوا المهم طلعت حصيصه تودي القهوه لابوها بالملحق زي كل مغرب وفجاه الا تشوف واحد منسدح يتفرج عالتلفزيون البنت تروعت وقفت تناظر بدون ماتتحرك .. محيميد فز واقف وقعد يناظر قامت هي من زود الحيا ورمت الصينيه باللي فيها .. عاد هو مادرى الا والدله اللي جته طااايره طععع بجبهته والقهوه حاااره بوووووم .. طبعا هو ماعنده مشكله مقابل انه شافها نسى كل الالم يازينها من صقعه عسل على قلبه هي راحت تركض جوا وتنادي اخوها الصغير فهد حصيصه// فهيداااان رد فهد وهو قاعد يلعب بلي ستيشن//نعم وش تبين انتي؟؟ حصيصه // يا الحمار ليه ماعلمتني ان فيه واحد بالملحق ؟؟ فهد وهو متحمس// يختي ما ينفع حصيصه// وش اللي ما ينفع؟؟ فهد// انا مختار لاعبين والحين المفروض يصير دوري طلع دور اللاعب الثاني والله ظلم حصيصه//كل تبن انا اسالك وانت مو لمي فهد//اقول تعالي شجعيني اصرف لك ياحبك للمشاكل احس انك تقربين لكراش حصيصه//وش دخل كراش اقول انطم بس الشرهه مب عليك عاللي يعطيك وجه ويعتبرك رجال بس اروح اسال عبود اصرف لي .. حصيصه//عبووووووووووود الحين منهو ذا للي مطيح عندنا بالملحق ؟؟ عبود// اقولك اصصصص خليني انام نعنبو ابليسك بالعه رادو؟؟ حصيصه// طيب اللي بينام ليش حاط سماعة الجوال باذنه؟؟ ولا يسمع اذاعة القرأن؟؟ عبود//حصيصه لو سمحتي اطلعي لاقوم الحين افقع وجهتس اخليه كباب فاهمه؟؟ حصيصه//طيب اوريك يا عبيدوه طلعت حصيصه ضايق صدرها وتفكر بهاللي بالملحق منهو؟؟ شوي الا وتجي اختها الصغيره سوير سويره// حصيصه الحقيييي حصيصه// وشو؟؟ سويره// تو رحت للملحق وكان فيه ولد عمي محيميد وقال لي سلمي لي على حصيصه وقولي لها ياااا زين القهوه بس .. وش يقصد؟؟ هو دايم يتقهوا عندنا وش معنى اليوم؟ حصيصه//الحين اللي بالملحق محيميد؟؟ سويره//ايه ايه دايم يغثني يسالني وش اخبار حصيصه ووش تحب ووش تكره حتى مره سالني .. ولا تدرين خلاص!! حصيصه//وجع وش سالتس عنه؟؟ بسرعه قولي لامسط ظهرتس بالعقال الحين سويره//مره سالني قال لي وين حصيصه وقلت له انتس بالحمام حصيصه//يالمليعينه قسم بالله ما اخليتس يا حيوانه وش ذالصدق الزايد الحين طول عمرتس تطلعين كذبات كبر راس ابوي والحين لازم تصيرين صادزه ؟؟ قسمن بالله خلي اهلي يطلعون من البيت وشوفي وش اسوي بس؟؟ المهم راحت حصيصه لغرفتها وتفتح الاف ام وتلقى اغنية اصاله (انا ادري اكثر من شهر حاول وحاول ما قدر مدري وشو مدري وشو .. قولوا له واصلني خبر ) <<< بتعتزل اصاله اذا سمعت اغنيتها بهالشكل المهم قعدت تفكر معقوله محيميد يحبني؟؟ المهم نست الموضوع ومره من المرات وهي جالسه تغسل الحوش ورافعه القميص والسيقان طالعه >> مو من زين هالسيقاااااان ويقال لها الحين اغراء جا الاخ محيميد وطبعا يمون ما يحتاج يدق الجرس معه مفتاح للبيت على طول دخل حصيصه انهبلت وصرخت يممممممااااااااااااه محيميد عجز يتحرك هو خاق اصلا وهو ما شاف سيقان ويوم شاف السيقان بغا يتشنج عاد تشجعت هنا وقالت .. حصيصه// اطلع انت ماتستحي البيت فيه حريم وانت داخل طالع على كيفك ؟؟ ودخلت تركض وصكت الباب حق البيت وراها .. ويوم وصلت غرفتها وتفتح الشباك الا محيميد جالس برا عند الباب ومدنق قاعد يفكر .. هنا البنت الضعيفه رحمته .. قالت في نفسها ياربي ليش هاوشته يمكنه يحبني وعشان كذا يسوي كذا يووووه والله اني قسيت عليه ,, ,, ,, هل تفكر حصيصه بمحيميد ؟؟ وهل تعطيه وجه ,, الاجابه و باقي القصه إذا لقيت تفاعل وردود ع سنع [لايمكن مشاهده الصور والروابط الا بعد التسجيل ] المصدر: منتديات لمني بشوق - من قسم: (✿) الضَحَك والفرفشَة |
||||||||||
|
التعديل الأخير تم بواسطة نـ الوجود ـادر ; 11-16-06 الساعة 06:09 PM |
|||||||||||
|
|
11-17-06, 12:44 PM
|
#2 | ||||
 
|
رد: حصه ومحيميد قصه روووووومنسييييييه
اكيد تفكر به البنات مرات يصيرون خبلات هههه
كمل كمل القصه : ) <<<< حجزت مقعد لمتابعة القصه |
||||
|
|
|
11-17-06, 07:47 PM
|
#3 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
..
.. ღمهـ ـره شمـ ـرღ مشكـ ـوره علـ ـي المـ ـرور ، يعطيـ ـكِ ألـ ـف عافيـ ـه وبنتظـ ـر بقيـ ـه الـ ـردود |
||||||||||
|
|
|
11-18-06, 02:18 PM
|
#4 | ||||
|
رد: حصه ومحيميد قصه روووووومنسييييييه
نادر انا عن مليوون كش عليك جاملني وكمل القصه :( |
||||
|
|
|
11-18-06, 02:50 PM
|
#5 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
نكمل القصوووه الملطوووشه لعيون ღمهـ ـره شمـ ـرღ
نزلت من غرفتها تنادي امها // يماااه يمااااه امها // وجععع انشالله وش تبين ياملا العمى اللي يفقع عظامتس<<< كل العيله اخلاقهم تجاريه حصيصه //ابيتس بموضوع .. امها // الباميه مجهزتها برا عالطاوله والدجاجه شوفيها الحين عالنار بس انتبهي لها مابقى عليتس الا كان خوانتس يبون سلطه سويها لهم هاه تبين شي ثاني؟؟ حصيصه // لا ما اظن بس هذا اللي ابيه جت حصيصه للشغاله وقالت لها نور الحين ليش انتي في زواج؟ الشغاله // عشان لازم في يجيب عيال حصيصه //طيب ليش انتي في زواج من هذا النفر اللي اعرستي عليه << عز الله فهمت الشغاله خاصة كلمت (اعرستي) خخخخخخخخ الشغاله //عشان هذا نفر في زواج انا .. حصيصه // قسمن بالله مافهمت شي ..<< (لسا ما وصلت للي تبيه) طيب اسمعي لو هذا نفر زوج مال انتي فيه موت انتي ايش في يسوي؟؟ الشغاله // انا في زوج واحد ثاني .. حصيصه //على تبن .. صح نسيت انتس ماتفهمين وجع قسمن بالله مافيه احد رومنسي حتى انتي يا ذالاندونيسيه طلعت حصيصه من المطبخ وتلقى سويره بالصاله .. حصيصه // سويره قلبي حياتي كلها بسالتس سؤال.. سويره // قسمن بالله ما اخذت شي من اغراضتس عبود اللي سرق الجل عشان بيروح للاستراحه حقت اخوياه وقال لي لاتعلمين بعد .. حصيصه// عبووووووود يا حمااااااااار ياقليل الادب <<<<<<<<< نست سالفة محيميد المهم عدت الايام ويوم عن يوم حصيصه حبت محيميد وصارت ما تستغني عن طاريه جا يوم وانخطبت حصيصه .. امها // حصيصه يا بعد امتس انتي ترا اللي خطبتس رجالن تكانه وعنده فلوس وامه ميته يعني مافيه مشاكل <<< صارت اخلاق الحين حصيصه // يمه مو اهم شي الفلوس .. امها //يووووه جانا شغل الافلام والمسلسلات اهم شي الحب والاخلاق هذا وانا امتس اسمه فقر يعني اللي وجهه وجه فقر يقول اهم شي الحب والاخلاق اقول وخري بس الشرهه مو عليتس بس <<< عربجيه هالام انتي وجهتس وجه فقر وكرف لاتقولين لي احتري عيال عمي من زينهم عاد اكبر مطفرين بهالديره تروحين بكره تغبرين بعبايتس وتقعدين انتي وياه تطرون عند الاشارات .. حصيصه // يمه خلاص هذا انا مابيه وما انتم غاصبيني عليه وانا كيفي وترا قسمن بالله لو تغصبوني عليه راس مالها لاشرب كاس كلوركس ولا اسيد احسن لي .. وطلعت حصيصه لغرفتها تصييييح .. وتقول اكيد ابوي بيرفض عشان محيميد واصلا محيميد اكيد مب ساكت .. عبود يناديها بصوت عالي //حصووووص .. الحصيييي تعالي ابيك.. حصيصه طمرت الا وهي بغرفة عبود يمكن عنده سالفه عن محيميد قال عبود احلى يا حركتات الحين حصيصه بتزوج؟ لا ما اصدق انا احس انك انتي المفروض تروحين تخطبينه مب هو خخخخ حصيصه //الحين مناديني عشان كذا؟؟ عبود // لا حصيصه وهي مبسوطه // وش اجل؟ عبود // قومي سوي لي شاهي مصدع حصيصه // كل تبن والله ما اسوي لك احسب عندك سالفه طلعت حصيصه متضايقه وهي طالعه الدرج نادتها سويره وقالت // حصيصه دريتي عن ولد عمي محيميد ؟؟ حصيصه // لا وش فيه ؟ سويره // يقولون انه منوم بالمستشفى حصيصه // ليش؟؟ وش فييييييييييييييييه وش صاير له؟؟ <<< قلبها طاح من متسانه سويره // مدري بس يمكن اكل شاورما منتهيه ؟؟ حصيصه // طععععع صكت سويره على دمجتها وقالت اقول انطمي بس مسويه ذكيه وخري عني بس سويره // لا لا والله بصراحه انا ادري وش السالفه وباقولتس بس بشرط حصيصه //بشرط ؟؟ ايه طيب تعالي وتمسكها ذيك المسكه اللى طلعت عيونها من مكانهم سويرة // وش تبين وش بتسوين لحظه .. لحظه حصوصه لا حصيصه آه .. حصيصه وشو آآآآآي؟؟ أأأأأأأأأأأأأأأأأأأآآآآآآآآآآآآآآآآآآآآآآآآآآ آ ي خلاص قسمن بالله باتكلم مابي شي خلاص حصيصه // ايه هذا الكلام السنع ماتجون انتم الا بالعين الحمرا يلااا اخلصي وش السالفه؟ سويره // انا كنت جالسه امس بالمجلس عند الرجال وسمعتهم يقولون ان محيميد تهاوش مع واحد وفلقه ومحيميد الحين بالتوقيف والثاني بالمستشفى .. حصيصه // وانتس تو تقولين ان محيميد بالمستشفى ؟؟ سويره // ايه انا يوم كنت اكلمتس قبل شوي كان بالمستشفى بس الحين ودوه للتوقيف حصيصه // ماشالله وانتي الحين مرسله اذنتس هناك تجيب الاخبار اول باول اقول وخري لامحط وجهتس الحين اخليه تقل طماطه منفقعه من الحر مرت الايام وانحاش طبعا العريس الجديد .. وجا يوم المنى يوم الخطبه .. محيميد كاشخ وجالس عند ابو حصيصه .. مستحي .. حصيصه تناظر مع شباك غرفتها فوق تطل عليهم وتقول يارب ابوي يوافق ياربي تكفى خل ابوي يوافق في مجلس الرجال .. محيميد وهو مستحي // شف ياعمي انا باجيبها لك من الآخر انا رجالن ما الف وادور انا ابي حصيصه بنتك .. تبي تزوجنياها الله انه مير يسلمك وان كانك بتعيي قسمن بالله لاخطفها وماتشوفونها ولا لافجر بيتكم عليكم وعليها <<< اخس يالاسلوب ابو حصيصه // والله شف انا باشاور البنت وامها وارد لك خبر انشالله وحنا ماحنا لاقين احسن منك وخبرك عاد المتعوس ماله الا خايب الرجا <<< يعرف يذب محيميد من كثر ماهو مدنق من الحيا غط شماغه بالفنجال حق القهوه عبود // اقول محيميد سمعت انهم يمدحون القهوه على الشماغ المكوي يقولون ازين من النشا محيميد // يوه ما انتبهت .. ابو حصيصه //عبود قم صب لنسيبك فنجال عبود //اخس يالنسيب امس يتتن ويعسل بالقهوه مع الشباب ويلعب بلوت واليوم صار نسيب محترم ! يا نسيب الفلس والله خلني اسكت بس خلوا الطابق مستور محيميد // لعنه يالخايس قسمن بالله لو تقول لعمي شي لاوريك على الاقل انا اوسع صدري بس بحدود مب اربع وعشرين ساعه مطيح بالبحرين والمغرب بغوا يحطونك سفير هناك عبود // هاها ضحكتاااني اجل سفير !! طيب منهو اللي اول مره سافر فيها للبنان رقم المضيفه اللي بالطياره يحسبه وصل للبنان وهو توه بطيارة الخطوط الجويه السعوديه <<< من زين الوجه اول مره يركب طياره بعد محيميد //عبود ترا عمي بيسمعك قسمن بالله لاصكك بالدله الحين بعدين انا عطيتها الرقم عشان لو احتجنا شي نناديها تجيبه ماقصدت شي عبود // طيب ومنهو اللي اول ما ركب دش ديجيتال راح حط عليه شبوك تقل شبوك غنم من الفرحه خايف لاحد يسرقه .. يا شين القراوى بس ماودك انهم يتطورون محيميد // عبييييدوه الدش كنت حاطه عشان قناة المجد عبود // اييييييييييييه قناة المجد اجل كل يوم تسمع نشيد يا طيبه .. << حتى هم يعرفونها طيب ورا قناة المجد خربت صارت تجيب حريم يرقصون ولا تقول لي بعد فيه احد مهكر عالقناه <<< انواع التضييع محيميد // عبود شف تراني ساكت لكن والله لو وصلت معي لاقول لابوك ان السماعه اللي باذنك هذي سماعة بلوتوث مب الضعيف لاعب عليه قايل له انها تقوي السمع نلقاه بكره رايح شاري درزن وموزعها على شياب الحاره <<< بيخربون على اخر اعمارهم وترا مانسيت العام يوم انك تسافر لفرنسا وتقول لابوك باروح الشرقيه والضعيف كل يوم فاتح فعاليات الصيف يحتري يشوفك باحد هالمنتزهات على نياته يا ويلي عنه بس .. لو داري قايل له يروح دزني يشوف البلاوي اللي مهببها هناك الله لا يفضحنا اجل مسوين لكم عرض وش حلاته وانت طايح قزززززز بالرايحه والجايه حتى بغيت ترقم سواق التاكسي اللي وداكم هناك نعنبو ابليسك مافرقت بين رجالهم وحريمهم هعععع عبود // ايه طيب مقهور لانك ما قدرت تروح فرنسا انت حدك شقرا وضرما والمذنب خل عنك فرنسا انت لو تروح هناك ان يحسبونك من المحاربين المغبرين اللي عام 1900 ناسينك عقب فلم <<اخس يالتفكير وين ديجي مستار عنك بس خخخخخخخخخ >> هنا بدت ثقالة الدم للأثنين محيميد// هع مسوي نكوتي !! يوووه كرشي بتنفقع من الضحك اجل انت ناسينك عقب طاش ماطاش ولا عقب عيلة خمس نجوم هع عبود // لا عقب فلونه ولا كابتن ماجد هعين محيميد // لا عقب ماوكلي ثلاث هعات ابو حصيصه //انتم وش بلاكم يلااا اخلص انت وياه اشربوا قهوتكم نبي نتوكل عندنا شغل محيميد وهو ماد فنجاله على عبود // صب لي فنجال عبود // ترا ما صارت انت ووجهك وجه العنز نعنبو ابليسك عشر فناجيل قهوه ما شبعت مركب ببراطمك عوازل انت ؟؟ على الاقل حس بالحراره مب تشفط تقل تشرب عصير هبوووو ياوجهه الملتوي ,, ,, ,, ,, هل توافق حصيصه وامها عليه؟؟ نلتقي بعد الفاصل لنعرف الاجابه خخخخخخخخ |
||||||||||
|
|
|
11-18-06, 04:40 PM
|
#6 | ||||
|
رد: حصه ومحيميد قصه روووووومنسييييييه
هههههههههههههههههههاي اما ترقيم المظيفه شئ ههههه تسلملي ناادر كلك ذوووق . . ولازلت احجز مقعدي في الصف الاول |
||||
|
التعديل الأخير تم بواسطة ღمُهْرَةشَمَرْღ ; 11-18-06 الساعة 04:43 PM |
|||||
|
|
|
11-18-06, 09:00 PM
|
#7 | |||||||
|
رد: حصه ومحيميد قصه روووووومنسييييييه
هههههههههههه وربي فلة كمل يااخي ونحن في الانتظااار [لايمكن مشاهده الصور والروابط الا بعد التسجيل ]
يسلموو يدينك يالغلا |
|||||||
|
|
|
11-19-06, 02:01 AM
|
#8 | ||||||||||
 ![الصورة الرمزية ~][ جــــوووري ][~](image.php?u=4&dateline=1279107934)
|
رد: حصه ومحيميد قصه روووووومنسييييييه
في الانتظاااااااااااار
مره حلوه القصه ننتظر القيه ناادر >>>>>>>>>> عسى مايصير شي ويفركش الخطبه >>>>>>>> دخلت جو جــو جــو |
||||||||||
|
|
|
11-19-06, 08:32 AM
|
#9 | |||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
مشكـ ـورين علـ ـي الـ ـردود والتشجيـ ـع
اقتباس:
نكمـ ـل الجـ ـزء الثالـ ـث ابو حصيصه راح يكلم حصيصه وامها .. وافقوا وجا يوم النظره الشرعيه محيميد جالس بالمجلس ويناظر للباب يبي يشوف كل شي ما يبي يفوته شي منها حصيصه واقفه ورا الباب ترجف تقول لامها يمه مستحيه وش اسوي وش اقول ؟ ام حصيصه: كولي تبن ما تكلمين ولا تقولين شي ولاتعطينه وجه حطي قدامه العصير مب تمدينه عليه حطيه على الطاوله واطلعي على طول مب تخلينه يتمقل فيتس فاهمه؟؟ مابيه يشوف تقويمتس ( تقويم أسنان) نعنبو ذا لخشه لتس ثلاث سنين حاطته ما تعدلت سنونتس كل واحد بجهه تقل متفجره فيهن قنبله نوويه الظاهر باقول للدكتور المره الجايه يحط بالتقويم مغناطيس عشان يتلاصقن حصيصه: طيب واذا قال لي اقعدي باسولف ؟ ام حصيصه: مب قايل هو من يشوف خشتس مب قايل انثبري اخاف هو يقرط بثوبه وينحاش >>انواع التحطيم المهم حصيصه متردده ياربي تدخل ؟؟ لا تعدل شعرها شوي وتجر الخصله على جبهتها عشان تصير جبهتها صغيره .. وتلتفت لأمها يمه راح الروج ؟ ام حصيصه: ماراح انتي ووجهتس تقل فاركةٍ براطمتس بزفلت اخلصي بس ادخلي .. حصيصه: طيب طيب بادخل بس لحظه .. هنا امها دفتها دفه مب صاحيه يقال لها بتكسر حاجز الخوف والحيا .. البنت طراااااخ على وجهها قدام محيميد والعصير انكب على ملابسها .. وعلى الارض .. محيميد انصدم قاعد ساعه يناظر من بيطلع له من ورا الباب الا وفجاه وحده منسدحه قدام الباب على خشتها .. حصيصه قامت ركض ودخلت جوا وانواع الصياح .. حصيصه : يماااااه كله منتس يا ويلي والله فشيله خلاص اصلا انا وجهي مب وجه عرس خلاص تلقونه الحين قاعد يضحك علي واااااااع ام حصيصه: ماعليتس بنقوله هذي الشغاله والله ما يدري << يقال لها رفعت معنوياتها حصيصه : طيب باروح ابدل ملابسي واجي المهم جت مره ثانيه ودخلت عليه وحطت العصير على الطاوله وودها تناظر بس مستحيه هوطبعاماعاقت معه قاعد يقزززز .. ويوم جت تطلع قال لها : لحظه حصوصتي حبيبتي وقفت هي شوي ولا التفتت .قال لها : ماتبين تشوفيني؟؟ قالت هي: لا << سامعه وصية امها قال : طيب انا باغمض وانتي ناظري يلااا بسرعه <<مسوي انه كووول هالدبشه التفتت هي مبسوطه الا هو يناظر قال لها : ههههههههه اخيرا شفت عيونك عاد حصيصه خبركم دفشه ومزحها ثقيل يقال لها بتسوي انها مستحيه قامت اخذت المزهريه اللي على الطاوله وطاااخ بجبهة محيميد عاد هو قال خلني افلها بس ويمسك كاس العصير وبوووم في بطنها <<اخس ماصارت نظره شرعيه صارت هوشه شرعيه المهم مرت الايام واستعدوا للزواج وكل الايام والاوقات وهم ينتظرون ليلة العمر .. محيميد خمس وعشرين ساعه يفكر فيها وحصيصه بالسوق تجهز ماخلت شي ماشرته ومرت الايام وتوالت السنين << عشان أشوقكم وجا يوم المنى .. ليلة الزفاف .. عاد ليلة الزفاف صارت فيها مغامرات واشياااء بالمره حلوه .. المهم بس حبيت احمسكم لان مغامرات ليلة الزفاف بيكون فيها مواقف غريبه وتضحكك .. كولولولولوللييييش .. الف الصلااااااة والسلااااام عليك يا حبيب الله محمد كولولولولولولولولوليييش ..انتهت زفة محيميد وحصيصه نكمل بعدييين,,, <<<< ع باله اسلوب تشوييق |
|||||||||||
|
|
|
11-19-06, 06:48 PM
|
#10 | ||||
|
رد: حصه ومحيميد قصه روووووومنسييييييه
هههههههههاي وربي شئ انواع الرومانسيه بس بدفااشه ههههه ناااااادر تسلم على هالسرد المشووق ولازلنا في انتظاار البقيه |
||||
|
|
|
11-20-06, 03:14 AM
|
#11 | |||||||
|
رد: حصه ومحيميد قصه روووووومنسييييييه
هههههههههههههههههه لاماعليك هالهواش كله اختبار لبعضهم يبون يشوفون هم اصلي ولا تلقيد قبل العرس [لايمكن مشاهده الصور والروابط الا بعد التسجيل ]
يسلمووو ياخي <---- تمون صح |
|||||||
|
|
|
11-20-06, 08:03 AM
|
#12 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
ღمُهْرَةشَمَرْღ & ღأٍُحًٍآسًٍيًٍسًٍ أنًٍثٍىًٍღ
مشكـ ـورين علـ ـي المتابعـ ـه والتشجـ ـيع نكمـ ـل الجـ ـزء الـ ـرابـ ـع عند مدخل الفندق حصيصه نازله من السياره وتمشي مستحيه والفستان طالع من تحت العبايه .. وراسها منتفخ من فوق من التسريحه .. محيميد ناسف بشته على يده ومشخص وماسكها مع يدها ويمشون بيدخلون الفندق .. المدخل كله قزاز .. هع هع .. حصيصه مدنقه (منزله راسها تحت ) والاخ محيميد من قو التشخيصه مغطي على عيونه المرزام حقه هع .. ما انتبهوا للباب وطعععععععععع بالقزاز .. هي وياه .. حصيصه تفرك خشمها آآآي .. محيميد العقال بجهه والغتره بجهه .. محيميد: مقلب حلو خخخخخ تراني متعمد ابيك تضحكين << مسوي نكوتي حصيصه ما ردت عليه ودها تسطره بس مستحيه المهم دخلوا .. فيه شباب جالسين تتحت يسولفون .. يوم شافوا المعاريس قعدوا يصفرون ياهوووووه مبروك يالاخو عقبالنا بس محيميد انواع نظرات الحقد وده يمسطهم بعقاله ويقول لا تناظرون مرتي يا ملا فقع العيون واحد من الشباب شكله رزه ولد نعمه .. جا يمشي .. سلام يالاخو الف مبروك محيميد: هلا الله يبارك فيك .. الولد كشخه مره ومسوي يتميلح .. ومحيميد انواع الغيره قال محيميد: معليش لو سمحت ترانا عرسان اخرتنا وخر بس<<ماعنده وقت الولد: ابد والله بغيت اسلم عليك وابارك لك الولد عيونه على حصيصه بايعها ماعليه من احد >> من شباب الرياض خخخخـ امزح لا تصدقون محيميد: اقول لو سمحت انت حول ولا عيونك تتحرك لا ارادياً ؟؟ الولد: ليش وش فيك ياخي ريلاكس شكلك متوتر >> يصرف محيميد: المهم مشكور يالله وخر لو سمحت الولد: طيب باوخر بس حبيت انبهك ان ثوبك مقلوب هع هع حصيصه: خخخخخخخ بصوت واطي >> ضحكه دلاخه محيميد: لا هو تصميمه كذا >> يصرف هالدلخ الولد: تستهبل انت ووجهك ؟ يلااا سلام واذا احتجت شي ترانا بالغرفه اللي هنا واذا تبي رقمي اكتب عندك 055555 >> ينقال له ذكي محيميد: خلاص لا تكمل ياخي مانبي شي خلاص تفهم انت ولا ماتفهم المهم دخلوا الغرفه حصيصه بتموت من الحيا راحت وجلست على الكنب اللي جنب السرير ومانزلت عبايتها محيميد: وش فيك ترا مافيه احد غريب بس انا نزلي عبايتس يا بعدي يا بعد اخوتس عبود انتي حصيصه ما ردت عليه محيميد: الظاهر تبيني انا اللي انزل العبايه شوفيني وش حلاتي اول ما دخلت الغرفه جدعت البشت والغتره والعقال والطاقيه باوريك خشتي عالطبيعه وباوريك شعري مب عبود لاعب عليك النذل يقول اني فيني بداية صلع هه ناظري >> صلع اللحين بعض الناس يستانسون حصيصه لازالت مدنقه ما تناظر محيميد: طيب طيب .. قرب منها وشال العبايه بسرعه .. حصيصه : آآآآآآآآآآي وجع لويت يدي بغا يطق كوعي محيميد: هههههههههه يازينك وانتي معصبه يالله باقي الغطا شيليه وجع شكلتس يروع تقل عنز بيذبحونها مغطيه راسها وجسمها طالع خخخخخ حصيصه ساكته محيميد: انتي ما ينفع معتس الا القوه بس هع هع شال الغطا بنفس الطريقه بس بدفاشته خخخخخخخ شال الطرحه معه والتسريحه انحاست كلها صار شعرها شووووشه محيميد: ياااااااااااوك يا ويييلي ويلااااااه وش ذا حصيصه متزوج تكرونيه انا؟ الحين انتي وش مستشوره شعرتس فيه متاكده انه باستشوار مب بـ(منفاخ) ؟ ولا بمحرك نفاث هع ؟ خخخخخ<<يقال له بيضحكها حصيصه من القهر قعدت تصيح محيميد: حصيصه وش فيتس يا بعدي؟ حصيصه قلبي امانه زعلتي ترا قسمن بالله امزح انتي بعيوني قمر وبعدين اهم شي الاخلاق مب الشكل انا شايفتس من يوم وانتي صغيره ايام القرنين والشرايط وايام الشلحه الصفرا <<ما يعرف يتغزل حصوصه قلبي والله اني احبس حب ما قد حبه احد والله انس بعيوني ازين من زينب العسكري << ياقدمه الناس تطورت الحين طاحو بروبي ونانسي هع حصيصه ما ردت عليه للحين مستحيه ومقهوره وتصيح والمكياج صار مويه محيميد اخذ غترته وقال: يلااا بلا دلع بس ارفعي راستس بامسح دموعتس هع هع هذاني امسحها بغترتي عشان تدرين اني احبتس ما جبت مناديل قلت امسح دموعها بغترتي واخليها للذكرى حصيصه لازالت مدنقه .. وساكته محيميد: حصيصه تكفين يا عيوني انتي كم لي سنه انتظر هالليله وتخربينها خلينا ننبسط ونسولف تكفين ردي علي قولي لي كل تبن عادي حصيصه: كل تبن << حاقده محيميد ( رافع حاجبه ويناظر بحقد بغا يصفقها ) محيميد بينه وبين نفسه (ما ياكل التبن الا وجهتس يا وجه العنز الملتوي) محيميد لحصيصه: يا زين التبن منتس احلى تبن بالعالم اكل تبن واشرب وراه ديزل وبنزين واسيد وفيفادول لو تبين بس انتي اضحكي وريني سنونتس الزينه (( جا على الجرح هع )) يلاااااا ترا طفشت وانا اكلم نفسي .. محيميد: اممممم طيب ما جعتي؟؟؟ حصيصه مستحيه وجيعانه سااااااااكته .. محيميد: والله شكلي باطلب مطبق يا انا من زمان عنه وش رايتس تبين مطبق؟ حصيصه: لا ابي همبرقر ودي اذوقها ماعمري اكلتها <<الحين عرفت تكلم خخخخخخخخخخ محيميد: لا وش همبرقر يا قليبي مضره هذي مب زينه خل اجيب لتس مشكل فلافل مع كاتشب حصيصه سكتت مقهوره ودها تقول مابي الا همبرقر بس مابغت تزودها محيميد: شوفي جوالي وش رايتس فيه توني شاريه جديد بثلاث الاف ريال فيه كاميرا وفيه تلفزيون وفيه دش تخيلي ؟؟ << بعض الناس ماودكم انه يبالغ حصيصه: يعني تقدر تشوف فيه صور حريم؟ <<تفكير حريم محيميد: لا لا الحريم مشفره الصور يطلع عليها اسود ما يطلع الا صور الرجاجيل بس قهر لو انه يرسل كان ارسلت لتس الحين وسائط بس مفصول <<يبي يعلمها انه فعل الوسائط حصيصه: جوالك استقبال؟ محيميد: ايه بس انا اللي فصلته عشان وانا معتس محد يشغلني عنتس << ما يعرف يصرف محيميد: يلااا عاد سولفي ترا طفشت وانا اسولف وانتي ساكته حصيصه: آآآتشوووووووو <<عطست حصيصه: الحمدلله محيميد: ليش عطستي؟ حصيصه: لا طرشت << الاخلاق صفر من الدلاخـه محيميد: خخخخخخخخ تنكتين انتي ووجهتس انا احسب صاير التماس بالكهرب ومنفجر شي يوم سمعت العطسه محيميد: يلااا ترا قسمن لو ما تسولفين لاقوم ارقد الحين واخليتس حصيصه: طس ارقد ميته عليك انا ؟ << سامعه وصايا امها جا العشا .. محيميد : بسم الله حصيصه ماتحركت من مكانها محيميد: حصيصه تعالي كولي منتي جوعانه؟ حصيصه: لا >> تسوذبه محيميد: طيب ورا بطنس ماغير يصرصر تقل مشغلين وسطه العاب ناريه هههههه حصيصه ساكته ودها تجي تاكل ومستحيه محيميد: كيفك انا باكل وانتي كيفك .. محيميد ياكل وياكل وحصيصه من بعيد تناظر وتقول بينها وبين نفسها .... جعله يغص محيميد: كح كح كح احم احم كحححح مويه مويه وطمر اخذ الكاس وقعد يشرب مويه ويناظر حصيصه انواع نظرات الحقد .. محيميد: حصيصه اذا نفستس بالاكل تعالي تكفين والله ماعندي استعداد اقضي الليله كلها بالحمام ولو ان عينتس حاره ما استبعد يصير لي حادث بكره عشان نفستس بالاكل اللي انا اكله << ماسكه معه مبالغات مدري وش عنده هالدبشه خلٌص محيميد عشا وراح غسل .. قال : حصيصه انتي مو متضايقه من فستانتس الحين؟؟ ياقلبي لو اني لابسه لتجيني حكه من الاشياء والخرز والتركيبات اللي فيه لاقعد احك ظهري بشوكه من الوجع هع << يقال له بيقنعها حصيصه: لا انا كذا مرتاحه محيميد: بس انا كذا مو مرتاح >> انواع اللقافه حصيصه: ياخي وش دخلك انت اللي لابس الفستان ولا انا ؟ محيميد: طيب طيب لا تدفين هذا جزاي خايف عليتس وجع لا تقولين ناويه تنامين فيه بعد؟؟ حصيصه: ايه عندك مانع >> اسلوب عرابجــــه محيميد: ايه حصيصه: وشووووووو خيييييييير محيميد: لا ماقصدي شي خلاص بالطقاق انا بروح انام يلاا تصبحين على خير راح محيميد وطفا النور حصيصه: محيميييييييييد وتبن لاتطفي النور محيميد: تبن يملا فمتس كيفي انا ما احب انام بالنور مب عاجبتس اطلعي حصيصه: طيب باطلع بس شغل النور اول محيميد: والله فيني النوم متعيجز اقوم روحي انتي شغليه حصيصه: فستاني عله صعب اقوم منه محيميد: قايل لتس افصخيه والبس لتس بجامه ولا قميص ولا اي شي مريح >> مسوي ذوووق حصيصه: طيب وين بابدل ملابسي انشالله بالحمام محيميد: يعني افهمها واطلع .. بس حامض على بوزتس منب طالع تبين تبدلين هنا بدلي انا ماني مناظر حصيصه: تدري انت ما ينفع معك شي باروح ابدل برا بالغرفه الثانيه اصرف لي طلعت حصيصه للغرفه الثانيه .. عشان تبدل ملابسها لكن صارت مشكله ..!! الفستان عيا يطلع ضييييق حصيصه: محيمييييييييييييد محيميد طمر الا هو عند الباب : وش فيتس؟؟ حصيصه: فستاني ضيق مقدر انزله محيميد: طيب افتحي لي اساعدتس حصيصه: خيييييير انت تبيها من الله ضف وجهك بس محيميد: اجل ليش مناديتني؟؟ حصيصه: مدري محيميد وش اسوي تكفى؟؟ السحاب مو راضي ينفتح محيميد : طيب تدرين مافيه حل الا تشقينه حصيصه: خير انت وخشتك؟؟ وش اشقه ؟؟ غالي هذا ترا !! تجي تقول لي شقيه! محيميد: اجل وش اسوي فيتس؟؟ اروح انام اصرف لي حصيصه:لا لالالااااا تعال بافتح بس امانه لاتناظر بس افتح لي السحاب وضف وجهك <<طراره وتتشرط خخخخخخ محيميد: ابشري << بيتقطع من الوناسه دخل محيميد وفك لها السحاب طبعا بعد ما جاه طراق على خشته يوم حاول بس يناظر << مب هينه البنت المهم راح محيميد يرقد وحصيصه فيها نوم بس ماتدري وين تنام .. محيميد يشخررررر خخخخخخخخ ششششش خخخخخخخ شششششش zzzzzzzzzz<<< وصف بزران ههههههههههه شوي الا جوال محيميد يرررن .. تناظر حصيصه للرقم ؟؟ رقم مميز بس مو مسجل غريبه منهو؟؟ ترد حصيصه ذبحها الفضول: الووو المتصل بنت صوتها حلو مره وتدلع تقول: هذا جوال محيميد؟ حصيصه صارت كذا [لايمكن مشاهده الصور والروابط الا بعد التسجيل ] ـــــــــــــــــــــــــــــــــ مين المتصل ؟؟ ووش رده فعل حصيصه ؟؟ لنا عودة !! |
||||||||||
|
التعديل الأخير تم بواسطة نـ الوجود ـادر ; 11-20-06 الساعة 08:12 AM |
|||||||||||
|
|
|
11-20-06, 09:01 AM
|
#13 | |||||
|
رد: حصه ومحيميد قصه روووووومنسييييييه
يووووووووووووووووهـ
وين البااقي وقصم قصمات انا منسجم وتقول لنا عوده!! ينعن ام الوناسه والرومنصيه ياشيخ لاهنت اخووي ع القصه بس تكفىى اخلص علينـآ <-- منسجم 9000 لي عودهـ هع <-- مسوي من حقين القصه |
|||||
|
|
|
11-20-06, 07:03 PM
|
#14 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
مجنونـ ـهآ
يعطـ ـيك ألـ ـف عافيـ ـه علـ ـي المـ ـرور إعـ ـلان هـ ـام .. .. نـ ـأسف لإعلامـ ـكم بـ ـأن القصـ ـه ستتوقـ ـف هنـ ـا ونعوضهـ ـا لكـ ـم في قصـ ـه أخـ ـري |
||||||||||
|
|
|
11-20-06, 07:29 PM
|
#15 | ||||
|
رد: حصه ومحيميد قصه روووووومنسييييييه
افا ناادر بعد ما اندمجنا كشش عليك من قلب لا ماانبي نبي هالقصه |
||||
|
|
|
11-20-06, 08:36 PM
|
#16 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
نكمـ ـل القصـ ـه
حصيصه//مين معي؟ البنت// قولي له ريما وهو يعرفني حصيصه// خييير انتي ماتدرين ان اليوم عرسه ؟؟ وبعدين وش تبين فيه ؟؟ البنت// شوفي صراحتن هذا حبيبي قبلك وعرفته وحبيته قبلك وانتي اصلا نصابه لا اليوم عرسه ولا شي مسويه يتقهريني؟؟؟ اقول ناديه بس صرفتي عليحصيصه جتها الصيحه .. بدون شعور راحت ركض لمحيميد وطااااااع صكت الجوال بجبهته محيميد// آآآآآآح وش تبين انتي ؟؟ حصيصه// رد على حبيبة القلب هذاهي داقه والساعه ثنتين باللي بعد !! محيميد// حبيبة القلب !!! محيميد//الو البنت//خخخخخخخخخخخخخخخخخخخخ محيميد حلو المقلب ؟؟ انا سلومي خويكهع اعرف اقلد اصوات بنت وش رايك فيني ؟؟ والله المره صدقت الضعيفهمحيميد//يالكلب يالملعون وش تبي؟؟ حتى بليلة عرسي ؟؟ مزحك زي خشتك الحين وش بيقنعها انك ولد يالحمار؟؟ سلومي//هع ياخي اصلا ماتوقعتك ترد خخخخخخ اجل معرس بليلة عرسه ندق عليه الساعه ثنتين ترد مرته وهو نايم خخخخخخخخخخخخخخخخخخخخخخخخخخخخخخخخخخخ محيميد طلع دخان من راسه قفل السماعه بوجه سلومي وركض على حصيصه محيميد//حصيصه حبيبتي افتحي لي ((مقفله عليها الحمام)) >>دبشه حصيصه//يالحقير ياللعاب ياواطي ماتوقعتك كذا خلاص بكرا طلقني ودني لاهلي اقسم بالله ما اعيش معك لحظه وحده محيميد//طيب خل نتفاهم حصيصه// طيب نتفاهم؟؟ انا اعرف كيف اتفاهم معكفتحت حصيصه الباب ومعها المكنسه وطااااااااااااااااااخ بدمجة محيميد محيميد// آآآآآآآآآآآآآآآآآآآآآآآآخ وجع وقسمن بالله لاوريتس ويقعد يلاحقها من مكان لمكان واخر شي حجر لها بزاويه <<<حشا قطوالمهم اخذ الريموت حق التلفزيون وطااععععع بوووووم جدعه عليها هي وخرت بسرعه وين جا الريموت ؟؟ بالشباك هع الشباك تششششزززسزسشششززسسشززش>>يعني تكسر خخخخخخخخخخخخ محيميد وحصيصه صارت اشكالهم تخوف >>من الدلاخه قالوا // يا ويلنا وش نسويي؟؟؟؟؟ الخلق اللي بالفندق كلهم تجمعوا يطقون الباب .. محيميد //حصيصه وش اسوي؟؟ حصيصه//افتح عادي قل لهم اي شي محيميد// بس حنا عرسان وكاسرين الشباك يا خوفي يفهمون شي ثاني مادروا انا نتهاوش حصيصه//اقول انطم وافتح بسرعه محيميد//منب فاتح والله مافتح اص اص خل نطنش ما كان فيه احد اصصصصص سكتوا شوي وراحو اللي عند الباب محيميد//وش نسوي طيب بالدريشه المكسوره؟ حصيصه// خل نلزقها <<<هع مسطره حشا مب دريشه محيميد//اقول على تبن وش نلزقها ؟؟ شوفي خل نسكر الستاره عشان ماتبين اوكيك؟ حصيصه //خلاص اوكي محيميد//طيب بـــــــــرب حصيصه// وشو؟ محيميد//لا لا غلطت بس باروح الحمام عن اذنك حصيصه//اوكي تـــــيت محيميد// <<<يقول في نفسه طلعت فاهمه>>حركات الشا تراح محيميد للحمام .. طلع محيميد من الحمام .. محيميد//حصيصه باقولك شي حصيصه // وشو؟ محيميد// فيتس نوم؟ حصيصه// لا محيميد//وش رايتس نلعب؟ حصيصه// وش نلعب؟ محيميد//اي شي حصيصه// خل نلعب حبشه محيميد// الحمدلله والشكر بس حبشه ؟؟ حصيصه// اجل وش نلعب ؟؟ كاراتيه؟ <<<دفشه البنت ماعندها شي نعوم محيميد//انا ودي نلعب غميمه وش رايك؟ حصيصه// اوككككككككي محيميد اول شي تخبى بالدولاب حصيصه تدور وتدور وتدور .. يا ربي وين راح؟؟ حصيصه//محيمييييييد وينك ؟؟ حصيصه تناظر تحت التلفزيون .. تحت الكنب .. تحت المخده هع صار فار مب انسان خخخخخخخخ المهم بالاخير لقته هع قامت قفلت باب الدولاب .. حصيصه// هيييييييييييه لقيتك محيميد يرجف الباب افتحي افتحي انكتمت حصيصه//خخخخخخخخخخخخخ وناسه منب فاتحه محيميد يرجف الدولاب عاد الدولاب فاضي من كثر الترجيف بووووووووم طاح على وجهه كل الدولاب حصيصه// يوومااااااااااااااااااااااااه محيميد// يالكلبه قسمن بالله ما اخليتس لاردها .. ويقعد يلاحقها .. حصيصه لقطت عبايتها وركض فتحت الباب وانحاشت محيميد يلاحقها لابس قميص النوم وحصيصه ماخذت غطا بس حاطه العبايه على راسها وماسكتها من قدام بس مطلعه عيونها ورجلينها من تحت طالعه تقل مساويك ورك[لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ][لايمكن مشاهده الصور والروابط الا بعد التسجيل ]وركض بالاسياب والممرات <<<دلوخ ماودكم يروحون لفندق طلع الشاب اللي امس لقاهم اول مادخلو وسلم عليهم .. ونادى محيميد// لو سمحت يالاخووووو ! محيميد//نعم وش تبي؟ الولد// ياخي انت وجهك وجه عرس؟ محيميد// خيييير انت !! اقول كل تبن قاعد العب انا ومرتي غميمه الولد//غميمه !!! اييييه صدقتك !! عموما ياخي استح على وجهك ترى هذا مب وضع !! فاهم محيميد// الحين انت وش دخلك ..؟؟ مقهور؟؟ الولد//هع مقهور؟؟ الحمدلله والشكر بس اقول اذا بغيت شي ترا حنا حاضرين محيميد//قسمن بالله لو ماتسكت بالجوال الحين فاهم ؟؟ ::::::::::::::::::::: نكمل بعدين ^_^ |
||||||||||
|
التعديل الأخير تم بواسطة نـ الوجود ـادر ; 11-21-06 الساعة 01:49 AM |
|||||||||||
|
|
|
11-21-06, 05:14 AM
|
#17 | ||||
|
رد: حصه ومحيميد قصه روووووومنسييييييه
يعطيك العافيه نااادر [لايمكن مشاهده الصور والروابط الا بعد التسجيل ] ولازلت في الانتظاار |
||||
|
|
|
11-21-06, 03:59 PM
|
#18 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
..
.. يعافيـ ـكِ ربـ ـي مهـ ـره شمـ ـر وبعديـ ـن لا تغمـ ـزي بعيونـ ـكِ كثيـ ـر تـ ـرا قلبـ ـي طـ ـاح مـ ـن الغمـ ـزات [لايمكن مشاهده الصور والروابط الا بعد التسجيل ] |
||||||||||
|
|
|
11-21-06, 06:18 PM
|
#19 | ||||
|
رد: حصه ومحيميد قصه روووووومنسييييييه
ناااااااااااااادر [لايمكن مشاهده الصور والروابط الا بعد التسجيل ] . . وين التكمله <<<< مان شافت اسمك قالت اكيد كمل القصه [لايمكن مشاهده الصور والروابط الا بعد التسجيل ] |
||||
|
|
|
11-22-06, 12:02 AM
|
#20 | ||||||||||
|
عضو لم يتم التفعيل
|
رد: حصه ومحيميد قصه روووووومنسييييييه
واخيييرا وصلنا للجزء الأخييير.,,.
رجع محيمد للغرفه هو وحصيصه شوي الا جوالها يدق .. حصيصه ناظرت للرقم ووجههاا تلون محيميد//ردي حصيصه//لا مابي ارد محيميد//ليش؟ من اللييدق؟ حصيصه// مدري محيميد//طيب هاتي ارد انا حصيصه//لا مالهداعي محيميد لعب ابليس بمخه !!!!! محيميد//اقول هاتي الجوال بسرعه حصيصه//لا وش تبي ؟؟ خل يولي رقم غريب ما اعرفه محيميد اخذ الجوال بالقوهورد وهو ساكت .. المتصل// حصيصه هاه سويتي اللي قلت لتس؟ شوفي وانا امتس ماعليتس منه لا تعطينه وجه ولا حتى تكلمينه خلتس ثقيله محيميد// اهااا طيب يمه ام حصيصه// طوط طوط طوط ... قفلت الخط محيميد//حصيصه تقولك امك لاتعطيني وجه .. يعني وش قصدها ؟؟ تحقريني؟؟ هذي اخرتها لهالدرجه انتم ماتبوني شاكية لها مني انتي؟؟ <<< مسوي فلم هندي يبيها ترحمه حصيصه// لاوالله محيميد امي ماقصدها محيميد// عموما خلاص ماتبيني اوكي انا بكرا باوديتس بيت اهلتس والله يستر علي وعليتس وباطلقتس .. حصيصه// لا محيميد لاتقولها لامحيميد تكفى طالبتك لا محيميد// تصبحين على خير وراح نام ______________________________________________ طلع الصبح .. صحت حصيصه وجت تصحي محيميد للصلاه .. حصيصه// محيميد .. محيميد قم الصلاه تاخرت محيميد ما يرد ولا يتحرك حصيصه// محيميد وش فيك ..؟؟ جابت مويه وكبتها على وجهه ولا نفع !!!!!! حصيصه// محيميد رد علي .. محيميد رد .. تخذت يده الا مافيه نبض .. تحط يدها عند خشمه الرجال ما يتنفس !!!!!!!!!!!!!!!!!!!!!!!!! حصيصه//محيميد لااااااا لا .. لااااااااااايومااااااااااااااااااااااه الحقووووووووووووووني جووا اهلها وجابو الاسعاف وتجمعوا الخلق .. ناظرهم الدكتور وقال .. البقى براسكم الرجال مات .. حصيصه انهارت .. حصيصه//لااااااااااا الا محيميد لا لاتقولون انتم نصابين لا محيميديحبني لا محيميد لا تخليني وربي احبببببببك امها تهديها// حصيصه وانا امتس خلاص الرجال راح واللي جابه يجيب غيره <<<كلن على همه حصيصه تبكي وتصارخ ومحيميد اخذوه وغطوا وجهه وانتهت الليله اللي كان ينتظرها بفارغ الصبر مات وهو ما انبسط بحياته مع البنت اللي حلم من وهو صغير فيها وتمناها .. _____ _________________________________________ في هاللحظه .. ام حصيصه// حصيصه حصيصه قومي يلااااا قومي وجع من البارح وانتي نايمه؟؟ حصيصه//هاه ؟؟ يمه وين محيميد ؟؟ مات؟ امها//وش اللي مات الرجال بالتوقيف للحين ما طلع عشان هوشته مع خطيبك الجديد هاه وش قلتي موافقه على الخطبه ولالا؟؟؟؟ حصيصه// لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآ غير محيمد ما ابي والله ما ابي ((محيميد احبك )) هذا كله كان حلم حصيصه بالوقت اللي طلعت فيه لغرفتها تفكر اذا كان ابوها بيوافق عالعريس الجديد ولا لا !! لما انخطبت قبل يخطبها محيميد هاه إن شالله اعجبتكم؟؟ |
||||||||||
|
التعديل الأخير تم بواسطة نـ الوجود ـادر ; 11-22-06 الساعة 08:08 AM سبب آخر: ترجمه بعض الكلمات من اللغه الهنديه للعربيه خخخخخخخخخخخخ |
|||||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| لمني بشوق | منتديات لمني بشوق | مركز تحميل لمني بشوق |
العرض العادي
